লুক16
1ইশুহা আপনিকো য়োংতোংবিহিং ইচো মিংচি হিংপায়ে, “ইচো পুপুউ দিংঙাকো কাম জোওয়াবিহিং কাংওয়া ইচো মাটা ডেইয়া নিমি। নাকো ন্যাস্যাবি এওয়া মাটা ডেইয়াহা ন্যাস্যা মাপাদিংয়ো তামসা দিংঙাবিহা আকু পুপুউ দিংঙাহিং হিংপায়ে।2আত্রংহা পুপুউ দিংঙাহা আকু মাটা ডেইয়াহিং মোউমসা উইয়ে, ‘নাকো তোইতা এপা জিংওয়া মেংতাওয়া নুওয়াং হিংদিংয়ো। নাকো তাংসা কামকো হিসাববি কাহিং তিংপা। হিনিসো নাতিহা কুং ন্যাস্যা এওয়া মাটা ডেইয়াকো জায়গাতা য়ুংচা মোমুং।’3“ই জাংওয়া হিংনুওয়া আকু মাটা ডেইয়াহা আপনিকো তুংসিংতা নোয়ে, ‘কুং গিরিওয়াহা কাহিংয়া কামসো নোপাপুরগুং। নেহা কা হাং জোকোমে? ছ্যইমসা-ওমসা চাকোরে কুংতা সে মোতো, য়ামসা চাকোরে কাহা লেফেমি।4নেহা কাহা হাং জোনেকোমে কাহা নোপুনতেও। কুং কাম ল্যানেদো কা ব্যারো বানাইতেনাহা কাহিংয়া আবিকো সাতা মোউকোদোওয়া!’5“আকো নোইতা আকুহা আপনিকো গিরিকো তাংসা ন্যাস্যা য়ুউওয়া দিংঙাবিহিং ইচো ইচো জোমসা মোউয়ে।
“আকুহা নাগাইকো ওয়াংওয়াহিং উইয়ে, ‘কুং গিরিহিং নাতিহা হাসে বাংকি তাকো নিংগা?’6“আকু ডেইয়াহা জাংয়ে, ‘তিন হাজার লিটার চুইতি।’
“আত্রংহা আকু মাটা ডেইয়াহা জাংয়ে, ‘নাতিহা হিগাতাহা সেন্নেপা পনেরোশো লিটার চুইতি মেংচে লা।’7“আকুহা ন্যাসারাং দোসরাহিং উইয়ে, ‘নাতিহা হাসে তাকো নিংগা?’
“আকুহা জাংয়ে, ‘এক হাজার বোরা গেহুং।’ আকু মাটা ডেইয়াহা আকুহিংয়া জাংয়ে, ‘নাতিহা হিগাতাহা আটশো বোরা মেংচে লা।’8“ই নুওয়াং সিদা চ্যইনুওয়া আকু গিরিহা তাংজি মাতাওয়া ডেইয়াকো চালাক কাম জোওয়াতা প্রশংসা জোয়ে। আকু বেপারাং ই সময়কো দিংঙাবিহা আপনিকো ব্যারোবিহিংপা চালাকি কাম জোওয়াতাহা হাহাইওয়াকো চেংবিরোমা সিওপা চালাক জিংমগা।9কা নাবিহিংয়া জাংরোওয়া, বাসিমতিতা ন্যাস্যাসো ব্যারোবি বানাই, আকু ন্যাস্যা মাচানুওয়া আবিহা নাবিহিংয়া হাত্রংরে মিসিওয়া সাতা মোউরোওয়া।”10“আত্যইচোওয়া নুওয়াংতা দেংকো চুক্যইওয়া দিংঙাহা টেবো নুওয়াংতারে দেংকো চুমগা। এপারাং আত্যইচোওয়া নুওয়াংতা মেংতাপা জিংওয়া দিংঙাহা টেবো নুওয়াংতারে মেংতাপারাং জিংমগা।