ন্যায়কর্তা8
1আত্রংহা এফ্রাইমকো দিংঙাবিহা গিদোনহিং জাংয়ে, “নাতিহা কাবিহিংপা এপাজিংওয়া ব্যবহারহা হাংপা জোমগা? মিদ্দানীবিহিংপা লুইসুকো হোনুওয়া নাতিহা কাবিহিংয়া হাংপাসা মোমোউমগা?” আসা আবিহা আকুহিংয়া উইসে দোষ তিংপায়ে।2আদো গিদোনহা আবিহিংয়া জাংয়ে, “নাবি হাই জোমি নি, আকু অনুসারহা কা হাই জো, আকুহা হাইরে মোকো। নাবি এফ্রাইমবিকো জোওয়া আত্যইচোওয়া কামরে কুং জিরিকো দিংঙাবিকো কাম জোওয়ারোমা সিওপা জিংপুয়ে।3সেংজাহা মিদ্দানকো মাটা অরেব আসা জয়েবহিং নাবিকো খুইতা স্যইপুমি নিও। নাবিকো জোমি ত্যাবাপা কাহা হাং জোমি নিংগা?” আকো ই নুওয়াংসোহা আবিকো সেদ্রাংওয়া ঙায়ে।4গিদোনহা য়র্দনতা লেহে, আকু আসা আকো তিনশো জনা দিংঙাবিহা য়াপুদো য়র্দন নুব্যা পেংমসারে ঘীকোহা ম্যাল্যাতো।5আকুহা সুকেতকো দিংঙাবিহিং জাংয়ে, “কুং ই দিংঙাবিহিং ইব্রেং নিহব্রেং কোব্রেং পিচাকোগা? হাংপাতানাহা আবিহা য়াপুতেমি নিনা, আসা কা মিদ্দানকো জাইপু জেবহ আসা সল্মুন্নাহিং গিইদিংনা।”6আদো সুক্কোতকো অধিকারিবিহা জাংয়ে, “জেবহ আসা সল্মুন্না নাকো খুইতা ওয়াংপুনতেমি নিংগাসা? নাকো সিপাইবিহিংয়া কাবিহা হাংপা কোব্রেং পিচাকোগাসা?”7গিদোনহা জাংয়ে, “এপা বেনাহা হাত্রং প্রভুসেংজাহা জেবহ আসা সল্মুন্নাহিংয়া কুং খুইতা স্যইপুই, আত্রংহা কাহা বার্পুইবিরিকো সোসা আসা বাচাওয়া বুটুসো নাবিকো বেকোং ওরোওয়া।”8আকুহা আউসো পনীএলতা হোয়ে, আসা আউতারাং বিন্তি জোয়ে। পনীয়েলকো দিংঙাবিরে সুক্কোতকো দিংঙাবি ত্যাবাপারাং জাংয়ে।9আকুহা পনীএলকো দিংঙাবিহিংয়া জাংয়ে, “কা এনতাপা লায়োংমসা ওয়াংনুওয়া নাবিকো ই কিল্লা য়্যাপুরোওয়া।”10জেবহ আসা সল্মুন্না পন্দ্র হাজার সিপাইবিহিংপা চিত্তা কার্কোর জায়গাতা নিমি আসা আবিকো সিপাইবিহিংপাহা বার্পুইবিরিকো তাংসা জ্যাবি নিমি। আকু সিপাইবিতাহা ১,২০,০০০ জনা দিংঙা স্যাপুওয়া নিমি। নেহা আউতাহা ১৫ হাজার দিংঙাবি মেংচে বাচেওয়া নিমি।11নোবহ আসা য়োগবহাকো নুব্যা কাটু তাম্বুতা য়ুংওয়াবিকো তেইচাংওয়া ন্যাতাসো গিদোনহা নাগাই গ্যইপুমসা হোয়ে, আসা আবিহা হোশিয়ার মাতানুকো সময়তা আকুহা সিপাইবিকো তোইতা আক্রমন জোয়ে।12জেবহ আসা সল্মুন্নাহা ক্যাপুয়ে, আদো আকুহা ই মিদ্দানী জাইপুবিহিং ঘিইওয়া ঘিইওয়া জোয়ে, আসা আবি নিহসোহিংসা প্যইপুয়ে, আসা আবিকো তাংসা সিপাইবিহা চুসুংয়ে।