প্রকাশ2
1“এপিসিসতা নিওয়া মন্ডলিহিং কাং-য়োওয়া পোইংহিং ই নুওয়াং লা:
“নীচো পুইমাহা আপনিকো দাংক্রেং খুইতা চুংওয়া আসা নীচো সুনকো সামদানকো প্যাকোতা তেইওয়াহা এপা জাংমগা।2নাকো কোইচ্যামসা জোওয়া কাম আসা নাকো ধিরোজহা কা গেমি নিও। নাতিহা দুষ্ট দিংঙাহিংয়া ন্যইমক্যইমগা তামসারে কা গেমি নিও। জেংওয়া পোইং মোকোদো জেংওয়া পোইংগে তাওয়াহিংয়া নাতিহা জাঁচ জোমসা আবিহা প্যায়োংগা তামসা সিদা চ্যইমি নিও তামসারে কা গেমি নিও।3নাবিহা ধিরোজি নিও আসা কুং সোতা নাবিহা দুঃখ পুউয়ে আসা কাহিংয়া মেপেইয়াংতো।4আদো ইচো নুওয়াংহা কা নাবিকো বিরোধতা জাংনেরোওয়া। নাবিহা কাহিংয়া নাগাইকো ত্যাবাপা জেজেংপা জোকোহা নেহা ল্যাপুনতেমি নিও।5নাতিহা হাসেকো লিতা হুইচানতেমমে আপনিরাং নো। পাপ জোকো ল্যা আসা নাতিহা নাগাইকো ত্যাবাপা কাহিং জেজেংপা জো। মোকোনাহা কা নাবিকোতা লেরোওয়া আসা নাকো সামদানহা আকু জায়গাসো ওয়েংপারোওয়া।6আদো নাকোতাহা ই ইচো এনতাওয়া গুন নিও কুং আচকাপা জোওয়া আকু নিকোলাইটস তামবিকো কামহিংয়া নাবিরে আচকাপা জোমগা।7হাংসুকো নানুং নি, সেংজাকো লাংবেকো মন্ডলিবিহিং জাংওয়া নুওয়াং হিং!
“হাংসু হাংসু জিয়োবা, আবিহিংয়া সেংজাকো দুংরাইতা নিওয়া সাদিকো সিংতেংকো ফল কা চাকো পিচারোওয়া।”8“স্মুর্নাকো মন্ডলিহিং কাং-য়োওয়া পোইংহিং ই নুওয়াং লা:
“হাংসু, শুরু আসা অন্তমে আসা সিমসারে ন্যাসা ঙাজ্যইং ঙারোমমে, আকুহা এপা জাংমগা।9কাহা নাকো দুঃখ-কষ্টবিহা গেমি নিও, নাতিহা জোরোংমগা তামসারে গেমি নিও, আদো কোকোহা নাতিহা পুপুউ নিও! য়হুদিগা তামসা বাহানা জোমবিহা নাকো বিরোধতা জোওয়া মেংতাওয়া নুওয়াংবিরে কা গেমি নিও, আবিহা শয়তানকো জোংসুওয়া সাগা।10নাবিকো তোইতা লেপাওয়া হাই দুঃখবিসোরে নাবিহা মাচ্ছুংগে। নাবিকো দেংওয়াহিং জাঁচ জোকো শয়তানহা নাবিকো প্যাকোতা লেরা-লেরাহিংয়া জেলতা ওয়্যাপুরোওয়া, আদো নাকো দুঃখহা সা-ত্যায়ু চোইপা মেংচে জিংরোওয়া। নাতিহা সিনেদো কুং তোইতা দেংকোহা মাল্যা আসা কা জিয়োওয়া ইনামতা নাতিহিংয়া সাদি পিচারোওয়া।11“হাংসুকো নানুং নি, সেংজাকো লাংবেকো মন্ডলিবিহিং জাংওয়া নুওয়াং হিং!
