মর্কুস15
1হাপকুং হোহোইনুওয়া মাটা পাউবি, তাংজিকো উটকেওয়াবি, য়হুদি মাটা ওয়ারাংপাবি আসা য়হুদিবিকো জোংসুওয়া সাকো তাংসা দিংঙাবি হুইসুমসা ইশুহিংয়া তাইমসা কাইজি পিলাতোসকোতা সাপুইয়ে।2আত্রংহা পিলাতোসহা ইশুহিং উইয়ে, “নাতিহা য়হুদিবিকো জাইপুগা?”
ইশুহা জাংয়ে, “আকুহা নাতি আপনিরাং জাংদিংয়ো।”3মাটা পাউবিহা ইশুহিং উইসে কোওয়া-মোকোওয়া নুওয়াংবি চুউসুয়ে।4ন্যাসারাং পিলাতোসহা ইশুহিং জাংয়ে, “কাং, আবিহা নাতিহিং উইসে কোওয়া-মোকোওয়া নুওয়াং চুসুদিংয়ো, নাতিহা আপনিকো তোইতা হাইরে জাংকো মাতাংগা?”5আদো ইশুহা হাইরে মোয়্যইনুওয়া পিলাতোসহা আআংপেপেচপুয়ে।6য়হুদিবিকো মুক্তি-দিবসকো মানক্যাতা পিলাতোসহা জেলতা সুংমসা এমবিহিংয়া লোপোলেলে ইচো জোমসা আবিকো য়াওয়া সেই ল্যাপি চাংমি।7আত্রংহা বারাববা তাওয়া ইচো দিংঙাহিংয়া জেলতা সুংমসা এমি নিমি। আকুহা দিংঙাবিহিংপা মিলেমসা লুইসু-স্যাইসুওয়াতা দিংঙা স্যাপুওয়া নিমি।8আসা দিংঙাবিহা পিলাতোসকোতা লেমসা জাংয়ে, “নাতি লোপোলেলে ইচো কৈদিহিং ল্যাচাংমি ত্যাবাপা ইচোহিং ল্যাপি” তামসা জাংসুয়ে।9পিলাতোসহা আবিহিংয়া জাংয়ে, “কা ই য়হুদিবিকো জাইপু তাওয়াহিং ল্যাপিকোগা?”10হাংপাতানাহা মাটা পাউবিহা আকুহিংয়া মিছিপা জোমসারাং কুংতা স্যইরেমগা তামসা পিলাতোসহা গেমি নিমি।11আদো মাটা পাউবিহা দিংঙাবিহিং দুদুইপামসা ইশুহিং মোকোপা বারাব্বাহিং ল্যাপিকো তামসা জাংপায়ে।12পিলাতোসহা ন্যাসারাং দিংঙাবিহিং উইয়ে, “এপা বেনাহা নাবিকো য়হুদিবিকো জাইপু তামসা জাংওয়াহিংয়া কাহা হাং জোকোগা?”13দিংঙাবিহা ঙাসুমসা জাংসুয়ে, “আকুহিং ক্রুসতা স্যা!”14পিলাতোসহা উইয়ে, “হাংপাসাহা? ইহা হাং মাতুপা জোপুংগা?”
