লুক20
1সাইয়ু ইশুহা য়হুদিবিকো দেমসাতা ঝিপাদিংমি, আসা সেংজাকো জাংওয়া এনতাওয়া দেরেং হিংপাদিংমি। আত্রংরাং মাটা পাউবি আসা তাংজিকো উটকেওয়াবি আসা য়হুদি মাটা ওয়ারাংপাবি চিত্তা আকোতা ওয়াংমসা জাংয়ে,2“কাবিহিং জাং, নাতিহা হানিসো অধিকার মুংমসা ই কাম জোমগা? এপা জিংওয়া অধিকারহা নাতিহিংয়া হাংসু পিচাংগা?”3ইশুহা আবিহিংয়া জাংয়ে, “কারে নাবিহিং ইচো নুওয়াং উইরোওয়া। জাংকে,4য়হুন্নাহা বাপ্তিস্মা পিচাকোহা হাংসুকোসো অধিকার মুংমগা? সেংজাকোসোগা? না দিংঙাকোসোগা?”5ই হিংমসা আবিহা তাইবিলারাই এপাজিংওয়া নুওয়াং য়্যইসুয়ে, “নেহা য়াংবিহা হাং জাংকোগা? ‘সেংজাকোসো’ তামসা জাংপুনাহা, ‘নাবিহা আকুহিংয়া হাংপাসা মাদেংমগা?’ তামসা আকুহা উইরোওয়া।6‘দিংঙাসো’ তানাহা, ইতা নিওয়া দিংঙাবিহা য়াংবিহিংয়া লুংটুই টোমসা স্যাপুরোওয়া, হাংপাতানাহা আবিহা য়হুন্নাহিংয়া অগমবক্তা তামসা দেংমগা।”7আকো সোতা আবিহা ইশুহিং জাংয়ে, “মেগেসা, আকুহা হানিসো অধিকার মুংমে কাবিহা মেগেমি।”8আত্রংহা ইশুহা জাংয়ে, “এপা বেনাহা কারে হানিসো অধিকার মুংমসা কাম জোদিংমমে নাবিহিংয়া মাজাংরো।”9আকো নোইতা ইশুহা দিংঙাবিহিং মিংচি ল্যামসা জাংয়ে, “ইচো দিংঙাহা লুংনিংতা আংগুরকো দুংরাই তিংমসা কাম জোওয়া দিংঙাবিহিং কাংকো পিচাতেহে, আসা আপনিহা তানাংকো লোইতা হোমসা য়ুংপুয়ে।10আংগুর মিংপানুকো সময়তা গিরিহা ইচো ডেইয়াহিং আপনিকো মুংচানেওয়া লাকো তামসা লুংনিংতা কাম জোওয়া দিংঙাবিকোতা নিংপুয়ে। আদো আকু কাম জোওয়া দিংঙাবিহা আকুহিংয়া ডুমসা হাইরে মিচাপা নিংপুয়ে।11ন্যাসারাং গিরিওয়াহা দোসরা ডেইয়াহিং লুংনিংতা নিংপুয়ে। আদো কাম জোওয়াবিহা আকুহিংনে ডুপুয়ে আসা লেফেপামসা হাইরে মিচাপা ঘিপুয়ে।12আকো নোইতাহা আকুহা ন্যাসারাং ইচোহিং নিংপুয়ে। আকুহিংনে আকু দিংঙাবিহা ডুমসা সিপদাংক্যইপা জোমসা বাডোইপুয়ে।13“এসে জিংপুনতেনুকো নোইতাহা আংগুরবিরিকো গিরিহা জাংয়ে, ‘নেহা কা হাং জোকোমে? কা আপনিকো ফেতেংওয়া চেংওয়াহিং নিংপুরোওয়া। আবিহা কুং চেংওয়াহিংয়া পক্কাই আদর জোকোদোওয়া।’