“হাংসু জিয়োবা, আবিহিংয়া দোসরা সিদিংহা হাইরে ক্ষতি জোমক্যইরোওয়া।”12“পর্গামমতা নিওয়া মন্ডলিহিং কাং-য়োওয়া পোইংহিং ই নুওয়াং লা:
“হাংসুহিংপা বিংবিংপা নিহদ্যা বিং নিওয়া তালওয়ার নি, আকুহা এপা জাংমগা,13নাবিহা শয়তানকো গাদিংতা নিওয়া জায়গাতা য়ুংমগা তাওয়া নুওয়াং কা গেমি নিও। নাবিহা কাহিং সেওয়া জোমি নিও আসা কুং তোইতা দেংকোরে ম্যাল্যায়াংতো তাওয়া নুওয়াংরে কা গেদিংয়ো। কুং দেংকো ছুওয়া সাকচ্ছি এন্তিপাসহিং শয়তানকো য়ুংওয়াতা স্যানুকো সময়তারে নাবিহা দেংওয়া মাল্যাতো।14আদো নাকো বিরোধতা কাহা হাইক্রি নুওয়াং জাংকোহা জাংনেরোওয়া। নাবিকো প্যাকোতা লেরা-লেরাহা বালামকো ঝিপাওয়া মানেমবি নিও। মুর্তিকো নাগাইতা লেংপাওয়াবি চায়ো আসা নুংনাংসুমসা ইস্রাইলিবিহিং পাপতা ফসাইকো বালামহা বালাক জাইপুহিং ঝিপাওয়া নিমগা।15এপারাং নিকোলাইটসকো ঝিপাওয়া মানেমবিরে আবিকো প্যাকোতা নিও।16ই পাপবি জোকো ল্যা আসা আপনিকো তুংসিং হুরাপা, মোকোনাহা কা নাবিকোতা সেন্নেপা ওয়াংরোওয়া আসা কুং নামুসো নোওয়া তালওয়ারসো আকু মেংতাওয়া কাম জোওয়া দিংঙাবিহিংপা লুইসুরোওয়া।17“হাংসুকো নানুং নি, সেংজাকো লাংবেকো মন্ডলিবিহিং জাংওয়া নুওয়াং হিং!
“হাংসু জিয়োবা, কা আবিহিংয়া গুপ্ততা নিওয়া মন্না পিচারোওয়া। কা নাবিহিংয়া ইরুং হাংপাওয়া লুংটুইরে পিচারোওয়া, আউতাহা ইচো মিং লাওয়া নিরোওয়া। আকু মিংহা ই হাংপাওয়া লুংটুই মুংচামবি মেংচে গেরোওয়া।”18“থিয়াটিরাতা নিওয়া মন্ডলিহিং কাং-য়োওয়া পোইংহিং ই নুওয়াং লা:
“মেহ ত্যাবাপা লালাইওয়া মিচো আসা খারেমসা পিতল ত্যাবাপা তিত্রাইওয়া কোকোই নিওয়া সেংজাকো চেংওয়াহা এপা জাংমগা,19নাবিহা হাং-হাং জোমমে আকুহা কা গেমগা। নাবিকো জেজেংপা জোওয়া, দেংওয়া, সেওয়া আসা স্থির জিংমসা য়ুংওয়া নুওয়াং কা তাংসা গেদিংয়ো। নাগাইকোরোমা নাবিহা নেহা সিওপারাং সেওয়া জোমগা তাওয়ারে কা গেমি নিও।20আদো নাকো বিরোধতা কা হাইক্রি নুওয়াং জাংকোহা জাংনেরোওয়া, আকু ইজেবেল তাওয়া মেমেহিংয়া নাবিহা জায়গা পিচামগা। আকুরাং কা অগমবাণী য়্যইওয়াগা তাচাংমগা আসা আপনিকো ঝিপাওয়াসো কুং সেওয়া জোওয়া দিংঙাবিহিংয়া ল্যহপামসা নুংনাংসুওয়া আসা মুর্তিহিং হুইওয়া নুওয়াংবি চাকো ঝিপাচাংমগা।21আকুহিংয়া আপনিকো পাপ হুইতেমসা আপনিকো তুংসিং হুরাপাকো কাহা মৌকা পিচামি নিও। আদো আকুহা নুংনাংসুকোহা ল্যাকোরে ম্যাল্যায়াংতো।