Luke23
1หมู่เขาจึงลุกขึ้นพร้อมกั๋นและปาพระองค์ไปหาปีลาต2และตั้งข้อกล่าวหาว่า “เฮาปะว่าคุนนิกำลังเยะหื้อชนชาติของเฮาไขว้เขวและบ่าหื้อส่งส่วยแก่ซีซาร์ และอู้ว่าตัวเก่าปิ่นพระคริสต์กษัตริย์องค์นึง”3ปีลาตถามพระองค์ว่า “เจ้าปิ่นกษัตริย์ของหมู่ยิวกะ?” พระองค์อู้ตอบเขาว่า “กท่านอู้เองแล้ว”4ปีลาตจึงอู้ตวยหมู่หัวหน้าปุโรหิตและหมู่ชนว่า “เฮาบ่าหันว่าคนนิมีความผิด”5แต่หมู่เขายืนกรานว่า “คนุนิยุยงประชาชนหื้อวุ่นวายและสั่งสอนไปตึงยูเดีย ตั้งแต่กาลิลีจุ๋นสุดตีนิ”6ตอนปีลาตได้ยิน ท่านจึงถามว่า “คุนนิปื่นชาวกาลิลีอิ้?”7เมื่อหู้ว่าพระองค์ปิ่นคุนในท้องตีของเฮโรด ท่านก่ส่งพระองค์ไปปะเฮโรดซึ่งอยู่ตีกรุงเยรูซาเล็มในตอนหั้น8ตอนเฮโรดหันพระเยซูก่ดีใจขนาด เพราะท่านเกยได้ยินถึงพระองค์มาเมินแล้ว ท่านไค้อยากอิพระองค์และหวังตีอิได้หันพระองค์ทำหมายสำคัญบ้าง9ท่านก่ถามพระองค์หลายข้อ แต่พระองค์บ่าตอบอะหยังเลย10หมู่มหาปุโรหิตและหมู่ธรรมาจารย์ ก่มาฟ้องแข็งแรงมาก11เฮโรดกับหมู่ทหารของท่านเยะต่อพระองค์อย่างดูหมิ่นเยาะเย้ย เอาเสื้อตีงามยิ่งสวมให้พระองค์ และส่งปิกไปปะปีลาตแหม12ปีลาตกับเฮโรดคืนดีกั๋นในวันหั้น เพราะแต่ก่อนปิ่นศัตรูกัน13ปีลาตก่สั่งหมู่หัวหน้าปุโรหิต หมู่ผู้นำ และประชาชนหื้อประชุมพร้อมกัน14และอู้ตวยหมู่เขาว่า “ท่านปาคุนนิมาปะเฮา อู้หาว่าเขายุยงประชาชน นิกะ เฮาไต่สวนต่อหน้าหมู่ท่านแล้ว และบ่าหันว่าคนนิมีความผิดในข้อตีท่านกล่าวหาเขา15และเฮโรดก่บ่าหันว่าเขามีความผิดตวย เพราะเฮโรดส่งตัวเขา ปิกมาปะเฮาแหม นิกะ คุนนิบ่าได้เยะผิดอะหยังตีสมควรอิมีโทษถึงตาย16เพราะจ่ะอั้นหลังจากตี้เฮาตีเขาแล้วเฮาก่อิปล่อยไป17ท่านต้องปล่อยคุนนึงหื้อหมู่เขาในเทศกาลหั้น18แต่หมู่ชนฮ้องขึ้นพร้อมกันว่าจงเอาคุนนิไปจัดการและปล่อยบารับบัสหื้อเฮา19บารับบัสหั้นติดคุกอยู่เพราะเยะการจราจลในเมืองและฆ่าคน20แต่ปีลาตหั้นยังไค้ปล่อยพระเยซูจึงอู้ตวยหมู่เขาแหมเตือ21แต่เขากลับฮ้องตะโกนว่า