13হাত্রং য়োআসকো চেংওয়া গিদোন লুইসুওয়াসো হেরেসকো ন্যাতা জিংমসা লায়োং,14আত্রংহা আকুহা সুক্কোতকো ইচো ওয়াংটেংটেংগেওয়া দিংঙাহিং প্যইয়ে। আকুহা আকুহিংয়া উইয়ে, আসা আকুহা সুক্কোতকো সাতাত্তর অধিকারী, শহরকো মাটা ওরাংপাবিকো মিং লায়ে।15আকো নোইতা গিদোনহা সুক্কোতকো দিংঙাবিকোতা ওয়াংমসা জাংয়ে, “জেবহ আসা সল্মুন্নাহা ইতা নিও, হাংসুকো বিষয়তা নাবিহা এপা জাংমসা কুং মাজাক জোমি নিমমে, ‘জেবহ আসা সল্মুন্না নাকো খুইতা পরেমি নিংগা, আসা কাবিহা নাকো য়াপুনতেওয়া দিংঙাবিহিং কোব্রেং পিচাকোগা’?”16আত্রংহা আকুহা শহরকো আকু মাটা দিংঙাবিহিং লাংয়ে, আসা আকু সুক্কোতকো দিংঙাবিহিংয়া বার্পুইবিরিকো সোসা আসা বাচাওয়া বুটুসো দন্ড পিচায়ে।17আকুহা পনিএলকো কিল্লা য়্যাপুয়ে আসা আকু শহরকো পোজা দিংঙাবিহিংনে স্যাপুয়ে।18আত্রং আকুহা জেবহ আসা সল্মুন্নাহিং জাংয়ে, “তবোরতা নাবিকো স্যাপুওয়া দিংঙাবিহা হেপা নিমগা?”
আবিহা জাংয়ে, “আবিহা নাতি ত্যাবাপা নিমি, তাংসাকো য়ুওয়্যাইহা জাইপুকো চেংওয়া ত্যাবাপা নিমি।”19গিদোনহা জাংয়ে, “আবিহা কুং ডুওয়া এবি নিমি: কুং আয়ুকো চেংওয়াবি। ঙাজ্যইং প্রভুসেংজাকো তোইতা নাপোইমসা কা জাংদিংয়ো কি য়দি নাবিবেমি আবিহিং মাস্যাপা ল্যাপিনাহা কা নাবিহিংয়া মাস্যাকোগা।”20আত্রংহা আকুহা আপনিকো দেসোইওয়া চেংওয়া য়েতেরহিং জাংয়ে, “লোমসা আবিহিং স্যা।” আদো আকুহা আত্রংকো সময়তাহা আপেরাং নিমগা, আপেচিদাংওয়া পোজা নিমি, আসা আকুহা আপনিকো তলওয়ার মোনোপাতো, হাংপাতানাহা আকুহা চুসুংপুয়ে।21আকো সোতা জেবহ আসা সল্মুন্নাহা জাংয়ে, “নাতি আপনিরাং লোমসা কাবিহিং স্যাপুই, হাংপাতানাহা নাকোতাহা পোজাকো সে নিও।” আত্রংহা গিদোনহা লোমসা নিহসোহিংসা স্যাপুয়ে, আসা আবিকো ত্যাইরম্যাকো নেটোংতা নিওয়া পাংক্যইওয়া তিসেবি হ্যইচপুমসা পুচায়ে।22ইস্রাইলিবিহা গিদোনহিংয়া জাংয়ে, “কাবিহিং মিদ্দানীবিকোসো বাচাইপিয়ে। নেহা নাতিহা কাবিকো মাটা জিংপি, নাতি, নাকো চেংওয়া আসা নাকো চুওয়া।”23আদো গিদোনহা জাংয়ে, “কা কিতা কুং চেংওয়া মোকোমি, আদো প্রভুসেংজারাং নাবিকো তোইতা রাজ জোরোওয়া।”24আসা আকুহা জাংয়ে, “কা নাবিহিংপা ইচো বিন্তি জোচারোওয়া। নাবি তাংসা আপনিকো মেংওয়াসো কাহিং ইচো কৈই পিচা।” (আকু দুসমন ইশ্মাএলিবিকো প্যাকোতা সুনকো কৈই সুংওয়া লিংপাং নিমি।)25আবিহা জাংয়ে, “আজিপ্পারাং, কাবিহা আকুহা নাতিহিংনাং পিচারোওয়া।” আত্রংহা ইজো আংদুং ন্যায়ে, আসা তাংসা আউতা আপনিকো মেংওয়া সোইংসাবিসো সুনকো ইচো কেইবি আউতা এপিয়ে।