রুথ1
1নাগাইকো ন্যায়কর্তাবিকো সময়তাহা দেশতা আনিকাল জিংপুয়ে, আসা য়হুদাকো বেথলেহেম লোইসোহা ইচো দিংঙা আপনিকো মে আসা নিসো চেংওয়াবিহিং পারামসা মোওয়াবিবিকো দেশতা অ্যাইংসি সময়কো সোতা য়ুংকো লেয়ে।2আকু দিংঙাকো মিংহা এলিমেলেক নিমি। আকো মেকো মিংহা নোওয়ামি আসা আকো নিসো চেংওয়াবিকো মিংহা মহলোন আসা কিল্য়োন নিমি। আবিহা য়হুদাকো বেথলেহেম এপ্রাতি জিরিকো নিমগা। আবিহা মোওয়াবিবিকো দেশতা হোয়ে আসা আউতারাং য়ুংপুয়ে।3নোওয়ামিকো ওয়া এলিমেলেকহা সিপুয়ে, আসা আকুহা আপনিকো নিসো চেংওয়াবিহিংপা ল্যইতেহে।4ই চেংওয়াবিহা মোওয়াবি জ্যাকো মেমেবিহিং বিয়ৗ জোয়ে। ইচোকো মিংহা অর্পা আসা দোসরাকো মিংহা রুথ নিমি। আবিহা লক-ভক লো ত্যানিং চোইপা আউতা য়ুংপুনতেনুকো নোইতাহা5নিসোসারাং মহলোন আসা কিল্য়োনরে সিপুয়ে। এপারাং নোওয়ামিহা আপনিকো নিসো চেংওয়াবি আসা আপনিকো ওয়াহিংপারে ওয়েসপুয়ে। নোওয়ামি আসা রুথ6সেংজাহা আপনিকো দিংঙাবিহিং কাং-য়োমসা আবিহিং চাওয়া-আংওয়াবি পিচামি নিও তাওয়া নুওয়াংহা হাত্রং আকু মোওয়াব দেশতা হিং, আত্রংহা নোওয়ামি আসা আকো নামাবিহা আউসো সাতা লাকাকো তৈয়ার জোদাংয়ে।7আত্রংহা আপনিকো নিসো নামাবিহিং চিত্তা পুরামসা আপনিকো য়ুংওয়া জায়গাহিংয়া হুতেমসা আকুহা আপনিকো সাতা য়হুদাতা হোদাংয়ে।8আত্রংহা নোওয়ামিহা আপনিকো নিসো নামাহিংয়া জাংয়ে, “নাবিহা নিসোসা আপনিকো পামিবিকো সাতা লাকাপুই। হেপা নাবি আকু সিপুনতেওয়াবিহিং আসা কুং তোইতা লামতুপা জোমি নিমমে, এপারাং পরমপ্রভুরে নাবিকো তোইতা লামতুওয়া ব্যবহার জোকো,9আসা আকুহা নাবি নিসোহিংসা নাবিকো আপনি আপনিকো ভবিষ্যকো ওয়াকো সাতা এনতাপা একো।”
আসা আকুহা আবিহিংয়া চুম্মন জোয়ে, আসা আবিহা চিলিং-চিলিংমসা কাইসুয়ে।10আকো নোইতা আবিহা নোওয়ামিহিংয়া জাংয়ে, “কাবিহা নাকো দিংঙাবিকোতা নাতিহিংপারাং হোপুরো।”11আদো নোওয়ামিহা জাংয়ে, “ও কুং চেমেবাই, লাকাপুই, নাবিহা কাহিংপা হাংপা হোকোগা? নাবিকো ওয়া বানাইকো কা ন্যাসারাং চেংওয়াবি কেকো ছুকোগাসা?12লাকাপুই, ও কুং চেমেবাই, নাবিহা হোপুই, হাংপাতানাহা ন্যাসারাং বিয়ৗ জোকোহা কাহা মেরেংপুনতেও। চেং মুংকো ন্যাসারাং আশা জোদো, আসা কাহা হিনি লিশুংরাং বিয়ৗ জোমসা চেংওয়াবি মুংচাদো13আবি ডেনু চোইপা নাবিহা খুইকোগা? নাবিহা বিয়ৗ মোজোপা য়ুংকোগা? মোকোমি, মোকোমি, ও কুং চেমেবাই, পরমপ্রভুহা কুং বিরোধতা নিওয়াকো সোতা কুং দুখোহা নাবিকোরোমা সিওপা নিও।”