เอาไปตึงเอาไป ตึงตีกางเขน22ปีลาตก่ถามหมุ๋เขาปิ่นเตือตีสามว่า “ตรึงเยะใด? เขาเยะผิดอะหยัง? เฮาบ่าปะเหตุผลอะหยังตีเขาสมควรอิตาย เพราะจ่ะอั้นหลังจากตีเฮาเฆี่ยนเขาแล้วก็จะปล่อยไป”23แต่หมู่เขาส่งเสียงดังเร่งรัดหื้อเอาพระเยซูไปตรึง แล้วเสียงของเขาก่ชนะ24ปีลาตก่สั่งหื้อปิ่นไปตามตีหมู่เขาไค้ได้25ท่านก่ปล่อยคุนตีเขาขอหั้น ซึ่งติดคุกเพราะเยะการจลาจลและฆ่าคน แล้วท่านหื้อพระเยซูไว้ตามความไค้ได้ของหมู่เขา26ตอนกำลังปาพระองค์ออกไป หมู่เขาเกณฑ์ซีโมนชาวไซรีนตีมาจากบ้านนอก แล้วเอากางเขนวางบนตัวเขา หื้อแบกตามพระเยซูไป27มีคุนจำนวนหลายตวยพระองค์ไปตวย ตีงหมู่แมยิงตีกำลังทุกข์โศกและคร่ำครวญเพราะพระองค์28พระเยซูหันมาทางหมู่เขาอู้ว่า “ลูกสาวตึงหลายแห่งเยรูซาเล็มเอ๋ย จะไปไห้เอ่นดูเฮาเลย แต่หื้อไห้สงสารตั๋วเก่าและลูกๆ เต๊อะ29เพราะว่าอิมีตอนนึงตีหมู่เขาอิอู้ว่า ‘หมู่แมยิงตีปิ่นหมัน และครรภ์ตีบ่าได้ปฏิสนธิ และเต้านมตีบ่าเกยเลี้ยงลูก กปิ่นสุข’30ในตอนหั้นเขาอิเริ่มอู้ตวยดอยตึงหลายว่า‘จงพังลงมาเต๋งเฮา’และอู้ตวยเนินเขาว่า‘จงปกคลุมเราไว้’31เพราะว่าถ้าเขาเยะจ่ะอิ้ตอนไม้ยังสดอยู่ อะหยังอิเกิดขึ้นตอนไม้แห้งแล้ว?”32มีแหมสองคุนตีปิ่นคุนร้าย ซึ่งเขาปาไปประหารชีวิตตวยพระองค์33ตอนไปถึงสถานตีแห่งนึงตีฮ้องว่ากะโหลกโห เขาก่ตรึงพระองค์ไว้ตีหั้นบนกางเขนตวยคุนร้ายสองคุนหั้น ตางขวาคุนนึงตางซ้ายคุนนึง34พระเยซูอู้ว่า “พระบิดาเจ้าข้า ขอทรงยกโทษหมู่เขาเพราะเขาบ่าหู้ว่ากำลังเยะอะหยัง” แล้วหมู่เขาก่เอาฉลองพระองค์มาจับฉลากปั๋นกัน35ประชาชนก่ยืนผ่ออยู่ หมู่ผู้นำก่เยาะเย้ยพระองค์ด้วยว่า “เขาช่วยคุนอื่นหื้อรอดได้ ก่หื้อเขาจ่วยตั๋วเก่าคุนเดวก่ะ ถ้าหากเขาปิ่นพระคริสต์ของพระเจ้าตีทรงเลือกไว้”36หมู่ทหารก่เยาะเย้ยพระองค์ตวย และเข้ามาเอาเหล้าองุ่นสุ้มหื้อพระองค์37แล้วอู้ว่า “ถ้าเจ้าปิ่นกษัตริย์ของหมู่ยิวก่จงจ่วยตั๋วเก่าหื้อรอดเตอะ”38เหนือพระองค์มีคำจารึกไว้ตวยว่า “คุนนิปิ่นกษัตริย์ของหมู่ยิว”39คุนร้ายคุนนึงตีโดนตรึงไว้จึงอู้ดูถูกพระองค์ว่า “เจ้าปิ่นพระคริสต์บ่าใจ้กะ? จงจ่วยตั๋วเก่ากับเฮาตึงสองหื้อรอดเตอะ”40แต่แหมคุนนึงห้ามปรามเขาว่า “เจ้าบ่าเกรงกลัวพระเจ้าอิ้? เพราะเจ้าก่ถูกลงโทษเหมือนกัน41และเฮาตึงสองก่สมควรกับโทษหั้นแต้ เพราะเฮาได้ฮับผลสมตวยการเยะ แต่ท่านคุนนิบ่าได้เยะผิดอะหยังเลย”42แล้วคนนั้นจึงทูลว่า “พระเยซู ขอพระองค์ทรงระลึกถึงข้าพระองค์เมื่อพระองค์เสด็จเข้าไปในแผ่นดินของพระองค์”43พระเยซูอู้เขาว่า “เฮาบอกความแต้กับท่านว่า วันนี้ท่านตวยอยู่ตวยเฮาในเมืองบรมสุขเกษม”44ตอนหั้นประมาณตอนเที่ยง เกิดมืดมัวทั่วตึงแผ่นดินจนถึงบ่ายสามโมง45ดวงอาทิตย์ก่มืดไป ม่านในพระวิหารก่ปุดตรงกลาง46พระเยซูฮ้องเสียงดังว่า “ข้าแต่พระบิดา ข้าพระองค์ขอฝากจิตวิญญาณของข้าพระองค์ไว้ในพระหัตถ์ของพระองค์” อู้จ่ะอั้นแล้วก็สิ้นพระชนม์47ตอนนายร้อยหันสิ่งตีเกิดขึ้นนิ จึงสรรเสริญพระเจ้าว่า “แต้ๆท่านคุนนิปิ่นคนชอบธรรม”48หมู่ชนตึงหมดตีมาชุมนุมกันเพื่ออิผ่อเหตุการณ์หั้น เมื่อหันแล้วก่ปากั๋นตีอกตั่วเก่า49กุคุนตีหู้จักพระองค์ รวมตึงหมู่แมยิงซึ่งตวยพระองค์มาจากกาลิลี ก่จุกอยู่ตีไกลหันสิ่งหมู่นิ50มีจายคุนนึงจื่อโยเซฟ ท่านปิ่นสมาชิกสภา ปิ่นคุนดีและชอบธรรม51ท่านบ่าได้หันตวยกับมติและการเของสภาหั้น ท่านปิ่นชาวอาริมาเธียก่ปิ่นเมืองของหมู่ยิว และปิ่นคุนตีกอยแผ่นดินของพระเจ้า52จายคุนนิเข้าไปปะปีลาตขอพระศพของพระเยซู53ตอนเขาเอาพระศพลงแล้ว จึงเอาผ้าป่านปันห่อไว้ แล้วนำพระศพไปตำไว้ในอุโมงค์ซึ่งเจาะไว้ในศิลา อุโมงค์หั้นยังไม่เกยตำศพของไผเลย54วันหั้นปิ่นวันจัดเตรียม และใกล้อิถึงวันสะบาโตแล้ว55หมุ่แมยิงตีตวยพระองค์มาจากแคว้นกาลิลีก่ตวยไปและหันอุโมงค์หั้น ตึงหันว่าเขาตำพระศพของพระองค์ไว้จ่ะใดแหม56แล้วหมู่นางก่ปิกไปจัดแจงเครื่องหอมตวยน้ำมันหอมในวันสะบาโตหั้นหมู่เขาก่หยุดพักตามบัญญัติ
Son Light Foundation