มาระโก /1
1ข่าวดีเรื่องของพระเยซูลูกของพระเจ้าตั้งเก๊าตัดนี่2ในพระปั๊บธรรมอิสยาห์คุนอู้กำพระเจ้ามีเขียนไว้ว่า “เฮาใช้ทูตของเราไปข้างหน้าท่าน คุนนั้นจะเตมตางของท่านไว้3เสียงคุนฮ้องในถิ่นทุรกันดารว่า หื้อเตมตางแห่งพระเป๋นเจ้า หื้อเยะหุนตางของพระองค์หื่อซื่อไป”4ท่านยอห์นคุนหื้อฮับบัพติศมา ก็ได้ปรากฏตัวในถิ่นทุรกันดาร ท่านได้ประกาศหื้อกลับใจเหใหม่ และฮับบัพติศมา เปื่อพระเจ้าจะทรงยกโตดความผิดบาปเห5คุนไคว่แคว้นยูเดียกับจาวเมิงเยรูซาเล็มได้ปากันออกไปหายอห์น สารภาพความผิดบาปของตัวเก่า และได้ฮับบบัพติศมาจากท่านในแม่น้ำจอร์แดน6ยอห์นแต่งโต๋ด้วยผ้าขุนอูฐ และใช้หนังสัตว์มัดเเอว กินจักจั่นและน้ำผึ้งป่า7ท่านเอิ้นว่า “หลังจากเฮาจะมีพระองค์คุนหนึ่งจะมา เปิ้นมีฤทธิ์นักเหลือเฮาแหม ซึ่งเฮาบะสมควรแม้จะกุ้มโต๋ลุงแกะสายเกิบหื้อเปิ้น8เฮาหื้อสูตึงหมดฮับบัพติศมาด้วยน้ำ แต่องค์นั้นจะหื้อสูตึงหมดฮับรับบัพติศมาด้วยพระวิญญาณบริสุทธิ์”9ถัดมาพระเยซูลุกมาจากเมืองนาซาเร็ธแคว้นกาลิลี และได้ฮับบัพติศมาจากยอห์นตี้แม่น้ำจอร์แดน10พอพระองค์ลุกขึ้นมาจากน้ำ ในต๋อนนั้นก็ได้หันต้องฟ้าขวากออก และพระวิญญาณเหมือนนกพิราบลุงมาตี้พระองค์11แล้วมีเสงมาจากฟ้าสวรรค์ว่า “ท่านเป็นลูกตี้ฮักของเฮา เฮาชอบใจท่านขนาด”12ในต๋อนนั้น พระวิญญาณ ก่อเฮ่งพระองค์หื้อเข้าไปตี้ถิ่นทุรกันดาร13และผีสางได้สู้พระองค์อยู่ในฮั่นตึงสี่สิบวัน พระองค์ทรงอยู่ในตี้ของสัตว์ป่า และมีหมู่ทูตสวรรค์มาฮับใจ้พระองค์14เม่อยอห์นโดนยับแล้ว พระเยซูได้ลุกมาตี้แคว้นกาลิลี ได้เทศนาเอิ้นข่าวประเสริฐของพระเจ้า15และอู้ว่า “เวลากำหนดมาแผวแล้ว และแผ่นดินของพระเจ้าก็มาใกล้แล้ว หื้อกลับใจเหใหม่ และเจื้อข่าวประเสริฐเต๊อะ”16ต๋อนตี้พระองค์ลุกไปตามขอบทะเลสาบกาลิลี ก็ผ่อหันจาวประมงสองคุนคือ ซีโมนและอันดรูว์น้องของซีโมน กำลังตอดแหอยู่ตี้ทะเลสาบ17พระเยซูอู้กับเขาว่า “หื้อตวยเรามาเต๊อะ และเฮาจะตั้งท่านหื้อเป็นคุนหาคุนหยั่งหาปลา”18เขาก็ละแหตวยพระองค์ไปต๋อนนั้น19เม่อพระองค์ได้เตวต่อไปหน่อยหนึ่ง ก็ผ่อหันยากอบ ลูกเศเบดีกับยอห์นน้องจายของเขา กำลังยิบอวนอยู่ในเฮือ20ในต๋อนนั้นพระองค์ได้ฮ้องเขา เขาก่อละเศเบดีป้อของเขาไว้ตี้เฮือกับลูกจ้าง และได้ตวยพระองค์ไป21พระองค์กับหมู่ของพระองค์ก่อเข้าไปในเมืองคาเปอรนาอุม และพอถึงวันสะบาโต พระองค์ได้เข้าไปในธรรมศาลาเทศนาสั่งสอน22เขาตึงหมดก็อัศจรรย์ใจ๋ด้วยการสอนของพระองค์ ย้อนว่าพระองค์ได้สั่งสอนเขาด้วยสิทธิอำนาจ บะเหมือนหมู่ธรรมาจารย์23ในต๋อนนั้น