26আকো য়াওয়া সুনকো কৈইহিং দোংনুওয়া ২০ কেজি কাচি নিমি। ইহা তারি বেওয়া তিসে আসা দোসরা তিসেবি আসা মিদ্দানী জাইপুবিকো লুউওয়া বেইগুনী রংকো আংদুং ল্যামসা নিমি। আবিকো ত্যাইরম্যাকো নেটোংতা লাগাইওয়া য়াতাবিহা চেংমগ্যইতো।27আকু সুনসোহা গিদোনহা ইচো মু্র্তি বানাইয়ে আসা আপনিকো শহর অৌপ্রাতা এহে। তাংসা ইস্রাইলিবিহা আকুহিং সেওয়া জোমসা আপনিহিংনাং নুংনাংওয়া জুপা বানাইয়ে, আসা আকুহা গিদোন আসা আকো সাকো দিংঙাহিংয়া ফাসাইওয়া ইচো ফাসো জিংপুয়ে।28এপা জোমসারাং মিদ্দানীবিহা ইস্রাইলিবিকো অধীনতা জিংপুয়ে। আবিহা আপনিকো পোরো ন্যাসা লোপাকো মোচুতো। গিদোন মাসিনু চোইপা লো নিহকাই চোইপা দেশতা তিমেপা জিংপুয়ে।29আকো নোইতা গিদোনহা য়রুব-বাল হোমসা আপনিকো সাতারাং য়ুংপুয়ে।30আকোহা সুংকাইসো ত্যাচো চেংওয়াবি নিমি, হাংপতানাহা আকোহা উইসে মেবি নিমি।31শোকেমতাহা আকোহা ইচো হুইমে মেরে নিমি, আকুহা আকো সোতাহা ইচো চেংওয়া চেংপায়ে আসা আকুহা আকো মিংহা অবীমেলেক এহে।32য়োআসকো চেংওয়া গিদোনকোহা উইসে লো চোইপা য়ুংমসা সিপুয়ে আসা আকো আপা য়োআসকো তোম্যইতা লিপুয়ে। আকু তোম্যইহা অবীয়েজের জিরিকো শহর অৌপ্রাতা নিমি।33গিদোন সিপুওয়াকো নোইতাহা ইস্রাইলিবিহা সেংজাকো নাগাইতা ন্যাসা মাদেংওয়া জিংপুয়ে আসা বাল চোইসুংহিং ন্যাসা সেওয়া জোওয়া জিংপুয়ে। আবিহা বাল-বরীতহিংয়া আপনিকো চোইসুং বানাইয়ে,34আসা আপনিকো হুরাপা নিওয়া দুসমনবিকোসো বাচাইওয়া আপনিকো পরমপ্রভু সেংজাহিং সেওয়া জোকো ল্যাপুয়ে।35গিদোনহা ইস্রাইলকো সোতা জোওয়া তাংসা এনতাওয়া কাম লিরিংপুমসা আবিহা আকো প্যাপ্যাম্যাম্যাবিহিং গারানি তামসারে মাজাংতো।
আবিহা জাংয়ে, “আবিহা নাতি ত্যাবাপা নিমি, তাংসাকো য়ুওয়্যাইহা জাইপুকো চেংওয়া ত্যাবাপা নিমি।”19গিদোনহা জাংয়ে, “আবিহা কুং ডুওয়া এবি নিমি: কুং আয়ুকো চেংওয়াবি। ঙাজ্যইং প্রভুসেংজাকো তোইতা নাপোইমসা কা জাংদিংয়ো কি য়দি নাবিবেমি আবিহিং মাস্যাপা ল্যাপিনাহা কা নাবিহিংয়া মাস্যাকোগা।”20আত্রংহা আকুহা আপনিকো দেসোইওয়া চেংওয়া য়েতেরহিং জাংয়ে, “লোমসা আবিহিং স্যা।” আদো আকুহা আত্রংকো সময়তাহা আপেরাং নিমগা, আপেচিদাংওয়া পোজা নিমি, আসা আকুহা আপনিকো তলওয়ার মোনোপাতো, হাংপাতানাহা আকুহা চুসুংপুয়ে।21আকো সোতা জেবহ আসা সল্মুন্নাহা জাংয়ে, “নাতি আপনিরাং লোমসা কাবিহিং স্যাপুই, হাংপাতানাহা নাকোতাহা পোজাকো সে নিও।” আত্রংহা গিদোনহা লোমসা নিহসোহিংসা স্যাপুয়ে, আসা আবিকো ত্যাইরম্যাকো নেটোংতা নিওয়া পাংক্যইওয়া তিসেবি হ্যইচপুমসা পুচায়ে।