আদো দিংঙাবিহা নাসারাং সিওপা ঙাসুমসা জাংসুয়ে, “আকুহিংয়া ক্রুসতা স্যা।”15আত্রংহা পিলাতোসহা দিংঙাবিহিং চেকেপা একোসোতা বারাববাহিং ল্যাপিয়ে। আসা ইশুহিংয়া রোমি সিপাইবিকোতা সাটাসো ডুমসা ক্রুসতা স্যাকো তামসা স্যইপুয়ে।16আসা সিপাইবিহা ইশুহিং মাটা কাইজিকো সাকো নাপোতা পুরায়ে। আসা আউতা দোসরা সিপাইবিহিং মোউয়ামসা পারায়ে।17আবিহা ইশুহিং য়েংপামসা জাইপুকো লুওয়া বেওয়া বেইগুনি রংকো আংদুং লুপায়ে, আসা সোসাকো ফেটা ফিমসা ইশুকো পোরোতা লুপায়ে।।18আকো নোইতা আবিহা ইশুহিং নোংমসা জাংয়ে, “য়হুদিবিকো জাইপুকো মিং টেবো জিংকো!”19আবিহা ইচো দ্যইসো ইশুকো পোরোতা তেপরে-তেপরেপা পোওয়ে, তোতি তোতোয়ে, আসা চুনুইমসা আকুহিং নোংসুমেপা জোসুয়ে।20ই তাংসা য়েংপাওয়া ত্যইনুওয়া ইশুহিং লুপাওয়া বেইগুনি রংকো আংদুং লুমসা ইশুকো নাগাইকো লুওয়া আংদুংরাং ন্যাসা লুপায়ে, আসা ক্রুসতা টাকো তামসা পুরায়ে।21ন্যাতাসো হ্যাদিংনুওয়া সিপাইবিহা কুরিনি লোইকো সিমোনহিং লোইসোহা শহরতা দেপাদাংওয়া তিংয়ে, আকুহা আলেকজান্ডার আসা রুপোসকো আপা নিমি। আবিহা আকুহিংয়া ইশুকো পুউদিংওয়া ক্রুস পুউপায়ে।22আবিহা ইশুহিং গলগাথা তাওয়া জায়গাতা পুরায়ে ই জাংওয়াহা “পোরোকো লুইতোকো জায়গা।”23আউতা দেকামসা আবিহা ইশুহিং মুররা তাওয়া মেং লাসিমসা আংগুরকো য়ু পেয়াংয়ে। আদো আকুহা মাআংতো।24আসা আবিহা ইশুহিং ক্রুসতা কাটি টামসা থ্যহপুয়ে। সিপাইবিহা আকো আংদুং হাংসু মুংচাবা তামসা চিঠা বাদোইসুয়ে।25ইশুহিং ক্রুসতা টানুওয়া হাপকুংকো নয় বোজেদাংমি নিমি।26ইশুহিং দোষ লাগাইওয়া য়হুদিবিকো জাইপু তাওয়া নুওয়াংহা কেংপ্রাতা লামি নিমি।27আবিহা নিহসো কুইমবিহিংনে ইশুহিংপা ক্রুসতা টাপে, ইচোহিংয়া দাংক্রেং কাটুসো আসা ইচোহিংয়া কেক্রেং কাটুসো। [এপা তাংজিকো হিগাতা লামেপারাং, “আকুহিংয়া মেংতাওয়া দিংঙাবিকো প্যাকোতা এপুয়ে।”]29আকু ন্যাতাসো তেইদিংওয়াবিহা ইশুহিং য়েংপামসা পোরো য়াপা-য়াপামসা জাংসুয়ে, “ও, নাতিহা দেমসাহিং য়্যামসা সা সুংয়ুংতা লোপাকো চুপুওয়া!30নেহা ক্রুসসো উইপামসা লেই, আসা আপনিহিং বাচাই!”31এপা জোমসারাং মাটা পাউবি আসা তাংজিকো উটকেওয়াবিহা ইশুহিং য়েংসপায়ে। আবিহা তাইবিলারাই জাংসুয়ে, ইহা দোসরাহিংয়া বাচাইয়ে, আদো আপনিহিংয়া বাচাইমক্যইতো।