14“আদো লুংনিংকো গিরিকো চেংওয়াহিং তানাংসো দেপাওয়া তিংমসা আকু কাম জোওয়া দিংঙাবিহা হুইসুয়ে, ‘ইহা গিরিকো চেংওয়াগা। লেই, য়াংবি ইহিং স্যাকো, আসা আকো তাংসা মোংটোবিহা য়োংকোরাং জিংরোওয়া।’15আসা আবিহা আকুহিংয়া লুংনিংসো হেইপুমসা বাইরে পারামসা স্যাপুয়ে। ইশুহা আবিহিং উইয়ে,
“নেহা আকু আংগুরকো দুংরাইকো গিরিহা আবিহিংয়া হাং জোকোগা?16আকু আপনিরাং লেমসা আকু মেংতাপা কাম জোমবিহিংয়া স্যারোওয়া আসা আপনিকো আংগুরবিরিহিংয়া দোসরা কাম জোওয়া দিংঙাবিহিং পিচাপুরোওয়া।”
ই হিংমসা দিংঙাবিহা জাংয়ে, “এপাহা হাত্রংরে মাজিংকো!”17আসা ইশুহা আবিকোতা ন্যইমসা জাংয়ে, “এপা বেনাহা তাংজিকো হিগাতা লাওয়া নুওয়াংবিহা হাংগাসা?সা বানাইমবিহা মোঘ্যইরো তামসা হুইতেওয়া লুুংটুইরাংসা লোপাদাংনুওয়া আরিকো মাটা লুংটুই জিংপুয়ে।18আকু লুংটুইকো তোইতা হুইচাওয়া দিংঙাবিহা তাংসা চোচোনোনোপা জিংপুরোওয়া, হানি দিংঙাকো তোইতা আকু লুংটুই টোচপু, আকু দিংঙাবিরে চোচোনোনোপা জিংপুরোওয়া।”19তাংজিকো উটকেওয়াবি আসা মাটা পাউবি ই নুওয়াং হিংনুওয়া কাবিকো নুওয়াংরাং ল্যামগুং তাওয়া নোমসা ইশুহিং আত্রংরাং প্যইপাকো কেংয়ে, আদো আবিহা দিংঙাবিকোসো চুসুংপুয়ে।20এপা জিংনুওয়া আবিহা ইশুহিং চেকেপা প্যইকো কেংয়ে। আবিহা আকুহিংয়া প্যইমসা রোমি টেবো কাইজিকো খুইতা স্যইয়াকো কেংদিংমি। আবিহা ইমানদার ত্যাবাপা জোমসা ইশুহিং য়্যইওয়া-য়্যইওয়াতা প্যইকো তামসা আবিহা লেরা দিংঙাবিহিং ন্যাস্যা পিচামসা নিংপুয়ে।21আকু দিংঙাবিহা ইশুকোতা হোমসা উইয়ে, “ও উটকেওয়া, কাবিহা গেমি নিও, নাতিহা জাংওয়া আসা ঝিপাওয়া নুওয়াংতা এনতাপা নিও। নাতিহা দিংঙাকো য়ুওয়াই ন্যইমসা মোয়্যইমগা, নাতিহা সেংজাকো আজিপ্পাকো ন্যাতা ঝিপামগা।22এপা বেনাহা কাবিহিং জাং, লিংপাংতা নিওয়া সেই য়াংবিহা রোমি সরকারহিংয়া তোংক্যা তাকোগা না মাতাকোগা?”23আবিকো তুংসিংকো নুওয়াং কোইমসা ইশুহা জাংয়ে,24“হানি, টাংকা তিংপাকে। ই টাংকাতাহা হাংসুকো মিং আসা য়ুওয়াই নিংগা?”
