মথি3
1আকু সময়তা বাপ্তিস্মা পিচাওয়া য়হুন্নাহা য়হুদিয়াকো চিচ্চোওয়া জায়গাতা দিংঙাবিহিং এপা জাংমসা দেরেং হিংপাদাংয়ে,2“আপনি আপনিকো পাপকো পশ্চতাপ জোমসা আকু পাপহিং ল্যাতে, হাংপাতানাহা সেংজাকো রাজ্যহা আবেইতা দেপাদাংতেয়ো।”3নেহা এশাইয়া অগমবক্তারে য়হুন্নাকো তোইতা নাগাইসোরাং এপা জাংমি নিমগা:“হিং, চিচ্চোওয়া জায়গাতা ইচো সাডিংপা ঙামসা এপা জাংদিংয়ো,‘প্রভুসেংজাকো লেওয়া ন্যাতা ঠিক জো,আকো তেইওয়া ন্যাতাবি গেংপা জো’।”4য়হুন্নাহা ত্যাইরম্যাকো মুসাসো ফিওয়া আংদুং লুচাংমি, আসা কেংনুংতা বেকোংকো কোংন্যা জিংচাংমি, আসা দিংজ্রাসো চুংচাকো শুইমাকো পুতিবি চাচাংমি।5য়রুশালেম শহর, য়হুদিয়াকো তাংসা লোই আসা য়র্দন জোরাসো হুরাপা দিংঙাবিহা আকোতা ওয়াংপায়ে,6আসা আপনি আপনিকো পাপহিং ল্যাতেমসা ওয়াংওয়াবিহিংয়া য়হুন্নাহা য়র্দন জোরাতা বাপ্তিস্মা পিচায়ে।7ফরিসি আসা সদুকি তাওয়া তাংজিকো নিহসো পারাকো উইসে দিংঙাবিরে বাপ্তিস্মা লাংকো য়হুন্নাকোতা লেয়ে। আবিহিং ওয়াংপাওয়া তিংমসা য়হুন্নাহা জাংয়ে, “ও সিওপা লিং নিওয়া পুইয়াকো চেংবাই, সেংজাকো জোওয়া ন্যায়সো ক্যাচকো তামসা নাবিহিংয়া হাংসু জাংপিংগা?8নাবিহা আপনি আপনিকো পাপহিংয়া পশ্চতাপ জোয়ো তামসা লায়োংদানাহা আকো নাগাইতা এনতাওয়া কাম তিংপা। ‘কাবিহা অব্রাহামকো চেংচুংবিগা’ আকো সোতা ন্যায়সোহা ক্যাকো চুরোওয়া তামসা নাবিহা মোনোগে, কা নাবিহিংয়া জাংরোওয়া, হাংপাতানাহা সেংজাহা ই লুংটুইসোরে অব্রাহামকো চেংবি নোপাকো চুরোওয়া।10সিংতেংকো দেবেতা ন্যায়কো দুপে সোকানতেও। এনতাপা ফল মেসেওয়া তাংসা সিংতেংহিংয়া নেমসা মেতা বাডোইপুরোওয়া।11“আজিপ্পারাং, কা নাবিহিংয়া আপনি আপনিকো পাপহিং পশ্চতাপ জোকো তামসা নাবিহিংয়া তিসো বাপ্তিস্মা পিচাদাংয়ে, আদো কুং নোইতা লেপাওয়াহা নাবিহিংয়া পবিত্র লাংবে আসা মেহসো বাপ্তিস্মা পিচারোওয়া। আকুহা কারোমা টেবোগা। কা আকো কোরোংবি পুউওয়া ডেইয়া বেপারে মোতো।12আকুহা গেহুং তাওয়া কুরাহা খুইতা চুংপুনতেয়ো। তাপুনতেনুকো নোইতাহা গেহুংবিহা তোপাতা এরোওয়া, আদো ভিতোবিহা হাত্রংরে মিসিওয়া মেহতা চুংপুরোওয়া।”13আত্রংকো সময় ইশুহা গালীলসো দেরেয়ে আসা আকুহা বাপ্তিস্মা লাংকো সোতা য়র্দন জোরাতা য়হুন্নাকোতা লেয়ে।14আদো য়হুন্নাহা আকুহিংয়া এপা জাংমসা য়োইকো কেংয়ে, “কাহা নাতিহিংয়া বাপ্তিস্মা পিচাকো ছুকো বেপা মোতো, নাতিহা কাহিং বাপ্তিস্মা পিচানেকোগা। আদো নাতিহা কুংতা ওয়াংয়ো।”15ইশুহা আকুহিং জাংয়ে, “নেহা এপারাং জো, হাংপাতানা সেংজাকো তাংজিহিং পুরা জোকো য়াংবিহা নেহা এপারাং জোনেরোওয়া।”
ই নুওয়াং হিংমসা য়হুন্নাহা ইশুহিং বাপ্তিস্মা পিচায়ে।16বাপ্তিস্মা লাংপুনতেনুকো নোইতাহা ইশুহা তিসো বাইরে নোয়ে, আত্রংহা লোডিংবা ওয়েচপুয়ে আসা আকুহা সেংজাকো লাংবেহিং কুইজা ত্যাবাপা উইপামসা আপনিকোতা লেপাদাংওয়া তিংয়ে।17আত্রংরাং লোডিংবাসো এপা জাংওয়া ক্যা হিংয়ো, “ইহা কুং জেজেংওয়া চেংওয়াগা, ইহিংপা কা গাগ্রুপা নিও।”
ই নুওয়াং হিংমসা য়হুন্নাহা ইশুহিং বাপ্তিস্মা পিচায়ে।16বাপ্তিস্মা লাংপুনতেনুকো নোইতাহা ইশুহা তিসো বাইরে নোয়ে, আত্রংহা লোডিংবা ওয়েচপুয়ে আসা আকুহা সেংজাকো লাংবেহিং কুইজা ত্যাবাপা উইপামসা আপনিকোতা লেপাদাংওয়া তিংয়ে।17আত্রংরাং লোডিংবাসো এপা জাংওয়া ক্যা হিংয়ো, “ইহা কুং জেজেংওয়া চেংওয়াগা, ইহিংপা কা গাগ্রুপা নিও।”
The Seed Company