মথি20
1ইশুহা জাংয়ে, “সেংজাকো রাজ্যহা ইচো মোংটোকো গিরিকো মিংচি ত্যাবাপাগা, হাংসু হাপকুংসো আপনিকো আংগুরবিরিতা কাম জোপাকো হাজিরাসো দিংঙা মোরেমমে।2আসা ‘সাইয়ুকো হাজিরা পিচারো’ তামসা লেরা কাম জোওয়াবিহিংয়া কামতা লাগাইমমে।”3“ন্যাসারাং আকুহা হাপকুংকো নয়বাজি কাচিতা হাতিতা হ্যাদাংনুওয়া আকুহা লেরা দিংঙাবিহিংয়া কাম মোতোমসা এপারাং জাসুদিংওয়া তিংয়ে।4আসা আকুহা আবিহিংয়া জাংয়ে, ‘নাবিরে কুং আংগুরবিরিতা কাম জোয়াকো হোতু, হাজিরা হাসে মুংচাকোমে কা নাবিহিংয়া পিচারোওয়া।’5আসা আবিহা হোপুইয়ে। আকুহা ন্যাসারাং বারো বোজেদাংনু আসা তিন বোজেদাংনু বাইরে নোমসা এপারাং জোয়ে।6ন্যাসারাং আকুহা পাঁচ বোজেদাংনু নোমসা কাংনুওয়া দিংঙাবিহিংয়া ইতা উতা জাসুদিংওয়া তিংয়ে। আকুহা আবিহিংনে জাংয়ো নাবিহা হাংপা হিমিসিং ইতা হাইরে মোজোপা জাসুদিংগা?”7আবিহা আকুহিংয়া জাংয়ে, “হাংসুরে কাবিহিংয়া কামতা মালাগাইনা।”
আকুহা আবিহিংয়া জাংয়ে, “নাবিরে কুং আংগুরবিরিতা কাম জোকো হোতু।”8জিরুং জিংপুনুওয়া আংগুরবিরিকো গিরিহা আপনিকো কাম জোপাওয়াহিং জাংয়ে, “লুকুই লেমবিহিং মোউমসা হাংসুরোমা নোইস্যা লেমবিকোসো শুরু জোমসা হাংসুরোমা নাগাই লেমবিহিং হাজিরা পিচা।9আসা পাঁচ বাজিসো কাম জোমবিহিংয়া নাগাই মোউমসা সাইয়ুকো হাজিরা পিচায়ে।10আত্রংহা হাংসুরোমা নাগাইসো লুকুই ওয়াংওয়াবিহা উইসে মুংচাকোদোওয়া তামসা নোয়ে, আদো আবিহা তাংসারাং সাইয়ু-সাইয়ুকো মেংচে হাজিরা মুংচায়ে।11হাজিরা মুংচানতেনুওয়া আবিহা মোংটোকো গিরিকো তোইতা বিরোধ জোমসা ন্যাক্যানুকুপা য়্যইসুয়ে।”12আবিহা জাংসুয়ে, “ই নোইতা লেমবিহা এক ঘন্টা মেংচে কাম জোয়ে, আদো নাতিহা আবিহিংয়া কাবি হিমিসিং সানিতা কাম জোমবিহিংপারাং দাদাপা হাজিরা পিচায়ো।”13আদো গিরিওয়াহা আবিকো প্যাকোতাহা ইচোহিং জাংয়ে, ও ব্যারো কাহা নাবিহিংয়া হাইরে মাতুপা মোজোয়াংতো। নাতিহা কাহিংপা সাইয়ুকো হাজিরাকো সোতা কাম জোওয়া মোকোতা?14নাকো মুংচানেকো হাজিরাহা নাতিহা পুচামসা হোপুই, ই নোইস্যাতা লেমবিহিংনে কা নাতিহিং ত্যাবাপারাং পিচাকো কেংমি।15কুং হাইনি, আকুহা কা আপনি হাই জোকো কেংদাংবা জোচা মোমুংকোগা? কুং পিচাওয়াতা নাতিহা হাংপা মিচো তুচাকোগা?16“এপারাং নাগাইকোহা নুনুই জিংরোওয়া, আসা নুনুইকোহা নাগাই জিংরোওয়া।”