আবিহা জাংসুয়ে, “ইতাহা রোমি টেবো জাইপু কৈসরকো মিং আসা য়ুওয়াই নিনা।”25আত্রংহা ইশুহা জাংয়ে, “কৈসরকো বেনাহা কৈসরহিংনাং পিচা, সেংজাকো বেনাহা সেংজাহিংনাং পিচা।”26আবিহা দিংঙাকো নাগাইতা ইশুহিংয়া হানি নুওয়াংতারে প্যইমক্যইতো, আসা আকো য়্যইওয়া হিংমসা আবিহা আআংপেপেচপা জিংপুমসা চিচোপা য়ুংয়ে।27আকো নোইতাহা লেরা সদুকিবিহা ইশুকোতা লেহে। আবিহা দিংঙা সিমসা ঙারোমি তাওয়া নুওয়াংতা মাদেংমি।28আবিহা ইশুহিং উইয়ে, “ও উটকেওয়া, মোসাকো কাবিহিং লাতেওয়া লিংপাংতাহা ইচো দিংঙাকো ডুওয়া চেং মাজিংপা সিপুনাহা ডুওয়াকো চেং জিংকো তামসা এহা লুংঙাহিং বিয়ৌ জোনেরোওয়া।29ইচো সময়তাহা নীচো ডুওয়া এবি নিমি। দেসোইওয়া ডুওয়াহা বিয়ৌ জোয়ে, আদো আকোহা চেং মাজিংপা সিপুয়ে।30এপা জিংপুনুওয়া মাইলা এরে লুংঙাহিং বিয়ৌ জোয়ে, আদো আকুরে চেং মাজিংপা সিপুয়ে।31আকো নোইতা সাইলা এরে এপারাং জোয়ে, এপা জোমসারাং আবিহা নীচিংপুসারাং লুংঙাহিং বিয়ৌ জোয়ে, আদো তাংসাকোরাং চেংচুং মাজিংতো।32নোইস্যাতাহা আকু মেমেরে সিপুয়ে।33আকো সোতা সিমসা ঙারোনুওয়া আকুহা হাংসুকো মে জিংকোগা? আকুহা তাংসা এবিহিংপারাং বিয়ৌ জোমি নি।”34ইশুহা আবিহিংয়া জাংয়ে, “ই বাসিমতিতা নিওয়া দিংঙাবিহা বিয়ৌ জোমগা, আসা বিয়ৌ জোপামগা।35আদো দেপাওয়া সময়তাহা সিমসা ঙারোনুওয়া দিংঙাবিহিংয়া বিয়ৌ জোওয়াসো আসা জোপাওয়া নুওয়াংরাং মোতো।36আদো আবিহা ন্যাসারাং মাসিরোওয়া, হাংপাতানাহা আবিহা লোডিংবাকো পোইংবি ত্যাবাপা জিংরোওয়া। আবিহা সিমসা ঙারোওয়া সেংজাকো চেং জিংরোওয়া।37সিপুমবিহা ঙারোমগা তাওয়া নুওয়াংকো প্রমানহা মোসাহা প্রভুসেংজাহিং এনতাপা পিচামি নিমগা। লালাইদিংওয়া বুবুউওয়া সাম্যাসো মোসাহা ‘অব্রাহামকো, ইসাককো, আসা য়াকুবকো সেংজা’ তামসা মোউমি নিমগা।38সেংজাহা সিপুমবিকো মোকো, আদো মিসিয়াংবিকো সেংজাগা! আকো মিচোকো নাগাইতাহা তাংসারাং মিসিয়াংওয়াগা।”39আত্রংহা লেরা তাংজিকো উটকেওয়াবিহা জাংসুয়ে, “উটকেওয়া, নাতিহা আজিপ্পারাং জাংমি নিও।”40আকো নোইতা হাংসুরে ইশুহিংয়া হাইরে উইমক্যইতো।41ইশুহা আবিহিংয়া উইয়ে, “দিংঙাবিহা মুক্তি পিচাওয়া জাইপু খ্রীষ্টহিংয়া হেপা দাউদ জাইপুকো চেংওয়া তাকো চুকোগা?42দাউদকো লাওয়া লেদিতাহা দাউদ আপনিরাং এপা জাংমি নিও:প্রভুসেংজাহা কুং প্রভুহিংয়া জাংমি নিও,‘কা নাতিহিংপা মাসুংপা জোওয়া দিংঙাবিহিংয়া নাকো কোকোইকো তাংবাতা মেএনু চোইপা নাতিহা কুং দাংক্রেং কাটুতা য়ুং’।”