প্রকাশ17
1আকু নীচো কচৌরা চুংওয়া লোডিংবাকো পোইংবিতাহা ইচোহা কুংতা ওয়াংমসা কাহিং জাংয়ে, “ইতা ওয়াং, কা নাতিহিংয়া উইসে তিবিকো তোইতা রাজ জোমসা য়ুংওয়া আকু টেবো নুংনাংরিহিং পিচাওয়া ইন্সাপ তিংপারোওয়া।2আকুহিংপাহা বাসিমতিকো জাইপুবিহা নুংনাংসুমি নিও, আসা বাসিমতিতা য়ুংওয়াবিহা আকো নুংনাংওয়াকো নশাসো মেইপুমি নিও।”3আসা আকুহা কাহিংয়া লাংবেতা পুউপুমসা ইচো চিচ্চোওয়া জায়গাকো নাপোতা পুরায়ে। আউতাহা নীচো পোরো আসা ত্যাচো ডাং নিওয়া সেংজাহিং নিন্দা জোওয়া মিংবিসো মেইপুওয়া নিওয়া চাইচাইওয়া অ্যালুইক্যইওয়া রংকো সেংচেংকো তোইতা গাদিংওয়া ইচো মেমেহিং কা তিংয়ে।4আকু মেমেহা বেইগুনি আসা অ্যালুইওয়া রংকো আংদুং লুওয়া নিমি, আসা আকু সুন, রত্ন আসা মোতিবি গিমসা য়ুংওয়া নিমি, আসা আচকাক্যইওয়া নুওয়াং, অর্থাৎ আকু নুংনাংওয়াকো মেংতাওয়া নুওয়াংবিসো মেইপুওয়া ইচো সুনকো চোপোই খুইতা চুংওয়া নিমি।5আকো তিঙাংতা ইচো মিং লামি নিমি। আকু মিংকোহা নাপোকো অর্থ নিমি।
বাসিমতিকো নুংনাংরিবি
আসা আচকা-চিগাক্যইওয়াবিকো আয়ু
টেবো বেবিলোন।6আসা কাহা আকু মেমেহিংয়া পবিত্র দিংঙাবিকো য়ুতি আসা ইশুকোতা জিংমসা সিপুওয়া দিংঙাবিকো য়ুতি আংমসা গাইদিংওয়া তিংয়ে।
আকুহিং তিংমসা কাহা সিওপারাং আআংপেপেচপা জিংপুয়ে।7আত্রংহা আকু লোডিংবাকো পোইংহা কাহিং জাংয়ে, “নাতিহা হাংপা আআংপেপেচপা জিংদিংগা? আকু মেমে আসা আকুহিং পুউওয়া নীচো পোরো আসা ত্যাচো ডাং নিওয়া সেংচেংকো নাপোকো নুওয়াংহা কা নাতিহিং ল্যারোওয়া।8নাকো তিংওয়া আকু সেংচেংহা ইচো সময় নিমগা, আদো নেহা মোতো, আসা দাংপুওয়াতা হ্যাকো সোতা আকুহা নাঘীওয়া লিমুসো তোইতা ওয়াংপামি নিও। আসা বাসিমতিকো দিংঙাবি, হাংসুকো মিং বাসিমতি দিংনুসোহা সাদিকো হিগাতা লামি মাতামমে, আবিহা আকু সেংচেংহিং তিংমসা আআংপেপেচপা জিংরোওয়া, হাংপাতানাহা আকুহা ইচো সময় নিমগা, আদো নেহা মোতো আসা নোইতাহা ওয়াংরোওয়া।9“কোইনেওয়া নুওয়াংহা ইরাংগা: আকু নীচো পোরোহা নীচো লাগাবিগা, হানি লাগাবিকো তোইতা আকু মেমে গাদিংওয়া নিমমে।