17য়রুশালেম হোদিংনুওয়া ইশুহা বার্চো য়োংতোংবিহিংয়া ইদ্যাতা পুরামসা ন্যাতাতারাং আবিহিংয়া জাংয়ে,18“কাং, য়াংবিহা য়রুশালেম হোদাংয়ে। আউতাহা দিংঙাকো চেংওয়াহিংয়া মাটা পাউবি আসা তাংজিকো উটকেওয়াবিকো খুইতা ত্যইপুরোওয়া, আসা আবিহা আকুহিংয়া সিনেওয়া দন্ড পিচারোওয়া।19আকুহিংয়া লেফেপারোওয়া, সোতাসো পোরোওয়া, আসা ক্রুসতা থ্যইমসা স্যাকো তামসা আবিহা আকুহিংয়া দোসরা জ্যাকো খুইতা স্যইপুরোওয়া, আসা আকুহা সাসুংয়ুকো নোইতাহা ন্যাসারাং ঙারোরোওয়া।”20আকো নোইতাহা জোব্দিয়াকো চেংওয়াবিকো আয়ুহা আপনিকো চেংওয়াবিহিং চিত্তা পুরামসা ইশুকো আবেইতা তুরুই চুনুইমসা আকুহিং জাংচায়ে।21ইশুহা আকুহিংয়া জাংয়ে, “জাং, নাতিহা হাং ঘ্যইকোগা?”
আকুহা ইশুহিংয়া জাংয়ে, “কা জাংচারোওয়া, নাকো রাজ্যতা নাতি জাইপু জিংনুওয়া ই কুং নিহসো চেংওয়াহা নাকো দাংক্রেং আসা কেংরেংতা য়ুংচা মুংকো।”22ইশুহা আকুহিংয়া জাংয়ে, “নাতিহা হাং য়াদিংমমে আকুহা মেগেয়াংতো। হানি কচৌরাকো সাইতি কা আংদাং, আকুহা নাতিহা আংকো চুকোগা?”
আবিহা জাংয়ে, “কাবিহা ছুরো।”23আত্রংহা ইশুহা জাংয়ে, “কুং কচৌরাকো সাইতি নাবিহা আংকো চুরোওয়া, আদো কুং দাংক্রেং আসা কেক্রেং কাটুতা য়ুংকো পিচাকোহা কু খুইতা মাতানা। ই জায়গাহা আবিকোগা, হাংসুকো সোতা কুং আপা তৈয়ার জোমসা এমমে।”24ই হিংমসা লেরা ত্যাচো য়োংতোংবিহা আকু নিহসো য়োংতোংবিহিংপা সেদ্রাংপুয়ে।25আদো ইশুহা আবিহিংয়া আপনিকোতা মোউমসা জাংয়ে, “নাবিহা গেমিরাং নিও, দোসরা জ্যাকো মাটাবিহা আপনিকো জোকো কেংমেপা অধিকার জোমগা, আসা টেরবো টেরবো দিংঙাবিহা দোসরাকো তোইতা অধিকার জোকো কেংমগা।26আদো নাবিকো প্যাকোতাহা এপা মাজিংকো, হাংসু নাবিকো প্যাকোতা টেবো জিংকো কেং, আকুহা নাবি তাংসাকো ডেইয়া জিংনেরোওয়া।27হাংসু নাবিকো প্যাকোতা নাগাই জিংকো কেং, আকুহা নাবিকো ডেইয়া জিংনেরোওয়া।28এপারাং দিংঙাকো চেংওয়ারে সেওয়া মুংচাকো মোকো, আদো দোসরাহিং সেওয়া জোকো আসা উইসে দিংঙাবিহিং পাপসো ছুটকারা জোকো আপনিকো সাদি পিচাকো লেমগা।”29ইশু আসা আকো য়োংতোংবি য়রিহো হোদানুওয়া, উইসে দিংঙাবিহা আকো নুনুই হুইসপুয়ে।30ন্যাতাকো আবেইতা গাদিংওয়া নিহসো মিচো মাতিংওয়াবিহা ইশু আকু ন্যাতা জিংমসা হ্যাদাংয়ো তাওয়া হিংমসা সাডুংপা ঙামসা এপা জাংসুয়ে, “ও প্রভু, দাউদকো চেংওয়া, কাবিকো তোইতা লামতুপি।”31উইসে দিংঙাবিহা আবিহিং চেকেপা য়ুং তামসা য়েংয়ে, আদো আবিহা ঝান-ঝান ঙাসুমসা জাংসুয়ে, “ও প্রভু, দাউদকো চেংওয়া, কাবিকো তোইতা লামতুপি।”32আত্রংহা ইশুহা জায়ে আসা আবিহিং মোউমসা জাংয়ে, “নাবিকো সোতাহা কা হাং জোপিকোগা?”33আবিহা আকুহিংয়া জাংচায়ে, “ও প্রভু, কাবিহা তিংকো ছুকো।”34আত্রংহা ইশুহা আবিহিংয়া লামতুপুয়ে আসা আবিকো মিচো সুপিয়ে। আত্রংতারাং আবিহা তিংকো ছুয়ে আসা ইশুকো নুনুই হুইপুয়ে।
