রুথ4
1নেহা বোওয়াজহা শহরকো জোংসুওয়া জায়গাতা হ্যামসা মাটা লাপুং কাটুতা য়ুংয়ায়ে। আসা আম্যই সময়কো নোইতাহা বোওয়াজকো জাংওয়া আকু আবেইকো মোল টামসা ছুটকারা পিচাওয়া আপনিকো দিংঙা আকু ন্যাতা জিংমসা ওয়াংয়ে। বোওয়াজহা আকো মিং চুমসা আকুহিং মোউমসা জাংয়ে, “ইতা ওয়াংমসা গা।” আকুহা ওয়াংমসা গায়ে।2আত্রংহা বোওয়াজহা শহরকো ত্যাচো য়হুদি ওয়ারাংপাবিহিং মোউমসা গাকো জাংয়ে। আসা আবিহা আউতা গায়ে।3আকো নোইতা বোওয়াজহা আকু আবেইকো আপনিকো দিংঙাহিং জাংয়ে, “কাবিকো ডুওয়া এলিমেলেককো অ্যাংতি মোংটোকো বিয়ষতাহা নাতিহা গেমিরাং নিমদোওয়া। মোওয়াবিবিকো লোইসো নোওয়ামিহা লায়োংমি নিও, আসা আকুহা আকু মোংটো পিচাকো কেংদিংয়ো।4ই কুং জ্যাকো ওয়ারাংপাবিকো দোংনাংতা নাতিহা ই চোইচাপুই তামসা নাতিহিংপা ই নুওয়াং জাংকো কাহা নোমি নিও। তোংনাংকো আপনিকো দিংঙাকো কর্তব্য নাতিমি জোনাহা জোপুই, নাতিমি মোজোনাহা কাহিং জাং, আসা কাহিং সিদা চ্যইরোওয়া, হাংপাতানাহা নাকো নোইকো আবেইকো আপনিকো দিংঙাহা কাগা।”
আকুহা জাংয়ে, “তোংনাংকো আপনিকো দিংঙাকো কামহা কা জোরোওয়া।”5আত্রংহা বোওয়াজহা জাংয়ে, “নাতিমি নোওয়ামিকোসো আকু মোংটো চোইচানাহা আকু মোওয়াবি রুথহিনে বিয়ৗ জোনেরোওয়া আকু মোংটো-কেটোবিহা এলিমেলেককো প্যাপ্যা ম্যাম্যাবিহিংপারাং য়ুংরোওয়া।”6দিংঙাহা জাংয়ে, “এপা বেনাহা কা কুং মুংচাকো নিওয়া ল্যাইপুরোওয়া, হাংপাতানাহা কুং চেং চুবিহা আকু লুংদিংকো তোইতা অধিকার মুংচারোওয়া নাতিরাং চোইচাপুই। কাহা মোচোইচারোওয়া।”7নাগাইকো সময়তাহা আবেইকো আপনিকো দিংঙাকো কর্তব্য পুরা জোনুওয়া আসা মোংটো-কেটো মোল টামসা চোইনুওয়া কিতা সোচানুওয়া, পিচাওয়া দিংঙাহা আপনিকো জুত্তা লুমসা চোইচাওয়া দিংঙাহিং পিচানেওয়া লিংপাং নিমগা। ইস্রাইলতা পক্কা জোওয়া লিংপাংহা এপারাং নিমগা।8আকো সোতা আকু আবেইকো আপনিকো দিংঙাহা বোওয়াজহিং জাংয়ে, “নাতিহা আপনিকো সোতা আকু চোইচাপুই।” আসা আকুহা আপনিকো জুত্তা লুউয়ে।9আত্রং বোওয়াজহা আকু তাংজিকো উটকেওয়াবি আসা দোসরা তাংসা দিংঙাবিহিং জাংয়ে, “কাহা হিনিকো দিনতাহা এলিমেলেক আসা মহলোন আসা কিল্য়োনকো হাসে হাই নিবা, আকু তাংসা নোওয়ামিকো খুইসো চোইচাওয়া নুওয়াংতা নাবি সাক্ছি নিও।10ই ল্যাইমসা মোওযাবি রুথ মহলোনকো মুংরিংহা কুং মে জিংরোওয়া। আকো সোতা সিপুওয়াকো প্যাপ্যাম্যাম্যাহিংপা আকো পুংজিবি য়ুংরোওয়া আসা আকো আপনিকো শহরতা আকো সন্তানহা হাত্রংদো য়ুংরোওয়া। হিনিহা নাবিহা ই তাংসা নুওয়োংকো সাক্ছি নিও।”