রুথ3
1সাইয়ুহা রুথকো জুউমে নোওয়ামিহা আকুহিংয়া জাংয়ে, “কা নোকো সাহিং কাং য়োওয়া নাকো সোতা ইচো ওয়া মোপিরোওয়া।2বোওয়াজহা য়োংকো আপনিকো দিংঙারাংগা, হাংসুকো দেইয়াবিহিংপা নাতিহা নিমমে। হিনি লিসুংহা বোওয়াজহা আকো কোলেংতা জৗ পোরোওয়া।3আকো সোতা তি হুমসা চুইতি সুইচা আসা নাকো হানিরোমা এনতাওয়া আংদুং লুমসা কোলেংতা হোতু, আদো আকু চাওয়া-আংওয়া মাত্যইনু চোইপা নাতিহা বোওয়াজকোতা আপনিহিং মাতিংপাগ্যই।4আকু জিংয়াকো হোদাংনুওয়া নাতিহা আকু জিংওয়া জায়গা কাংতে। আকো নোইতাহা হোমসা আকো কোকোই কাটুকো গুইচাওয়া ব্লেংকেট আংদুং তোরোইমসা আউতারাং লেপুই । আত্রংহা নাতিহা হাং জোনেকোমে আকুহা আকুরাং নাতিহিং জাংরোওয়া।”5রুথহা জাংয়ে, “নাতি হাই জাংবা কা আকু জোরোওয়া।”6আত্রংহা আকুহা লেতা কলেংতা হ্যায়ে, আসা আকো জুম্মেকো জাংমেপারাং জোয়ে।7হাত্রং বোওয়াজ চাওয়া-আংওয়া ত্যই, আত্রংহা আকো তুংসিংহা গাগ্রুপা জিংয়ে, আসা অন্না জোমা জোমসা এওয়াকো আবেইতা জিংয়াকো হোয়ে। আত্রংহা রুথহা চেকেপা ওয়াংয়ে, আসা বোওয়াজকো কোকোই কাটুতা নিওয়া গুইচাওয়া আংদুং তোরোইমসা আউতারাং লেয়ে।8লিসুং হাইক্রি জিংপুনসা হেরোমসা ফিনুওয়া বোওয়াজহা ইচো মেমেহিং আপনিকো কোকোই কাটুতা লেদিংওয়া আকুহা তিংয়ে।9আকুহা উইয়ে, “নাতিহা হাংসুগা?”
রুথহা জাংয়ে, “কাহা নাকো ডেইয়ামে রুথ। নাতিহা কুং তোংনাংকো আপনিকো দিংঙাগা, কাহিং কাং–য়োংকো নাকো জিম্মাবারি নিও। লামতুপা জোমসা কাহিং বিয়ৗ জোপি।”10বোওয়াজহা জাংয়ে, “পরমপ্রভুহা নাতিহিংয়া আশিষ পিচাকো। নাতিহা আপনিকো জুম্মেহিং হাসে হাই জোমি নি, আকুরোমা সিওপা ই নুওয়াংতা নাতিহা আপনিকো পরিবারকো তোইতা জেজেংওয়া আসা সম্মান তিংপামি নিও। নাতিহা পুপুউ আসা জোরোংওয়া হানি ওয়াংটেটেংগেওয়া দিংঙাকো নুনুই মাহুইতো।11আসা নেহা ও কুং চেমে, মাচ্ছুংপা য়ুং। নাতি হাই ঘ্যইবা কা জোপিরোওয়া, হাংপাতানাহা নাতিহা তুংসিং নাপোসোরাং এনতাপা নিয়ুং তাওয়া কুং ই শহরকো তাংসা দিংঙাবি সিদা চ্যইনতেওয়া নিও।12কা নাকো আবেইকো আপনিকো দিংঙাগা, আজিপ্পাগা; আদো কারোমারে ন্যাসারাং আবেইকো ইচো মোল তামসা ছুটকারা পিচাওয়া আপনিকো দিংঙা নিও।13হিনি লিসুংহা ইতারাং য়ুংপুই, আসা জুকুং হাপকুং য়দি আকুমি নাকো আবেইকো আপনিকো দিংঙাকো জোনেওয়া কর্তব্য জোনাহা ঠিক নিও, আদো আকুমি রাজি মাতানাহা কা জোরোওয়া। নেহা পরমপ্রভুকো মিংতা নাপোইমসা কা ই জাংরোওয়া। নেহা হাপকুং চোইপা লেপুই।”14আসা বোওয়াজহা জাংয়ে, “কোলেংতা ইচো মেমে নিমগা তামসা হাংসুরে সিদা মোচ্যইকো।” আসা রুথহা আকো কোকোই কাটুতা লেয়ে, আসা হাপকুং হোহোইনু দিংঙা মানাইনুরোমা নাগাই আকুহা লোয়ে।