আকুহা আবিহিংয়া জাংয়ে, “নাবিরে কুং আংগুরবিরিতা কাম জোকো হোতু।”8জিরুং জিংপুনুওয়া আংগুরবিরিকো গিরিহা আপনিকো কাম জোপাওয়াহিং জাংয়ে, “লুকুই লেমবিহিং মোউমসা হাংসুরোমা নোইস্যা লেমবিকোসো শুরু জোমসা হাংসুরোমা নাগাই লেমবিহিং হাজিরা পিচা।9আসা পাঁচ বাজিসো কাম জোমবিহিংয়া নাগাই মোউমসা সাইয়ুকো হাজিরা পিচায়ে।10আত্রংহা হাংসুরোমা নাগাইসো লুকুই ওয়াংওয়াবিহা উইসে মুংচাকোদোওয়া তামসা নোয়ে, আদো আবিহা তাংসারাং সাইয়ু-সাইয়ুকো মেংচে হাজিরা মুংচায়ে।11হাজিরা মুংচানতেনুওয়া আবিহা মোংটোকো গিরিকো তোইতা বিরোধ জোমসা ন্যাক্যানুকুপা য়্যইসুয়ে।”12আবিহা জাংসুয়ে, “ই নোইতা লেমবিহা এক ঘন্টা মেংচে কাম জোয়ে, আদো নাতিহা আবিহিংয়া কাবি হিমিসিং সানিতা কাম জোমবিহিংপারাং দাদাপা হাজিরা পিচায়ো।”13আদো গিরিওয়াহা আবিকো প্যাকোতাহা ইচোহিং জাংয়ে, ও ব্যারো কাহা নাবিহিংয়া হাইরে মাতুপা মোজোয়াংতো। নাতিহা কাহিংপা সাইয়ুকো হাজিরাকো সোতা কাম জোওয়া মোকোতা?14নাকো মুংচানেকো হাজিরাহা নাতিহা পুচামসা হোপুই, ই নোইস্যাতা লেমবিহিংনে কা নাতিহিং ত্যাবাপারাং পিচাকো কেংমি।15কুং হাইনি, আকুহা কা আপনি হাই জোকো কেংদাংবা জোচা মোমুংকোগা? কুং পিচাওয়াতা নাতিহা হাংপা মিচো তুচাকোগা?16“এপারাং নাগাইকোহা নুনুই জিংরোওয়া, আসা নুনুইকোহা নাগাই জিংরোওয়া।”17য়রুশালেম হোদিংনুওয়া ইশুহা বার্চো য়োংতোংবিহিংয়া ইদ্যাতা পুরামসা ন্যাতাতারাং আবিহিংয়া জাংয়ে,18“কাং, য়াংবিহা য়রুশালেম হোদাংয়ে। আউতাহা দিংঙাকো চেংওয়াহিংয়া মাটা পাউবি আসা তাংজিকো উটকেওয়াবিকো খুইতা ত্যইপুরোওয়া, আসা আবিহা আকুহিংয়া সিনেওয়া দন্ড পিচারোওয়া।19আকুহিংয়া লেফেপারোওয়া, সোতাসো পোরোওয়া, আসা ক্রুসতা থ্যইমসা স্যাকো তামসা আবিহা আকুহিংয়া দোসরা জ্যাকো খুইতা স্যইপুরোওয়া, আসা আকুহা সাসুংয়ুকো নোইতাহা ন্যাসারাং ঙারোরোওয়া।”20আকো নোইতাহা জোব্দিয়াকো চেংওয়াবিকো আয়ুহা আপনিকো চেংওয়াবিহিং চিত্তা পুরামসা ইশুকো আবেইতা তুরুই চুনুইমসা আকুহিং জাংচায়ে।21ইশুহা আকুহিংয়া জাংয়ে, “জাং, নাতিহা হাং ঘ্যইকোগা?”
