প্রকাশ18
1আকো নোইতা লোডিংবাসো উইপামসা লেপাদাংওয়া দোসরা ইচো পোইংহিং কা তিংয়ে। আকোতাহা টেবো অধিকার নিমগা আসা আকো তেজসো তাংসা বাসিমতি হাহাইপা জিংপুয়ে।2আকুহা সাডিংপা ঙাংমসা এপা জাংয়ে, “তাংসা দাংপুয়ে! আকু টেবো বেবিলোন শহরহা দাংপুয়ে! নেহা শয়তানকো পোইংবি, মেংতাওয়া লাংবেবি, আচকাক্যইওয়া আসা আচকাকোইওয়া জিয়া আউতা য়ুংরোওয়া,3হাংপাতানাহা তাংসা জ্যাবি আকো নুংনাংসুওয়াসো আংগুরকো য়ু আংমসা গাইমবেপা গাইমি নিও। বাসিমতিকো জাইপুবিরে আকুহিংপা হোমসা নুংনাংসুয়ে আসা আকো মাপ্যাচওয়া অবিলাষাকো ত্রিষ্নাসো বাসিমতিকো বেপার জোওয়াবিহা টেবো পুপুউ জিংপুয়ে।”4আকো নোইতাহা ডিংবাসো এপা জাংওয়া শব্দ কা হিংয়ে, “ও কুং দিংঙাবাই! আকুসো বারগাং য়ুং। আকো পাপতা সহভাগী মাজিং। আকো সজায়হা নাবিকো তোইতা মাহুইকো।5হাংপাতানাহা আকো পাপকো ব্যাহা ডিংবা চোইপা দেকামি নিও, আসা সেংজাহা আকো তাংসা মেংতাওয়া কামহিংয়া প্যারাপামি নিও।6নাবিহিং আকুহা হাই-হেপা জোমি নি, আকুহিংনে এপারাং জো। নাবিহিং আকু হাসে হাই জোমি নি, আকুহিংনে আকুরোমা নিহদ্যা সিওপা পিচাপুই। নাবিকো সোতা আকো চারামারা জোওয়া য়ু-পুটকুইরোমা সিওপা চাচরাক্যইওয়া য়ু-পুটকুই আকো কচৌরাতা মেইপাপি।7আকু হাসে মান-সম্মানতা, য়াংতা-কেতাওয়াতা য়ুংমি নিমমে, আউসেরাং কোইচ্যাওয়া আসা সেংদুওয়া আকুহিং পিচা, হাংপাতানাহা আকুহা তুংসিং নাংনাংসোরাং জাংমগা, কাহা টেবো জাইমু জিংমসা আউতা য়ুংরোওয়া। কা মুরিং মোকো। কাহিংয়া সেংদুমঘ্যইরোওয়া।8আকো সোতা সাইয়ুত্তা আকো তোইতা বিপদ, সেংদুওয়া, য়োংন্যা, অনিকাল হুইরেরোওয়া আসা আকুহিংয়া মেহতা ওংপাপুরোওয়া, হাংপাতানাহা আকুহিং ন্যায় জোওয়া সেংজাহা শক্তিশালি নিও।”9আকু শহরহিং ওংপাওয়া মেহকো মুধুই তিংনুওয়া আকুহিংপা নুংনাংসুওয়া বাসিমতিকো জাইপুবিহা আকো সোতা বিলাপ জোসুরোওয়া।10আবিহিংয়া আকো সজায় মালাগেকো তামসা আবিহা তানাংতা জাসুমসা এপা জাংসুরোওয়া, “ল্যারা-চ্যাচ্যা বেবিলোনতা! হাংপা এপা জিংক্যইওয়া দুঃখ দেয়োংমমে! এক ঘন্টাতারাং নাতিহা সজায় মুংয়ে!”11বাসিমতিকো বেপার জোওয়াবিরে আকো সোতা বিলাপ জোরোওয়া, হাংপাতানাহা আবি তাংসা আবিকো সোংসা চোইচকো ল্যাপুরোওয়া।