11বাসিমতিকো পুংজিতা দেংকো মাচু্ক্যইওয়া দিংঙাহিংয়া লোডিংবাকো পুংজিহা হাংসু চিত্যইকোগা?12নাবিহা দোসরাকো পুংজিতা দেংমক্যইনাহা নাবিকো আপনিকো পুংজিহা হাংসু পিচাকোগাসা?13“হাংসু ডেইয়ারে নিহসো গিরিকো কাম জোমক্যইরোওয়া, হাংপাতানাহা আকুহা ইচোহিংয়া মেংতাপা জোরোওয়া আসা ইচোহিংয়া জেজেংপা জোরোওয়া, মোকোনাহা আকুহা ইচোকোহা সেওয়া জোমসা ইচোহিংয়া মেংতাপা জোরোওয়া। নাবিহা সেংজা আসা পুংজি নিহদ্যাকোসা কাম জোমক্যই।”14ই তাংসা নুওয়াং হিংমসা ফরিসিবিহা ইশুকো জাংওয়া নুওয়াংবিতা লেংসুয়ে, হাংপাতানাহা আবিহা ন্যাস্যাহিংনাং জেজেংপা জোমি।15ইশুহা আবিহিংয়া জাংয়ে, “নাবিহা দিংঙাবিকো নাগাইতা আপনিহিং তাংজি তিংপারোওয়া, আদো সেংজাহা নাবিকো তুংসিংকো নাপোকো নুওয়াং গেমগা, হাংপাতানাহা হানি নুওয়াং দিংঙাবিকো নাগাইতা টেবোনি, আকুহা সেংজাকো নাগাইতাহা আচকাপা নিও।16“বাপ্তিস্মা পিচাওয়া য়হুন্নাকো সময় চোইপা মোসাকো লিংপাং আসা অগমবক্তাবিকো নুওয়াংবি ঝিপায়ে। আকো নোইসোহা সেংজাকো রাজ্যকো এনতাওয়া দেরেং হিংপামি নিও, আসা তাংসা আউতা হোকো সেটেংসুদিংয়ো।17লোডিংবা আসা বাসিমতি দাংপুকো চুরোওয়া, আদো সেংজাকো লিংপাংকো নুওয়াংবিহা হাত্রংরে মাদাং।18“হাংসু আপনিকো মেহিং পেইতেমসা দোসরাহিং বিয়ৌ জো, আকুহা নুংনাংসুওয়াগা, আসা দোসরাকো হুইতেওয়া মেহিং বিয়ৌ জোওয়ারে নুংনাংসুওয়ারাংগা।”19ইশুহা ন্যাসারাং জাংয়ে, “ইচো পুপুউ দিংঙা নিমি। আকুহা হাত্রংদো পাংক্যইওয়া আংদুংবি লুউমসা লেংকে-গাকেমসা য়ুংচাংমি।20আদো দিংঙাবিহা জুপাতা মাকাদাং মাকাদাং লোওয়া লাজরস মিংকো জোরোংওয়া দিংঙাহিং আকো লাপুংকো আবেইতা সারেচাংমি।21আকুহা পুপুউ দিংঙা চাদিংনুওয়া ক্যাপুওয়া আমাকো অংসেবি য়াচামে তামসা আউতা ন্যইমসা গাচাংমি। কিয়াবিরে আকো হুরাপা ওয়াংমসা আকো মাকাবিহিং নেপিচাংমি।22“সাইয়ুহা আকু জোরোংওয়া লাজরসহা সিপুয়ে। লোডিংবাকো পোইংবিহা আকুহিংয়া পুরামসা অব্রাহামকো আবেইতা এপুয়ে। আসা আকো নোইতাহা আকু পুপুউ দিংঙারে সিপুয়ে আসা লিপুয়ে।