22আকো সোতা কা আকুহিংয়া লোকো মাছুপা জোপুরোওয়া, আসা ন্যাগুতা আকু আসা আকুহিংপা নুংনাংসুওয়াবিহা সিওপারাং দুঃখ আসা কষ্ট মুংরোওয়া। তুংসিং হুরাপামসা আবিহা আপনিকো দুষ্ট কাম ম্যাল্যানাহা কা আবিহিংয়া এপা জিংওয়া সজায় পিচারোওয়া।23আকুহিংপা হুইওয়া তাংসাহিং কা দাংপাপুরোওয়া। আকো সোতা তাংসা মন্ডলিবিহা সিদা চ্যইরোওয়া, কি কাহা আকুরাংগা, হাংসু তাংসাকো তুংসিংকো ইচ্ছা আসা চাহানাহিং তিংমমে। কা নাবি তাংসাহিং আপনি আপনিকো কাম সেই ইনাম পিচারোওয়া।24“আদো এপা জিংওয়া ঝিপাওয়াতা মাহুইওয়া আসা শয়তানকো নাপোকো নুওয়াংবি মাগেওয়া থিয়াটিরাকো মন্ডলিতা নিওয়া দোসরাবিহিং জাংরোওয়া, কা নাবিকোতা হাইরে মায়ারোওয়া,25আদো এসে য়ারোওয়া, কা মেলেনু চোইপা নাবিহিংপা হাং-হাং নিমমে, আউতারাং স্থির য়ুং।26হাংসু জিয়ো আসা নোইস্যা চোইপা কুং ইচ্ছা পুরা জো, আবিহিংয়া কা জ্যা-জ্যাকো তোইতা অধিকার জোকো পিচারোওয়া।27আকো নোইতাহা আবিকো তোইতাহা ইচো চাকো দোরোইংসো শাসন জোরোওয়া আসা আবিহিংয়া মোংটোকো য়োটি ত্যাবাপা চোচোনোনোপা জোপুরোওয়া। কাহা আপাকোসো মুংওয়া ই অধিকারহা আবিহিং পিচারোওয়া।28কা আবিহিংয়া হাপকুংকো ফুইমারে পিচারোওয়া।29“হাংসুকো নানুং নি, সেংজাকো লাংবেকো মন্ডলিবিহিং জাংওয়া নুওয়াং হিং!”
“নীচো পুইমাহা আপনিকো দাংক্রেং খুইতা চুংওয়া আসা নীচো সুনকো সামদানকো প্যাকোতা তেইওয়াহা এপা জাংমগা।2নাকো কোইচ্যামসা জোওয়া কাম আসা নাকো ধিরোজহা কা গেমি নিও। নাতিহা দুষ্ট দিংঙাহিংয়া ন্যইমক্যইমগা তামসারে কা গেমি নিও। জেংওয়া পোইং মোকোদো জেংওয়া পোইংগে তাওয়াহিংয়া নাতিহা জাঁচ জোমসা আবিহা প্যায়োংগা তামসা সিদা চ্যইমি নিও তামসারে কা গেমি নিও।3নাবিহা ধিরোজি নিও আসা কুং সোতা নাবিহা দুঃখ পুউয়ে আসা কাহিংয়া মেপেইয়াংতো।4আদো ইচো নুওয়াংহা কা নাবিকো বিরোধতা জাংনেরোওয়া। নাবিহা কাহিংয়া নাগাইকো ত্যাবাপা জেজেংপা জোকোহা নেহা ল্যাপুনতেমি নিও।5নাতিহা হাসেকো লিতা হুইচানতেমমে আপনিরাং নো। পাপ জোকো ল্যা আসা নাতিহা নাগাইকো ত্যাবাপা কাহিং জেজেংপা জো। মোকোনাহা কা নাবিকোতা লেরোওয়া আসা নাকো সামদানহা আকু জায়গাসো ওয়েংপারোওয়া।6আদো নাকোতাহা ই ইচো এনতাওয়া গুন নিও কুং আচকাপা জোওয়া আকু নিকোলাইটস তামবিকো কামহিংয়া নাবিরে আচকাপা জোমগা।7হাংসুকো নানুং নি, সেংজাকো লাংবেকো মন্ডলিবিহিং জাংওয়া নুওয়াং হিং!
