প্রকাশ3
1“সার্ডিসতা নিওয়া মন্ডলিহিং কাং-য়োওয়া পোইংহিং ই নুওয়াং লা:
“হাংসুহিংপা নীচো পুইমা আসা সেংজাকো নীচো লাংবেনি, আকুহা এপা জাংমগা, নাকো কামবিহা কা গেমি নিও। নাবিহা ঙাজ্যইং নিও তাওয়া মিং মেংচে নিও, আদো নাবিহা সিপুওয়া সেইরাং নিও।2আকো সোতা হোশিয়ার য়ুং আসা নাবিকোতা নিওয়া আইংসি নুওয়াংবিহিংয়া দাংকো মিচাপা সাডুংপা জো, হাংপাতানাহা সেংজাকো নাগাইতা নাকো কামবিহা কাহা ছোসোপা মোদোয়াংতো।3হানি নাতি হিংমিনি, আসা ঝিমিনি, আকু প্যারাপা। আকু মানেমসা নাকো পাপসো তুংসিং হুরাপা। নাবিমি ঙাজ্যইং মায়ুংনাহা কা নাবিকোতা কুইওয়া ত্যাবাপা লেরোওয়া আসা কুং লেওয়া দিনহা নাবিহা সিদা মাচ্যইরোওয়া।4“আদো সার্ডিসতারে ইচো নিহসো দিংঙাবি নিও, আবিহা দুষ্ট কাম মোজোয়াংতো, আবিহা কাহিংপা হাংপাওয়া আংদুং লুমসা তেইরোওয়া, হাংপাতানাহা আবিহা এপা জোকো য়োগ্য়্য নিও।5হাংসু জিয়োবা, আবিহা হাংপাওয়া আংদুং লুরোওয়া আসা আবিকো মিংহা কা সাদিকো হিগাসো হাত্রংরে মায়াংপারোওয়া, আদো আবিহা কুংগা তামসা কুং আপা আসা আকো তাংসা লোডিংবাকো পোইংবিকো নাগাইতা স্বীকার জোরোওয়া।6“হাংসুকো নানুং নি, সেংজাকো লাংবেকো মন্ডলিবিহিং জাংওয়া নুওয়াং হিং!7“ফিলাডেফ্লিয়া মন্ডলিহিং কাং-য়োওয়া পোইংহিং ই নুওয়াং লা:
“ই নুওয়াংহা আকুহা জাংমগা, হাংসু পবিত্রনি, হাংসু আজিপ্পা নি, হাংসুহিংপা দাউদ জাইপুকো গোইচো নি, হাংসু লাপুং ওয়ে, আকুহিংয়া হাংসুরে গিকো মাছু, আসা হাংসু গি, আকুহিংয়া হাংসুরে ওয়েকো মাছু।8নাকো কাম কা গেমি নিও। কাহা নাকো নাগাইতা লাপুং এপিমি নিও, আকুহিংয়া হাংসুরে গিকো মাছু। কমজোর নিদো নাতিহা কুং তাংসা নুওয়াং মানেমি নিও আসা কুং মিংহিংয়া ইন্কার মোজোয়াংতো।9“লেরা দিংঙাবিহা আপনিহিং য়হুদিগা তামসা জাংমগা, আদো আবিহা মোকো, আবিহা প্যায়োং য়্যইদিংয়ো। আজিপ্পারাং আবিহা শয়তানকো দিংঙাগা। কা আবিহিংয়া নাকো তাংবাতা নোংপারোওয়া আসা আবিহা কোইরোওয়া, কি কাহা নাবিহিংয়া জেজেংপা জোমি নিও।10বাসিমতিকো তাংসা জ্যাবিহিংয়া জাঁচ জোকো ই বাসিমতিতা জিংকো লেপাওয়া চোসুং-মাইসুংক্যইওয়া দুঃখসো কা নাবিহিংয়া জোগাইরোওয়া, হাংপাতানাহা নাবিহা উইসে নুওয়াং সহায়মসা কুং আজ্ঞা মানেমি নিও।11কাং, কা সেন্নেপা লেরোওয়া। নাতিহিংপা নিওয়া নুওয়াং জোগায়মসা এহ, আসা হাংসুরে নাকো জিয়োওয়া ইনামহা নাকোসো গিংচাকো মাছুকো।12“হাংসু জিয়োবা, কা কুং সেংজাকো দেমসাতা আবিহিংয়া ইচো হুটিং বানাইরোওয়া, আসা আউসোহা আবিহা হাত্রংরে মোনোরোওয়া। আবিকোতাহা কুং সেংজাকো মিং, লোডিংবাসো ঊইপামসা লেওয়া চুবে য়রুশালেম শহরকো মিং, আসা আউতাহা কুং চুবে মিংরে লারোওয়া।13“হাংসুকো নানুং নি, সেংজাকো লাংবেকো মন্ডলিবিহিং জাংওয়া নুওয়াং হিং!14“লাউডিকিয়াকো মন্ডলিহিং কাং-য়োওয়া পোইংহিং ই নুওয়াং লা:
“সেংজাকো তাংসা দিংওয়াকো ডেবে, বিশ্বাস য়োগ্য়্য, হাংসু আজিপ্পা সাক্ছি আসা আমেন নিমমে, আকুহা এপা জাংমগা।15নাবিকো কামহা কা গেদিংয়ো। নাতিহা না লোউচাপা নিংগা না চাওয়াংপা নিংগা। নাতিহা চাওয়াংপা মোকোনাহা লোউচপা নিনাহা তুকোগা।16আদো নাবিহা না চাওয়াংপা না লোউচপা, আদো তুংসিং লোউচাপা নিওয়াকো সোতারাং কুং নামুসো নাবিহিংয়া তোতি তোতোমসা বাডোইপুরোওয়া।17কাহা পুপুউ নিও আসা কাহিংয়া হাই নুওয়াংতারে খাঁচো মোতো তামসা নাতিহা জাংমগা, আদো নাতিহা হাসেকো দুঃখ নিমমে আসা লামতুক্যইওয়া কাংগল, মিচো মাতিংওয়া আসা পাইক্রি নিও তাওয়াহা নাতিহা মেগেয়াংতো।18আদো কা নাতিহিংয়া এপাজিংওয়া সল্লাহ পিচারোওয়া, হাত্রংদো পুপুউ জিংকোহা কুংসো মেহতা খাঁরেওয়া শুদ্ধ সুন চোইচা। নাকো পাইক্রিহিং তুংচাকো হাংপাওয়া আংদুং চোইপামসা লুউচা, মিচো তিংকো সোতা কুংসো মলম চোইচামসা ন্যাচা।19হাংসুহিং কা জেজেংপা জো, আকুহিংয়া কা য়েংরোওয়া আসা সজায় পিচারোওয়া। আকো সোতা উৎসাহ জিং, আসা আপনিকো তুংসিং হুরাপমসা কুংতা লাওয়াং।20কাং! কা লাপুংতা জামসা বেদিংয়ো। হাংসু কুং ক্যা হিংমসা লাপুং ওয়ে, কা নাপোতা ওয়াংরোওয়া আসা আকুহিংপা চাওয়া-আংওয়াবি চারোওয়া আসা আকুহা কাহিংপা চারোওয়া।21হাংসু জিয়োবা, আবিহিংয়া কাহিংপা কুং গাদিংতা গাকো হক পিচারোওয়া, হেপা কা জিয়োমসা কুং আপাহিংপা আকো গাদিংতা গাকো মুংচামমে।22“হাংসুকো নানুং নি, সেংজাকো লাংবেকো মন্ডলিবিহিং জাংওয়া নুওয়াংবি হিং!”
“হাংসুহিংপা নীচো পুইমা আসা সেংজাকো নীচো লাংবেনি, আকুহা এপা জাংমগা, নাকো কামবিহা কা গেমি নিও। নাবিহা ঙাজ্যইং নিও তাওয়া মিং মেংচে নিও, আদো নাবিহা সিপুওয়া সেইরাং নিও।2আকো সোতা হোশিয়ার য়ুং আসা নাবিকোতা নিওয়া আইংসি নুওয়াংবিহিংয়া দাংকো মিচাপা সাডুংপা জো, হাংপাতানাহা সেংজাকো নাগাইতা নাকো কামবিহা কাহা ছোসোপা মোদোয়াংতো।3হানি নাতি হিংমিনি, আসা ঝিমিনি, আকু প্যারাপা। আকু মানেমসা নাকো পাপসো তুংসিং হুরাপা। নাবিমি ঙাজ্যইং মায়ুংনাহা কা নাবিকোতা কুইওয়া ত্যাবাপা লেরোওয়া আসা কুং লেওয়া দিনহা নাবিহা সিদা মাচ্যইরোওয়া।4“আদো সার্ডিসতারে ইচো নিহসো দিংঙাবি নিও, আবিহা দুষ্ট কাম মোজোয়াংতো, আবিহা কাহিংপা হাংপাওয়া আংদুং লুমসা তেইরোওয়া, হাংপাতানাহা আবিহা এপা জোকো য়োগ্য়্য নিও।5হাংসু জিয়োবা, আবিহা হাংপাওয়া আংদুং লুরোওয়া আসা আবিকো মিংহা কা সাদিকো হিগাসো হাত্রংরে মায়াংপারোওয়া, আদো আবিহা কুংগা তামসা কুং আপা আসা আকো তাংসা লোডিংবাকো পোইংবিকো নাগাইতা স্বীকার জোরোওয়া।6“হাংসুকো নানুং নি, সেংজাকো লাংবেকো মন্ডলিবিহিং জাংওয়া নুওয়াং হিং!7“ফিলাডেফ্লিয়া মন্ডলিহিং কাং-য়োওয়া পোইংহিং ই নুওয়াং লা:
“ই নুওয়াংহা আকুহা জাংমগা, হাংসু পবিত্রনি, হাংসু আজিপ্পা নি, হাংসুহিংপা দাউদ জাইপুকো গোইচো নি, হাংসু লাপুং ওয়ে, আকুহিংয়া হাংসুরে গিকো মাছু, আসা হাংসু গি, আকুহিংয়া হাংসুরে ওয়েকো মাছু।8নাকো কাম কা গেমি নিও। কাহা নাকো নাগাইতা লাপুং এপিমি নিও, আকুহিংয়া হাংসুরে গিকো মাছু। কমজোর নিদো নাতিহা কুং তাংসা নুওয়াং মানেমি নিও আসা কুং মিংহিংয়া ইন্কার মোজোয়াংতো।9“লেরা দিংঙাবিহা আপনিহিং য়হুদিগা তামসা জাংমগা, আদো আবিহা মোকো, আবিহা প্যায়োং য়্যইদিংয়ো। আজিপ্পারাং আবিহা শয়তানকো দিংঙাগা। কা আবিহিংয়া নাকো তাংবাতা নোংপারোওয়া আসা আবিহা কোইরোওয়া, কি কাহা নাবিহিংয়া জেজেংপা জোমি নিও।10বাসিমতিকো তাংসা জ্যাবিহিংয়া জাঁচ জোকো ই বাসিমতিতা জিংকো লেপাওয়া চোসুং-মাইসুংক্যইওয়া দুঃখসো কা নাবিহিংয়া জোগাইরোওয়া, হাংপাতানাহা নাবিহা উইসে নুওয়াং সহায়মসা কুং আজ্ঞা মানেমি নিও।11কাং, কা সেন্নেপা লেরোওয়া। নাতিহিংপা নিওয়া নুওয়াং জোগায়মসা এহ, আসা হাংসুরে নাকো জিয়োওয়া ইনামহা নাকোসো গিংচাকো মাছুকো।12“হাংসু জিয়োবা, কা কুং সেংজাকো দেমসাতা আবিহিংয়া ইচো হুটিং বানাইরোওয়া, আসা আউসোহা আবিহা হাত্রংরে মোনোরোওয়া। আবিকোতাহা কুং সেংজাকো মিং, লোডিংবাসো ঊইপামসা লেওয়া চুবে য়রুশালেম শহরকো মিং, আসা আউতাহা কুং চুবে মিংরে লারোওয়া।13“হাংসুকো নানুং নি, সেংজাকো লাংবেকো মন্ডলিবিহিং জাংওয়া নুওয়াং হিং!14“লাউডিকিয়াকো মন্ডলিহিং কাং-য়োওয়া পোইংহিং ই নুওয়াং লা:
“সেংজাকো তাংসা দিংওয়াকো ডেবে, বিশ্বাস য়োগ্য়্য, হাংসু আজিপ্পা সাক্ছি আসা আমেন নিমমে, আকুহা এপা জাংমগা।15নাবিকো কামহা কা গেদিংয়ো। নাতিহা না লোউচাপা নিংগা না চাওয়াংপা নিংগা। নাতিহা চাওয়াংপা মোকোনাহা লোউচপা নিনাহা তুকোগা।16আদো নাবিহা না চাওয়াংপা না লোউচপা, আদো তুংসিং লোউচাপা নিওয়াকো সোতারাং কুং নামুসো নাবিহিংয়া তোতি তোতোমসা বাডোইপুরোওয়া।17কাহা পুপুউ নিও আসা কাহিংয়া হাই নুওয়াংতারে খাঁচো মোতো তামসা নাতিহা জাংমগা, আদো নাতিহা হাসেকো দুঃখ নিমমে আসা লামতুক্যইওয়া কাংগল, মিচো মাতিংওয়া আসা পাইক্রি নিও তাওয়াহা নাতিহা মেগেয়াংতো।18আদো কা নাতিহিংয়া এপাজিংওয়া সল্লাহ পিচারোওয়া, হাত্রংদো পুপুউ জিংকোহা কুংসো মেহতা খাঁরেওয়া শুদ্ধ সুন চোইচা। নাকো পাইক্রিহিং তুংচাকো হাংপাওয়া আংদুং চোইপামসা লুউচা, মিচো তিংকো সোতা কুংসো মলম চোইচামসা ন্যাচা।19হাংসুহিং কা জেজেংপা জো, আকুহিংয়া কা য়েংরোওয়া আসা সজায় পিচারোওয়া। আকো সোতা উৎসাহ জিং, আসা আপনিকো তুংসিং হুরাপমসা কুংতা লাওয়াং।20কাং! কা লাপুংতা জামসা বেদিংয়ো। হাংসু কুং ক্যা হিংমসা লাপুং ওয়ে, কা নাপোতা ওয়াংরোওয়া আসা আকুহিংপা চাওয়া-আংওয়াবি চারোওয়া আসা আকুহা কাহিংপা চারোওয়া।21হাংসু জিয়োবা, আবিহিংয়া কাহিংপা কুং গাদিংতা গাকো হক পিচারোওয়া, হেপা কা জিয়োমসা কুং আপাহিংপা আকো গাদিংতা গাকো মুংচামমে।22“হাংসুকো নানুং নি, সেংজাকো লাংবেকো মন্ডলিবিহিং জাংওয়া নুওয়াংবি হিং!”
The Seed Company