23আসা আকুহা নরকতা সিওপা কোইচ্যাদিংনুওয়া য়ুউতা ন্যইমসা কাংনুওয়া তানাংতা লাজরসহিং অব্রাহামকো আবেইতা গাদিংওয়া তিংয়ে।24আকুহা চিলিংমসা জাংয়ে, ‘ও আপা অব্রাহাম, কুং তোইতা লামতুমপা জোমসা লাজরসহিং কুংতা নিংপি, আসা আকুহা খুইকো ক্র্যইসো তি বুমসা ইচে জিংদো কুং লেবেতা দোংদোংপা জোপিকো। কাহা ই মেতা সিয়োপা কেরোউদিংনা।’25“আদো অব্রাহামহা আকুহিংয়া জাংয়ে, ‘চেংওয়া, নোমসা কাং, নাতিহা বাসিমতিতা নিনুহা তাংসা চাংওয়া আংওয়াবি মুংচায়ে, আদো লাজরসহা দুঃখ মেংচে মুংয়ে। নেহা লাজরসহা ইতা তিমেইপা য়ুংদিংয়ো আসা নাতিহা ইতাহা দুঃখ মুংদিংয়ো।26ই তাংসা ল্যামসা ইতাহা নাকোসো কুং পাকোতা টেবো হোক্রা নিও। আকো সোতা কা নাকোতা ওয়াংকো কেংদো কা নাকো আবেইতা ওয়াংকো মাচুরো আসা নাবিরে কাবি নিওয়াতা ওয়াংকো মাচুরোওয়া।’27“আকু পুপুউ দিংঙাহা জাংয়ে, ‘ও আপা অব্রাহাম, এপা বেনাহা কা নাতিহিং জাংচারোওয়া, লাজরসহিং কুং আপাকো সাতা নিংপি,28হাংপাতানাহা আউতা কুং ঙাচিংপু ডুওয়া এবি নিও, আবিহা এপা জিংওয়া দুঃখকো জায়গাতা ওয়াংমঘ্যইকো তামসা জাংয়াপিকো।’29“আদো অব্রাহামহা জাংয়ে, ‘আবিহিংপাহা মোসা আসা অগমবক্তাবিকো তাংজিকো হিগা নিও। নাকো এবিহা আবিকো লাওয়াসো জাংওয়া হিংকো।’30“আকু পুপুউ দিংঙাহা জাংয়ে, ‘মোকোমি আপা অব্রাহাম, আউসেতাহা আবিহিংয়া মেতেংরো। আদো দোসরা সিপুওয়া দিংঙামি ন্যাসারাং ঙারোমসা আবিকোতা লাকানাহা, আবিহা আপনি আপনিকো পাপকো পশ্চতাপ জোমসা সেংজাকোতা লায়োংরোওয়া।’31“আদো অব্রাহামহা জাংয়ে, ‘মোসাসো অগমবক্তাবিকো জাংওয়া মাহিংবিহা সিমসা ঙারোওয়া দিংঙাবিকো জাংওয়া নুওয়াংবিরে মাহিংরোওয়া’।”
“আকুহা নাগাইকো ওয়াংওয়াহিং উইয়ে, ‘কুং গিরিহিং নাতিহা হাসে বাংকি তাকো নিংগা?’6“আকু ডেইয়াহা জাংয়ে, ‘তিন হাজার লিটার চুইতি।’
“আত্রংহা আকু মাটা ডেইয়াহা জাংয়ে, ‘নাতিহা হিগাতাহা সেন্নেপা পনেরোশো লিটার চুইতি মেংচে লা।’7“আকুহা ন্যাসারাং দোসরাহিং উইয়ে, ‘নাতিহা হাসে তাকো নিংগা?’