32ইমি ইস্রাইলবিকো জাইপু খ্রীষ্ট বেনাহা, “ক্রুসসো উইমসা লেকো, আসা কাবি ন্যইমসা দেংরোওয়া।” তাতিহিংপা ক্রুসতা নিওয়াবিরে ইশুহিং মেংতাপা জাংয়ে।33আসা জেইসুং বারো বাজিসোওয়া জিরুং তিন বাজি চোইপা আকু তাংসা লোইরাং নাটুংপা জিংপুয়ে।34জিরুং তিন বাজি তিরা ইশুহা সেতিংপা ঙামসা জাংয়ে, “ইলোই, ইলোই, লামা সবখথানি?” ই জাংওয়াহা, “ও কুং সেংজা, ও কুং সেংজা, কাহিংয়া হাংপা পেইপুমগা?”35ইশুকো এপা ঙাওয়া হিংমসা আউতা নিওয়া লেরা দিংঙাবিহা জাংসুয়ে, “কাংকে! ইহা নাগাইকো এলিয়াহিং মোউদিংনা।”36আত্রংহা ইচো দিংঙাহা ঠুইউপামসা পাচরাংপা য়্যাক্যইওয়া আংগুরকো সাইতি সাইরেতা বুমসা পায়ে আসা আকু সাইরেহা সেনেকো দরেংতা জিংমসা ইশুকো নামুতা এমসা জাংয়ে, “ম্যায়াং, এলিয়াহা ইহিং লিতা উইপাকো লেকোমে না মেলেকোমে, কাংরো!”37আদো আত্রংরাং ইশুহা সেট্টিংপা চিলিংমসা সিপুয়ে।38আত্রংহা য়হুদিবিকো দেমসাকো জিরিকো লাপুংহিং নাঁপাওয়া আংদুংহা তোইসোহা লিতা চোইপা ছিচপুয়ে।39ইশুকো আবেইতা জাদিংওয়া ইচো রোমি কেপ্ট্যাইনহা ইশুকো সিপুওয়া তিংমসা জাংয়ে, “ইহা আজিপ্পারাং সেংজাকো চেংওয়ারাং গুং!”40লেরা মেমেবিহা তানাংসো জাসুমসা ন্যইসুদিংমি। আবিকো প্যাকোতা মোগদিলিনি মরিয়োম, চিয়োওয়া য়াকুব আসা য়োসেফকো আয়ু মরিয়োম আসা শালোমি নিমি।41ইশু হাত্রং গালীলতা নি, আত্রংহা আকু মেমেবিরে ইশুহিংপারাং তেইচাংমি আসা আকুহিং হাইক্রি য়ুজ্রুচাংমি। ন্যাসারাং উইসে মেমেবি হাংসু হাংসু আকুহিংপা য়রুশালেমতা লে, আবিরে আউতা নিমি।42আকুহা সানুকো দিনকো সাইয়ু নাগাইকো চারামারা জোওয়া শুক্রবারকো দিন নিমি।43জিরু জিংপুনুওয়া আরিমাথিয়া শহরকো য়োসেফহা পিলাতোসকোতা মাচ্ছুংপা হোমসা ইশুকো সিপুওয়া জুপা য়াকায়ে। য়োসেফহা য়হুদিবিকো জোংসুওয়া সাকো ইচো আদর নিওয়া দিংঙা নিমি, আসা আকুহা সেংজাকো রাজ্যকো ন্যাতাহিং কাংমসা য়ুংদিংমি।