মথি19
1ই নুওয়াং জাংপুনতেনুকো নোইতাহা ইশুহা গালীলসোহা য়হুদিয়াকো য়র্দন জোরাকো নুব্যাতা হোয়ে।2উইসে দিংঙাবিহা আকো নুনুই হুইপুয়ে, আসা আকুহা আউতা দিংঙাবিহিংয়া সাংপায়ে।3ইচো নিহসো ফরিসিবিহা আকোতা ওয়াংমসা আকুহিং পরিক্ছা জোমসা উইয়ে, “দিংঙাহা হাইরে কারণ মাতাপা আপনিকো মেহিং পেইকো লিংপাংতা জাংওয়া সেই তুকোগা না মোতুকোগা?”4আদো আকুহা জাংয়ে, “নাবিহা তাংজিকো হিগাতা মাপাড়াইয়াংগা? শুরুতা সেংজাহা দিংঙাহিং দিংনুওয়া পোজাসো মেমেহিং দিংমগা।5‘আকো সোতা দিংঙাহা আপনিকো আয়ু, আপাহিং ল্যামসা আপনিকো মেহিংপা য়ুংপুমগা, আসা আবি নিহসোহা ইচো জুপা জিংপুমগা।’6আবিহা নেহা নিহসো মোকো, আদো ইচো জুপা জিংরোওয়া। আকো সোতা সেংজাহা হাংসুহিং চিত্তা ইচো জোমি নি, আকুহিংয়া দিংঙাবিহা মেপেইপাকো।”7আবিহা আকুহিংয়া জাংয়ে, “এপা বেনাহা মেহিং পেইওয়াবিহিংয়া পেইপুওয়াকো লেখা-পরি বানাইমসা পেইকো তামসা মোসাহা হাংপা লামগাসা?”8ইশুহা আবিহিংয়া জাংয়ে, “নাবিকো তুংসিং লুংটুই ত্যাবাপা জিংওয়াকো সোতারাং মোসাহা মেহিং পেইকো ছুরোওয়া তাওয়া নুওয়াং জাংমগা। আদো বাসিমতি দিংনুসোহা এপা মাতামগা।9কা নাবিহিংয়া জাংরোওয়া, নুংনাংসুওয়াকো দোষ মাতাপা মেহিং পেইমসা দোসরাহিং বিয়ৌ জোনাহা, আকুরে নুংনাংওয়ারাংগা।”10য়োংতোংবিহা আকুহিংয়া জাংয়ে, “ওয়াসো মেকোহা এপাজিংওয়া সমন্ধবেমি নিনাহা বিয়ৌ মোজোওয়ারাং এনতারোওয়া।”11ইশুহা আবিহিংয়া জাংয়ে, “তাংসা দিংঙাবিহা এপা জিংওয়া য়্যইদিহা মানেমক্যইমগা, আবি মেংচে মানেকো চুরোওয়া, হাংসুহিং সেংজা পিচামমে।12হাংপাতানাহা লেরাহা কেনুসোরাং নপুংসক নিমগা, আসা লেরাহা দিংঙাকো বানাইওয়া নপুংসক নিমগা। আসা লেরাহা আপনিহিং সেংজাকো রাজ্যকো সোতা নপুংসক জিংমসা য়ুংমগা। হাংসু গ্রহন জোকো ছু, আকুহা ইহিংয়া গ্রহন জোকো।”13ইশু আপেবিকো তোইতা খুই ওইমসা পাচাইপিকো তামসা দিংঙাবিহা আবিহিং ইশুকোতা পারায়ে। আদো য়োংতোংবিহা আকু দিংঙাহিংয়া য়েংয়ে।14আদো ইশুহা জাংয়ে, “আপেবিহিংয়া কুংতা ওয়াংকো পিচা, আবিহিং মোয়োই, হাংপাতানাহা সেংজাকো রাজ্যহা এপাজিংওয়াবিকোরাংগা।”15আসা ইশুহা আকু আপেবিকো তোইতা খুই ওইমসা আশিষ পিচামসা আউসো হ্যাপুয়ে।16ইকোইহা আকোতা ওয়াংমসা ওয়াংটেংটেংগেংওয়া দিংঙাহা জাংয়ে, “ও উটকেওয়া, হাত্রংরে মিসিওয়া সাদি মুংচাকোহা কাহা হাং এনতাওয়া কাম জোনেকোগা?”17ইশুহা আকুহিংয়া জাংয়ে, “এনতাওয়া কামকো সোতাহা নাতিহা কাহিংয়া হাংপা উইমগা? এনতাওয়াহা ইচো মেংচে নিও। আদো নাতিহা সাদিতা হোকো কেংনাহা, সেংজাকো আজ্ঞাহিং পালন জো।”18আকুহা ইশুহিংয়া জাংয়ে, “হানি আজ্ঞাবিগা?”