14আত্রংহা আবিহা ন্যাসারাং চিলিং-চিলিংমসা কাইসুয়ে। আকো নোইতাহা অর্পাহা আপনিকো জুমেহিং চুম্মন জোমসা আপনিকো দিংঙাবিকোতা লাকাপুয়ে, আদো রুথহা জুম্মেহিংয়া ম্যাল্যাতেতো।15আত্রংহা নোওয়ামিহা জাংয়ে, “কাংকে, নাকো ওয়াকো একো মেহা আপনিকো দিংঙাবি আসা আপনিকো চোইসুংবিকোতা লাকাপুয়ে। নাতিরে আকুহিংপারাং লাকাপুই।”16আদো রুথহা জাংয়ে, “কাহিংয়া লাকামসা হোকো আসা নাতিহিং হুইতেকো মোসুজাগ্যই। নাতি হাংতা হোবা কারে আউতারাং হোরোওয়া। নাতি হাংতা য়ুংবা কারে আউতারাং য়ুংরোওয়া। নাকো দিংঙাবিহা কুং দিংঙাবি জিংরোওয়া, আসা নাকো সেংজাহা কুং সেংজা জিংরোওয়া।17নাতি হাংতা সিবা কারে আউতারাং সিরোওয়া, আসা আউতারাং লিচপুরোওয়া। সিদিং ল্যামসা দোসরা হানি নুওয়াংরে নাতিসো কাহিংয়া বার্গাং জোনাহা পরমপ্রভুহা কাহিংপারে সিওপারাং কড়া ব্যাবহার জোপুকো।”18রুথহা আপনিহিংপা সিওপারাং হোরো তামসা কেরে-কেরেওয়াকো সোতা নোওয়ামিহা দোসরা নুওয়াংহা হাইরে মাজাংতো।19আসা আবি নিসোসা হোপুইয়ে, আসা বেথলেহেমতা দেয়োংয়ে। হাত্রং আবি বেথলেহেমতা দেয়োং, আত্রংহা শহরকো তাংসা দিংঙাবিকোতা চেলোউ-মেলোউপা জিংপুয়ে। মেমে দিংঙাবিহা জাংসুয়ে, “ইহা নোওয়ামিরাংগাসা?”20আকুহা জাংয়ে, “কাহিংয়া নোওয়ামি মাতাঘ্যই। কাহিংয়া সিপুরি তামসা জাংপুই, হাংপাতানাহা টেবো সে নিওয়া সেংজাহা কুং সাদিহিংয়া আশারাং মাতাক্যইপা বানাইপুমি নিও।21কা তাংসা তেংক্যইপা ইসো হ্যামগা, আদো সেংজাহা কাহিংয়া হাইরে মাতাপা লাপোংমি নিও। কাহিংয়া হাংপা নোওয়ামি তামসা জাংমগা? পরমপ্রভুহা কুং বিরোধতা নিও। পরমপ্রভুহা কুং তোইতা কোইচ্যাওয়া পারামি নিও।”22এপারাং নোওয়ামিকো নামা মোওয়াবি রুথহা আকুহিংপা মোওয়াব দেশসো ওয়াংয়ে। আবি বেথলেহেম ওয়াংনুওয়া জৗ চ্যাদাংওয়া সময় নিমি।