12হাংসুরে আবিকো সুন, জাতাং, রত্ন, মোতি, এনতাওয়া সুতি আংদুংকো সোংসাবি, বেইগুনি রংকো আংদুং, রেশম, জুওয়্যাচি বেওয়া আংদুং, হুইসে কিসিমকো পাংক্যইওয়া কেংপ্রা আসা লাংগুচেমাকো সেতাংসো বানাইওয়া সোংসাবি, প্যাংকোইওয়া কেংপ্রা, কাঁসাকো সোংসা, চা আসা সিংগোমোরমোরবি মোচোইরোওয়া।13দালচিনি, তাংসা কিসিমকো মোসলা, ওহও্যহপা মেনাংওয়া সাংবি, মুররা আসা হাংপাওয়া সাং, য়ু আসা চুইতি, মোইদা আসা গেহুং, পিকাবি, লুকাবি, ওইংঙা আসা ওইংঙা গারিবি, ডেইয়াবি আসা দিংঙাবিপারাং মোচোইচারোওয়া।14ব্যাপার জোমবিহা আকুহিং জাংরোওয়া, “নাকো ইচ্ছা জোওয়া এনতাওয়া নুওয়াংবিহা য়াংপুয়ে। নাকো পুংজিবি আসা মান-সন্মানবিহা তাংসা দাংপুনতেয়ে আসা আকু তাংসা হাত্রংরে মামুংরোওয়া।”15ই ব্যাপার জোওয়াবি, হাংসু ই শহরতা বেপার জোমসা পুপুউ জিংমমে, আবিহা টানাং জাসুমসা চুসুং-মাইসুংক্যইওয়া বিপদসো চুসুংরোওয়া। আসা আবিহা বিলাপ জোমসা এপা জাংমসা ঙাসুরোওয়া,16“ই শহরহা ল্যারা-চ্যাচ্যা! ইহা এনতাওয়া সুতিকো আংদুং, বেইজনি আসা জুওয়্যাচি রংকো অ্যালুইক্যইওয়া আংদুংবি লুচাংমগা আসা সুন, পাংক্যইওয়া রত্ন আসা মোতিকো তিসেবি সুংচাংমগা।17এক ঘন্টাতারাং আকুহা তাংসা য়াংপাপুয়ে।”
জাহাজকো ক্যাপ্টেইনবি, আউতা বাইমবি, আকুহিং চালাইমবি, আসা ঝাহাদিতা কাম জোমসা আপনিকো ফেমা তুইমবি তাংসারাং তানাং জামসা18শহরসো নোওয়া মুদুই তিংমসা এপা জাংসুমসা ঙাসুয়ে, “ই বেওয়া টেবো শহরহা হানিরে মাতামগা!”19আবিহা পোরোতা মোংটো গাসুমসা এপা জাংমসা ন্যাসারাং বিলাপ জোমসা ঙাসুয়ে, “ই শহরতা হেপা জিংক্যইওয়া বিপদ দেয়োংমমে! ই শহরকো পুংজিসোহা জাহাজকো গিরিবিহা পুপুউ জিপুমি নিমগা। আদো এক ঘন্টাতারাং আকু তাংসারাং দাংপুয়ে!”20ও তাংসা লোডিংবাতা নিওয়াবাই, আকু দাংপুওয়াতা য়াংতাকো জো। ও সেংজাকো পবিত্র দিংঙাবাই, জেংওয়া পোইংবাই আসা অগমবক্তাবাই, নাবি তাংসা য়াংতা, হাংপাতানাহা আকুহা নাবিহিং হাই জো, আকো সোতাহা সেংজাহা আকুহিংয়া দন্ড পিচামি নিও।21আকো নোইতা ইচো সে নিক্যইওয়া লোডিংবাকো পোইংহা ইচো টেবো ওয়াংটা এটে নিক্যইমি লুংটুই তোরোইমসা এপা জাংমসা ঝাহাদিতা বাডোইয়ে, “ই টেবো শহর বেবিলোনরে ই বেপারাং সাডিংপা বাডোইচাপুরোওয়া, আসা আকুহা ন্যাসা হাত্রংরে মাতিংরেরোওয়া।22গোংটাং, বাসি আসা পেপনে খ্যাওয়াকো আওয়াজ আসা লেদি লেহওয়াবিকো শব্দ ইসো য়ুতাহা নাকোতা মাহিংরেরোওয়া, আসা হাইক্রি কামবিতা লাগেওয়া দিংঙাবি নাকোতা মামুংরোওয়া। ওয়াংটা হুইওয়া আওয়াজ আউতা মাতারোওয়া।