প্রকাশ13
1ঝাহাদিসো ইপু সেংচেং নোমসা ওয়াংওয়া কা তিংয়ে, আকোহা ত্যাচো ডাং আসা নীচো পোরো নিমি। আকো দাংতাহা ত্যাচো মুকুট নিমি, আসা আকো পোরো পোরোতাহা সেংজাহিং বিরোধ জোওয়া মিংবি নিমি।2কুং তিংওয়া আকু সেংচেংহা চির্বা ত্যাবাপা নিমি, আকো কোকোইবিহা নায়াকো আসা নামুহা সিংহকো ত্যাবাপা নিমি, আকু য়ুপুই পুইয়াহা আকু সেংচেংহিংয়া আপনিকো সে, আপনিকো গাদিং আসা টেবো অধিকার আকু সেংচেংহিং পিচায়ে।3আকো ইচো পোরোতাহা ঘাইতে জিংপুনতেওয়াকো মেংটা ত্যাবাপা তিংচাংমি, আদো আকো মেংটাহা সাংপুয়ে। আসা তাংসা বাসিমতিহা আআংপেপেপা জিংপুমসা আকু সেংচেংকো নুনুই হোপুইয়ে।4দিংঙাবিহা য়ুপুই পুইয়াহিং নোংসুয়ে, হাংপাতানাহা আকুহা আপনিকো অধিকারহা সেংচেংহিং পিচামি নিমি। আবিহা এপা জাংসুমসা সেংচেংহিং নোংসুয়ে, “ই সেংচেং ত্যাবাপা হাংসু নিংগা? ইহিংপাহা হাংসু লুইসুকো ছুকোগা?”5আকুহিংয়া পুংটা আসা সেংজাহিং নিন্দা জোওয়া শব্দবি জাংকো নামু পিচায়ে। আকুহিংয়া বিয়ালিশ মোইনা চোইপা অধিকার জোকো সেংজাহা অনুমতি পিচায়ে।6সেংজাকো বিরোধতা নিন্দা জোকো, আকো মিং আসা আকো য়ুংওয়া, আসা লোডিংবাতা য়ুংসুওয়াবিহিংপারাং তাংসাকো নিন্দা জোকো আকুহা আপনিকো নামু ওয়েয়ে।7আসা আকুহিংয়া পবিত্র দিংঙাবিহিংপা লুইসুকো আসা আবিহিং জিয়োকো তামসা সেংজাহা অনুমতি পিচায়ে। তাংসা জিরিবি, দিংঙাবি, ক্যাবি আসা জ্যাবিকো তোইতা আকুহিংয়া অধিকার পিচায়ে।8বাসিমতিতা হাসে ইচোনি আবি তাংসা আকু সেংচেংহিং নোংসুয়ে। স্যাপুওয়া লুকাকো সাদিকো হিগাতা বাসিমতি দিংনুরোমা নাগাইসোরাং মিং লাপুনতেওয়া দিংঙাবি মেংচে আকু সেংচেংহিংয়া মোনোংতো।9হাংসুকো নানুং নি আকুহা হিংকো:10কৈদ জিংনেওয়াবিহা কৈদ জিংরোওয়া, তালওয়ারসো সিনেকোবিহা তালওয়ারসোরাং সিনেরোওয়া।
ইকো সোতা সেংজাকো দিংঙাবিকোতাহা সহায়ওয়া সে আসা দেংওয়া নিনেরোওয়া।11আসা বাসিমতিসো নোপাদাংওয়া দোসরা ইপু সেংচেং কা তিংয়ে। আকো দাংরে লুকাকো ত্যাবাপা নিহদাং নিমি, আসা য়ুপুই পুইয়া ত্যাবাপা আকুহা য়্যইমি।12আকুহা আকু নাগাইকো সেংচেংকো তাংসা অধিকার চালাইদিংমি, আসা বাসিমতি আসা আউতা য়ুংওয়া তাংসাহিং নাগাইকো সেংচেংহিং নোংপাচাংমি, হাংসুকো মাসাংওয়া মাকা সাংমি নিমমে।13দিংঙাকো মিচোকো নাগাইতা ডিংবাসোহা বাসিমতিতা মেহ হুইপাকো ত্যাবাপা টেরবো টেরবো চিহ্নবিরে আকুহা জোয়ে।