প্রকাশ4
1আকো নোইতা কাহা দোসরা ইচো দর্শন মুংয়ে আসা লোডিংবাতা ওয়েমি নিওয়া ইচো লাপুং তিংয়ে। কুং নাগাইকো হিংওয়া ক্যা পেপনেকো আওয়াজতা এপা জাংমসা কাহিংপা য়্যইসুদিংওয়া কা হিংয়ে, “ইতা লেই আসা ইকো নোইতা হাং জিংনেকোরাংমে আকু নুওয়াংবি কা নাতিহিং তিংপারোওয়া।”2আত্রংতারাং সেংজাকো লাংবে কুংতা লেওয়াকো সোতা কাহা লোডিংবাতা ইচো গাদিং লেংপাওয়া আসা আউতাহা ইচো গাদিংওয়া তিংয়ে।3আকুহা হাংপাপা আসা অ্যালুই-অ্যালুইপা তাত্রাইওয়া মনিবি ত্যাবাপা তিংক্যইমি আসা গাদিংকো হুরাপাহা পান্না রংকো ইচো দিংস্রাই নিমি।4মাটা গাদিংকো হুরাপাহা ইকাইসো ডিচো দোসরা গাদিংবি নিমি আসা আকু গাদিংবিতাহা সুনকো মুকুট আসা হাংপাওয়া আংদুং লুওয়া ইকাইসো ডিচো মাটা ওয়ারাংপাবি গাসুদিংওয়া নিমি।5মাটা গাদিংসোহা বিজুলি তিত্রাইচাংমি, গারাংগুরুংপা আওয়াজ নোচাংমি। গাদিংকো নাগাইতাহা মেহকো নীচো মেচেং লারাইদিংমি, আকুহা সেংজাকো নীচো লাংবেগা।6গাদিংকো নাগাইতাহা সিসা ত্যাবাপা ছোসোপা তিংক্যইওয়া ঝাহাদি নিমি।
ডিপু ঙাজ্যইং সেংচেংবিহা গাদিংকো নাগাই আসা নুনুইতা হুরাপা য়োইসুওয়া নিমি, ই সেংচেংবিকো জুপা ইচোনিংগিরাং মিচোকো মিচোদাং নিক্যইমি নিমি।7নাগাইকো ঙাজ্যইং সেংচেংহা সিংহ ত্যাবাপা তিংক্যইমি নিমি, দোসরাহা পিকা ত্যাবাপা নিমি, আসা দোসরা ইপুকো য়ুওয়াইহা দিংঙাকো ত্যাবাপা নিমি, আসা ইপু সেংচেংকোহা ভুইদিংওয়া টাংজা ত্যাবাপা নিমি।8আকু ডিপু ঙাজ্যইং সেংচেংবিকোহা টুচো-টুচো বেগ্রেং নিমি আসা আকু বেগ্রেংকো বাইরে আসা নাপো দিদ্যাতারাং মিচোবিসো মেইপুওয়া নিমি। জেইসুং লিসুং আবিহা মাসাপা এপা জাংমসা লেহসুদিংমি,
“সে নিক্যইওয়া প্রভুসেংজাহা পবিত্র, পবিত্র, পবিত্র নিও। আকুহা নিমগা, আকুহা নিদিংয়ো আসা আকুহা নিরোওয়া।”9হাত্রংদো ঙাজ্যইং য়ুংওয়া আসা গাদিংতা গাওয়া নিওয়াহিং আকু ডিপু সেংচেংবিহা সম্মান, আদর আসা গারানি তাওয়াকো লেহদি লেহসুদিংমি।10আবিহা লেহদি লেহওয়া-লেহওয়াতা হাত্রংদো ঙাজ্যইং য়ুংওয়া আসা গাদিংতা গাদিংওয়া নিওয়াকো নাগাইতা আকু ইকাইসো ডিচো মাটা ওয়ারাংপাবিহা তুরুই চুনুইয়ে আসা আপনিবিকো মুকুট আকো কোকোই কাটুতা লেংপামসা এপা জাংসুয়ে,11“ও কাবিকো প্রভুসেংজা, নাতিহা সম্মান, আদর আসা অধিকারকো য়োগ্য়্য নিও, হাংপাতানাহা তাংসা নাতিরাং দিংমগা, আসা নাকো ইচ্ছা সেইরাং আকু জিংকো লেয়ে আসা সাদি মুংচামি নিও।”
ডিপু ঙাজ্যইং সেংচেংবিহা গাদিংকো নাগাই আসা নুনুইতা হুরাপা য়োইসুওয়া নিমি, ই সেংচেংবিকো জুপা ইচোনিংগিরাং মিচোকো মিচোদাং নিক্যইমি নিমি।7নাগাইকো ঙাজ্যইং সেংচেংহা সিংহ ত্যাবাপা তিংক্যইমি নিমি, দোসরাহা পিকা ত্যাবাপা নিমি, আসা দোসরা ইপুকো য়ুওয়াইহা দিংঙাকো ত্যাবাপা নিমি, আসা ইপু সেংচেংকোহা ভুইদিংওয়া টাংজা ত্যাবাপা নিমি।8আকু ডিপু ঙাজ্যইং সেংচেংবিকোহা টুচো-টুচো বেগ্রেং নিমি আসা আকু বেগ্রেংকো বাইরে আসা নাপো দিদ্যাতারাং মিচোবিসো মেইপুওয়া নিমি। জেইসুং লিসুং আবিহা মাসাপা এপা জাংমসা লেহসুদিংমি,
“সে নিক্যইওয়া প্রভুসেংজাহা পবিত্র, পবিত্র, পবিত্র নিও। আকুহা নিমগা, আকুহা নিদিংয়ো আসা আকুহা নিরোওয়া।”9হাত্রংদো ঙাজ্যইং য়ুংওয়া আসা গাদিংতা গাওয়া নিওয়াহিং আকু ডিপু সেংচেংবিহা সম্মান, আদর আসা গারানি তাওয়াকো লেহদি লেহসুদিংমি।10আবিহা লেহদি লেহওয়া-লেহওয়াতা হাত্রংদো ঙাজ্যইং য়ুংওয়া আসা গাদিংতা গাদিংওয়া নিওয়াকো নাগাইতা আকু ইকাইসো ডিচো মাটা ওয়ারাংপাবিহা তুরুই চুনুইয়ে আসা আপনিবিকো মুকুট আকো কোকোই কাটুতা লেংপামসা এপা জাংসুয়ে,11“ও কাবিকো প্রভুসেংজা, নাতিহা সম্মান, আদর আসা অধিকারকো য়োগ্য়্য নিও, হাংপাতানাহা তাংসা নাতিরাং দিংমগা, আসা নাকো ইচ্ছা সেইরাং আকু জিংকো লেয়ে আসা সাদি মুংচামি নিও।”
The Seed Company