মর্কুস8
1ন্যাসারাং সাইয়ুহা দিংঙাবিহা জমা জিংসুয়ে, ই দিংঙাবিকোতা চাওয়াবি হাইরে মাতানা তামসা ইশুহা য়োংতোংবিহিং মোউমসা জাংয়ে,2“কা ই দিংঙাবিহিংয়া লামতুনা, হাংপাতানাহা ইবিহা সাসুংয়ু জিংপুনতেনা কাহিংপা নিওয়া, আসা ইবিকোতাহা চাকোরে হাইরে মাতানা।3কাবেমি ইবিহিং এপারাং হাইরে মিচাপা নিংপুনাহা ইবিহা ন্যাতাতারাং আমা পাংমসা সিপুরোওয়া, হাংপাতানাহা লেরাহা তানাং তানাংসো লেমি নিও।”4য়োংতোংবিহা জাংয়ে, “এসে দিংঙাবিহিংয়া ই চিচ্চোওয়া জায়গাতাহা চাওয়া কোব্রেংবিহা হাংতা লাকোগা?”5ইশুহা উইয়ে, “নাবিকোতাহা হাসে ইব্রেং কোব্রেং নিংগা?”
আবিহা জাংয়ে, “নিব্রেং কোব্রেং নিনা।”6আকো সোতা ইশুহা দিংঙাবিহিং মোংটোতা গাপাকো জাংয়ে। আসা নীব্রেং কোব্রেংহিং চুংমসা ইশুহা ডিংবাতা তিমসা সেংজাহিং গারানি তামসা ছিয়ে, আসা দিংঙাবিহিং পিচাকো তামসা য়োংতোংবিকো খুইতা সোইয়ে আসা য়োংতোংবিহা দিংঙাবিহিং চোপিয়ে।7য়োংতোংবিকো খুইতাহা নিহপু আপে-আপেচাওয়া নায়াবিরে নিমি। ইশুহা আকু নায়াকো সোতারে গারানি তাহে, আসা আকুরে দিংঙাবিহিং চোপিকো তামসা আবিহিং জাংয়ে।8দিংঙাবিহা গাইপা চায়ে। আকো নোইতাহা য়োংতোংবিহা দিংঙাবিকো চামসা লাওয়া চোংব্রাবি য়োনুওয়া নীচো দেংগে মেইপুয়ে।9আউতা চাওয়া দিংঙাবিহা চার হাজার নিমি। আসা ইশুহা আবি তাংসাহিং নিংপুয়ে।10আসা ইশুহা আকো য়োংতোংবিহিংপা নোওয়াইতা বাইপুমসা দলমনুথা তাওয়া লোইতা হোপুয়ে।11আউতা ফরিসিবি লেমসা ইশুহিংপা য়্যই-জাংসুয়ে, আসা ইশুহিং দেংমে-জুংমে তামসা লোডিংবাসো লেওয়া ইচো চিহ্ন তিংপাকো জাংয়ে।12ইশুহা উইদাং সাসিমসা জাংয়ে, “হিনি জুকুংকো দিংঙাবিহা হাংপা চিহ্ন মোওচাংমগা? কা নাবিহিংয়া জাংরোওয়া, এপাজিংওয়া দিংঙাবিহা হাত্রংরে চিহ্ন মিতিংরোওয়া।”13আকো নোইতাহা আকুহা আবিহিং হুইতেমসা নোওয়াইতা বাইপুমসা দাব্রিকো নুব্যাই হ্যাপুয়ে।14আদো য়োংতোংবিহা কোব্রেংবি পুকো লারিংপুয়ে। আবিকো নোওয়াইতাহা ইব্রেং কোব্রেং মেংচে নিমি।15আত্রং ইশুহা জাংয়ে, “নাবিহা ফরিসিবিকোসো আসা হেরোদকো কোব্রেং বুইপাওয়া মেংসো তানাং য়ুং।”16আসা য়োংতোংবিহা তাইবিলারাই স্ক্যা-স্কুপা জাংসুয়ে, “য়োংকোতা কোব্রেং মোতোমকো সোতা ইশুহা ই নুওয়াং জাংমদোওয়া।”17য়োংতোংবি হাং জাংসুদিংমে আকু নুওয়াং কোইমসা ইশুহা আবিহিংয়া জাংয়ে, “নাবিহা হাংপা এপা জাংসুমগা, নাবিকো কোব্রেং মাতানা তামসা হাংপা স্ক্যা-স্কুপা য়্যইসুমগা? নাবিহা নেদোপা মোকোইয়াংগা?” নাবিকো তুংসিংহা নেদোপা লুংটুই বেপা নিংগা?18নাবিহা প্যারামাতাংগা? নাবিহা মিচো নিমসারে মিতিংমগা, নানুং নিমসারে মাহিংমগা।19কা হাত্রং ঙাচো কোব্রেংসো পাঁচ হাজার দিংঙাবিহিং চাকো পিচা, আত্রংহা হাসে ইচো ডেংগে লাওয়া কোব্রেং য়োংগা?
