রুথ2
1নোওয়ামিকোহা ইচো বোওয়াজ মিং নিওয়া আপনিকো দিংঙা নিমি। নোওয়ামিকো ওয়া এলিমেলেককো প্যাপ্যাম্যামাকো ইচো য়াচা-কেচাওয়া দিংঙা নিমি।2মোওয়াবি রুথহা নোওয়ামিহিংয়া জাংয়ে, “কা নিংয়াংতা হ্যামসা হাংসু কাহিং সিল্লা-পালা য়োচোইকো পিচা, আকো নুনুই নুনুই সিল্লা-পালা মোচোইকো হ্যাপুকো গা?”
নোওয়ামিহা জাংয়ে, “ও কুং চেংমে, তুরোসা! হোপুই।”3আকো সোতা কাংপামবিকো নুনুই নুনুই নিয়াংতা সিল্লা-পালা মোচোইকো রুথহা হোয়ে। আসা রুথহা আকু নিয়াংতা অন্না য়োকো দেকায়ে, হানি এলিমেলেককো প্যাপ্যামাম্যাকো বোওয়াজকো নিয়াং নিমি।4আসা আউতাহা বোওয়াজরে বেথলেহেমসো দেয়োংওয়া নিমি। আকুহা কাম জোমবিহিংয়া নমস্কার জোমসা জাংয়ে, “সেংজাহা নাবিহিংপা নিকো।”
আসা আবিহা জাংয়ে, “সেংজাহা নাতিহিংনে আশিষ পিচাকো।”5আত্রংহা আকুহা কাম জোওয়াবিহিং কাংওয়া ডেইয়াহিং উইয়ে, “ই নামেরি মেমেহা হাংসুগা?”6আকু ডেইয়াহা জাংয়ে, “আকুহা মোওয়াব দেশসো নোওয়ামিহিংপা ওয়াংওয়া মোওয়াবি মেমে।7আকু মেমেহা কাহিংয়া কাম জোমবিকো নুনুই নুনুই সিল্লা-পালা মোচ্যই মুংকো তামসা জাংচায়ে। আকুহা ওয়াংমসা হাপকুং হোহোইনুসো নেচোইপা আম্যই মেংচে সামসা কামরাং জোদিংয়ো।”8আত্রংহা বোওয়াজহা রুথহিংয়া জাংয়ে, “ও কুং চেমে, হিংকে, দোসরা নিয়াংতা হোমসা সিল্লা-পালা মোমোকাগ্যই, তানাংরে মাহ্যাগ্যই, আদো কুং কাম জোওয়া মেমেবিহিংপা ইতারাং মোচোইপুই।9দিংঙাবিকো চ্যাপুনতেওয়াতা কাং, আসা সিল্লা-পালা য়োমবিকো নুনুই নুনুই হুচোই। নাতিহিং মোসুকো তামসা কাহা ই দিংঙাবিহিং আগ্য়া জোপুমতেমি নিও। নাতিমি তি সেকেংপুনাহা হোমসা দিংঙাবিকো মেইপাতেওয়া গাংরুবিকো তি আং।”10আত্রংহা রুথহা আকো য়ুওয়াই লিতা নুউয়ে, আসা চুনুইমসা জাংয়ে, “কা বিদেশীগা তাওয়া গেমসারে নাতিহা কাহিংয়া হাংপা এসেপাকো লামতুপা জোমগা?”11আত্রংহা বোওয়াজহা জাংয়ে, “আপনিকো ওয়া সিপুনুকো নোইতাহা নাতিহা আপনিকো জুউমেকো তোইতা জোওয়া কামবিহা কাহিংয়া দিংঙাবি জাংমি নিও। নাতিহা আপনিকো আপা-আয়ু আসা আপনিকো য়ুংওয়া জায়গাবি হুইতেমসা মানাইওয়া দিংঙাবিকো জায়গাতা ওয়াংয়ো।12সেংজাহা নাকো কামকো ইনামহা নাতিংহিং পিচাকো। হাংসুকো লোদোংকো লিতা য়ুংকো নাতি ওয়াংমিনি, আকো প্রভু ইস্রায়েলকো সেংজারাং নাতিহিংয়া সিওপা ইনাম পিচাকো।”13রুথহা জাংয়ে, “ও উটকেওয়া, কা নাকো ডেইয়ামু মোকোদো নাতিহা আজিপ্পারাং কাহিংয়া তিমেওয়া পিচামি নিও আসা লামতুওয়া নুওয়াং য়্যইমি নিও। কাহা নাকো লামতুওয়া হাত্রংদো মুংকো।”14হাত্রং চাকো সময় জিং, আত্রংহা বোওয়াজহা আকুহিংয়া জাংয়ে, “ইতা ওয়াংমসা হাইক্রি চা, আসা নাকো কোব্রেংহা সির্কাতা বু।”
