মর্কুস9
1ইশুহা য়োংতোংবিহিং জাংয়ে, “কা নাবিহিংয়া আজিপ্পারাং জাংরোওয়া, সেংজাকো রাজ্যহা টেবো সেহিংপা লেপাওয়া মাতিংনু চোইপা ইতা নিওয়া লেরা দিংঙাবিহা মাসি।”2সাটুয়ুকো নোইতা ইশুহা, পত্রস, য়াকুব আসা য়হুন্নাহিং উচুংওয়া য়্যাগ্যইতা পুরায়ে, আউতা হাংসুরে মোতোমি। য়োংতোংবি ন্যইওয়া-ন্যইওয়াতারাং আকো জুপাহা দোসরা জিংপুয়ে।3ইশুকো লুওয়া আংদুংরে হাংপাপা চাচাইপা জিংপুয়ে, ই বাসিমতিতাহা আংদুংহিং দুদো হাংসুরে এসেপাকো হাংপাপা চাচাইপা দুমকোইরোওয়া।ইশুকো লুওয়া আংদুং হাংপাপা চাচাইপা জিংপুওয়া।4আত্রংহা মোসাসো এলিয়াহা আউতা তিংরেয়ে আসা আবিহা ইশুহিংপা য়্যইসুদিংমি।5আত্রং পত্রসহা ইশুহিং জাংয়ে, “উটকেওয়া, কাবিরে ইতা নিমসা এনতাপা জিংয়ে, কাবিহা ইতা সুংসা গ্যই বানাইরোওয়া, নাতিহিং, ই সাহা মোসাহিং, আসা ই সাহা এলিয়াহিং।”6আকুহা সিওপা চুসুংপুমসারাং হাং জাংনেকোমে হাইরে মোকোইতো।7আত্রংহা আবিকো তোইতা গুইতুরেপুয়ে, আসা আকু গুইতুউওয়াসোহা এপা জাংওয়া হিংয়ে, “ইহা কুং জেজেংওয়া চেংওয়াগা, নাবিহা ইকো নুওয়াং হিং।”8য়োংতোংবিহা ইতা উতা ন্যইশুয়ে, আদো ইশুহিং ল্যামসা হাংসুহিংনে মিতিংতো।9আকো নোইতা আবিহা য়্যাগ্যইসো উইপানুওয়া ইশুহা য়োংতোংবিহিং জাংয়ে, “দিংঙাকো চেংওয়া সিমসা মাঙারোনু চোইপা হিনি নাবি হাই তিং, আকুহা হাংসুহিংনে মাহিংপাগ্যই!”10য়োংতোংবিহা ইশুকো জাংমবেপারাং জোয়ে, আদো “সিমসা মাঙারোনু তাওয়াহা হাংমমে” তামসা তাইবিলারাই উইসুয়ে।11আবিহা ইশুহিংয়া উইয়ে, “তাংজিকো উটকেওয়াবিহা হাংপাসা খ্রীষ্টরোমা নাগাইহা এলিয়া লেনেরোওয়া তামসা জাংচাংমগা?”12আত্রংহা ইশুহা এপা জাংয়ে, “আজিপ্পারাং, এলিয়া নাগাই লেমসা তাংসা নুওয়াংকো চারামারা জোরোওয়া। এপা জিনুওয়া দিংঙাকো চেংওয়াহা সিওপারাং কোইচ্যানেরোওয়া, আসা আকুহিংয়া দিংঙাবিহা ইন্কার জোরোওয়া তাওয়া নুওয়াংহা তাংজিকো হিগাতা হাংপা লামগা?13কাং, কা নাবিহিং জাংদিংয়ো, এলিয়াহা লেপুনতেয়ো। এলিয়াহিং মেংতাপা জোকোহা তাংজিকো হিগাতা নাগাইসোরাং লামি নিমগা। নেহা তাংসা জিংয়ো।”14ইশু, পত্রস, য়াকুব, আসা য়হুন্নাহা, দোসরা য়োংতোংবিহিং দোসপাকো হোয়ে। আবিহা উইসে দিংঙাবিকো প্যাকোতা দেকানুওয়া তাংজিকো উটকেওয়াবিহা দোসরা য়োংতোংবিহিংপা সেদ্রাংপামসা ন্যাক্যানুকুপা য়্যইসু-জাংসুদিংওয়া তিংয়ে।15দিংঙাবিহা ইশুহিং তিংতানি আআংপেপেচপুয়ে, আসা স্বাগত জোকো ঠুউইপুমসা হোমসা ইশুহিং নোংয়ায়ে।