44পিলাতোসহা আআংপেপেচপুয়ে, আসা ইশু এসেপাকো সেনেপ্পা সিপুংগা তামসা আকুহা কেপ্ট্যাইনহিং আপনিকোতা মোউমসা সিপুমতেমমে না মিশিয়াংমমে তামসা উইয়ে।45পিলাতোসহা কেপ্ট্যাইনকো নুওয়াংসো সিদা চ্যইয়ে ইশু সিপুনতেনা তামসা, আসা য়োসেফহিং ইশুকো সিপুওয়া জুপা পুচাকো তামসা অনুমতি পিচায়ে।46য়োসেফ হোমসা ইশুকো সিপুওয়া জুপাহিং লোইংকো লোংগু চোইয়ামসা ওয়াংয়ে, আসা ইশুকো সিপুওয়া জুপাহিং লিতা ধুইমসা লোংগুতা লোইংয়ে, আসা পাত্যারুংহিং থেমসা বানাইওয়া তোম্যইতা এহে। আসা আকু তোম্যইকো হোংব্যইতা ইরুং টেবো লুংটুইসো তুংপুয়ে।47ইশুকো জুপা তোম্যইতা এনুওয়া মগদিলিনি মরিয়োম আসা য়োসেফকো আয়ু মরিয়োমহা ন্যইদিংমি।
ইশুহা জাংয়ে, “আকুহা নাতি আপনিরাং জাংদিংয়ো।”3মাটা পাউবিহা ইশুহিং উইসে কোওয়া-মোকোওয়া নুওয়াংবি চুউসুয়ে।4ন্যাসারাং পিলাতোসহা ইশুহিং জাংয়ে, “কাং, আবিহা নাতিহিং উইসে কোওয়া-মোকোওয়া নুওয়াং চুসুদিংয়ো, নাতিহা আপনিকো তোইতা হাইরে জাংকো মাতাংগা?”5আদো ইশুহা হাইরে মোয়্যইনুওয়া পিলাতোসহা আআংপেপেচপুয়ে।6য়হুদিবিকো মুক্তি-দিবসকো মানক্যাতা পিলাতোসহা জেলতা সুংমসা এমবিহিংয়া লোপোলেলে ইচো জোমসা আবিকো য়াওয়া সেই ল্যাপি চাংমি।7আত্রংহা বারাববা তাওয়া ইচো দিংঙাহিংয়া জেলতা সুংমসা এমি নিমি। আকুহা দিংঙাবিহিংপা মিলেমসা লুইসু-স্যাইসুওয়াতা দিংঙা স্যাপুওয়া নিমি।8আসা দিংঙাবিহা পিলাতোসকোতা লেমসা জাংয়ে, “নাতি লোপোলেলে ইচো কৈদিহিং ল্যাচাংমি ত্যাবাপা ইচোহিং ল্যাপি” তামসা জাংসুয়ে।9পিলাতোসহা আবিহিংয়া জাংয়ে, “কা ই য়হুদিবিকো জাইপু তাওয়াহিং ল্যাপিকোগা?”10হাংপাতানাহা মাটা পাউবিহা আকুহিংয়া মিছিপা জোমসারাং কুংতা স্যইরেমগা তামসা পিলাতোসহা গেমি নিমি।11আদো মাটা পাউবিহা দিংঙাবিহিং দুদুইপামসা ইশুহিং মোকোপা বারাব্বাহিং ল্যাপিকো তামসা জাংপায়ে।12পিলাতোসহা ন্যাসারাং দিংঙাবিহিং উইয়ে, “এপা বেনাহা নাবিকো য়হুদিবিকো জাইপু তামসা জাংওয়াহিংয়া কাহা হাং জোকোগা?”13দিংঙাবিহা ঙাসুমসা জাংসুয়ে, “আকুহিং ক্রুসতা স্যা!”14পিলাতোসহা উইয়ে, “হাংপাসাহা? ইহা হাং মাতুপা জোপুংগা?”