ইশুহা আকুহিংয়া জাংয়ে, “নাতিহা দিংঙা মাস্যা, মোনুংনাংসু, মুকুই, প্যায়োং গাওয়াই মিচা।19আয়ু আপাকো আদর জো, আসা আপনিকো সাবেইবিহিংনে আপনিহিং ত্যাবাপা জেজেংপা জো।”20আকু ওয়াংটেংটেংগেওয়া দিংঙাহা ইশুহিংয়া জাংয়ে, “ই তাংসা আজ্ঞাবিহা কাহা পালন জোমসারাং ওয়াংমি নিও। কাহা নেহা দোসরা হাং জোনেকোগাসা?”21ইশুহা আকুহিংয়া জাংয়ে, “নাতিমি চোসোপা জিংকো কেংনাহা, হোমসা নাতিহিংপা নিওয়া তাংসা পুংজি পিচামসা জোরোংবিহিং ন্যাস্যা চোপি, আসা নাতিহা লোডিংবাতা পুংজি মুংচারোওয়া, আসা ওয়াংমসা কুং নুনুই হুই।”22আত্রংহা আকু দিংঙাহা ই নুওয়াং হিংমসা তুংসিং চিচপুমসা হোপুইয়ে, হাংপাতানাহা আকোতাহা উইসে পুংজিবি নিমি।23আকো নোইতাহা ইশুহা য়োংতোংবিহিং জাংয়ে, “আজিপ্পারাং, কা নাবিহিংয়া জাংরোওয়া, সেংজাকো রাজ্যতাহা পুপুউ দিংঙাহিংয়া হোকোহা হ্যামরাপা নিও।24ন্যাসারাং কা নাবিহিংয়া জাংরোওয়া, পুপুউ দিংঙাহিংয়া সেংজাকো রাজ্যতা হোওয়ারোমা, ত্যাইরম্যা ল্যাকো হোইংব্যইসো হোকো জাংতোংপা জিংরোওয়া।”25ই হিংমসা য়োংতোংবিহা সিওপারাং আআংপেপেচপুমসা জাংয়ে, “এপা বেনাহা হাংসু মুক্তি মুংকো চুকোগাসা?”26ইশুহা আবিহিংয়া ন্যইমসা জাংয়ে, “দিংঙাবিকো সোতাহা ইহা মাতুওয়াগা, আদো সেংজাকোতাহা তাংসা তুমগা।”27আত্রংহা পত্রসহা জাংয়ে, “কাং, কাবিহা তাংসা হুইতেমসা নাকো নুনুই হুইমি নিও। কাবিহা হাং মুংচাকোগা?”28ইশুহা আবিহিংয়া জাংয়ে, “আজিপ্পারাং, কা নাবিহিংয়া জাংরোওয়া, হাত্রং দিংঙাকো চেংওয়াহা আকু চুবে বাসিমতিতা আপনিকো মহিমাকো গাদিংতা গা, আত্রংহা কুং নুনুই হুইওয়া নাবিরে বার্চো গাদিংতা গারোওয়া, আসা ইস্রাইলিবিকো বার্চো জিরিহিং ন্যায় জোরোওয়া।29কুং সোতা আপনিকো সা, আপু এবি, আনা-হুম্রিবি, আয়ু-আপা, চেংবি আসা মোংটো-কেটো হুইতেমবিহা ইরোমা একশো গুন সিওপা মুংরোওয়া। আসা দেপাওয়া দিনবিতাহা হাত্রংরে মিসিওয়া সাদি মুংচারোওয়া।30আদো উইসে হাংসু নাগাই জিং, আকুহা নুনুই জিংপুরোওয়া, আসা নুনুই নিমবিহা নাগাই জিংপুরোওয়া।”