16ইশুহা য়োংতোংবিহিং উইয়ে, “নাবিহা তাংজিকো উটকেওয়াবিহিংপা হাং নুওয়াংকো তোইতা ন্যাক্যানুকুপা য়্যইসুমগা।”17উইসে দিংঙাবিকো প্যাকোসো ইচো দিংঙাহা জাংয়ে, “উটকেওয়া, কুং চেংওয়াহা জেসাং দোইংচপুমসা য়্যইমকোইমি, আকো সোতা নাকোতা সাংপাকো পারায়ে।”18আকুহিং জেসাং হাত্রং প্যই, আত্রংহা আকুহা মোংটোতা ইপুচাংমি। আসা নামুসো তোতি বোরসেপা নোপামসা সেতাং কিট্টিপা মাংচাংমি আসা চোংচপুচাংমি। কা নাকো য়োংতোংবিহিং আকু সিংঙোহিং নোপাকো তামসা জাংচায়ে, আদো আবিহা মোচুতো।19আত্রং ইশুহা জাংয়ে, “ও মাদেংবাই, কা হাত্রং চোইপা নাবিহিংপা নিকোগা? কা হাত্রং চোইপা নাবিহিংয়া সহায়কোগা? আকু পোজাহিং কুংতা পারা।”20দিংঙাবিহা আকু পোজাহিংয়া ইশুকোতা পারায়ে। ইশুহিং তিংতানি আকু জেসাংহা পোজাহিংয়া ফিপক্যইপা জোমসা মোংটোতা ইপাপু্য়ে, আসা আকু পোজাহা নামুসো তোতি বোরসেপা নোপামসা কেরোউয়ে।21ইশু আকো আপাহিং উইয়ে, “ই আপেহিংয়া হাত্রংসো এপা জিংচাংমগা?”
আকো আপাহা জাংয়ে, “আপেচিংনুসোরাং।”22“জেসাংহা আকুহিংয়া ন্যাসা ন্যাসারাং মেতা আসা তিতা ইপাকো কেংচাংমি, নাতিবেমি সাংপাকো চুনাহা! কাবিকো তোইতা লামতুপি।”23ইশুহা আকুহিং জাংয়ে, “নাতিহা হাংপাসা জাংচাংমগা ‘সাংপাকো চুনাহা’ ই জাংওয়া নুওয়াংহা হাংগাসা? নাতিবেমি দেংদানাহা তাংসা জিংকো চুরোওয়া।”24আত্রংহা আকু চেংওয়াকো আপাহা ঙামসা জাংয়ে, “কা দেংরোওয়া, কাহিং ন্যাসারাং সিওপা দেংকো য়ুজ্রুপি।”25উইসে দিংঙাবি ঠুইসপামসা লেপাওয়া তিংমসা ইশুহা আকু জেসাংহিং য়েংমসা জাংয়ে, “ও নানুং মাহিংওয়া, আসা য়্যইমকোইওয়া জেসাং, কা নাতিহিং জাংরোওয়া, ইকোসো নোপুমসা হাতু, আসা হাত্রংরে ইকো নাপোতা মোহো।”26আত্রংহা আকু জেসাংহা আকু পোজাহিং পাইপ্রিংপা চুংয়ে, আসা আকো জুপাসো নোপুয়ে। আসা আকু পোজাহা সিপুমবেপা জিংপুওয়া তিংনুওয়া দিংঙাবিহা জাংসুয়ে, “আকুহা সিপুয়ে।”27আদো ইশুহা আকো খুই চুংনুওয়া আকুহা তাত্রিংপা লোমসা জায়ে।28ইশুহা সাকো নাপোতা হোয়ে আসা য়োংতোংবিহা চেকেপা ইশুহিং উইয়ে, “কাবিহা হাংপা ই জেসাংহিংয়া নোপাকো মোচুমগা?”29ইশুহা আবিহিং জাংয়ে, “এপা জিংওয়া জেসাংহিংয়া পাচাইওয়া মোতোনাহা নোপামক্যইমগা।”30ইশুসো আকো য়োংতোংবিহা আকু লোইহিং হুতেইমসা গালীলকো ন্যাতা জিংমসা হোপুয়ে। ইশুহা নোমি হাংসুরে সিদা মোচ্যইকো, তাতি হাংতা নিমমে তামসা।