15আত্রংহা বোওয়াজহা জাংয়ে, “নাকো গুইচাওয়া আংদুং য়ুচা।” আকুহা য়ুচায়ে, আসা বোওয়াজহা বিশ কেজি গাংদাং মাগাংদাংপা আকুহিংয়া জৗ বুচুংতা ওইমসা কাইচাপুয়ে। আসা রুথহা লারেয়ে।16আসা রুথহা আপনিকো জুউমেকোতা লেয়ে, আসা নোওয়ামিহা উইয়ে, “ও কুং চেমে, হাং জিংগা?”17আসা আকু দিংঙাকো আপনিকো তোইতা জোওয়া তাংসা নুওয়াং রুথহা ল্যায়ে। আকুহা জাংয়ে, “আকুহা কাহিংয়া বিশ কেজি জৗ পুউপামসা নিংপুয়ে। আকুহা কাহিংয়া কুং জুউমেকো নাগাইতা হাইরে মাতাপা লেকো মিচাতো।”18নোওয়ামিহা জাংয়ে, “রুথ, নেহা নাতিহা তিমেপা য়ুং, বোওয়াজহা আত্রং চোইপা মাসারোওয়া, হাত্রং চোইপা আকো জোনেওয়া কাম পুরা মোজো।”
রুথহা জাংয়ে, “কাহা নাকো ডেইয়ামে রুথ। নাতিহা কুং তোংনাংকো আপনিকো দিংঙাগা, কাহিং কাং–য়োংকো নাকো জিম্মাবারি নিও। লামতুপা জোমসা কাহিং বিয়ৗ জোপি।”10বোওয়াজহা জাংয়ে, “পরমপ্রভুহা নাতিহিংয়া আশিষ পিচাকো। নাতিহা আপনিকো জুম্মেহিং হাসে হাই জোমি নি, আকুরোমা সিওপা ই নুওয়াংতা নাতিহা আপনিকো পরিবারকো তোইতা জেজেংওয়া আসা সম্মান তিংপামি নিও। নাতিহা পুপুউ আসা জোরোংওয়া হানি ওয়াংটেটেংগেওয়া দিংঙাকো নুনুই মাহুইতো।11আসা নেহা ও কুং চেমে, মাচ্ছুংপা য়ুং। নাতি হাই ঘ্যইবা কা জোপিরোওয়া, হাংপাতানাহা নাতিহা তুংসিং নাপোসোরাং এনতাপা নিয়ুং তাওয়া কুং ই শহরকো তাংসা দিংঙাবি সিদা চ্যইনতেওয়া নিও।12কা নাকো আবেইকো আপনিকো দিংঙাগা, আজিপ্পাগা; আদো কারোমারে ন্যাসারাং আবেইকো ইচো মোল তামসা ছুটকারা পিচাওয়া আপনিকো দিংঙা নিও।13হিনি লিসুংহা ইতারাং য়ুংপুই, আসা জুকুং হাপকুং য়দি আকুমি নাকো আবেইকো আপনিকো দিংঙাকো জোনেওয়া কর্তব্য জোনাহা ঠিক নিও, আদো আকুমি রাজি মাতানাহা কা জোরোওয়া। নেহা পরমপ্রভুকো মিংতা নাপোইমসা কা ই জাংরোওয়া। নেহা হাপকুং চোইপা লেপুই।”14আসা বোওয়াজহা জাংয়ে, “কোলেংতা ইচো মেমে নিমগা তামসা হাংসুরে সিদা মোচ্যইকো।” আসা রুথহা আকো কোকোই কাটুতা লেয়ে, আসা হাপকুং হোহোইনু দিংঙা মানাইনুরোমা নাগাই আকুহা লোয়ে।15আত্রংহা বোওয়াজহা জাংয়ে, “নাকো গুইচাওয়া আংদুং য়ুচা।” আকুহা য়ুচায়ে, আসা বোওয়াজহা বিশ কেজি গাংদাং মাগাংদাংপা আকুহিংয়া জৗ বুচুংতা ওইমসা কাইচাপুয়ে। আসা রুথহা লারেয়ে।16আসা রুথহা আপনিকো জুউমেকোতা লেয়ে, আসা নোওয়ামিহা উইয়ে, “ও কুং চেমে, হাং জিংগা?”17আসা আকু দিংঙাকো আপনিকো তোইতা জোওয়া তাংসা নুওয়াং রুথহা ল্যায়ে। আকুহা জাংয়ে, “আকুহা কাহিংয়া বিশ কেজি জৗ পুউপামসা নিংপুয়ে। আকুহা কাহিংয়া কুং জুউমেকো নাগাইতা হাইরে মাতাপা লেকো মিচাতো।”18নোওয়ামিহা জাংয়ে, “রুথ, নেহা নাতিহা তিমেপা য়ুং, বোওয়াজহা আত্রং চোইপা মাসারোওয়া, হাত্রং চোইপা আকো জোনেওয়া কাম পুরা মোজো।”
The Seed Company