য়োংতোংবিহা জাংয়ে, “বার্চো দেংগে।”20আসা কা হাত্রং নীচো কোব্রেংসো চার হাজার দিংঙাবিহিং চাকো পিচা, আত্রংহা হাসে দেংগে লাওয়া কোব্রেংবি য়োংগা?
য়োংতোংবিহা জাংয়ে, “নীচো দেংগে।”21ইশুহা ন্যাসারাং জাংয়ে, “নাবিহা নেদোপা মোকোইয়াংগা?”22আসা ইশুসো আকো য়োংতোংবিহা বেথসেদা লোইতা হোয়ে। আকো দিংঙাবিহা ইচো মিচো মিতিংওয়াহিং ইশুকোতা পারায়ে, আসা লেরা দিংঙাহা “আকু দিংঙাকো মিচো তিংকো তামসা আকো তোইতা খুই ওইপিকো” তামসা জাংচায়ে।23ইশুহা আকু মিচো মিতিংওয়া দিংঙাহিং লোইকো বাইরেতা খুই চুংমসা পুরায়ে। আসা ইশুহা আকু দিংঙাকো মিচোতা তোতি ন্যায়ে, আসা আকো তোইতা খুই এমসা আকুহিং উইয়ে, “নাতিহা হাইক্রি তিংগা?”24আকু দিংঙাহা ন্যইমসা জাংয়ে, “দিংঙাবিহিংয়া তিংদিংনা, আদো আবিহিংয়া সিংতেং তেইওয়া ত্যাবাপা তিংদিংনা।”25ইশুহা ন্যাসারাং আকু দিংঙাকো মিচোতা সুয়ে, আসা আকু দিংঙাহা মিচো ওয়েমসা ন্যইনুওয়া ছোসোপা তিংকো চুয়ে।26ইশুহা আকু দিংঙাহিং জাংয়ে, “বেথসেদাতা মুনুইয়াপা গেংপা নাকো সাতারাং হোতু।”27আকো নোইতাহা ইশুসো আকো য়োংতোংবিহা কইসোরিয়া ফিলিপ্পীকো আবেই আবেইকো লোইবিতা হোসুয়ে। হাদাংনুওয়া ইশুহা আবিহিং উইয়ে, “দিংঙাবিহা কাহিংয়া কা হাংসুগা? তামসা নোচাংমগা?”28য়োংতোংবিহা জাংয়ে, “লেরাহা জাংচাংমি নাতিহা য়হুন্না বাপ্তিস্মা পিচাওয়া, লেরাহা জাংচাংমি, নাতিহা এলিয়া, আসা লেরাহা জাংচাংমি, নাতিহা অগমবক্তাবিতাহা ইচোদোওয়া।”29আত্রংহা ইশুহা জাংয়ে, “আদো নাবিহা কাহিংয়া হাংসুগা তামসা নোমগাসা?”