22ইস্রাইলিবিহা গিদোনহিংয়া জাংয়ে, “কাবিহিং মিদ্দানীবিকোসো বাচাইপিয়ে। নেহা নাতিহা কাবিকো মাটা জিংপি, নাতি, নাকো চেংওয়া আসা নাকো চুওয়া।”23আদো গিদোনহা জাংয়ে, “কা কিতা কুং চেংওয়া মোকোমি, আদো প্রভুসেংজারাং নাবিকো তোইতা রাজ জোরোওয়া।”24আসা আকুহা জাংয়ে, “কা নাবিহিংপা ইচো বিন্তি জোচারোওয়া। নাবি তাংসা আপনিকো মেংওয়াসো কাহিং ইচো কৈই পিচা।” (আকু দুসমন ইশ্মাএলিবিকো প্যাকোতা সুনকো কৈই সুংওয়া লিংপাং নিমি।)25আবিহা জাংয়ে, “আজিপ্পারাং, কাবিহা আকুহা নাতিহিংনাং পিচারোওয়া।” আত্রংহা ইজো আংদুং ন্যায়ে, আসা তাংসা আউতা আপনিকো মেংওয়া সোইংসাবিসো সুনকো ইচো কেইবি আউতা এপিয়ে।26আকো য়াওয়া সুনকো কৈইহিং দোংনুওয়া ২০ কেজি কাচি নিমি। ইহা তারি বেওয়া তিসে আসা দোসরা তিসেবি আসা মিদ্দানী জাইপুবিকো লুউওয়া বেইগুনী রংকো আংদুং ল্যামসা নিমি। আবিকো ত্যাইরম্যাকো নেটোংতা লাগাইওয়া য়াতাবিহা চেংমগ্যইতো।27আকু সুনসোহা গিদোনহা ইচো মু্র্তি বানাইয়ে আসা আপনিকো শহর অৌপ্রাতা এহে। তাংসা ইস্রাইলিবিহা আকুহিং সেওয়া জোমসা আপনিহিংনাং নুংনাংওয়া জুপা বানাইয়ে, আসা আকুহা গিদোন আসা আকো সাকো দিংঙাহিংয়া ফাসাইওয়া ইচো ফাসো জিংপুয়ে।28এপা জোমসারাং মিদ্দানীবিহা ইস্রাইলিবিকো অধীনতা জিংপুয়ে। আবিহা আপনিকো পোরো ন্যাসা লোপাকো মোচুতো। গিদোন মাসিনু চোইপা লো নিহকাই চোইপা দেশতা তিমেপা জিংপুয়ে।29আকো নোইতা গিদোনহা য়রুব-বাল হোমসা আপনিকো সাতারাং য়ুংপুয়ে।30আকোহা সুংকাইসো ত্যাচো চেংওয়াবি নিমি, হাংপতানাহা আকোহা উইসে মেবি নিমি।31শোকেমতাহা আকোহা ইচো হুইমে মেরে নিমি, আকুহা আকো সোতাহা ইচো চেংওয়া চেংপায়ে আসা আকুহা আকো মিংহা অবীমেলেক এহে।32য়োআসকো চেংওয়া গিদোনকোহা উইসে লো চোইপা য়ুংমসা সিপুয়ে আসা আকো আপা য়োআসকো তোম্যইতা লিপুয়ে। আকু তোম্যইহা অবীয়েজের জিরিকো শহর অৌপ্রাতা নিমি।33গিদোন সিপুওয়াকো নোইতাহা ইস্রাইলিবিহা সেংজাকো নাগাইতা ন্যাসা মাদেংওয়া জিংপুয়ে আসা বাল চোইসুংহিং ন্যাসা সেওয়া জোওয়া জিংপুয়ে। আবিহা বাল-বরীতহিংয়া আপনিকো চোইসুং বানাইয়ে,34আসা আপনিকো হুরাপা নিওয়া দুসমনবিকোসো বাচাইওয়া আপনিকো পরমপ্রভু সেংজাহিং সেওয়া জোকো ল্যাপুয়ে।35গিদোনহা ইস্রাইলকো সোতা জোওয়া তাংসা এনতাওয়া কাম লিরিংপুমসা আবিহা আকো প্যাপ্যাম্যাম্যাবিহিং গারানি তামসারে মাজাংতো।
The Seed Company