Luke5
1มื้อหนึ่งพระเยซูยืนอยู่ริมฝั่งทะเลสาบเยนเนเซเรท และประชาชนหลายเบียดเสียดกันอยู่เพื่อฟังคำสอนของพระองค์2พระองค์เหลียวไปเห็นเรือสองลำที่ซาวประมงจอดถิ่มไว้เถิ่งบก เพื่อสิล้างอวน3พระเยซูจึงขึ้นไปเถิ่งเรือลำหนึ่งของซีโมนเปโตรและบอกให้เปโตรถอยเรือออกไปจักหน่อย แล้วพระองค์กะนั่งลงสอนประชาชนในเรือฮั่น4เมื่อพระองค์สอนเสร็จแล้ว กะเว้ากับซีโมนเปโตรว่า<<ถอยเรือไปหม่องลึกๆพุ่น แล้วเอาอวนลงจับปลา>>5ซีโมนเปโตรตอบว่า <<อาจารย์ครับซุ่มหมู่เฮาลากอวนมาเบิดคืนแล้ว ยังจับอีหยั่งบ่ได้เลย แต่ถ่าอาจารย์บอกให้เฮ็ด ผมกะสิเฮ็ด>>6เมื่อซุ่มเขาเฮ็ดตามที่พระเยซูบอก กะจับปลาได้หลาย จนอวนสิขาด7ซุ่มเขากะเลยเอิ้นหมู่ที่อยู่ในเรือใกล้ๆอีกลำหนึ่งมาช่วยซุ่มเขาได้ปลาเต็มเรือทั้งสองลำ8เมื่อซีโมนเปโตรเห็นจั่งสั่นแล้วกะคุกเข่าลงเว้าว่า<<พระองค์เจ้าข้า ขอพระองค์ไปให้ไกลผู้ข้าเถิดเพราะว่าผู้ข้าเป็นคนบาป>>9ที่เว้าจั่งสั่นเพราะโตเขากับหมู่รู้สึกตกตะลึงที่จับปลาได้หลายขนาด10ยากอบกับยอห์น ลูกซายของเศเบดีที่เป็นหมู่ร่วมงานกับซีโมนกะตกใจคือกัน แล้วพระเยซูกะเว้ากับซีโมนว่า << บ่ต้องย่าน ต่อไปนี้เจ้าสิจับคนแทนจับปลา>>11เมื่อเรือมาฮอดฝั่งแล้ว ซุ่มเขากะสละทุกอย่างแล้วตามพระเยซูไป12ต่อมาเมื่อพระเยซูอยู่ในเมืองหนึ่งหม่องนั้นมีคนเป็นโรคขี้ทูตเต็มโตเขา เมื่อเขาเห็นพระเยซูเขาได้คุกเข่าลงถึงดินเพื่ออ้อนวอนขอให้พระเยซูซ่วยรักษา <<พระองค์เจ้าข้าถ้าเจ้าพอใจสิฮักษาขอทรงซ่วยผุข้าให้เซาจากโรคขี้ทูต>>13พระองค์เลยยื่นมือมาจับโตผู้ชายคนนั้น แล้วพระองค์กะเว้าว่า << ข่อยพอใจในโตเจ้าแล้ว จงเซาเถิด>>แล้วโรคขี้ทูตกะเซา14พระองค์ได้บอกเขาว่าอย่าบอกไผเด้อ <<แต่เจ้าต้องไปบอกผู้นำศาสนาและให้เขาตรวจเบิ่งว่าโรคขี้ทูตเซาแล้ว แล้วเอาเครื่องบูชาไปตามที่โมเสสสั่งเพื่อเป็นหลักฐานว่าเจ้าเซาแล้ว>>15ถึงแม้ว่าพระองค์สิห้ามบ่ให้เขาเว้า แต่ข่าวเกี่ยวกับพระองค์กะแฮงแพร่กระจายออกไป หลายขึ้น ซาวบ้านจำนวนหลายกะพากันมาฟังพระองค์สั่งสอนและได้รับการรักษาให้เซาจากโรคต่างๆ16แต่พระองค์หลบไปหม่องที่เงียบสงบเพื่ออธิษฐาน17แล้วมามื้อหนึ่งขณะที่พระองค์กำลังสั่งสอนอยู่มีหัวหน้าพวกฟาริสีและพวกผู้สอนกฎปฏิบัติที่เดินทางมาจากทุกหมู่บ้านในแคว้นกาลิลีแคว้นยูเดีย และกะเมืองเยรูซาเล็มนั่งอยู่หม่องฮั่นนำ และองค์เจ้าซีวิตให้ฤทธิ์อำนาจกับพระเยซูเพื่อสิรักษาโรคได้18มีบางคนหามคนเป็นอัมพาตที่นอนอยู่เถิ่งเปลมา และพยายามสิเข้าไปในเฮือน เพื่อปลงไว้ต่อหน้าพระเยซู19แต่ซุ่มเขาหาทางเข้าบ่ได้เพราะว่ามีคนหลาย ซุ่มเขาเลยขึ้นไปเถิงหลังคา แล้วหย่อนคนง้อยลงมาตามฮูหลังคา