আত্রং আকুহা কাম জোমবিহিংপা চিত্তা গায়ে, আসা বোওয়াজহা আকুহিংয়া অ্যাংসি চাওয়া-আংওয়াবি পিচায়ে। রুথহা গাইপা চায়ে, আসা অ্যাংসি লাপামসা এহে।15আসা হাত্রং রুথ সিল্লা-পালা য়োংকো লো, আত্রংহা বোওয়াজহা আপনিকো দিংঙাবিহিং এপা জাংমসা আজ্ঞা জোয়ে, “আকুহিংয়া মোইপ্যাবিকো প্যাকো-প্যাকোতারে সিল্লা-পালাবি মোচোইকো পিচা। আকুহিং মেয়েং,16আকুরোমাহা মোইপ্যা চ্যাপুনতেওয়াবিসো নাবিহা আইসি নোপামসা হুতেপিই, আসা আকুহিং মায়েংপা য়োকো পিচা।”17আকো সোতা রুথহা জিরুং চোইপা নিয়াংতা সিল্লা-পালা মোচোইয়ে, আসা হাত্রং আকু মোচোইওয়া সিল্লা-পালাবি পোমসা জমা জো, আত্রংহা দশ কিলো গাংদাং-মাগাদাংপা জিংয়ে।18আসা আকু পুপামসা আকুহা শহরতা লেয়ে, আসা আকো জুম্মেহা আকো মোপামসা পাওয়া উইসে সিল্লা-পালা তিংয়ে। আকো নোইতা রুথহা তাইকো চাদিংওয়া অ্যাংসি লাপামসা এওয়া চাওয়াবিরে নোপামসা আকো জুম্মেহিং পিচায়ে।19আকো জুম্মেহা আকুহিংয়া উইয়ে, “হিনিহা নাতিহা হাংতা সিল্লা-পালা মোকামগা? নাতিহা হাংতা কাম জোংগা? আকু দিংঙাহিংয়া গারানি, হাংসু নাতিহিং লামতুপা জোমসা নাতিহিং কাং-য়োপিমে।”
আকো সোতা আকুহা আপনিকো জুউমেহিংয়া হাংসুকোতা হোমসা কাম জোয়ামমে আকু নুওয়াং ল্যায়ে। রুথহা ন্যাসারাং জাংয়ে, “কা হাংসুকো নিয়াংতা কাম জোকো হো, আকু দিংঙাকো মিংহা বোওয়াজ গুং।”20আত্রংহা নোওয়ামিহা জাংয়ে, “সেংজাহা আকুহিংয়া আশিষ পিচাকো, সেংজাহা সিপুমবি আসা মিশিয়াংওয়াবিহিং লামতুপা জোকোহা ম্যাল্যায়াংতো, হাংপাতানাহা আকু দিংঙাহা য়োংকো আবেইকো আপনিকো দিংঙা দাম তামসা ছুটকারা জোওয়াগা।”21আত্রংহা মোওয়াবি রুথহা জাংয়ে, “আকু ল্যামসা বোওয়াজহা কাহিংয়া তাংসা মোইপ্যাবি চ্যাওয়া মোত্যইনু চোইপা আকো দিংঙাবিহিংপারাং য়োচোইপুকো তামসা জাংয়ে।”22নোওয়ামিহা জাংয়ে, “ও কুং চেমে, আকো কাম জোওয়া নোকোরনি বিহিংপারাং হোকো নাতিহিংয়া এনতাকোদোওয়া, হাংপাতানাহা দোসরাকো নিয়াংতাহা নাতিহিংয়া ছুসুংনেপা জিংকোদোওয়া।”23আকো সোতা আকুহা বোওয়াজকো নোকোরনিবিহিংপা চিত্তা-চিত্তা জৗ আসা গেহুং চ্যাওয়া মোত্যইনু চোইপা সিল্লা-পালা মোচোইওয়াতা য়ুংপুয়ে। আকুহা আপনিকো জুম্মেহিংপারাং চিত্তা য়ুংচাংমি।