আকুহা ইশুহিংয়া জাংয়ে, “কা জাংচারোওয়া, নাকো রাজ্যতা নাতি জাইপু জিংনুওয়া ই কুং নিহসো চেংওয়াহা নাকো দাংক্রেং আসা কেংরেংতা য়ুংচা মুংকো।”22ইশুহা আকুহিংয়া জাংয়ে, “নাতিহা হাং য়াদিংমমে আকুহা মেগেয়াংতো। হানি কচৌরাকো সাইতি কা আংদাং, আকুহা নাতিহা আংকো চুকোগা?”
আবিহা জাংয়ে, “কাবিহা ছুরো।”23আত্রংহা ইশুহা জাংয়ে, “কুং কচৌরাকো সাইতি নাবিহা আংকো চুরোওয়া, আদো কুং দাংক্রেং আসা কেক্রেং কাটুতা য়ুংকো পিচাকোহা কু খুইতা মাতানা। ই জায়গাহা আবিকোগা, হাংসুকো সোতা কুং আপা তৈয়ার জোমসা এমমে।”24ই হিংমসা লেরা ত্যাচো য়োংতোংবিহা আকু নিহসো য়োংতোংবিহিংপা সেদ্রাংপুয়ে।25আদো ইশুহা আবিহিংয়া আপনিকোতা মোউমসা জাংয়ে, “নাবিহা গেমিরাং নিও, দোসরা জ্যাকো মাটাবিহা আপনিকো জোকো কেংমেপা অধিকার জোমগা, আসা টেরবো টেরবো দিংঙাবিহা দোসরাকো তোইতা অধিকার জোকো কেংমগা।26আদো নাবিকো প্যাকোতাহা এপা মাজিংকো, হাংসু নাবিকো প্যাকোতা টেবো জিংকো কেং, আকুহা নাবি তাংসাকো ডেইয়া জিংনেরোওয়া।27হাংসু নাবিকো প্যাকোতা নাগাই জিংকো কেং, আকুহা নাবিকো ডেইয়া জিংনেরোওয়া।28এপারাং দিংঙাকো চেংওয়ারে সেওয়া মুংচাকো মোকো, আদো দোসরাহিং সেওয়া জোকো আসা উইসে দিংঙাবিহিং পাপসো ছুটকারা জোকো আপনিকো সাদি পিচাকো লেমগা।”29ইশু আসা আকো য়োংতোংবি য়রিহো হোদানুওয়া, উইসে দিংঙাবিহা আকো নুনুই হুইসপুয়ে।30ন্যাতাকো আবেইতা গাদিংওয়া নিহসো মিচো মাতিংওয়াবিহা ইশু আকু ন্যাতা জিংমসা হ্যাদাংয়ো তাওয়া হিংমসা সাডুংপা ঙামসা এপা জাংসুয়ে, “ও প্রভু, দাউদকো চেংওয়া, কাবিকো তোইতা লামতুপি।”31উইসে দিংঙাবিহা আবিহিং চেকেপা য়ুং তামসা য়েংয়ে, আদো আবিহা ঝান-ঝান ঙাসুমসা জাংসুয়ে, “ও প্রভু, দাউদকো চেংওয়া, কাবিকো তোইতা লামতুপি।”32আত্রংহা ইশুহা জায়ে আসা আবিহিং মোউমসা জাংয়ে, “নাবিকো সোতাহা কা হাং জোপিকোগা?”33আবিহা আকুহিংয়া জাংচায়ে, “ও প্রভু, কাবিহা তিংকো ছুকো।”34আত্রংহা ইশুহা আবিহিংয়া লামতুপুয়ে আসা আবিকো মিচো সুপিয়ে। আত্রংতারাং আবিহা তিংকো ছুয়ে আসা ইশুকো নুনুই হুইপুয়ে।
The Seed Company