แล้วหย่อนซายผู้นั้นที่นอนเถิ่งเปลลงไปกลางฝูงซนต่อหน้าพระเยซู20เมื่อพระองค์เห็นความเชื่อของซุ่มเขาพระองค์เลยบอกซุ่มเขาว่า หมู่เอ๋ยบาปของเจ้าได้ฮับการยกโทษแล้วเพราะความเชื่อของหมู่เจ้า21ซุ่มพวกผู้นำศาสนาคึดในใจว่า <<ผู้ชายคนนี้เป็นไผคือสิเว้าประมาทพระเจ้าแท้ ไผสิยกบาปได้มีแต่พระเจ้าทอนั้น>>22แต่พระเยซูฮู้ฮอดความคึดของซุ่มเขากะเลยตอบซุ่มเขาไปว่า<<เจ้าคึดแบบนี้เฮาะ>>23ระหว่างเว้าว่า<<บาปของเจ้าได้รับการอภัยแล้ว>>หรือเว้าว่า<<ลุกขึ้นหยาง>> อันใดมันสิง่ายกว่ากัน24แต่เพื่อหมู่เจ้าทั้งหลายสิฮู้ว่า บุตรมนุษย์มีสิทธิอำนาจในโลกที่สิยกโทษบาปได้ >>(พระองค์สั่งคนง่อยว่า ) <<เฮาสั่งเจ้า ว่า จงลุกขึ้นหยกเปลนอนเมือบ้านของเจ้าไป๊>>25ซายคนนั้นกะลุกขึ้นต่อหน้าคนทั้งหลาย หยกเปลนอนที่เขาใซ้นอนเมือบ้านเจ้าของ พร้อมกับฮ้องเพลงสรรเสริญพระเจ้า26คนทั้งหลายกะอัศจรรย์ใจหลายแท้ๆ และได้สรรเสริญพระเจ้า เต็มไปด้วยความย่าน และเว้าว่า<< มื้อนี้เฮาได้พ้อสิ่งอัศจรรย์อีหลี>>27หลังจากนั้น พระองค์ออกไปพ้อคนเก็บภาษีผู้หนึ่งซื่อเลวีนั่งอยู่ด่านภาษี เเล้วพระองค์กะเว้ากับเขาว่า <<จงนำเฮามาเด้อ>>28เขากะสละทุกอย่างทิ่ม ลุกขึ้นนำพระองค์ไป29แล้วเลวีก็จัดงานเลี้ยงใหญ่ให้กับพระเยซูอยู่เฮือนของเขา มีคนเก็บภาษีอยู่เฮือนเขาเป็นจำนวนหลายและมีคนอื่นมาร่วมงานนำ30ซุ่มฟาริสีและครูสอนกฏปฏิบัติ จ่มกับลูกศิษย์ของพระองคว่า <<เป็นสังหมู่เจ้า จั่งได้กินและดื่มกับพวกคนเก็บภาษี ซุ่มนี้เป็นคนบาป>>31พระเยซูกะเว้าตอบไปว่า คนที่สบายดีบ่ต้องการหาหมอ <<แต่คนเจ็บป่วยต้องการหาหมอ>>32เฮาบ่ได้มาเพื่อเอิ้นคนดี แต่มาเพื่อเอิ้นคนบาปให้กับโตกับใจ>>33เจ้าทั้งหลายเว้ากับพระองค์ว่า <<ซุ่มลูกศิษย์ของยอห์นอดกินข้าวอยู่เรื่อยๆ และอธิษฐานเป็นประจำและลูกศิษย์ของผู้นำศาสนากะถือคือกัน แต่ลูกศิษย์ของเจ้ากะคือยังกินอยู่ >>34ส่วนพระเยซูเว้ากับเขาว่า <<เจ้าสิให้หมู่ของเจ้าบ่าวอดข้าวเฮาะ ในเมื่อเจ้าบ่าวกะหยั่งอยู่35แต่สิมีมื้อหนึ่งที่เจ้าบ่าวต้องหนีจากหมู่ไป ในมื้อนั้นหมู่จั่งสิถืออดข้าวได้>>36พระองค์เว้าเรื่องเปรียบเทียบนี้ให้ฟัง <<บ่มีผู้ใดสิซีกเสื้อผ้าใหม่ไปปะเสื้อผ้าเก่าดอก ถ้าเฮ็ดแนวนั้น เสื้อใหม่กะสิขาด และผ้าใหม่กะบ่เข้ากับเสื้อเก่า37บ่มีผู้ได๋เอาน้ำองุ่นหมักใหม่ใส่ในถุงหนังเก่า ถ้าเฮ็ดแนวนี้ เหล้าองุ่นใหม่สิเฮ็ดให้ถุงหนังเก่าแตก เหล้าองุ่นกะสิไหลออกมาเบิด ถุงหนังกะสิพังไป38แต่เหล้าองุ่นหมักใหม่กะต้องใส่ในถุงหนังใหม่ทอนั้น39บ่มีผุ้ได๋กิ๊นเหล้าองุ่นเก่าแล้วหยั่งอยากได้ เหล้าองุ่นหมักใหม่ เพราะเขากะสิเว้าว่า<<ของเก่าของดีกว่า>>
Son Light Foundation