নোওয়ামিহা জাংয়ে, “ও কুং চেংমে, তুরোসা! হোপুই।”3আকো সোতা কাংপামবিকো নুনুই নুনুই নিয়াংতা সিল্লা-পালা মোচোইকো রুথহা হোয়ে। আসা রুথহা আকু নিয়াংতা অন্না য়োকো দেকায়ে, হানি এলিমেলেককো প্যাপ্যামাম্যাকো বোওয়াজকো নিয়াং নিমি।4আসা আউতাহা বোওয়াজরে বেথলেহেমসো দেয়োংওয়া নিমি। আকুহা কাম জোমবিহিংয়া নমস্কার জোমসা জাংয়ে, “সেংজাহা নাবিহিংপা নিকো।”
আসা আবিহা জাংয়ে, “সেংজাহা নাতিহিংনে আশিষ পিচাকো।”5আত্রংহা আকুহা কাম জোওয়াবিহিং কাংওয়া ডেইয়াহিং উইয়ে, “ই নামেরি মেমেহা হাংসুগা?”6আকু ডেইয়াহা জাংয়ে, “আকুহা মোওয়াব দেশসো নোওয়ামিহিংপা ওয়াংওয়া মোওয়াবি মেমে।7আকু মেমেহা কাহিংয়া কাম জোমবিকো নুনুই নুনুই সিল্লা-পালা মোচ্যই মুংকো তামসা জাংচায়ে। আকুহা ওয়াংমসা হাপকুং হোহোইনুসো নেচোইপা আম্যই মেংচে সামসা কামরাং জোদিংয়ো।”8আত্রংহা বোওয়াজহা রুথহিংয়া জাংয়ে, “ও কুং চেমে, হিংকে, দোসরা নিয়াংতা হোমসা সিল্লা-পালা মোমোকাগ্যই, তানাংরে মাহ্যাগ্যই, আদো কুং কাম জোওয়া মেমেবিহিংপা ইতারাং মোচোইপুই।9দিংঙাবিকো চ্যাপুনতেওয়াতা কাং, আসা সিল্লা-পালা য়োমবিকো নুনুই নুনুই হুচোই। নাতিহিং মোসুকো তামসা কাহা ই দিংঙাবিহিং আগ্য়া জোপুমতেমি নিও। নাতিমি তি সেকেংপুনাহা হোমসা দিংঙাবিকো মেইপাতেওয়া গাংরুবিকো তি আং।”10আত্রংহা রুথহা আকো য়ুওয়াই লিতা নুউয়ে, আসা চুনুইমসা জাংয়ে, “কা বিদেশীগা তাওয়া গেমসারে নাতিহা কাহিংয়া হাংপা এসেপাকো লামতুপা জোমগা?”11আত্রংহা বোওয়াজহা জাংয়ে, “আপনিকো ওয়া সিপুনুকো নোইতাহা নাতিহা আপনিকো জুউমেকো তোইতা জোওয়া কামবিহা কাহিংয়া দিংঙাবি জাংমি নিও। নাতিহা আপনিকো আপা-আয়ু আসা আপনিকো য়ুংওয়া জায়গাবি হুইতেমসা মানাইওয়া দিংঙাবিকো জায়গাতা ওয়াংয়ো।12সেংজাহা নাকো কামকো ইনামহা নাতিংহিং পিচাকো। হাংসুকো লোদোংকো লিতা য়ুংকো নাতি ওয়াংমিনি, আকো প্রভু ইস্রায়েলকো সেংজারাং নাতিহিংয়া সিওপা ইনাম পিচাকো।”13রুথহা জাংয়ে, “ও উটকেওয়া, কা নাকো ডেইয়ামু মোকোদো নাতিহা আজিপ্পারাং কাহিংয়া তিমেওয়া পিচামি নিও আসা লামতুওয়া নুওয়াং য়্যইমি নিও। কাহা নাকো লামতুওয়া হাত্রংদো মুংকো।”14হাত্রং চাকো সময় জিং, আত্রংহা বোওয়াজহা আকুহিংয়া জাংয়ে, “ইতা ওয়াংমসা হাইক্রি চা, আসা নাকো কোব্রেংহা সির্কাতা বু।”
