มาระโก /2
1เมื่อล้ำไปหลายวัน พระองค์ได่ไปตี้เมืองคาเปอรนาอุมแหม และคนตึงหลายได้ยินว่าพระองค์อยู่ตี้บ้าน2และคนเป่นคนหมู่นักมารวมกันจุ๋นบะมีตี้จะฮับ จะเข้าใกล้ประตูก่บะได่ พระองค์อู้สอนข่าวนั้นหื่อเขาฟัง3แล้วมีคนปาคนง่อยคนนึงมาหาพระองค์ มีสี่คนหาม4เมื่อเขาเข้าไปหื่อถึงพระองค์บะได่เพราะคนนัก เขาเลยเลาะดาดฟ้าหลังคาซื่อตี้พระองค์อยู่หั้น และเมื่อเลาะเป็นจ้องแล้ว เขาก็หย่อนเปตี้คนง่อยนอนอยู่5เมื่อพระเยซูได้หันความเชื่อของเขาตึงหลาย พระองค์เลยอู้กับคนง่อยว่า “ลูกเอ๋ย บาปของเจ้าได้ฮับก๋านยกโต่ดแล้ว”6แต่มีหมู่ธรรมาจารย์บางคนนั่งอยู่ตี้หั้น และเขากึดในใจว่า7“ยะหือคนนิถึงอู้จะอี้ ดูถูกพระเจ้านี่ ไผจะยกความผิดบาปได้เว้นแต่พระเจ้าตะอั้น”8และในตอนนั้น เมื่อพระเยซูหู้ในใจ๋ว่าเขากึดในใจ๋จะอั้น เลยอู้กับเขาว่า “ยะใดท่านตึงหลายถึงกึดจะอี้หละ9ตี้จะว่ากับคนง่อยว่า ‘บาปตึงหมดของเจ้าได้รับก๋านยกโต่ดแล้ว’ และจะว่า ‘หื้อยกเปเดินไปเตอะ’ อั้น ตางใดจะง่ายเหลือกัน10แต่เปื้อท่านตึงหลายจะได้หู้ว่า บุตรมนุษย์มีสิทธิอำนาจในโลกตี้จะโปรดยกความผิดบาปได้” พระองค์เลยอู้คนง่อยว่า11“เฮาสั่งเจ้าว่า หื้อลุกเตอะยกเปไปบ้านของเจ้าเตอะ”12คนง่อยได้ลุกขึ้น แล้วก่ยกเปของตัวเก่าเตวออกไปต่อหน้าคนตึงหลาย คนตึงหลายก่แปลกใจ เลยสรรเสริญพระเจ้าว่า “เฮาบ่าเกยหั้นจะอี้เลย”13ตางพระองค์ได้ไปตามฮิมทะเลสาบแหม หมู่คนก่อมาหาพระองค์ และพระองค์ได้อู้สอนเขา14เมื่อพระองค์กำลังไปหั้น ก่อหั้นจายคนนึงจื่อเลวีลูกอัลเฟอัสนั่งอยู่ตี้ด่านภาษี เลยอู้กับเขาว่า “หื้อตวยเฮามาเตอะ” เขาก็่ลุกขึ้นตวยพระองค์ไป15เมื่อพระองค์กิ๋นอยุ่ตี้พักในเฮือนของเลวี มีหมู่เก็บภาษีและคนบาปแหม่หลายๆคน เปาะกับหมู่พระเยซูกับหมู๋ลูกศิษย์ของพระองค์ เพรามีคนตวยพระองค์ไปนัก16ฝ่ายธรรมาจารย์ ตี้เป็นหมู่ฟาริสี เมื่อหั้นพระองค์ได้กินกับหมู่คนบาปและคนเก็บภาษี เลยถามลูกศิษย์ของพระองค์ว่า “ยะหืออาจารย์ของท่านจึงกิ๋นข้าวตวยกันกับคนเก็บภาษีและคนนอกรีตหละ”17ตอนพระเยซูได้หู้จะอั้น เลยอู้แก่เขาว่า “คนเจ็บต้องการหมอ แต่คนสบายบ่าต้องการ เราบะได่มาเพื่อจะฮ้องคนตี้เห็นว่าตัวชอบธรรม แต่มาฮ้องแหม่คนตี้หมู่ท่านฮ้องว่านอกรีต”18มีหมู่ศิษย์ของยอห์น และหมู่ฟาริสี กะลังถืออดอาหาร ประชาชนจึงมาอู้ถามพระองค์ว่า “ยะหือหมู่ศิษย์ของยอห์น และศิษย์ของหมู่ฟาริสีถืออดอาหาร แต่หมู่ศิษย์ของพระองค์ไม่ถือ”19พระเยซูเลยอู้เขาว่า “ท่านจะหื่อคนหู้จักของเจ้าบ่าวถืออดอาหาร เมื่อเจ้าบ่าวยังอยู่กับเขาจะอั้นก่า เจ้าบ่าวอยู่ด้วยเมินตะใดคนหู้จักก่ถืออดอาหารบ่าได่เมินตะอั้น20แต่วันนึงเจ้าบ่าวจอิต้องจากคนหู้จักไป ในวันนั้นคนหู้จักจะถืออดอาหาร21บ่ามีไผเอาต้อนผ้าถักใหม่มาปะเสื้อเก่า ถ้าเยะจะอั้น ต้อนผ้าถักใหม่ตี้ปะเข้าหั้น เมื่อหดจะเยะหือเสื้อเก่าขปุดกว้างออกไปแหม22และบ่ามีไผเอาน้ำองุ่นหมักใหม่มาใส่ไว้ในถุงหนังเก่า ถ้าเยะจะอั้นน้ำองุ่นหมักใหม่จะทำให้ถุงเก่านั้นปุดไป ตึงน้ำองุ่นและถุงก่จะลุไปตวยกัน แต่น้ำองุ่นหมักใหม่หั้นต้องใส่ไว้ในถุงหนังใหม่”23ในวันสะบาโตวันนึง พระองค์กำลังไปตี้นา และเมื่อหมู่ศิษย์ของพระองค์กำลังเตวไปก่เด็ดรวงข้าวไป24ตางหมู่ฟาริสีก่อถามพระองค์ว่า “ผ่อเต๊อะ ยะหือหมู่ศิษย์ของท่านถึงได้เยะซึ่งต้องห้ามในวันสะบาโต”25พระองค์เลยอู้กับเขาว่า “หมู่สูยังบ่าได้อ่านกา ซึ่งดาวิดได้เยะเมื่อบะมีของกิ๋นและอดอยาก ตึงท่านและหมู่ของท่านตวย26คือตอนตี้อาบีอาธาร์เป่นมหาปุโรหิต ท่านได้เข้าไปในพระนิเวศของพระเจ้า และกิ๋นขนมปังหน้าของพระเจ้า ตี้กฎหมายห้ามบะหือไผกิ๋น เว้นแต่หมู่ปุโรหิตตะอั้น และป๋ายบะปอส่งหือคนตี้มากับท่านกิ๋นตวย”27พระองค์เลยอู้เขาว่า “วันสะบาโตนั้นทรงตั้งไว้เพื่อมนุษย์ บะใจ๋สร้างมนุษย์ไว้สำหรับวันสะบาโต 28จะอั้นบุตรมนุษย์ ปิ๋นเจ้าปิ๋นนายเหนือวันสะบาโตตวย”
Empower Asia Bible Translation Movement