31হাংপাতানাহা ইশুহা আত্রংহা য়োংতোংবিহিং ঝিপাকো কেংদিংমি। আকুহা আবিহিং জাংদিংমি, “দিংঙাকো চেংওয়াহিংয়া প্যইমসা দিংঙাবিকো খুইতা স্যইপুরোওয়া। আবিহা আকুহিংয়া স্যাপুরোওয়া আসা সা সুংয়ুংকো নোইতাহা আকুহা সিওয়াসো ঙারোরোওয়া।”32আদো য়োংতোংবিহা ইশুকো জাংওয়া নুওয়াং মোকোইতো, আদো আবিহা ইশুহিংপা উইকোহা চুসুংয়ে।33আকো নোইতা আবিহা কোর্ফরনহুম লোইতা দেয়োংয়ে, আসা সাকো নাপোতা হোপুনতেনুওয়া ইশুহা য়োংতোংবিহিং উইয়ে, “নাবিহা ন্যাতাতা হাং জাংসুমসা য়্যইসুমগা?”34য়োংতোংবিহা চেকেপা য়ুংসুয়ে, হাংপাতানাহা আবিহা হাংসু টেবোমে তামসা তাইবিলারাই উইসুদিংমি।35ইশুহা গায়ে, আসা বার্চো য়োংতোংবিহিং আপনিকো আবেইতা মোউমসা জাংয়ে, “হাংসু নাগাই জিংকো কেং, আকুহা হাংসুরোমা নোইস্যা জিংমসা তাংসাকো ডেইয়া জোনেরোওয়া।”36আসা ইশুহা ইচো চেংহিং য়োংতোংবিকো আবেইতা জাপায়ে, আসা আকুহিং নুইতা এমসা আবিহিং জাংয়ে,37“কুং ঝিপাওয়া হিংমসা হাংসু আপেহিং গ্রহন জো, আকুহা কাহিং গ্রহন জোওয়াগা, আসা কাহিং গ্রহন জোওয়াবিহা কাহিং মেংচে মোকো, আদো কাহিং নিংপুওয়াহিং গ্রহন জোমগা।”38য়হুন্নাহা ইশুহিং জাংয়ে, “উ্টকেওয়া, কাবিহা ইচো দিংঙাহিং নাকো মিংতা জেসাং ঘিদিংওয়া তিংয়ে, আদো আকুহা য়োংকো ব্যারোবি মোকোমি, আকো সোতা কাবিহা আকুহিংয়া মিঘিকো তামসা জাংতেহে।”39ইশুহা জাংয়ে, “আকুহিং মোয়োই। কুং মিংতা আআংপেপেচপুওয়া কাম জোমবিহা কুং মিংতা মেংতাপা মোয়্যইরোওয়া।40হাংসু য়োংকো তোইতা মেংতাপা মোয়্যই আকুহা য়াংবিহিংপা নিও।41কা নাবিহিং আজিপ্পারাং জাংরোওয়া, দোসরামি নাবিহিংয়া খ্রীষ্টকো দিংঙাবিগা তামসা নাবিহিংয়া কুং মিংতা ইপোই তি মেংচে পেয়াংদো আবিহা ইনাম মুংচারোওয়া।”42ইশুহা ন্যাসারাং জাংয়ে, “কুং তোইতা দেংওয়া আপেবিকো দেংওয়াহিং হাংসু য়াংপাকো কেং, আকুহিংয়া নেটোংতা ওয়াংতা থ্যইমসা ঝাহাদিতা বাডোইপুওয়ারাং এনতারোওয়া।”43নাকো খুইবেমি পাপকো ন্যাতাতা পুরানাহা আকুহিংয়া ঠেপুই। নিহসো খুই নিপা মেতা বাডোইচাপুমরোমা, ইচো খুই পুমসা হাত্রংরে মিসিওয়া সাদিতা হোওয়ারাং এনতারোওয়া।44[আকু নরককো পেতাসো মেহা হাত্রংরে মিসিমগা।]45নাকো কোকোইমি পাপতা পুরাদাংনাহা আকুহিং ঠেইপুই। নিহসো কোকোই নিপা মেতা বাডোইচাপুমরোমা ইচো কোকোই নিপারাং হাত্রংরে মিসিওয়া সাদিতা দেকাওয়ারাং এনতারোওয়া।46[আকু নরককো মেহসো পেতাহা হাত্রংরে মিসিমগা।]