10আবিহা নীচো জাইপুবিরেগা: ঙাচোহা দাংপুনতেয়ো, ইচোহা নিকোরে নিদিংয়ো, আসা দোসরাহা নেচোইপা মোওয়াংয়াংতো। আকু ওয়াংপুনতেনুওয়া আম্যই সময়কো সোতা মেংচে য়ুংচামুংরোওয়া।11আকু সেংচেং, হানি এক সময় নিমমে, আদো নেহা মোতো, আকুহা আট নম্বর জাইপুগা। ইহা আট নম্বর জাইপু জিংদো নীচো জাইপুবিহিংপারাং সহভাগী নিমগা, আদো আকুহা দাংপুরোওয়া।12“নাকো তিংওয়া আকু ত্যাচো ডাংহা ত্যাচো জাইপুবিগা, হাংসু নেচোইপা জাইপুকো সে মামুংয়াংমমে, আদো আবিহা আকু সেংচেংহিংপা আম্যই সময়কো সোতা জাইপুকোরাং অধিকার মুংচারোওয়া।13আবিহা ইচো তুংসিংকো নিও, আসা আবিহা আপনিকো সে আসা অধিকারহা আকু সেংচেংহিং স্যইপুরোওয়া।14আবিহা লুকাকো বিরোধতা লুইসুরোওয়া, আসা আকুহা আবিহিংয়া জিয়োরোওয়া, হাংপাতানাহা আকুহা গিরিবিকো গিরিগা আসা জাইপুবিকো জাইপুগা। আকুহিংপা চিত্তা নিমবিহা মোউওয়াবি, জেংওয়াবি আসা দেংকো ছুওয়াবিগা।”15আকু লোডিংবাকো পোইংহা কাহিং জাংয়ে, “নাকো তিংওয়া আকু তিবিহা, হাংতা আকু নুংনাংরি গাদিংমি নিমমে, আকুহা দিংঙাবিগা, য়ায়া-য়ুয়ুওয়াবিগা, জ্যাবিগা আসা ক্যাবিগা।16আসা নাকো তিংওয়া আকু ত্যাচো ডাং আসা আকু সেংচেংহা আকু নুংনাংরিহিংয়া আচকাপা জোরোওয়া, আসা আকুহিং ইচোদাং আসা পাইক্রি জোপুরোওয়া, আকো বিয়াহা চাপুরোওয়া, আসা আকুহিংয়া মেহতা চুংপুরোওয়া।17হাংপাতানাহা সেংজাকো য়্যইদি পুরা মাজিংনু চোইপা ইচো তুংসিং জিংমসা আবিহা আপনিকো জাইপুকো সেহা আকু সেংচেংহিং পিচামসা আকো অধিকার পুরা জোকো সেংজাহা আবিকো তুংসিংতা ই নোচেং ওয়্যাপুয়ে!18নাকো তিংওয়া আকু মেমেহা টেবো শহরগা, হাংসু বাসিমতিকো জাইপুবিহিং অধিকার জোমমে।”
বাসিমতিকো নুংনাংরিবি
আসা আচকা-চিগাক্যইওয়াবিকো আয়ু
টেবো বেবিলোন।6আসা কাহা আকু মেমেহিংয়া পবিত্র দিংঙাবিকো য়ুতি আসা ইশুকোতা জিংমসা সিপুওয়া দিংঙাবিকো য়ুতি আংমসা গাইদিংওয়া তিংয়ে।
আকুহিং তিংমসা কাহা সিওপারাং আআংপেপেচপা জিংপুয়ে।7আত্রংহা আকু লোডিংবাকো পোইংহা কাহিং জাংয়ে, “নাতিহা হাংপা আআংপেপেচপা জিংদিংগা? আকু মেমে আসা আকুহিং পুউওয়া নীচো পোরো আসা ত্যাচো ডাং নিওয়া সেংচেংকো নাপোকো নুওয়াংহা কা নাতিহিং ল্যারোওয়া।