আদো দিংঙাবিহা নাসারাং সিওপা ঙাসুমসা জাংসুয়ে, “আকুহিংয়া ক্রুসতা স্যা।”15আত্রংহা পিলাতোসহা দিংঙাবিহিং চেকেপা একোসোতা বারাববাহিং ল্যাপিয়ে। আসা ইশুহিংয়া রোমি সিপাইবিকোতা সাটাসো ডুমসা ক্রুসতা স্যাকো তামসা স্যইপুয়ে।16আসা সিপাইবিহা ইশুহিং মাটা কাইজিকো সাকো নাপোতা পুরায়ে। আসা আউতা দোসরা সিপাইবিহিং মোউয়ামসা পারায়ে।17আবিহা ইশুহিং য়েংপামসা জাইপুকো লুওয়া বেওয়া বেইগুনি রংকো আংদুং লুপায়ে, আসা সোসাকো ফেটা ফিমসা ইশুকো পোরোতা লুপায়ে।।18আকো নোইতা আবিহা ইশুহিং নোংমসা জাংয়ে, “য়হুদিবিকো জাইপুকো মিং টেবো জিংকো!”19আবিহা ইচো দ্যইসো ইশুকো পোরোতা তেপরে-তেপরেপা পোওয়ে, তোতি তোতোয়ে, আসা চুনুইমসা আকুহিং নোংসুমেপা জোসুয়ে।20ই তাংসা য়েংপাওয়া ত্যইনুওয়া ইশুহিং লুপাওয়া বেইগুনি রংকো আংদুং লুমসা ইশুকো নাগাইকো লুওয়া আংদুংরাং ন্যাসা লুপায়ে, আসা ক্রুসতা টাকো তামসা পুরায়ে।21ন্যাতাসো হ্যাদিংনুওয়া সিপাইবিহা কুরিনি লোইকো সিমোনহিং লোইসোহা শহরতা দেপাদাংওয়া তিংয়ে, আকুহা আলেকজান্ডার আসা রুপোসকো আপা নিমি। আবিহা আকুহিংয়া ইশুকো পুউদিংওয়া ক্রুস পুউপায়ে।22আবিহা ইশুহিং গলগাথা তাওয়া জায়গাতা পুরায়ে ই জাংওয়াহা “পোরোকো লুইতোকো জায়গা।”23আউতা দেকামসা আবিহা ইশুহিং মুররা তাওয়া মেং লাসিমসা আংগুরকো য়ু পেয়াংয়ে। আদো আকুহা মাআংতো।24আসা আবিহা ইশুহিং ক্রুসতা কাটি টামসা থ্যহপুয়ে। সিপাইবিহা আকো আংদুং হাংসু মুংচাবা তামসা চিঠা বাদোইসুয়ে।25ইশুহিং ক্রুসতা টানুওয়া হাপকুংকো নয় বোজেদাংমি নিমি।26ইশুহিং দোষ লাগাইওয়া য়হুদিবিকো জাইপু তাওয়া নুওয়াংহা কেংপ্রাতা লামি নিমি।27আবিহা নিহসো কুইমবিহিংনে ইশুহিংপা ক্রুসতা টাপে, ইচোহিংয়া দাংক্রেং কাটুসো আসা ইচোহিংয়া কেক্রেং কাটুসো। [এপা তাংজিকো হিগাতা লামেপারাং, “আকুহিংয়া মেংতাওয়া দিংঙাবিকো প্যাকোতা এপুয়ে।”]29আকু ন্যাতাসো তেইদিংওয়াবিহা ইশুহিং য়েংপামসা পোরো য়াপা-য়াপামসা জাংসুয়ে, “ও, নাতিহা দেমসাহিং য়্যামসা সা সুংয়ুংতা লোপাকো চুপুওয়া!30নেহা ক্রুসসো উইপামসা লেই, আসা আপনিহিং বাচাই!”31এপা জোমসারাং মাটা পাউবি আসা তাংজিকো উটকেওয়াবিহা ইশুহিং য়েংসপায়ে। আবিহা তাইবিলারাই জাংসুয়ে, ইহা দোসরাহিংয়া বাচাইয়ে, আদো আপনিহিংয়া বাচাইমক্যইতো।32ইমি ইস্রাইলবিকো জাইপু খ্রীষ্ট বেনাহা, “ক্রুসসো উইমসা লেকো, আসা কাবি ন্যইমসা দেংরোওয়া।” তাতিহিংপা ক্রুসতা নিওয়াবিরে ইশুহিং মেংতাপা জাংয়ে।