আসা আকুহা আবিহিংয়া চুম্মন জোয়ে, আসা আবিহা চিলিং-চিলিংমসা কাইসুয়ে।10আকো নোইতা আবিহা নোওয়ামিহিংয়া জাংয়ে, “কাবিহা নাকো দিংঙাবিকোতা নাতিহিংপারাং হোপুরো।”11আদো নোওয়ামিহা জাংয়ে, “ও কুং চেমেবাই, লাকাপুই, নাবিহা কাহিংপা হাংপা হোকোগা? নাবিকো ওয়া বানাইকো কা ন্যাসারাং চেংওয়াবি কেকো ছুকোগাসা?12লাকাপুই, ও কুং চেমেবাই, নাবিহা হোপুই, হাংপাতানাহা ন্যাসারাং বিয়ৗ জোকোহা কাহা মেরেংপুনতেও। চেং মুংকো ন্যাসারাং আশা জোদো, আসা কাহা হিনি লিশুংরাং বিয়ৗ জোমসা চেংওয়াবি মুংচাদো13আবি ডেনু চোইপা নাবিহা খুইকোগা? নাবিহা বিয়ৗ মোজোপা য়ুংকোগা? মোকোমি, মোকোমি, ও কুং চেমেবাই, পরমপ্রভুহা কুং বিরোধতা নিওয়াকো সোতা কুং দুখোহা নাবিকোরোমা সিওপা নিও।”14আত্রংহা আবিহা ন্যাসারাং চিলিং-চিলিংমসা কাইসুয়ে। আকো নোইতাহা অর্পাহা আপনিকো জুমেহিং চুম্মন জোমসা আপনিকো দিংঙাবিকোতা লাকাপুয়ে, আদো রুথহা জুম্মেহিংয়া ম্যাল্যাতেতো।15আত্রংহা নোওয়ামিহা জাংয়ে, “কাংকে, নাকো ওয়াকো একো মেহা আপনিকো দিংঙাবি আসা আপনিকো চোইসুংবিকোতা লাকাপুয়ে। নাতিরে আকুহিংপারাং লাকাপুই।”16আদো রুথহা জাংয়ে, “কাহিংয়া লাকামসা হোকো আসা নাতিহিং হুইতেকো মোসুজাগ্যই। নাতি হাংতা হোবা কারে আউতারাং হোরোওয়া। নাতি হাংতা য়ুংবা কারে আউতারাং য়ুংরোওয়া। নাকো দিংঙাবিহা কুং দিংঙাবি জিংরোওয়া, আসা নাকো সেংজাহা কুং সেংজা জিংরোওয়া।17নাতি হাংতা সিবা কারে আউতারাং সিরোওয়া, আসা আউতারাং লিচপুরোওয়া। সিদিং ল্যামসা দোসরা হানি নুওয়াংরে নাতিসো কাহিংয়া বার্গাং জোনাহা পরমপ্রভুহা কাহিংপারে সিওপারাং কড়া ব্যাবহার জোপুকো।”18রুথহা আপনিহিংপা সিওপারাং হোরো তামসা কেরে-কেরেওয়াকো সোতা নোওয়ামিহা দোসরা নুওয়াংহা হাইরে মাজাংতো।19আসা আবি নিসোসা হোপুইয়ে, আসা বেথলেহেমতা দেয়োংয়ে। হাত্রং আবি বেথলেহেমতা দেয়োং, আত্রংহা শহরকো তাংসা দিংঙাবিকোতা চেলোউ-মেলোউপা জিংপুয়ে। মেমে দিংঙাবিহা জাংসুয়ে, “ইহা নোওয়ামিরাংগাসা?”20আকুহা জাংয়ে, “কাহিংয়া নোওয়ামি মাতাঘ্যই। কাহিংয়া সিপুরি তামসা জাংপুই, হাংপাতানাহা টেবো সে নিওয়া সেংজাহা কুং সাদিহিংয়া আশারাং মাতাক্যইপা বানাইপুমি নিও।21কা তাংসা তেংক্যইপা ইসো হ্যামগা, আদো সেংজাহা কাহিংয়া হাইরে মাতাপা লাপোংমি নিও। কাহিংয়া হাংপা নোওয়ামি তামসা জাংমগা? পরমপ্রভুহা কুং বিরোধতা নিও। পরমপ্রভুহা কুং তোইতা কোইচ্যাওয়া পারামি নিও।”22এপারাং নোওয়ামিকো নামা মোওয়াবি রুথহা আকুহিংপা মোওয়াব দেশসো ওয়াংয়ে। আবি বেথলেহেম ওয়াংনুওয়া জৗ চ্যাদাংওয়া সময় নিমি।
The Seed Company