8নাকো তিংওয়া আকু সেংচেংহা ইচো সময় নিমগা, আদো নেহা মোতো, আসা দাংপুওয়াতা হ্যাকো সোতা আকুহা নাঘীওয়া লিমুসো তোইতা ওয়াংপামি নিও। আসা বাসিমতিকো দিংঙাবি, হাংসুকো মিং বাসিমতি দিংনুসোহা সাদিকো হিগাতা লামি মাতামমে, আবিহা আকু সেংচেংহিং তিংমসা আআংপেপেচপা জিংরোওয়া, হাংপাতানাহা আকুহা ইচো সময় নিমগা, আদো নেহা মোতো আসা নোইতাহা ওয়াংরোওয়া।9“কোইনেওয়া নুওয়াংহা ইরাংগা: আকু নীচো পোরোহা নীচো লাগাবিগা, হানি লাগাবিকো তোইতা আকু মেমে গাদিংওয়া নিমমে।10আবিহা নীচো জাইপুবিরেগা: ঙাচোহা দাংপুনতেয়ো, ইচোহা নিকোরে নিদিংয়ো, আসা দোসরাহা নেচোইপা মোওয়াংয়াংতো। আকু ওয়াংপুনতেনুওয়া আম্যই সময়কো সোতা মেংচে য়ুংচামুংরোওয়া।11আকু সেংচেং, হানি এক সময় নিমমে, আদো নেহা মোতো, আকুহা আট নম্বর জাইপুগা। ইহা আট নম্বর জাইপু জিংদো নীচো জাইপুবিহিংপারাং সহভাগী নিমগা, আদো আকুহা দাংপুরোওয়া।12“নাকো তিংওয়া আকু ত্যাচো ডাংহা ত্যাচো জাইপুবিগা, হাংসু নেচোইপা জাইপুকো সে মামুংয়াংমমে, আদো আবিহা আকু সেংচেংহিংপা আম্যই সময়কো সোতা জাইপুকোরাং অধিকার মুংচারোওয়া।13আবিহা ইচো তুংসিংকো নিও, আসা আবিহা আপনিকো সে আসা অধিকারহা আকু সেংচেংহিং স্যইপুরোওয়া।14আবিহা লুকাকো বিরোধতা লুইসুরোওয়া, আসা আকুহা আবিহিংয়া জিয়োরোওয়া, হাংপাতানাহা আকুহা গিরিবিকো গিরিগা আসা জাইপুবিকো জাইপুগা। আকুহিংপা চিত্তা নিমবিহা মোউওয়াবি, জেংওয়াবি আসা দেংকো ছুওয়াবিগা।”15আকু লোডিংবাকো পোইংহা কাহিং জাংয়ে, “নাকো তিংওয়া আকু তিবিহা, হাংতা আকু নুংনাংরি গাদিংমি নিমমে, আকুহা দিংঙাবিগা, য়ায়া-য়ুয়ুওয়াবিগা, জ্যাবিগা আসা ক্যাবিগা।16আসা নাকো তিংওয়া আকু ত্যাচো ডাং আসা আকু সেংচেংহা আকু নুংনাংরিহিংয়া আচকাপা জোরোওয়া, আসা আকুহিং ইচোদাং আসা পাইক্রি জোপুরোওয়া, আকো বিয়াহা চাপুরোওয়া, আসা আকুহিংয়া মেহতা চুংপুরোওয়া।17হাংপাতানাহা সেংজাকো য়্যইদি পুরা মাজিংনু চোইপা ইচো তুংসিং জিংমসা আবিহা আপনিকো জাইপুকো সেহা আকু সেংচেংহিং পিচামসা আকো অধিকার পুরা জোকো সেংজাহা আবিকো তুংসিংতা ই নোচেং ওয়্যাপুয়ে!18নাকো তিংওয়া আকু মেমেহা টেবো শহরগা, হাংসু বাসিমতিকো জাইপুবিহিং অধিকার জোমমে।”
The Seed Company