পত্রসহা জাংয়ে, “নাতিহা মুক্তি পিচাওয়া জাইপু খ্রীষ্টগে।” 30ইশুহা আবিহিং জাংয়ে, “কা আজিপ্পারাং জারোওয়া, ই নুওয়াং হাংসুহিংনে মাজাংকো তামসা।”31আসা ইশুহা য়োংতোংবিহিং এপা জাংমসা ঝিপায়ে, “দিংঙাকো চেংওয়াহা উইসে কোইচ্যানেরোওয়া। য়হুদি মাটা ওয়ারাংপাবি, আসা মাটা পাউবি, তাংজিকো উটকেওয়াবি আসা দিংঙাবিহা আকুহিংয়া স্যাপুরোওয়া। আদো সাসুংয়ুকো নোইতাহা আকুহা ন্যাসারাং ঙারোমসা লোরোওয়া।”32ইশুহা য়োংতোংবিহিংয়া ছোসোপা জাংপুয়ে, আসা আত্রংহা পত্রসহা ইশুহিং উদ্যাতা পুরামসা এপা মাজাংকো তামসা জাংয়ে।33ইশুহা নুনুই হুরামসা য়োংতোংবিকোতা ন্যইয়ে আসা পত্রসহিং য়েংমসা জাংয়ে “ও শয়তান, কুংসো তানাং ওয়েংপু। নাকো নোওয়াহা সেংজাকো বেপা মাতাতো দিংঙাকো বেপা নিও।”34আকো নোইতা ইশুহা আপনিকো য়োংতোংবিহিং আসা আউতা নিওয়া দিংঙাবিহিং মোউমসা জাংয়ে, “কাং, হাংসু দিংঙা কুং য়োংতোং জিংকো কেং, আকুহা আপনিকো জুপাহিং সেংজাতা ল্যানেরোওয়া, আসা সি-মিসিনু চোইপা আপনিকো ক্রুস পুমসা কুং নুনুই হুইনেরোওয়া।35“হাংসু দিংঙা আপনিহিং বাচাইমসা একো কেং, আবিহা য়াংপারোওয়া, আদো কুং সোতা আসা এনতাওয়া দেরেংকো সোতা আপনিহিং য়াংপামবিহা হাত্রংরে মিসিরোওয়া।36দিংঙাহা ই বাসিমতিতা তাংসা মুংচামসারে, আদো আপনিকো লাংবেহিংমি য়াংপাপুনাহা আকুহিংয়া হাংকো তোইংদ্যা।37লাংবেহিং চোইকো চুওয়া ই বাসিমতিতা হাইরে মোতো।38দিংঙাকো চেংওয়াহা আপাকো মহিমাতা পবিত্র পোইংবিহিংপা লেরোওয়া। আদো নেকো সময়তা উইসে দিংঙাবিহা পাপতা আসা নুংনাংসুওয়াতা নিও। হাংসু দিংঙা কা আসা কুং ঝিপাওয়া দিংঙাবিহিং হিংপাকো লেফে, কারে আবিহিংপা লেফেরোওয়া।”
আবিহা জাংয়ে, “নিব্রেং কোব্রেং নিনা।”6আকো সোতা ইশুহা দিংঙাবিহিং মোংটোতা গাপাকো জাংয়ে। আসা নীব্রেং কোব্রেংহিং চুংমসা ইশুহা ডিংবাতা তিমসা সেংজাহিং গারানি তামসা ছিয়ে, আসা দিংঙাবিহিং পিচাকো তামসা য়োংতোংবিকো খুইতা সোইয়ে আসা য়োংতোংবিহা দিংঙাবিহিং চোপিয়ে।7য়োংতোংবিকো খুইতাহা নিহপু আপে-আপেচাওয়া নায়াবিরে নিমি। ইশুহা আকু নায়াকো সোতারে গারানি তাহে, আসা আকুরে দিংঙাবিহিং চোপিকো তামসা আবিহিং জাংয়ে।8দিংঙাবিহা গাইপা চায়ে। আকো নোইতাহা য়োংতোংবিহা দিংঙাবিকো চামসা লাওয়া চোংব্রাবি য়োনুওয়া নীচো দেংগে মেইপুয়ে।9আউতা চাওয়া দিংঙাবিহা চার হাজার নিমি। আসা ইশুহা আবি তাংসাহিং নিংপুয়ে।10আসা ইশুহা আকো য়োংতোংবিহিংপা নোওয়াইতা বাইপুমসা দলমনুথা তাওয়া লোইতা হোপুয়ে।11আউতা ফরিসিবি লেমসা ইশুহিংপা য়্যই-জাংসুয়ে, আসা ইশুহিং দেংমে-জুংমে তামসা লোডিংবাসো লেওয়া ইচো চিহ্ন তিংপাকো জাংয়ে।