ইশুহা আকুহিংয়া জাংয়ে, “নাতিহা দিংঙা মাস্যা, মোনুংনাংসু, মুকুই, প্যায়োং গাওয়াই মিচা।19আয়ু আপাকো আদর জো, আসা আপনিকো সাবেইবিহিংনে আপনিহিং ত্যাবাপা জেজেংপা জো।”20আকু ওয়াংটেংটেংগেওয়া দিংঙাহা ইশুহিংয়া জাংয়ে, “ই তাংসা আজ্ঞাবিহা কাহা পালন জোমসারাং ওয়াংমি নিও। কাহা নেহা দোসরা হাং জোনেকোগাসা?”21ইশুহা আকুহিংয়া জাংয়ে, “নাতিমি চোসোপা জিংকো কেংনাহা, হোমসা নাতিহিংপা নিওয়া তাংসা পুংজি পিচামসা জোরোংবিহিং ন্যাস্যা চোপি, আসা নাতিহা লোডিংবাতা পুংজি মুংচারোওয়া, আসা ওয়াংমসা কুং নুনুই হুই।”22আত্রংহা আকু দিংঙাহা ই নুওয়াং হিংমসা তুংসিং চিচপুমসা হোপুইয়ে, হাংপাতানাহা আকোতাহা উইসে পুংজিবি নিমি।23আকো নোইতাহা ইশুহা য়োংতোংবিহিং জাংয়ে, “আজিপ্পারাং, কা নাবিহিংয়া জাংরোওয়া, সেংজাকো রাজ্যতাহা পুপুউ দিংঙাহিংয়া হোকোহা হ্যামরাপা নিও।24ন্যাসারাং কা নাবিহিংয়া জাংরোওয়া, পুপুউ দিংঙাহিংয়া সেংজাকো রাজ্যতা হোওয়ারোমা, ত্যাইরম্যা ল্যাকো হোইংব্যইসো হোকো জাংতোংপা জিংরোওয়া।”25ই হিংমসা য়োংতোংবিহা সিওপারাং আআংপেপেচপুমসা জাংয়ে, “এপা বেনাহা হাংসু মুক্তি মুংকো চুকোগাসা?”26ইশুহা আবিহিংয়া ন্যইমসা জাংয়ে, “দিংঙাবিকো সোতাহা ইহা মাতুওয়াগা, আদো সেংজাকোতাহা তাংসা তুমগা।”27আত্রংহা পত্রসহা জাংয়ে, “কাং, কাবিহা তাংসা হুইতেমসা নাকো নুনুই হুইমি নিও। কাবিহা হাং মুংচাকোগা?”28ইশুহা আবিহিংয়া জাংয়ে, “আজিপ্পারাং, কা নাবিহিংয়া জাংরোওয়া, হাত্রং দিংঙাকো চেংওয়াহা আকু চুবে বাসিমতিতা আপনিকো মহিমাকো গাদিংতা গা, আত্রংহা কুং নুনুই হুইওয়া নাবিরে বার্চো গাদিংতা গারোওয়া, আসা ইস্রাইলিবিকো বার্চো জিরিহিং ন্যায় জোরোওয়া।29কুং সোতা আপনিকো সা, আপু এবি, আনা-হুম্রিবি, আয়ু-আপা, চেংবি আসা মোংটো-কেটো হুইতেমবিহা ইরোমা একশো গুন সিওপা মুংরোওয়া। আসা দেপাওয়া দিনবিতাহা হাত্রংরে মিসিওয়া সাদি মুংচারোওয়া।30আদো উইসে হাংসু নাগাই জিং, আকুহা নুনুই জিংপুরোওয়া, আসা নুনুই নিমবিহা নাগাই জিংপুরোওয়া।”
The Seed Company