33আসা জেইসুং বারো বাজিসোওয়া জিরুং তিন বাজি চোইপা আকু তাংসা লোইরাং নাটুংপা জিংপুয়ে।34জিরুং তিন বাজি তিরা ইশুহা সেতিংপা ঙামসা জাংয়ে, “ইলোই, ইলোই, লামা সবখথানি?” ই জাংওয়াহা, “ও কুং সেংজা, ও কুং সেংজা, কাহিংয়া হাংপা পেইপুমগা?”35ইশুকো এপা ঙাওয়া হিংমসা আউতা নিওয়া লেরা দিংঙাবিহা জাংসুয়ে, “কাংকে! ইহা নাগাইকো এলিয়াহিং মোউদিংনা।”36আত্রংহা ইচো দিংঙাহা ঠুইউপামসা পাচরাংপা য়্যাক্যইওয়া আংগুরকো সাইতি সাইরেতা বুমসা পায়ে আসা আকু সাইরেহা সেনেকো দরেংতা জিংমসা ইশুকো নামুতা এমসা জাংয়ে, “ম্যায়াং, এলিয়াহা ইহিং লিতা উইপাকো লেকোমে না মেলেকোমে, কাংরো!”37আদো আত্রংরাং ইশুহা সেট্টিংপা চিলিংমসা সিপুয়ে।38আত্রংহা য়হুদিবিকো দেমসাকো জিরিকো লাপুংহিং নাঁপাওয়া আংদুংহা তোইসোহা লিতা চোইপা ছিচপুয়ে।39ইশুকো আবেইতা জাদিংওয়া ইচো রোমি কেপ্ট্যাইনহা ইশুকো সিপুওয়া তিংমসা জাংয়ে, “ইহা আজিপ্পারাং সেংজাকো চেংওয়ারাং গুং!”40লেরা মেমেবিহা তানাংসো জাসুমসা ন্যইসুদিংমি। আবিকো প্যাকোতা মোগদিলিনি মরিয়োম, চিয়োওয়া য়াকুব আসা য়োসেফকো আয়ু মরিয়োম আসা শালোমি নিমি।41ইশু হাত্রং গালীলতা নি, আত্রংহা আকু মেমেবিরে ইশুহিংপারাং তেইচাংমি আসা আকুহিং হাইক্রি য়ুজ্রুচাংমি। ন্যাসারাং উইসে মেমেবি হাংসু হাংসু আকুহিংপা য়রুশালেমতা লে, আবিরে আউতা নিমি।42আকুহা সানুকো দিনকো সাইয়ু নাগাইকো চারামারা জোওয়া শুক্রবারকো দিন নিমি।43জিরু জিংপুনুওয়া আরিমাথিয়া শহরকো য়োসেফহা পিলাতোসকোতা মাচ্ছুংপা হোমসা ইশুকো সিপুওয়া জুপা য়াকায়ে। য়োসেফহা য়হুদিবিকো জোংসুওয়া সাকো ইচো আদর নিওয়া দিংঙা নিমি, আসা আকুহা সেংজাকো রাজ্যকো ন্যাতাহিং কাংমসা য়ুংদিংমি।44পিলাতোসহা আআংপেপেচপুয়ে, আসা ইশু এসেপাকো সেনেপ্পা সিপুংগা তামসা আকুহা কেপ্ট্যাইনহিং আপনিকোতা মোউমসা সিপুমতেমমে না মিশিয়াংমমে তামসা উইয়ে।45পিলাতোসহা কেপ্ট্যাইনকো নুওয়াংসো সিদা চ্যইয়ে ইশু সিপুনতেনা তামসা, আসা য়োসেফহিং ইশুকো সিপুওয়া জুপা পুচাকো তামসা অনুমতি পিচায়ে।46য়োসেফ হোমসা ইশুকো সিপুওয়া জুপাহিং লোইংকো লোংগু চোইয়ামসা ওয়াংয়ে, আসা ইশুকো সিপুওয়া জুপাহিং লিতা ধুইমসা লোংগুতা লোইংয়ে, আসা পাত্যারুংহিং থেমসা বানাইওয়া তোম্যইতা এহে। আসা আকু তোম্যইকো হোংব্যইতা ইরুং টেবো লুংটুইসো তুংপুয়ে।47ইশুকো জুপা তোম্যইতা এনুওয়া মগদিলিনি মরিয়োম আসা য়োসেফকো আয়ু মরিয়োমহা ন্যইদিংমি।
The Seed Company