12ইশুহা উইদাং সাসিমসা জাংয়ে, “হিনি জুকুংকো দিংঙাবিহা হাংপা চিহ্ন মোওচাংমগা? কা নাবিহিংয়া জাংরোওয়া, এপাজিংওয়া দিংঙাবিহা হাত্রংরে চিহ্ন মিতিংরোওয়া।”13আকো নোইতাহা আকুহা আবিহিং হুইতেমসা নোওয়াইতা বাইপুমসা দাব্রিকো নুব্যাই হ্যাপুয়ে।14আদো য়োংতোংবিহা কোব্রেংবি পুকো লারিংপুয়ে। আবিকো নোওয়াইতাহা ইব্রেং কোব্রেং মেংচে নিমি।15আত্রং ইশুহা জাংয়ে, “নাবিহা ফরিসিবিকোসো আসা হেরোদকো কোব্রেং বুইপাওয়া মেংসো তানাং য়ুং।”16আসা য়োংতোংবিহা তাইবিলারাই স্ক্যা-স্কুপা জাংসুয়ে, “য়োংকোতা কোব্রেং মোতোমকো সোতা ইশুহা ই নুওয়াং জাংমদোওয়া।”17য়োংতোংবি হাং জাংসুদিংমে আকু নুওয়াং কোইমসা ইশুহা আবিহিংয়া জাংয়ে, “নাবিহা হাংপা এপা জাংসুমগা, নাবিকো কোব্রেং মাতানা তামসা হাংপা স্ক্যা-স্কুপা য়্যইসুমগা? নাবিহা নেদোপা মোকোইয়াংগা?” নাবিকো তুংসিংহা নেদোপা লুংটুই বেপা নিংগা?18নাবিহা প্যারামাতাংগা? নাবিহা মিচো নিমসারে মিতিংমগা, নানুং নিমসারে মাহিংমগা।19কা হাত্রং ঙাচো কোব্রেংসো পাঁচ হাজার দিংঙাবিহিং চাকো পিচা, আত্রংহা হাসে ইচো ডেংগে লাওয়া কোব্রেং য়োংগা?
য়োংতোংবিহা জাংয়ে, “বার্চো দেংগে।”20আসা কা হাত্রং নীচো কোব্রেংসো চার হাজার দিংঙাবিহিং চাকো পিচা, আত্রংহা হাসে দেংগে লাওয়া কোব্রেংবি য়োংগা?
য়োংতোংবিহা জাংয়ে, “নীচো দেংগে।”21ইশুহা ন্যাসারাং জাংয়ে, “নাবিহা নেদোপা মোকোইয়াংগা?”22আসা ইশুসো আকো য়োংতোংবিহা বেথসেদা লোইতা হোয়ে। আকো দিংঙাবিহা ইচো মিচো মিতিংওয়াহিং ইশুকোতা পারায়ে, আসা লেরা দিংঙাহা “আকু দিংঙাকো মিচো তিংকো তামসা আকো তোইতা খুই ওইপিকো” তামসা জাংচায়ে।23ইশুহা আকু মিচো মিতিংওয়া দিংঙাহিং লোইকো বাইরেতা খুই চুংমসা পুরায়ে। আসা ইশুহা আকু দিংঙাকো মিচোতা তোতি ন্যায়ে, আসা আকো তোইতা খুই এমসা আকুহিং উইয়ে, “নাতিহা হাইক্রি তিংগা?”24আকু দিংঙাহা ন্যইমসা জাংয়ে, “দিংঙাবিহিংয়া তিংদিংনা, আদো আবিহিংয়া সিংতেং তেইওয়া ত্যাবাপা তিংদিংনা।”25ইশুহা ন্যাসারাং আকু দিংঙাকো মিচোতা সুয়ে, আসা আকু দিংঙাহা মিচো ওয়েমসা ন্যইনুওয়া ছোসোপা তিংকো চুয়ে।26ইশুহা আকু দিংঙাহিং জাংয়ে, “বেথসেদাতা মুনুইয়াপা গেংপা নাকো সাতারাং হোতু।”27আকো নোইতাহা ইশুসো আকো য়োংতোংবিহা কইসোরিয়া ফিলিপ্পীকো আবেই আবেইকো লোইবিতা হোসুয়ে। হাদাংনুওয়া ইশুহা আবিহিং উইয়ে, “দিংঙাবিহা কাহিংয়া কা হাংসুগা? তামসা নোচাংমগা?”28য়োংতোংবিহা জাংয়ে, “লেরাহা জাংচাংমি নাতিহা য়হুন্না বাপ্তিস্মা পিচাওয়া, লেরাহা জাংচাংমি, নাতিহা এলিয়া, আসা লেরাহা জাংচাংমি, নাতিহা অগমবক্তাবিতাহা ইচোদোওয়া।”29আত্রংহা ইশুহা জাংয়ে, “আদো নাবিহা কাহিংয়া হাংসুগা তামসা নোমগাসা?”