“আকুহা জাংয়ে, ‘এক হাজার বোরা গেহুং।’ আকু মাটা ডেইয়াহা আকুহিংয়া জাংয়ে, ‘নাতিহা হিগাতাহা আটশো বোরা মেংচে লা।’8“ই নুওয়াং সিদা চ্যইনুওয়া আকু গিরিহা তাংজি মাতাওয়া ডেইয়াকো চালাক কাম জোওয়াতা প্রশংসা জোয়ে। আকু বেপারাং ই সময়কো দিংঙাবিহা আপনিকো ব্যারোবিহিংপা চালাকি কাম জোওয়াতাহা হাহাইওয়াকো চেংবিরোমা সিওপা চালাক জিংমগা।9কা নাবিহিংয়া জাংরোওয়া, বাসিমতিতা ন্যাস্যাসো ব্যারোবি বানাই, আকু ন্যাস্যা মাচানুওয়া আবিহা নাবিহিংয়া হাত্রংরে মিসিওয়া সাতা মোউরোওয়া।”10“আত্যইচোওয়া নুওয়াংতা দেংকো চুক্যইওয়া দিংঙাহা টেবো নুওয়াংতারে দেংকো চুমগা। এপারাং আত্যইচোওয়া নুওয়াংতা মেংতাপা জিংওয়া দিংঙাহা টেবো নুওয়াংতারে মেংতাপারাং জিংমগা।11বাসিমতিকো পুংজিতা দেংকো মাচু্ক্যইওয়া দিংঙাহিংয়া লোডিংবাকো পুংজিহা হাংসু চিত্যইকোগা?12নাবিহা দোসরাকো পুংজিতা দেংমক্যইনাহা নাবিকো আপনিকো পুংজিহা হাংসু পিচাকোগাসা?13“হাংসু ডেইয়ারে নিহসো গিরিকো কাম জোমক্যইরোওয়া, হাংপাতানাহা আকুহা ইচোহিংয়া মেংতাপা জোরোওয়া আসা ইচোহিংয়া জেজেংপা জোরোওয়া, মোকোনাহা আকুহা ইচোকোহা সেওয়া জোমসা ইচোহিংয়া মেংতাপা জোরোওয়া। নাবিহা সেংজা আসা পুংজি নিহদ্যাকোসা কাম জোমক্যই।”14ই তাংসা নুওয়াং হিংমসা ফরিসিবিহা ইশুকো জাংওয়া নুওয়াংবিতা লেংসুয়ে, হাংপাতানাহা আবিহা ন্যাস্যাহিংনাং জেজেংপা জোমি।15ইশুহা আবিহিংয়া জাংয়ে, “নাবিহা দিংঙাবিকো নাগাইতা আপনিহিং তাংজি তিংপারোওয়া, আদো সেংজাহা নাবিকো তুংসিংকো নাপোকো নুওয়াং গেমগা, হাংপাতানাহা হানি নুওয়াং দিংঙাবিকো নাগাইতা টেবোনি, আকুহা সেংজাকো নাগাইতাহা আচকাপা নিও।16“বাপ্তিস্মা পিচাওয়া য়হুন্নাকো সময় চোইপা মোসাকো লিংপাং আসা অগমবক্তাবিকো নুওয়াংবি ঝিপায়ে। আকো নোইসোহা সেংজাকো রাজ্যকো এনতাওয়া দেরেং হিংপামি নিও, আসা তাংসা আউতা হোকো সেটেংসুদিংয়ো।17লোডিংবা আসা বাসিমতি দাংপুকো চুরোওয়া, আদো সেংজাকো লিংপাংকো নুওয়াংবিহা হাত্রংরে মাদাং।18“হাংসু আপনিকো মেহিং পেইতেমসা দোসরাহিং বিয়ৌ জো, আকুহা নুংনাংসুওয়াগা, আসা দোসরাকো হুইতেওয়া মেহিং বিয়ৌ জোওয়ারে নুংনাংসুওয়ারাংগা।”19ইশুহা ন্যাসারাং জাংয়ে, “ইচো পুপুউ দিংঙা নিমি। আকুহা হাত্রংদো পাংক্যইওয়া আংদুংবি লুউমসা লেংকে-গাকেমসা য়ুংচাংমি।