11আত্রংহা য়হুদি ওয়ারাংপাবি আসা শহরকো লাপুংতা জমা জিংসুমবিহা তাংসা জাংসুয়ে, “কাবি সাক্ছি নিও। নাকো সাতা ওয়াংওয়া ই মেমেহিংয়া পরমপ্রভুহা ইস্রাইলকো প্যাপাম্যামাহিং বেইপাওয়া রায়েল আসা লেয়াহিং ত্যাবাপা বানাইকো। এপ্রাতাতা নাতিহা য়াচাকেচাওয়া জিংকো, আসা বেথলেহেমতা নাকো মিং টেবো জিংকো নিকো।12আসা পরমপ্রভুহা ই নামেরি মেমেকোসো কেওয়া চেংকো প্যাপাম্যামাহিংয়া, তামারহা য়হুদাকোসো চেংপাওয়া চেংওয়া ফারেসকো প্যাপাম্যামা ত্যাবাপা জিংকো।”13এপারাং বোওয়াজহা রুথহিং পুরাচায়ে, আসা আকুহিং আপনিকো মে বানাইচপুয়ে। আসা হাত্রং আবি আপনিকো ন্যাগুতা চিত্তা জিংসু, আত্রংহা পরমপ্রভুকো লামতুওয়াসো আকুহা ফেমাতা চেং মুংচায়ে, আসা আকুহা ইচো চেংওয়া কেয়ে।14আত্রংহা মেমেবিহা নোওয়ামিহিংয়া জাংসুয়ে, “গারানি! পরমপ্রভুহা, হাংপাতানাহা হিনিহা আকুহা নাতিহিংয়া ইচো আবেইকো আপনিকো দিংঙা মাতাপা ম্যাল্যাইতো। ই পোজাকো মিংহা ইস্রাইলতা টেবো নিকো।15ই আপেহা নাতিহিং চুবে সাদি পিচাওয়া আসা নাতি মেরেংপুনুহা নাতিহিং কাং-য়োওয়া জিংরোওয়া, হাংপাতানাহা নীচো চেংওয়ারোমাহা এনতাপা নিওয়া, নাতিহিং জেজেংপা জোওয়া নামাহা ই চেংহিং চেংপামগা।”16নোওয়ামিহা আকু চেংহিং কোংমসা নুইতা এহে আসা আকুহা চেংহিংয়া য়ারাপায়ে।17আকো সাবেইকো মেমেবিহা জাংসুয়ে, “নোওয়ামিকোহা ইচো চেংওয়া জিংয়ে।” আসা আবিহা আকু আপেকো মিংহা অবেদ এপিয়ে। আকুরাং নোইতাহা ইসাইকো আপা আসা দাউদকো আটা জিংপুয়ে।18ফারেসকো প্যাপাম্যামাবিহা ইবিরাংগা: ফারেসহা হেসরোনকো আপা জিংপুয়ে।19হেসরোনহা রামকো আপা জিংপুয়ে। আরামহা অম্মিনাদাবকো আপা জিংপুয়ে।20অম্মিনাদাবহা নহশোনকো আপা জিংপুয়ে। নহশোনহা সল্মোনকো আপা জিংপুয়ে।21সল্মোনহা বোওয়াজকো আপা জিংপুয়ে। বোওয়াজহা আবেতকো আপা জিংপুয়ে।22আবেতহা যিশৗকো আপা জিংপুয়ে। যিশৗহা দাউদকো আপা জিংপুয়ে।
আকুহা জাংয়ে, “তোংনাংকো আপনিকো দিংঙাকো কামহা কা জোরোওয়া।”5আত্রংহা বোওয়াজহা জাংয়ে, “নাতিমি নোওয়ামিকোসো আকু মোংটো চোইচানাহা আকু মোওয়াবি রুথহিনে বিয়ৗ জোনেরোওয়া আকু মোংটো-কেটোবিহা এলিমেলেককো প্যাপ্যা ম্যাম্যাবিহিংপারাং য়ুংরোওয়া।”6দিংঙাহা জাংয়ে, “এপা বেনাহা কা কুং মুংচাকো নিওয়া ল্যাইপুরোওয়া, হাংপাতানাহা কুং চেং চুবিহা আকু লুংদিংকো তোইতা অধিকার মুংচারোওয়া নাতিরাং চোইচাপুই। কাহা মোচোইচারোওয়া।”7নাগাইকো সময়তাহা আবেইকো আপনিকো দিংঙাকো কর্তব্য পুরা জোনুওয়া আসা মোংটো-কেটো মোল টামসা চোইনুওয়া কিতা সোচানুওয়া, পিচাওয়া দিংঙাহা আপনিকো জুত্তা লুমসা চোইচাওয়া দিংঙাহিং পিচানেওয়া লিংপাং নিমগা। ইস্রাইলতা পক্কা জোওয়া লিংপাংহা এপারাং নিমগা।