Luke11
1มีทื่อหนึ่งที่พระเยซูอธิษฐานอยู่ในที่แห่งหนึ่ง เมื่ออธิษฐานแล้วลูกศิษย์ผู้หนึ่งกะเข้ามาบอกว่า<<อาจารย์ซ่วยสอนสุมเฮาอธิษฐานแนครับ คือจั่งยอห์นสอนศิษย์ของเขา>>2พระเยซูเว้าว่าเมื่อหมู่เจ้าอธิษฐานให้เว้าจั่งซี้ พระบิดาขอให้ซื่อของพระองค์เป็นที่นับถือเสมอขอให้อาณาจักรของพระองค์มาตั้งอยู่ในโลกนี้3ขอซ่อยให้หมู่เฮามีอาหารกินทุกๆมื้อ4ขอซ่อยยกโทษให้กับความบาปของหมู่เฮาคือหมู่เฮาได้ยกโทษให้กับคนอื่นที่เฮ็ดบาปต่อเฮาแล้วขออย่าให้เฮาแพ้ต่อการทดลอง>>5แล้วพระเยซูเว้าต่อไปว่า<< สมมติว่ามีหมู่มาเยี่ยมเจ้าตอนเที่ยงคืน แต่เฮือนเจ้าบ่มีแนวให้เขากินเลย เจ้ากะไปหาหมู่อีกผู้หนึ่ง แล้วฮ้องเอิ้นหมู่ว่า <<หมู่เอ้ย ขอยืมขนมปังจักสามก้อนแด6พอดีมีหมู่มาเยี่ยม แต่เฮือนเฮาบ่มีหยังให้เขากินเลย7หมู่ผู้นั้นอยู่ในเฮือนฮ้องตอบว่า อย่ามายุ่งข้อยล๊อคเฮือนแล้วเรียบร้อย ข้อยกับลูกๆนอนอยู่บ่อนนอนแล้วสิลุกไปเปิดประตูบ่ใด้แล้ว8เฮาสิบอกให้ฮู้ว่า ถึงแม้เขาสิบ่ได้ลุกขึ้นมาหยิบให้เพราะความเป็นหมู่กัน แต่เขาสิลุกขึ้นมาหยิบให้เจ้าเท่าที่เจ้าอยากได้เพราะเขาทนต่อการตื้อแบบหน้าด้านๆของเจ้าบ่ไหว9ข้อยสิขอบอกให้หมู่เจ้าฮู้ว่า จงขอแล้วสิได้ จงหาแล้วสิพ้อ จงเคาะแล้วสิเปิดให้แก่เจ้า10เพราะทุกคนที่ขอกะสิได้ ทุกคนที่หากะสิพ้อ ทุกคนที่เคาะ ประตูกะสิเปิดให้แก่เจ้า11มีผู้ไผแดในหมู่เจ้าถ้าลูกขอปลาสิให้งูพิษเฮาะ12หรือเมื่อลูกขอไข่ เจ้าสิให้แมงป่องเขาแทนเฮาะ13แม้แต่หมู่เจ้าที่เป็นคนซั่วยังฮู้จักให้ของดีๆให้กับลูกของหมู่เจ้าเลยแล้วพระบิดาเทิงสวรรค์เด๊สิบ่พร้อมให้พระวิญญานบริสุทธิ์แก่ผู้ที่ขอเฮาะ>>14มื้อหนึ่งพระเยซูไล่ผีซั่วออกจากซายผู้หนึ่งที่เป็นใบ้เมื่อผีออกไปแล้วซายผู้นั้นกะเว้าได้ซาวบ้านกะแปลกใจหลาย15แต่บางคนเว้าว่า<<เขาไซ้อำนาจของเบเอลเซบูลหัวหน้าผีขับไล่ผีซั่วนั้นออกไป>>16ลังคนกะเอิ้นให้พระองค์เฮ็ดเรื่องอัศจรรย์ให้เบิ่งเพื่อพิสูจน์ว่าพระองค์เป็นพระเจ้าอีหลี17พระเยซูฮู้ถึงความคึดนั้นจึงตอบไปว่า<<อาณาจักรที่แตกแยกสิถึกทำลายและเฮือนได๋ที่ทะเลาะกันเองกะสิพังพินาศ18ถ้าวิญญานซั่วต่อสู่กับซุมมันเองแล้วอาณาจักรของมันสิตั้งอยู่ได้จั่งได๋หมู่เจ้าหาว่าข้อยไซ้ฤทธิ์อำนาจของเบเอลเซบูลขับไล่ผีซั่วนั้น19และถ้าเฮาไซ้ฤทธิ์อำนาจของเบเอลเซบูลขับไล่ผีซั่วออกฮั่นแล้วหมู่เจ้าไซ้ฤทธิ์อำนาจของไผ๋ขับผีซั่วหั่นละ จั่งซั่นซุมศิษย์ของหมู่เจ้าเองกะพิสูจน์ว่าสิ่งที่หมู่เจ้าเว้าฮอดข้อยนั่นมันผิด20แต่ถ้าข้อยไซ้ฤทธิ์อำนาจของพระเจ้าขับผีซั่วกะแสดงว่าอาณาจักรของพระเจ้ามาฮอดหมู่เจ้าแล้ว21เมื่อมีเจ้าของเฮือนที่เเข็งแรงมีอาวุธครบมือเฝ้าเฮือนอยู่ทรัพย์สินของเขากะปลอดภัย22แต่ถ้ามีคนที่แข็งแรงกว่าบุกเข้ามาเอาชนะเขาและยึดเอาอาวุธที่เขาไซ้ป้องกันโตเมื่อฮอดตอนนั้นสิปล้นเอาทรัพย์สินของเขาไปปันกันได้23คนที่บ่ได้อยู่ฝ่ายเฮากะต่อต้านเฮาและคนที่บ่ได้ซ่อยเฮารวบรวมฝูงแกะกะเป็นคนที่เฮ็ดให้ฝูงแกะกระจัดกระจายไป24เมื่อผีซั่วออกมาจากร่างของผู้หนึ่งแล้วมันกะเร่ร่อนไปตามที่เปลี่ยวแห้งแล้งเพื่อเสาะหาหม่องเซาพัก แต่มันกะหาบ่พ้อ <<มันเลยเว้าว่ากลับไปเฮือนเก่าเฮาที่ออกมาดีกว่า>>25แล้วมันกะกลับไปพ้อว่าเฮือนหลังนั้นถึกเก็บเฮ็ดความสะอาดเรียบร้อย26มันจึงไปซวนผีซั่วฮ้ายกว่ามันอีกเจ็ดโตเข้ามาฮวมกันอยู่เฮือนหลังเก่าสุดท้ายสภาพของของคนนั้นกะเลวร้ายกว่าเก่า>>27เมื่อพระเยซูเว้าเรื่องนี้อยู่กะมีผู้ญิงผู้หนึ่งในฝูงซนฮ้องขึ้นว่า<<คนที่คลอดเจ้ามาและให้เจ้าดูดนมถือว่ามีเกียรติอีหลี>>28แต่พระองค์เว้าว่า<<แม่นแต่คนที่ฟังและเฮ็ดตามถ้อยคำของพระเจ้ากะมีเกียรติกว่า>>29เมื่อมีซาวบ้านมาหลายขึ้นพระเยซูกะเว้าว่า<<คนสมัยนี้ซั่วฮ้ายฮ้องให้เฮ็ดการอัศจรรย์ให้เบิ่ง แต่พอเฮาบ่เฮ็ดให้เบิ่งนอกจากกการอัศจรรย์ของโยนาห์ท่อนั้น30สิ่งที่เกิดขึ้นกับโยนาห์เป็นเรื่องอัศจรรย์ที่พิสูจน์ให้ซาวนีนะเวห์ฮู้ว่าพระเจ้าส่งโยนาห์มาและสิ่งที่สิเกิดขึ้นกับเฮากะสิเป็นเรื่องอัศจรรย์ที่พิสูจน์ให้คนสมัยนี้ฮู้ว่าพระเจ้าส่งบุตรมนุษย์มา31ราชินีแห่งทิศใต้กะคือกันในมื้อตัดสินโทษนางสิลุกขึ้นมาพ้อกับหมู๋เจ้าที่อยู่ในสมัยนี้ และประนามหมู่เจ้าเพราะนางอุตส่าห์เดินทางมาไกลมาจากสุดปลายโลกเพื่อมาฟังคำสอนที่ฉลาดปราดเปรื่องของกษัตริย์ซาโลมอนแต่ตอนนี้สิ่งที่ยิ่งใหญ่กว่ากษัตริย์ซาโลมอนกะอยู่หม่องนี้แล้ว32ในมื้อตัดสินโทษซาวเมืองนีนะเวห์กะสิมาเฮ็ดให้เห็นว่าคนสมัยนี้ผิดคือกันเพราะซาวเมืองนีนะเวห์ได้กลับโตกลับใจแล้วเมื่อฟังคำสอนของโยนาห์และตอนนี้สิ่งที่ยิ่งใหญ่กว่าโยนาห์กะอย่หม่องนี้แล้ว33<<บ่มีไผ๋ดอกที่จึดตะเกียงแล้วเอาไปเสี่ยงไว้ หรือเอาถังครอบไว้มีแต่สิเอาไปตั้งไว้เชิงตะเกียงเพื่อที่สิได้ส่องแสงสว่างให้คนที่เข้ามาให้ห้อง34ดวงตาของเจ้าคือตะเกียงของร่างกายถ้าดวงตาดีทั้งร่างกายกะเต็มไปด้วยแสงสว่างแต่ถ้าดวงตาบ่ดีทั้งร่างกายกะสิมืดมนไป35ระวังโตไว้ให้ดีๆอย่าให้แสงสว่างในโตเจ้าดับมืดไป36ถ้าทังร่างกายของเจ้ามีแสงสว่างเต็มไปเบิ๊ดกะสิบ่มีส่วนได๋