47নাকো মিচোমি পাপকো ন্যাতাতা পুরাদাংনাহা আকু মিচোহিং নোপামসা বাডোইপুই। নিহমিং মিচো নিপা মেতা বাডোইচাপুমরোমা ইমিং মিচো নিপারাং সেংজাকো রাজ্যতা দেকাওয়ারাং এনতারোওয়া।48[আকু নরককো পেতাসো মেহা হাত্রংরে মিসিমগা।]49“নীসো বলিদানহিং চোসোপা জোমবেপারাং তাংসা দিংঙাহিংনে মেসোরাং খারেরোওয়া।50নীহা এনতাওয়াগা, আদো নীকো জাংমেওয়ামি য়াংপুনাহা আকু নীহা হেপা জাংমেপা জিংকোগা? নাবিকো তুংসিংকো নাপোতা নী এ্যহ আসা নাবিহা তাংসাহিংপা চাংসুমসা য়ুং।”
আকো আপাহা জাংয়ে, “আপেচিংনুসোরাং।”22“জেসাংহা আকুহিংয়া ন্যাসা ন্যাসারাং মেতা আসা তিতা ইপাকো কেংচাংমি, নাতিবেমি সাংপাকো চুনাহা! কাবিকো তোইতা লামতুপি।”23ইশুহা আকুহিং জাংয়ে, “নাতিহা হাংপাসা জাংচাংমগা ‘সাংপাকো চুনাহা’ ই জাংওয়া নুওয়াংহা হাংগাসা? নাতিবেমি দেংদানাহা তাংসা জিংকো চুরোওয়া।”24আত্রংহা আকু চেংওয়াকো আপাহা ঙামসা জাংয়ে, “কা দেংরোওয়া, কাহিং ন্যাসারাং সিওপা দেংকো য়ুজ্রুপি।”25উইসে দিংঙাবি ঠুইসপামসা লেপাওয়া তিংমসা ইশুহা আকু জেসাংহিং য়েংমসা জাংয়ে, “ও নানুং মাহিংওয়া, আসা য়্যইমকোইওয়া জেসাং, কা নাতিহিং জাংরোওয়া, ইকোসো নোপুমসা হাতু, আসা হাত্রংরে ইকো নাপোতা মোহো।”26আত্রংহা আকু জেসাংহা আকু পোজাহিং পাইপ্রিংপা চুংয়ে, আসা আকো জুপাসো নোপুয়ে। আসা আকু পোজাহা সিপুমবেপা জিংপুওয়া তিংনুওয়া দিংঙাবিহা জাংসুয়ে, “আকুহা সিপুয়ে।”27আদো ইশুহা আকো খুই চুংনুওয়া আকুহা তাত্রিংপা লোমসা জায়ে।28ইশুহা সাকো নাপোতা হোয়ে আসা য়োংতোংবিহা চেকেপা ইশুহিং উইয়ে, “কাবিহা হাংপা ই জেসাংহিংয়া নোপাকো মোচুমগা?”29ইশুহা আবিহিং জাংয়ে, “এপা জিংওয়া জেসাংহিংয়া পাচাইওয়া মোতোনাহা নোপামক্যইমগা।”30ইশুসো আকো য়োংতোংবিহা আকু লোইহিং হুতেইমসা গালীলকো ন্যাতা জিংমসা হোপুয়ে। ইশুহা নোমি হাংসুরে সিদা মোচ্যইকো, তাতি হাংতা নিমমে তামসা।31হাংপাতানাহা ইশুহা আত্রংহা য়োংতোংবিহিং ঝিপাকো কেংদিংমি। আকুহা আবিহিং জাংদিংমি, “দিংঙাকো চেংওয়াহিংয়া প্যইমসা দিংঙাবিকো খুইতা স্যইপুরোওয়া। আবিহা আকুহিংয়া স্যাপুরোওয়া আসা সা সুংয়ুংকো নোইতাহা আকুহা সিওয়াসো ঙারোরোওয়া।”32আদো য়োংতোংবিহা ইশুকো জাংওয়া নুওয়াং মোকোইতো, আদো আবিহা ইশুহিংপা উইকোহা চুসুংয়ে।33আকো নোইতা আবিহা কোর্ফরনহুম লোইতা দেয়োংয়ে, আসা সাকো নাপোতা হোপুনতেনুওয়া ইশুহা য়োংতোংবিহিং উইয়ে, “নাবিহা ন্যাতাতা হাং জাংসুমসা য়্যইসুমগা?”34য়োংতোংবিহা চেকেপা য়ুংসুয়ে, হাংপাতানাহা আবিহা হাংসু টেবোমে তামসা তাইবিলারাই উইসুদিংমি।