มีจายคุนหนึ่งในธรรมศาลาของเขามีผีโสโครกเข้าสิง24มันฮ้องดังว่า “พระเยซูจาวนาซาเร็ธ ท่านมายุ่งกับเฮายะฮือ ท่านมาบุบหมู่เฮากา เฮาฮู้ว่าท่านปิ๋นไผ ท่านปิ๋นองค์บริสุทธิ์ของพระเจ้า”25พระเยซูจึงอู้ห้ามมันว่า “จะไปปาก ออกมาจากเขาเห”26และเมื่อผีโสโครกเยะหื้อคนนั้นจั๊กและฮ้องเสียงดัง แล้วมันก็ออกมาจากเขา27คุนตึงหมดก็แปลกใจขนาดเลยถามกันว่า “อันนิ ปิ๋นจะใดนิ ปิ๋นกำสอนใหม่แน่ ท่านสั่งผีโสโครกด้วยสิทธิอำนาจและมันจำปิ๋นต้องฟัง”28ในต๋อนนั้นเรื่องราวของพระองค์ได้เล่าลือไปไคว่แคว้นกาลิลี29ปอออกมาจากธรรมศาลา พระองค์กับหมู่ของพระองค์จก่อเข้าไปในเฮือนของเปโตรและอันดรูว์ พร้อมกับยากอบและยอห์น30แม่เมของซีโมนนอนบะสบายปิ๋นไข้อยู่ ในต๋อนนั้น เขาได้มาบอกพระองค์หื้อฮู้เรื่องของนางตวย31แล้วพระองค์ก็ได้ไปจับมือนางป๊กขึ้น และตี้บะสบายก่อหาย นางได้ฮับใจ้พระองค์กับหมู่ของพระองค์32ต๋อนแลงวันนั้นเมื่อตะวันตกแล้ว คนตึงหลายปาหมู่คนเจ็บป่วย และคนที่มีผีสิงมาหาพระองค์33และคนหมดเมืองก็แตกตื่นมาจุมกันอยู่ตี้ประตู34พระองค์ก่อได้ฮักษาคนปิ๋นโรคต่างๆหื้อหายหลายคุน และก่อได้ขับผีออกเหหลายผี แต่ผีหมู่นั้นพระองค์ได้ห้ามบะหื้ออู้ เพราะว่ามันฮุ้จักพระองค์35เมื่อเวลาเจ้ามืดพระองค์ได้ลุกขึ้นออกไปยังตี้บ่ามีไผ และก่อได้อธิษฐานตี้หั้น36ตางซีโมนและคนตึงหมดตี้อยู่ตวยกั๋น ก่อตวยหาพระองค์37เมื่อปะแล้วเขาได้อู้ว่า “คนตึงหมดเสาะหาพระองค์”38พระองค์อู้กับเขาว่า “หื้อเฮาตึงหมดไปในตำบลบ้านใกล้ๆ เปื้อเฮาจะได้เอิ้นตี้หั้นตวย ตี้เฮามาก่อเปื่อก๋านนิเอง”39พระองค์ได้ไปเอิ้นประกาศในธรรมศาลาของเขาไคว่แคว้นกาลิลี และได้ไล่ผีออกเหหลายผี40คนขี้ตู๊ดคนหนึ่งมาหาพระองค์ คุกเข่าลุงอู้อ้อนวอนพระองค์ว่า “ขอพระองค์ตี้จะอิ่นดู ก็จะได้เป่นหื้อผุมหายโรคได้”41พระเยซูก่ออิ่นดูเขาได้ยื่นมือถูกคุนนั้น อู้กับเขาว่า “เฮาปึงใจแล้ว หื้อหายเต๊อะ”42ในต๋อนนั้นโรคขี้ตู๊ดก่อหาย และคนนั้นก็สะอาด43ก่อนหื้อเขาไป พระองค์ได้เน้นย้ำคุนนั้น บอกกับเขาว่า44“จะไปบอกเล่าบะหยังหื้อไผฟังเน่อ แต่หื้อไปป๊ะเอาตั๋วเก่าไปหาปุโรหิต และถวายเครื่องบูชาสำหรับคนตี้หายโรคขี้ตู้ดแล้ว ตามตี้โมเสสได้สั่งไว้ เพื่อปิ๋นหลักฐานต่อคนตึงหมดว่าสูหายโรคแล้ว”45แต่คนนั้นเมื่อออกไปแล้ว ก็ตั้งต้นป่าวฮ้องนักขนาด หื้อดังไป จุ๋นพระองค์จะเข้าไปในเมืองแบบเปิดเผยต่อไปไม่ได้ แต่ต้องอยู่ตางนอกในตี้บะมีคุน และมีคนกุ้ตี้กุ้ตำบลมาหาพระองค์
Empower Asia Bible Translation Movement