আত্রং আকুহা কাম জোমবিহিংপা চিত্তা গায়ে, আসা বোওয়াজহা আকুহিংয়া অ্যাংসি চাওয়া-আংওয়াবি পিচায়ে। রুথহা গাইপা চায়ে, আসা অ্যাংসি লাপামসা এহে।15আসা হাত্রং রুথ সিল্লা-পালা য়োংকো লো, আত্রংহা বোওয়াজহা আপনিকো দিংঙাবিহিং এপা জাংমসা আজ্ঞা জোয়ে, “আকুহিংয়া মোইপ্যাবিকো প্যাকো-প্যাকোতারে সিল্লা-পালাবি মোচোইকো পিচা। আকুহিং মেয়েং,16আকুরোমাহা মোইপ্যা চ্যাপুনতেওয়াবিসো নাবিহা আইসি নোপামসা হুতেপিই, আসা আকুহিং মায়েংপা য়োকো পিচা।”17আকো সোতা রুথহা জিরুং চোইপা নিয়াংতা সিল্লা-পালা মোচোইয়ে, আসা হাত্রং আকু মোচোইওয়া সিল্লা-পালাবি পোমসা জমা জো, আত্রংহা দশ কিলো গাংদাং-মাগাদাংপা জিংয়ে।18আসা আকু পুপামসা আকুহা শহরতা লেয়ে, আসা আকো জুম্মেহা আকো মোপামসা পাওয়া উইসে সিল্লা-পালা তিংয়ে। আকো নোইতা রুথহা তাইকো চাদিংওয়া অ্যাংসি লাপামসা এওয়া চাওয়াবিরে নোপামসা আকো জুম্মেহিং পিচায়ে।19আকো জুম্মেহা আকুহিংয়া উইয়ে, “হিনিহা নাতিহা হাংতা সিল্লা-পালা মোকামগা? নাতিহা হাংতা কাম জোংগা? আকু দিংঙাহিংয়া গারানি, হাংসু নাতিহিং লামতুপা জোমসা নাতিহিং কাং-য়োপিমে।”
আকো সোতা আকুহা আপনিকো জুউমেহিংয়া হাংসুকোতা হোমসা কাম জোয়ামমে আকু নুওয়াং ল্যায়ে। রুথহা ন্যাসারাং জাংয়ে, “কা হাংসুকো নিয়াংতা কাম জোকো হো, আকু দিংঙাকো মিংহা বোওয়াজ গুং।”20আত্রংহা নোওয়ামিহা জাংয়ে, “সেংজাহা আকুহিংয়া আশিষ পিচাকো, সেংজাহা সিপুমবি আসা মিশিয়াংওয়াবিহিং লামতুপা জোকোহা ম্যাল্যায়াংতো, হাংপাতানাহা আকু দিংঙাহা য়োংকো আবেইকো আপনিকো দিংঙা দাম তামসা ছুটকারা জোওয়াগা।”21আত্রংহা মোওয়াবি রুথহা জাংয়ে, “আকু ল্যামসা বোওয়াজহা কাহিংয়া তাংসা মোইপ্যাবি চ্যাওয়া মোত্যইনু চোইপা আকো দিংঙাবিহিংপারাং য়োচোইপুকো তামসা জাংয়ে।”22নোওয়ামিহা জাংয়ে, “ও কুং চেমে, আকো কাম জোওয়া নোকোরনি বিহিংপারাং হোকো নাতিহিংয়া এনতাকোদোওয়া, হাংপাতানাহা দোসরাকো নিয়াংতাহা নাতিহিংয়া ছুসুংনেপা জিংকোদোওয়া।”23আকো সোতা আকুহা বোওয়াজকো নোকোরনিবিহিংপা চিত্তা-চিত্তা জৗ আসা গেহুং চ্যাওয়া মোত্যইনু চোইপা সিল্লা-পালা মোচোইওয়াতা য়ুংপুয়ে। আকুহা আপনিকো জুম্মেহিংপারাং চিত্তা য়ুংচাংমি।
The Seed Company