8আকো সোতা আকু আবেইকো আপনিকো দিংঙাহা বোওয়াজহিং জাংয়ে, “নাতিহা আপনিকো সোতা আকু চোইচাপুই।” আসা আকুহা আপনিকো জুত্তা লুউয়ে।9আত্রং বোওয়াজহা আকু তাংজিকো উটকেওয়াবি আসা দোসরা তাংসা দিংঙাবিহিং জাংয়ে, “কাহা হিনিকো দিনতাহা এলিমেলেক আসা মহলোন আসা কিল্য়োনকো হাসে হাই নিবা, আকু তাংসা নোওয়ামিকো খুইসো চোইচাওয়া নুওয়াংতা নাবি সাক্ছি নিও।10ই ল্যাইমসা মোওযাবি রুথ মহলোনকো মুংরিংহা কুং মে জিংরোওয়া। আকো সোতা সিপুওয়াকো প্যাপ্যাম্যাম্যাহিংপা আকো পুংজিবি য়ুংরোওয়া আসা আকো আপনিকো শহরতা আকো সন্তানহা হাত্রংদো য়ুংরোওয়া। হিনিহা নাবিহা ই তাংসা নুওয়োংকো সাক্ছি নিও।”11আত্রংহা য়হুদি ওয়ারাংপাবি আসা শহরকো লাপুংতা জমা জিংসুমবিহা তাংসা জাংসুয়ে, “কাবি সাক্ছি নিও। নাকো সাতা ওয়াংওয়া ই মেমেহিংয়া পরমপ্রভুহা ইস্রাইলকো প্যাপাম্যামাহিং বেইপাওয়া রায়েল আসা লেয়াহিং ত্যাবাপা বানাইকো। এপ্রাতাতা নাতিহা য়াচাকেচাওয়া জিংকো, আসা বেথলেহেমতা নাকো মিং টেবো জিংকো নিকো।12আসা পরমপ্রভুহা ই নামেরি মেমেকোসো কেওয়া চেংকো প্যাপাম্যামাহিংয়া, তামারহা য়হুদাকোসো চেংপাওয়া চেংওয়া ফারেসকো প্যাপাম্যামা ত্যাবাপা জিংকো।”13এপারাং বোওয়াজহা রুথহিং পুরাচায়ে, আসা আকুহিং আপনিকো মে বানাইচপুয়ে। আসা হাত্রং আবি আপনিকো ন্যাগুতা চিত্তা জিংসু, আত্রংহা পরমপ্রভুকো লামতুওয়াসো আকুহা ফেমাতা চেং মুংচায়ে, আসা আকুহা ইচো চেংওয়া কেয়ে।14আত্রংহা মেমেবিহা নোওয়ামিহিংয়া জাংসুয়ে, “গারানি! পরমপ্রভুহা, হাংপাতানাহা হিনিহা আকুহা নাতিহিংয়া ইচো আবেইকো আপনিকো দিংঙা মাতাপা ম্যাল্যাইতো। ই পোজাকো মিংহা ইস্রাইলতা টেবো নিকো।15ই আপেহা নাতিহিং চুবে সাদি পিচাওয়া আসা নাতি মেরেংপুনুহা নাতিহিং কাং-য়োওয়া জিংরোওয়া, হাংপাতানাহা নীচো চেংওয়ারোমাহা এনতাপা নিওয়া, নাতিহিং জেজেংপা জোওয়া নামাহা ই চেংহিং চেংপামগা।”16নোওয়ামিহা আকু চেংহিং কোংমসা নুইতা এহে আসা আকুহা চেংহিংয়া য়ারাপায়ে।17আকো সাবেইকো মেমেবিহা জাংসুয়ে, “নোওয়ামিকোহা ইচো চেংওয়া জিংয়ে।” আসা আবিহা আকু আপেকো মিংহা অবেদ এপিয়ে। আকুরাং নোইতাহা ইসাইকো আপা আসা দাউদকো আটা জিংপুয়ে।18ফারেসকো প্যাপাম্যামাবিহা ইবিরাংগা: ফারেসহা হেসরোনকো আপা জিংপুয়ে।19হেসরোনহা রামকো আপা জিংপুয়ে। আরামহা অম্মিনাদাবকো আপা জিংপুয়ে।20অম্মিনাদাবহা নহশোনকো আপা জিংপুয়ে। নহশোনহা সল্মোনকো আপা জিংপুয়ে।21সল্মোনহা বোওয়াজকো আপা জিংপুয়ে। বোওয়াজহা আবেতকো আপা জিংপুয়ে।22আবেতহা যিশৗকো আপা জিংপুয়ে। যিশৗহা দাউদকো আপা জিংপুয়ে।
The Seed Company