23দিব্রিকো হাহাইওয়া হিনিসো নাকোতা হাহাইপা মাজিংরোওয়া আসা বিয়ৌলা-বিয়ৌলিকো শব্দ নাকোতাহা মাহিংরেরোওয়া। বাসিমতিকো ব্যাপারিবিতাহা নাকো ব্যাপারিবিহা হাংসুরোমা পুপুউ নিমগা, নাকো পায়োং জাদুগরবিসো নাতিহা বাসিমতিকো তাংসা দিংঙাবিহিং ল্যহপায়ে!24“বেবিলোনহা সজায় মুংমি নিও, হাংপাতানাহা অগমবক্তা আসা সেংজাকো তাংসা পবিত্র দিংঙাবিকো য়ুতি আকু শহরতারাং ক্যাপাওয়া দোসুয়ে। বাসিমতিতা স্যাপুওয়াবি তাংসাকো য়ুতিহা ই শহরতারাং মুংমি নিমগা।”
জাহাজকো ক্যাপ্টেইনবি, আউতা বাইমবি, আকুহিং চালাইমবি, আসা ঝাহাদিতা কাম জোমসা আপনিকো ফেমা তুইমবি তাংসারাং তানাং জামসা18শহরসো নোওয়া মুদুই তিংমসা এপা জাংসুমসা ঙাসুয়ে, “ই বেওয়া টেবো শহরহা হানিরে মাতামগা!”19আবিহা পোরোতা মোংটো গাসুমসা এপা জাংমসা ন্যাসারাং বিলাপ জোমসা ঙাসুয়ে, “ই শহরতা হেপা জিংক্যইওয়া বিপদ দেয়োংমমে! ই শহরকো পুংজিসোহা জাহাজকো গিরিবিহা পুপুউ জিপুমি নিমগা। আদো এক ঘন্টাতারাং আকু তাংসারাং দাংপুয়ে!”20ও তাংসা লোডিংবাতা নিওয়াবাই, আকু দাংপুওয়াতা য়াংতাকো জো। ও সেংজাকো পবিত্র দিংঙাবাই, জেংওয়া পোইংবাই আসা অগমবক্তাবাই, নাবি তাংসা য়াংতা, হাংপাতানাহা আকুহা নাবিহিং হাই জো, আকো সোতাহা সেংজাহা আকুহিংয়া দন্ড পিচামি নিও।21আকো নোইতা ইচো সে নিক্যইওয়া লোডিংবাকো পোইংহা ইচো টেবো ওয়াংটা এটে নিক্যইমি লুংটুই তোরোইমসা এপা জাংমসা ঝাহাদিতা বাডোইয়ে, “ই টেবো শহর বেবিলোনরে ই বেপারাং সাডিংপা বাডোইচাপুরোওয়া, আসা আকুহা ন্যাসা হাত্রংরে মাতিংরেরোওয়া।22গোংটাং, বাসি আসা পেপনে খ্যাওয়াকো আওয়াজ আসা লেদি লেহওয়াবিকো শব্দ ইসো য়ুতাহা নাকোতা মাহিংরেরোওয়া, আসা হাইক্রি কামবিতা লাগেওয়া দিংঙাবি নাকোতা মামুংরোওয়া। ওয়াংটা হুইওয়া আওয়াজ আউতা মাতারোওয়া।23দিব্রিকো হাহাইওয়া হিনিসো নাকোতা হাহাইপা মাজিংরোওয়া আসা বিয়ৌলা-বিয়ৌলিকো শব্দ নাকোতাহা মাহিংরেরোওয়া। বাসিমতিকো ব্যাপারিবিতাহা নাকো ব্যাপারিবিহা হাংসুরোমা পুপুউ নিমগা, নাকো পায়োং জাদুগরবিসো নাতিহা বাসিমতিকো তাংসা দিংঙাবিহিং ল্যহপায়ে!24“বেবিলোনহা সজায় মুংমি নিও, হাংপাতানাহা অগমবক্তা আসা সেংজাকো তাংসা পবিত্র দিংঙাবিকো য়ুতি আকু শহরতারাং ক্যাপাওয়া দোসুয়ে। বাসিমতিতা স্যাপুওয়াবি তাংসাকো য়ুতিহা ই শহরতারাং মুংমি নিমগা।”
The Seed Company