20আদো দিংঙাবিহা জুপাতা মাকাদাং মাকাদাং লোওয়া লাজরস মিংকো জোরোংওয়া দিংঙাহিং আকো লাপুংকো আবেইতা সারেচাংমি।21আকুহা পুপুউ দিংঙা চাদিংনুওয়া ক্যাপুওয়া আমাকো অংসেবি য়াচামে তামসা আউতা ন্যইমসা গাচাংমি। কিয়াবিরে আকো হুরাপা ওয়াংমসা আকো মাকাবিহিং নেপিচাংমি।22“সাইয়ুহা আকু জোরোংওয়া লাজরসহা সিপুয়ে। লোডিংবাকো পোইংবিহা আকুহিংয়া পুরামসা অব্রাহামকো আবেইতা এপুয়ে। আসা আকো নোইতাহা আকু পুপুউ দিংঙারে সিপুয়ে আসা লিপুয়ে।23আসা আকুহা নরকতা সিওপা কোইচ্যাদিংনুওয়া য়ুউতা ন্যইমসা কাংনুওয়া তানাংতা লাজরসহিং অব্রাহামকো আবেইতা গাদিংওয়া তিংয়ে।24আকুহা চিলিংমসা জাংয়ে, ‘ও আপা অব্রাহাম, কুং তোইতা লামতুমপা জোমসা লাজরসহিং কুংতা নিংপি, আসা আকুহা খুইকো ক্র্যইসো তি বুমসা ইচে জিংদো কুং লেবেতা দোংদোংপা জোপিকো। কাহা ই মেতা সিয়োপা কেরোউদিংনা।’25“আদো অব্রাহামহা আকুহিংয়া জাংয়ে, ‘চেংওয়া, নোমসা কাং, নাতিহা বাসিমতিতা নিনুহা তাংসা চাংওয়া আংওয়াবি মুংচায়ে, আদো লাজরসহা দুঃখ মেংচে মুংয়ে। নেহা লাজরসহা ইতা তিমেইপা য়ুংদিংয়ো আসা নাতিহা ইতাহা দুঃখ মুংদিংয়ো।26ই তাংসা ল্যামসা ইতাহা নাকোসো কুং পাকোতা টেবো হোক্রা নিও। আকো সোতা কা নাকোতা ওয়াংকো কেংদো কা নাকো আবেইতা ওয়াংকো মাচুরো আসা নাবিরে কাবি নিওয়াতা ওয়াংকো মাচুরোওয়া।’27“আকু পুপুউ দিংঙাহা জাংয়ে, ‘ও আপা অব্রাহাম, এপা বেনাহা কা নাতিহিং জাংচারোওয়া, লাজরসহিং কুং আপাকো সাতা নিংপি,28হাংপাতানাহা আউতা কুং ঙাচিংপু ডুওয়া এবি নিও, আবিহা এপা জিংওয়া দুঃখকো জায়গাতা ওয়াংমঘ্যইকো তামসা জাংয়াপিকো।’29“আদো অব্রাহামহা জাংয়ে, ‘আবিহিংপাহা মোসা আসা অগমবক্তাবিকো তাংজিকো হিগা নিও। নাকো এবিহা আবিকো লাওয়াসো জাংওয়া হিংকো।’30“আকু পুপুউ দিংঙাহা জাংয়ে, ‘মোকোমি আপা অব্রাহাম, আউসেতাহা আবিহিংয়া মেতেংরো। আদো দোসরা সিপুওয়া দিংঙামি ন্যাসারাং ঙারোমসা আবিকোতা লাকানাহা, আবিহা আপনি আপনিকো পাপকো পশ্চতাপ জোমসা সেংজাকোতা লায়োংরোওয়া।’31“আদো অব্রাহামহা জাংয়ে, ‘মোসাসো অগমবক্তাবিকো জাংওয়া মাহিংবিহা সিমসা ঙারোওয়া দিংঙাবিকো জাংওয়া নুওয়াংবিরে মাহিংরোওয়া’।”
The Seed Company