“হাংসু হাংসু জিয়োবা, আবিহিংয়া সেংজাকো দুংরাইতা নিওয়া সাদিকো সিংতেংকো ফল কা চাকো পিচারোওয়া।”8“স্মুর্নাকো মন্ডলিহিং কাং-য়োওয়া পোইংহিং ই নুওয়াং লা:
“হাংসু, শুরু আসা অন্তমে আসা সিমসারে ন্যাসা ঙাজ্যইং ঙারোমমে, আকুহা এপা জাংমগা।9কাহা নাকো দুঃখ-কষ্টবিহা গেমি নিও, নাতিহা জোরোংমগা তামসারে গেমি নিও, আদো কোকোহা নাতিহা পুপুউ নিও! য়হুদিগা তামসা বাহানা জোমবিহা নাকো বিরোধতা জোওয়া মেংতাওয়া নুওয়াংবিরে কা গেমি নিও, আবিহা শয়তানকো জোংসুওয়া সাগা।10নাবিকো তোইতা লেপাওয়া হাই দুঃখবিসোরে নাবিহা মাচ্ছুংগে। নাবিকো দেংওয়াহিং জাঁচ জোকো শয়তানহা নাবিকো প্যাকোতা লেরা-লেরাহিংয়া জেলতা ওয়্যাপুরোওয়া, আদো নাকো দুঃখহা সা-ত্যায়ু চোইপা মেংচে জিংরোওয়া। নাতিহা সিনেদো কুং তোইতা দেংকোহা মাল্যা আসা কা জিয়োওয়া ইনামতা নাতিহিংয়া সাদি পিচারোওয়া।11“হাংসুকো নানুং নি, সেংজাকো লাংবেকো মন্ডলিবিহিং জাংওয়া নুওয়াং হিং!
“হাংসু জিয়োবা, আবিহিংয়া দোসরা সিদিংহা হাইরে ক্ষতি জোমক্যইরোওয়া।”12“পর্গামমতা নিওয়া মন্ডলিহিং কাং-য়োওয়া পোইংহিং ই নুওয়াং লা:
“হাংসুহিংপা বিংবিংপা নিহদ্যা বিং নিওয়া তালওয়ার নি, আকুহা এপা জাংমগা,13নাবিহা শয়তানকো গাদিংতা নিওয়া জায়গাতা য়ুংমগা তাওয়া নুওয়াং কা গেমি নিও। নাবিহা কাহিং সেওয়া জোমি নিও আসা কুং তোইতা দেংকোরে ম্যাল্যায়াংতো তাওয়া নুওয়াংরে কা গেদিংয়ো। কুং দেংকো ছুওয়া সাকচ্ছি এন্তিপাসহিং শয়তানকো য়ুংওয়াতা স্যানুকো সময়তারে নাবিহা দেংওয়া মাল্যাতো।14আদো নাকো বিরোধতা কাহা হাইক্রি নুওয়াং জাংকোহা জাংনেরোওয়া। নাবিকো প্যাকোতা লেরা-লেরাহা বালামকো ঝিপাওয়া মানেমবি নিও। মুর্তিকো নাগাইতা লেংপাওয়াবি চায়ো আসা নুংনাংসুমসা ইস্রাইলিবিহিং পাপতা ফসাইকো বালামহা বালাক জাইপুহিং ঝিপাওয়া নিমগা।15এপারাং নিকোলাইটসকো ঝিপাওয়া মানেমবিরে আবিকো প্যাকোতা নিও।16ই পাপবি জোকো ল্যা আসা আপনিকো তুংসিং হুরাপা, মোকোনাহা কা নাবিকোতা সেন্নেপা ওয়াংরোওয়া আসা কুং নামুসো নোওয়া তালওয়ারসো আকু মেংতাওয়া কাম জোওয়া দিংঙাবিহিংপা লুইসুরোওয়া।17“হাংসুকো নানুং নি, সেংজাকো লাংবেকো মন্ডলিবিহিং জাংওয়া নুওয়াং হিং!