44“দাউদ আপনিরাং খ্রীষ্টহিংয়া ‘প্রভু’ তানাহা হেপা আকুহিংয়া দাউদকো চেংওয়া তাকোগা?”45তাংসা দিংঙাবি হিংদিংওয়া কোকোইত্তা ইশুহা আপনিকো য়োংতোংবিহিংয়া জাংয়ে,46“তাংজিকো উটকেওয়াবিহিংপা হোশিয়ার য়ুং। আবিহা তিংপাকো সোতা দালাইওয়া আংদুং লুউমসা তেইমগা, হাতিতা দিংঙাবিহা আপনিহিং নোংপিমে তামসা নোমগা আসা জোংসুওয়া সাতা এনতাওয়া জায়গা আসা চাওয়া-আংওয়া চাদিংনুওয়া এনতাওয়া গাদুবিতা গাকো কেংমগা।47আবিহা মুরিংবিকো সাবি গিংচামগা আসা তিংপাকো সোতা দালাইপা পাচাইমগা। এপা জোমবিহা টেবো সজায় মুংরোওয়া।”
“নেহা আকু আংগুরকো দুংরাইকো গিরিহা আবিহিংয়া হাং জোকোগা?16আকু আপনিরাং লেমসা আকু মেংতাপা কাম জোমবিহিংয়া স্যারোওয়া আসা আপনিকো আংগুরবিরিহিংয়া দোসরা কাম জোওয়া দিংঙাবিহিং পিচাপুরোওয়া।”
ই হিংমসা দিংঙাবিহা জাংয়ে, “এপাহা হাত্রংরে মাজিংকো!”17আসা ইশুহা আবিকোতা ন্যইমসা জাংয়ে, “এপা বেনাহা তাংজিকো হিগাতা লাওয়া নুওয়াংবিহা হাংগাসা?সা বানাইমবিহা মোঘ্যইরো তামসা হুইতেওয়া লুুংটুইরাংসা লোপাদাংনুওয়া আরিকো মাটা লুংটুই জিংপুয়ে।18আকু লুংটুইকো তোইতা হুইচাওয়া দিংঙাবিহা তাংসা চোচোনোনোপা জিংপুরোওয়া, হানি দিংঙাকো তোইতা আকু লুংটুই টোচপু, আকু দিংঙাবিরে চোচোনোনোপা জিংপুরোওয়া।”19তাংজিকো উটকেওয়াবি আসা মাটা পাউবি ই নুওয়াং হিংনুওয়া কাবিকো নুওয়াংরাং ল্যামগুং তাওয়া নোমসা ইশুহিং আত্রংরাং প্যইপাকো কেংয়ে, আদো আবিহা দিংঙাবিকোসো চুসুংপুয়ে।20এপা জিংনুওয়া আবিহা ইশুহিং চেকেপা প্যইকো কেংয়ে। আবিহা আকুহিংয়া প্যইমসা রোমি টেবো কাইজিকো খুইতা স্যইয়াকো কেংদিংমি। আবিহা ইমানদার ত্যাবাপা জোমসা ইশুহিং য়্যইওয়া-য়্যইওয়াতা প্যইকো তামসা আবিহা লেরা দিংঙাবিহিং ন্যাস্যা পিচামসা নিংপুয়ে।21আকু দিংঙাবিহা ইশুকোতা হোমসা উইয়ে, “ও উটকেওয়া, কাবিহা গেমি নিও, নাতিহা জাংওয়া আসা ঝিপাওয়া নুওয়াংতা এনতাপা নিও। নাতিহা দিংঙাকো য়ুওয়াই ন্যইমসা মোয়্যইমগা, নাতিহা সেংজাকো আজিপ্পাকো ন্যাতা ঝিপামগা।22এপা বেনাহা কাবিহিং জাং, লিংপাংতা নিওয়া সেই য়াংবিহা রোমি সরকারহিংয়া তোংক্যা তাকোগা না মাতাকোগা?”23আবিকো তুংসিংকো নুওয়াং কোইমসা ইশুহা জাংয়ে,24“হানি, টাংকা তিংপাকে। ই টাংকাতাহা হাংসুকো মিং আসা য়ুওয়াই নিংগা?”