পত্রসহা জাংয়ে, “নাতিহা মুক্তি পিচাওয়া জাইপু খ্রীষ্টগে।” 30ইশুহা আবিহিং জাংয়ে, “কা আজিপ্পারাং জারোওয়া, ই নুওয়াং হাংসুহিংনে মাজাংকো তামসা।”31আসা ইশুহা য়োংতোংবিহিং এপা জাংমসা ঝিপায়ে, “দিংঙাকো চেংওয়াহা উইসে কোইচ্যানেরোওয়া। য়হুদি মাটা ওয়ারাংপাবি, আসা মাটা পাউবি, তাংজিকো উটকেওয়াবি আসা দিংঙাবিহা আকুহিংয়া স্যাপুরোওয়া। আদো সাসুংয়ুকো নোইতাহা আকুহা ন্যাসারাং ঙারোমসা লোরোওয়া।”32ইশুহা য়োংতোংবিহিংয়া ছোসোপা জাংপুয়ে, আসা আত্রংহা পত্রসহা ইশুহিং উদ্যাতা পুরামসা এপা মাজাংকো তামসা জাংয়ে।33ইশুহা নুনুই হুরামসা য়োংতোংবিকোতা ন্যইয়ে আসা পত্রসহিং য়েংমসা জাংয়ে “ও শয়তান, কুংসো তানাং ওয়েংপু। নাকো নোওয়াহা সেংজাকো বেপা মাতাতো দিংঙাকো বেপা নিও।”34আকো নোইতা ইশুহা আপনিকো য়োংতোংবিহিং আসা আউতা নিওয়া দিংঙাবিহিং মোউমসা জাংয়ে, “কাং, হাংসু দিংঙা কুং য়োংতোং জিংকো কেং, আকুহা আপনিকো জুপাহিং সেংজাতা ল্যানেরোওয়া, আসা সি-মিসিনু চোইপা আপনিকো ক্রুস পুমসা কুং নুনুই হুইনেরোওয়া।35“হাংসু দিংঙা আপনিহিং বাচাইমসা একো কেং, আবিহা য়াংপারোওয়া, আদো কুং সোতা আসা এনতাওয়া দেরেংকো সোতা আপনিহিং য়াংপামবিহা হাত্রংরে মিসিরোওয়া।36দিংঙাহা ই বাসিমতিতা তাংসা মুংচামসারে, আদো আপনিকো লাংবেহিংমি য়াংপাপুনাহা আকুহিংয়া হাংকো তোইংদ্যা।37লাংবেহিং চোইকো চুওয়া ই বাসিমতিতা হাইরে মোতো।38দিংঙাকো চেংওয়াহা আপাকো মহিমাতা পবিত্র পোইংবিহিংপা লেরোওয়া। আদো নেকো সময়তা উইসে দিংঙাবিহা পাপতা আসা নুংনাংসুওয়াতা নিও। হাংসু দিংঙা কা আসা কুং ঝিপাওয়া দিংঙাবিহিং হিংপাকো লেফে, কারে আবিহিংপা লেফেরোওয়া।”
The Seed Company