“হাংসু জিয়োবা, কা আবিহিংয়া গুপ্ততা নিওয়া মন্না পিচারোওয়া। কা নাবিহিংয়া ইরুং হাংপাওয়া লুংটুইরে পিচারোওয়া, আউতাহা ইচো মিং লাওয়া নিরোওয়া। আকু মিংহা ই হাংপাওয়া লুংটুই মুংচামবি মেংচে গেরোওয়া।”18“থিয়াটিরাতা নিওয়া মন্ডলিহিং কাং-য়োওয়া পোইংহিং ই নুওয়াং লা:
“মেহ ত্যাবাপা লালাইওয়া মিচো আসা খারেমসা পিতল ত্যাবাপা তিত্রাইওয়া কোকোই নিওয়া সেংজাকো চেংওয়াহা এপা জাংমগা,19নাবিহা হাং-হাং জোমমে আকুহা কা গেমগা। নাবিকো জেজেংপা জোওয়া, দেংওয়া, সেওয়া আসা স্থির জিংমসা য়ুংওয়া নুওয়াং কা তাংসা গেদিংয়ো। নাগাইকোরোমা নাবিহা নেহা সিওপারাং সেওয়া জোমগা তাওয়ারে কা গেমি নিও।20আদো নাকো বিরোধতা কা হাইক্রি নুওয়াং জাংকোহা জাংনেরোওয়া, আকু ইজেবেল তাওয়া মেমেহিংয়া নাবিহা জায়গা পিচামগা। আকুরাং কা অগমবাণী য়্যইওয়াগা তাচাংমগা আসা আপনিকো ঝিপাওয়াসো কুং সেওয়া জোওয়া দিংঙাবিহিংয়া ল্যহপামসা নুংনাংসুওয়া আসা মুর্তিহিং হুইওয়া নুওয়াংবি চাকো ঝিপাচাংমগা।21আকুহিংয়া আপনিকো পাপ হুইতেমসা আপনিকো তুংসিং হুরাপাকো কাহা মৌকা পিচামি নিও। আদো আকুহা নুংনাংসুকোহা ল্যাকোরে ম্যাল্যায়াংতো।22আকো সোতা কা আকুহিংয়া লোকো মাছুপা জোপুরোওয়া, আসা ন্যাগুতা আকু আসা আকুহিংপা নুংনাংসুওয়াবিহা সিওপারাং দুঃখ আসা কষ্ট মুংরোওয়া। তুংসিং হুরাপামসা আবিহা আপনিকো দুষ্ট কাম ম্যাল্যানাহা কা আবিহিংয়া এপা জিংওয়া সজায় পিচারোওয়া।23আকুহিংপা হুইওয়া তাংসাহিং কা দাংপাপুরোওয়া। আকো সোতা তাংসা মন্ডলিবিহা সিদা চ্যইরোওয়া, কি কাহা আকুরাংগা, হাংসু তাংসাকো তুংসিংকো ইচ্ছা আসা চাহানাহিং তিংমমে। কা নাবি তাংসাহিং আপনি আপনিকো কাম সেই ইনাম পিচারোওয়া।24“আদো এপা জিংওয়া ঝিপাওয়াতা মাহুইওয়া আসা শয়তানকো নাপোকো নুওয়াংবি মাগেওয়া থিয়াটিরাকো মন্ডলিতা নিওয়া দোসরাবিহিং জাংরোওয়া, কা নাবিকোতা হাইরে মায়ারোওয়া,25আদো এসে য়ারোওয়া, কা মেলেনু চোইপা নাবিহিংপা হাং-হাং নিমমে, আউতারাং স্থির য়ুং।26হাংসু জিয়ো আসা নোইস্যা চোইপা কুং ইচ্ছা পুরা জো, আবিহিংয়া কা জ্যা-জ্যাকো তোইতা অধিকার জোকো পিচারোওয়া।27আকো নোইতাহা আবিকো তোইতাহা ইচো চাকো দোরোইংসো শাসন জোরোওয়া আসা আবিহিংয়া মোংটোকো য়োটি ত্যাবাপা চোচোনোনোপা জোপুরোওয়া। কাহা আপাকোসো মুংওয়া ই অধিকারহা আবিহিং পিচারোওয়া।28কা আবিহিংয়া হাপকুংকো ফুইমারে পিচারোওয়া।29“হাংসুকো নানুং নি, সেংজাকো লাংবেকো মন্ডলিবিহিং জাংওয়া নুওয়াং হিং!”
The Seed Company