14নাগাইকো সেংচেংকো নাগাইতা আকুহা হানি আআংপেপেচপুওয়া তিংপাওয়া সে আকুহিংয়া পিচামি নিমমে, আউসোরাং আকুহা বাসিমতিতা য়ুংওয়াবিহিংয়া দুদুইপায়ে। তালওয়ারসো চোট মুংমসাপারাং ঙাজ্যইং জিংওয়া আকু নাগাইকো সেংচেংকো সম্মানতা ইচো মুর্তি বানাইকো আকুহা আবিহিং অনুমতি পিচায়ে।15আকু নাগাইকো সেংচেংকো মুর্তিতাহা শ্বাস ওয়্যাপিকো তামসা সেংজাহা অনুমতি পিচায়ে, ইকো সোতা কি সেংচেংকো আকু মুর্তিহা য়্যইকো ছুকো, আসা আকু সেংচেংকো মুর্তিহিং হাংসু মোনোং, আবিহা সিনেরোওয়া।16আসা আকুহা টেবো আসা আপেচাওয়া, পুপুউ আসা জোরোংওয়া, ফুক্কা আসা ডেইয়া তাংসাহিং আবিকো দাংক্রেং খুই কিতা টিঙাংতাহা ছাপ লাগাইপায়ে।17আকু ছাপমি মাতানাহা হাংসুরে পিচা-চোইচা মাতাওয়া নিমি। আকু ছাপহা আকু সেংচেংকো মিং আসা আকো মিংকো সংখ্যাগা।18ইতাহা দুংজি ঘ্যইমগা, হাংসুকো নোচেংনি, আকুহা ই সেংচেংকো সংখ্যা জোরেকো, হাংপাতানাহানা আকুহা কুনাই দিংঙাকো সংখ্যাগা, আসা ই সংখ্যাহা ছয়শো ছেষট্টিগা।
ইকো সোতা সেংজাকো দিংঙাবিকোতাহা সহায়ওয়া সে আসা দেংওয়া নিনেরোওয়া।11আসা বাসিমতিসো নোপাদাংওয়া দোসরা ইপু সেংচেং কা তিংয়ে। আকো দাংরে লুকাকো ত্যাবাপা নিহদাং নিমি, আসা য়ুপুই পুইয়া ত্যাবাপা আকুহা য়্যইমি।12আকুহা আকু নাগাইকো সেংচেংকো তাংসা অধিকার চালাইদিংমি, আসা বাসিমতি আসা আউতা য়ুংওয়া তাংসাহিং নাগাইকো সেংচেংহিং নোংপাচাংমি, হাংসুকো মাসাংওয়া মাকা সাংমি নিমমে।13দিংঙাকো মিচোকো নাগাইতা ডিংবাসোহা বাসিমতিতা মেহ হুইপাকো ত্যাবাপা টেরবো টেরবো চিহ্নবিরে আকুহা জোয়ে।14নাগাইকো সেংচেংকো নাগাইতা আকুহা হানি আআংপেপেচপুওয়া তিংপাওয়া সে আকুহিংয়া পিচামি নিমমে, আউসোরাং আকুহা বাসিমতিতা য়ুংওয়াবিহিংয়া দুদুইপায়ে। তালওয়ারসো চোট মুংমসাপারাং ঙাজ্যইং জিংওয়া আকু নাগাইকো সেংচেংকো সম্মানতা ইচো মুর্তি বানাইকো আকুহা আবিহিং অনুমতি পিচায়ে।15আকু নাগাইকো সেংচেংকো মুর্তিতাহা শ্বাস ওয়্যাপিকো তামসা সেংজাহা অনুমতি পিচায়ে, ইকো সোতা কি সেংচেংকো আকু মুর্তিহা য়্যইকো ছুকো, আসা আকু সেংচেংকো মুর্তিহিং হাংসু মোনোং, আবিহা সিনেরোওয়া।16আসা আকুহা টেবো আসা আপেচাওয়া, পুপুউ আসা জোরোংওয়া, ফুক্কা আসা ডেইয়া তাংসাহিং আবিকো দাংক্রেং খুই কিতা টিঙাংতাহা ছাপ লাগাইপায়ে।17আকু ছাপমি মাতানাহা হাংসুরে পিচা-চোইচা মাতাওয়া নিমি। আকু ছাপহা আকু সেংচেংকো মিং আসা আকো মিংকো সংখ্যাগা।18ইতাহা দুংজি ঘ্যইমগা, হাংসুকো নোচেংনি, আকুহা ই সেংচেংকো সংখ্যা জোরেকো, হাংপাতানাহানা আকুহা কুনাই দিংঙাকো সংখ্যাগা, আসা ই সংখ্যাহা ছয়শো ছেষট্টিগা।
The Seed Company