มืดเลยเจ้ากะสิสว่างจ้าไปทั้งโตเหมือนกับมีแสงตะเกียงส่องมาให้เจ้า>>37เมื่อพระเยซูเว้าจบแล้วผู้นำซาวยิวผู้หนึ่งซวนพระองค์ไปกินข้าวอยู่เฮือนของเขาเมื่อพระองค์ไปฮอดแล้วกะนั่งกินข้าวนำซุมเขา38ส่วนผู้นำซาวยิวผู้นั้นกะแปลกใจที่พระเยซูบ่ได้ล้างมือตามพิธีก่อนกินแนวกิน39พระองค์บอกว่า<< ซุมผู้นำซาวยิวล้างถ้วยซามแต่ภายนอกท่อนั้นแต่ภายในมีแต่ความโลภและความซั่วฮ้ายเต็มไปเบิ๊ด40ซ่างโง่อีหลี๊ พระเจ้าสร้างทั้งด้านนอกและด้านในบ่แม่นเฮาะ41ถ้าจั่งซั่นกะให้กับคนจนด้วยใจแล้วคุอย่างสิสะอาดบริสุทธิ์สำหรับเจ้า42<<เป็นตะอายอีหลีเจ้าซุมผู้นำซาวยิวเจ้าเคร่งครัดในเรื่องการถวายหนึ่งในสิบให้กับพระเจ้า แม้แต่ใบสาระแหน่ ขมิ้นและผักทุกชนิดกะให้จนครบถ้วน แต่หมู่เจ้ากลับบ่มีความยุติธรรม และบ่มีความฮักให้กับพระเจ้า เจ้าควรสิเฮ็ดสิ่งนี้พร้อมกับการถวายนำ43น่าอายอีหลีซุมผู้นำซาวยิว เจ้าเป็นคนมักนั่งที่มีเกียรติ ให้ที่ประซุมมักให้คนยกมือไหว้ในตลาด44น่าอายอีหลีเจ้าเป็นคือหลุมศพที่บ่ได้เฮ็ดเครื่องหมายไว้คนที่ญ่างเหยียบไปมากะบ่ฮู้โต>>45คนที่เก่งกฎปฎิบัติผู้หนึ่งเว้าว่า <<อาจารย์เว้าจั่งซี้กะเท่ากับว่าดูถูกซุมเฮาด้วย>>46พระเยซูเว้าว่า<< วิบัติแก่ซุมหมู่เจ้า ที่เก่งปฎิบัติกะเป็นตาอยากอายอีหลี เพราะหมู่เจ้าออกกฏที่เป็นภาระหนักอึ้งให้คนอื่นแบกไว้แต่บ่คึดสิซ่อยแม้แต่นิ้วเดียว47วิบัติแก่เจ้าทั้งหลาย น่าอายอีหลีหมู่เจ้าสร้า อนุสาวรีย์สำหรับผู้เว้าแทนพระเจ้า บรรพบุรุษของหมู่เจ้าเป็นคนฆ่า48แสดงว่าหมู่เจ้าเห็นดีกับสิ่งที่ของบรรพบุรุษของเจ้าได้เฮ็ดไป พวกเขาฆ่าหมู่เจ้ากะสร้างอนุสาวรีย์ให้49เพราะจั่งซี้จั่งมีสติปัญญาของพระเจ้าบอกไว้ว่า<<ข้อยสิส่งซุมผู้เว้าแทนพระเจ้าและซุมผู้พิเศษไปให้พวกหมู่เจ้าบางคนกะสิถึกพวกเขาฆ่าลังคนกะสิถึกข่มเหง>>50คนสมัยนี้กะต้องถึกลงโทษสำหรับเลือดของพวกผู้เว้าแทนพระเจ้า คุคนที่ถึกฆ่าตั้งแต่โลกถึกสร้างขึ้นมา51นับจากเลือดของอาแบลฮอดเลือดของเศคาริยาห์ที่ถึกฆ่าตายระหว่างแท่นบูชากับวิหารของพระเจ้าแม่นแล้ว เฮาบอกให้ฮู้ว่า คนสมัยคุมื้อสิต้องถึกลงโทษสำหรับเลือดของพวกนั่นคุคน52วิบัติแก่เจ้า พวกเจ้าที่เก่งกฏปฏิบิติเพราะเจ้าได้เอากุญแจที่สิไขความฮู้ไป แต่โตเจ้าบ่ยอมเข้าไปแล้วยังขัดขวางผู้อื่นบ่ให้เข้าอีกนำ>>53เมื่อพระเยซูออกไปแล้ว ผู้สอนกฏปฏิบัติและซุมผู้นำซาวยิวเริ่มต่อต้านอย่างหนักและซักถามหลายๆเรื่อง อย่างบ่หวังดี54เพื่อคอยจับผิดคำเว้าของพระองค์
Son Light Foundation