35ইশুহা গায়ে, আসা বার্চো য়োংতোংবিহিং আপনিকো আবেইতা মোউমসা জাংয়ে, “হাংসু নাগাই জিংকো কেং, আকুহা হাংসুরোমা নোইস্যা জিংমসা তাংসাকো ডেইয়া জোনেরোওয়া।”36আসা ইশুহা ইচো চেংহিং য়োংতোংবিকো আবেইতা জাপায়ে, আসা আকুহিং নুইতা এমসা আবিহিং জাংয়ে,37“কুং ঝিপাওয়া হিংমসা হাংসু আপেহিং গ্রহন জো, আকুহা কাহিং গ্রহন জোওয়াগা, আসা কাহিং গ্রহন জোওয়াবিহা কাহিং মেংচে মোকো, আদো কাহিং নিংপুওয়াহিং গ্রহন জোমগা।”38য়হুন্নাহা ইশুহিং জাংয়ে, “উ্টকেওয়া, কাবিহা ইচো দিংঙাহিং নাকো মিংতা জেসাং ঘিদিংওয়া তিংয়ে, আদো আকুহা য়োংকো ব্যারোবি মোকোমি, আকো সোতা কাবিহা আকুহিংয়া মিঘিকো তামসা জাংতেহে।”39ইশুহা জাংয়ে, “আকুহিং মোয়োই। কুং মিংতা আআংপেপেচপুওয়া কাম জোমবিহা কুং মিংতা মেংতাপা মোয়্যইরোওয়া।40হাংসু য়োংকো তোইতা মেংতাপা মোয়্যই আকুহা য়াংবিহিংপা নিও।41কা নাবিহিং আজিপ্পারাং জাংরোওয়া, দোসরামি নাবিহিংয়া খ্রীষ্টকো দিংঙাবিগা তামসা নাবিহিংয়া কুং মিংতা ইপোই তি মেংচে পেয়াংদো আবিহা ইনাম মুংচারোওয়া।”42ইশুহা ন্যাসারাং জাংয়ে, “কুং তোইতা দেংওয়া আপেবিকো দেংওয়াহিং হাংসু য়াংপাকো কেং, আকুহিংয়া নেটোংতা ওয়াংতা থ্যইমসা ঝাহাদিতা বাডোইপুওয়ারাং এনতারোওয়া।”43নাকো খুইবেমি পাপকো ন্যাতাতা পুরানাহা আকুহিংয়া ঠেপুই। নিহসো খুই নিপা মেতা বাডোইচাপুমরোমা, ইচো খুই পুমসা হাত্রংরে মিসিওয়া সাদিতা হোওয়ারাং এনতারোওয়া।44[আকু নরককো পেতাসো মেহা হাত্রংরে মিসিমগা।]45নাকো কোকোইমি পাপতা পুরাদাংনাহা আকুহিং ঠেইপুই। নিহসো কোকোই নিপা মেতা বাডোইচাপুমরোমা ইচো কোকোই নিপারাং হাত্রংরে মিসিওয়া সাদিতা দেকাওয়ারাং এনতারোওয়া।46[আকু নরককো মেহসো পেতাহা হাত্রংরে মিসিমগা।]47নাকো মিচোমি পাপকো ন্যাতাতা পুরাদাংনাহা আকু মিচোহিং নোপামসা বাডোইপুই। নিহমিং মিচো নিপা মেতা বাডোইচাপুমরোমা ইমিং মিচো নিপারাং সেংজাকো রাজ্যতা দেকাওয়ারাং এনতারোওয়া।48[আকু নরককো পেতাসো মেহা হাত্রংরে মিসিমগা।]49“নীসো বলিদানহিং চোসোপা জোমবেপারাং তাংসা দিংঙাহিংনে মেসোরাং খারেরোওয়া।50নীহা এনতাওয়াগা, আদো নীকো জাংমেওয়ামি য়াংপুনাহা আকু নীহা হেপা জাংমেপা জিংকোগা? নাবিকো তুংসিংকো নাপোতা নী এ্যহ আসা নাবিহা তাংসাহিংপা চাংসুমসা য়ুং।”
The Seed Company