আবিহা জাংসুয়ে, “ইতাহা রোমি টেবো জাইপু কৈসরকো মিং আসা য়ুওয়াই নিনা।”25আত্রংহা ইশুহা জাংয়ে, “কৈসরকো বেনাহা কৈসরহিংনাং পিচা, সেংজাকো বেনাহা সেংজাহিংনাং পিচা।”26আবিহা দিংঙাকো নাগাইতা ইশুহিংয়া হানি নুওয়াংতারে প্যইমক্যইতো, আসা আকো য়্যইওয়া হিংমসা আবিহা আআংপেপেচপা জিংপুমসা চিচোপা য়ুংয়ে।27আকো নোইতাহা লেরা সদুকিবিহা ইশুকোতা লেহে। আবিহা দিংঙা সিমসা ঙারোমি তাওয়া নুওয়াংতা মাদেংমি।28আবিহা ইশুহিং উইয়ে, “ও উটকেওয়া, মোসাকো কাবিহিং লাতেওয়া লিংপাংতাহা ইচো দিংঙাকো ডুওয়া চেং মাজিংপা সিপুনাহা ডুওয়াকো চেং জিংকো তামসা এহা লুংঙাহিং বিয়ৌ জোনেরোওয়া।29ইচো সময়তাহা নীচো ডুওয়া এবি নিমি। দেসোইওয়া ডুওয়াহা বিয়ৌ জোয়ে, আদো আকোহা চেং মাজিংপা সিপুয়ে।30এপা জিংপুনুওয়া মাইলা এরে লুংঙাহিং বিয়ৌ জোয়ে, আদো আকুরে চেং মাজিংপা সিপুয়ে।31আকো নোইতা সাইলা এরে এপারাং জোয়ে, এপা জোমসারাং আবিহা নীচিংপুসারাং লুংঙাহিং বিয়ৌ জোয়ে, আদো তাংসাকোরাং চেংচুং মাজিংতো।32নোইস্যাতাহা আকু মেমেরে সিপুয়ে।33আকো সোতা সিমসা ঙারোনুওয়া আকুহা হাংসুকো মে জিংকোগা? আকুহা তাংসা এবিহিংপারাং বিয়ৌ জোমি নি।”34ইশুহা আবিহিংয়া জাংয়ে, “ই বাসিমতিতা নিওয়া দিংঙাবিহা বিয়ৌ জোমগা, আসা বিয়ৌ জোপামগা।35আদো দেপাওয়া সময়তাহা সিমসা ঙারোনুওয়া দিংঙাবিহিংয়া বিয়ৌ জোওয়াসো আসা জোপাওয়া নুওয়াংরাং মোতো।36আদো আবিহা ন্যাসারাং মাসিরোওয়া, হাংপাতানাহা আবিহা লোডিংবাকো পোইংবি ত্যাবাপা জিংরোওয়া। আবিহা সিমসা ঙারোওয়া সেংজাকো চেং জিংরোওয়া।37সিপুমবিহা ঙারোমগা তাওয়া নুওয়াংকো প্রমানহা মোসাহা প্রভুসেংজাহিং এনতাপা পিচামি নিমগা। লালাইদিংওয়া বুবুউওয়া সাম্যাসো মোসাহা ‘অব্রাহামকো, ইসাককো, আসা য়াকুবকো সেংজা’ তামসা মোউমি নিমগা।38সেংজাহা সিপুমবিকো মোকো, আদো মিসিয়াংবিকো সেংজাগা! আকো মিচোকো নাগাইতাহা তাংসারাং মিসিয়াংওয়াগা।”39আত্রংহা লেরা তাংজিকো উটকেওয়াবিহা জাংসুয়ে, “উটকেওয়া, নাতিহা আজিপ্পারাং জাংমি নিও।”40আকো নোইতা হাংসুরে ইশুহিংয়া হাইরে উইমক্যইতো।41ইশুহা আবিহিংয়া উইয়ে, “দিংঙাবিহা মুক্তি পিচাওয়া জাইপু খ্রীষ্টহিংয়া হেপা দাউদ জাইপুকো চেংওয়া তাকো চুকোগা?42দাউদকো লাওয়া লেদিতাহা দাউদ আপনিরাং এপা জাংমি নিও:প্রভুসেংজাহা কুং প্রভুহিংয়া জাংমি নিও,‘কা নাতিহিংপা মাসুংপা জোওয়া দিংঙাবিহিংয়া নাকো কোকোইকো তাংবাতা মেএনু চোইপা নাতিহা কুং দাংক্রেং কাটুতা য়ুং’।”44“দাউদ আপনিরাং খ্রীষ্টহিংয়া ‘প্রভু’ তানাহা হেপা আকুহিংয়া দাউদকো চেংওয়া তাকোগা?”45তাংসা দিংঙাবি হিংদিংওয়া কোকোইত্তা ইশুহা আপনিকো য়োংতোংবিহিংয়া জাংয়ে,46“তাংজিকো উটকেওয়াবিহিংপা হোশিয়ার য়ুং। আবিহা তিংপাকো সোতা দালাইওয়া আংদুং লুউমসা তেইমগা, হাতিতা দিংঙাবিহা আপনিহিং নোংপিমে তামসা নোমগা আসা জোংসুওয়া সাতা এনতাওয়া জায়গা আসা চাওয়া-আংওয়া চাদিংনুওয়া এনতাওয়া গাদুবিতা গাকো কেংমগা।47আবিহা মুরিংবিকো সাবি গিংচামগা আসা তিংপাকো সোতা দালাইপা পাচাইমগা। এপা জোমবিহা টেবো সজায় মুংরোওয়া।”
The Seed Company