য়হোশু24
1য়হোশুহা ইস্রাইলকো তাংসা জিরিবিহিংয়া শাকেমতা চিত্তা জমা জোয়ে। আকুহা ইস্রাইলকো ওয়ারাংপাবি, অগুওয়া, ন্যায়কর্তা আসা অধিকারিবিহিং মোউয়ে আসা আবি তাংসা সেংজাকো নাগাইতা ওয়াংয়ে।2য়হোশুহা তাংসা দিংঙাবিহিং জাংয়ে, “পরমপ্রভু ইস্রাইলকো সেংজাহা জাংমগা, ‘উইসে লো নাগাইহা নাবিকো আটা আজাবিহা য়ুফ্রেটিস জোরাকো আবেইতা য়ুংমগা আসা দোসরা চোইসুংবিহিং সেওয়া জোমগা। আকু আজা-আটাবিতাহা ইচো আব্রাহাম আসা নাহোরকো আপা তেহর নিমগা।3আদো আত্রংহা য়ুফ্রেটিস নুব্যাকো জায়গাসো কাহা নাকো আপা আব্রাহামহিং নোপায়ে আসা তাংসা কনান জায়গাতা হুরাপা ত্যইংপুমসা পুরায়ে। কাহা আকুহিংয়া উইসে সন্তানবি পিচায়ে। আকুহিংয়া ইসহাক পিচায়ে,4আসা ইসহাকহিংয়া য়াকুব আসা এসাব পিচায়ে। কাহা এসাবহিংয়া এদোমিবিকো লাগাকো জায়গা পিচায়ে, আদো নাবিকো আটা য়াকুব আসা আকো চেংচুংবিহা মিশ্রতা হোয়ে।5আকো নোইতা কাহা মোসা আসা হারুনহিং নিংপুমসা মিশ্রতা টেরবো টেরবো কোইচ্যাওয়াবি পারায়ে, আদো কাহা আবিহিংয়া আউসো নোপামসা পারায়ে।6কাহা নাবিকো আটা-আজাবিহিংয়া মিশ্রসো নোপামসা পারায়ে আসা মিশ্রিবিহা রথ আসা ও্যইংঙাতা বাইওয়া সিপাইবি পারামসা আবিহিংয়া ঘিয়ে, আদো হাত্রং নাবিকো আজা-আটাবি আলুইওয়া ঝাহাদীতা দেকা,7আত্রংহা আবিহা কাহিংয়া সহায়তা জোকো তামসা পাচাইয়ে আসা কাহা নাবি আসা মিশ্রিবিকো প্যাকোতা নাটুংপা জোয়ে। জাহাদিহিং নিহওয়্যা জোমসা মিশ্রিবিহিংয়া কাহা নুচপায়ে। মিশ্রিবিহিং কা হাং জোমমে, আকুহা নাবিহা আপনিকো মিচোসোরাং তিংয়ে।
“উইসে দিন চোইপা নাবিহা চিচ্চোওয়া জায়গাতা য়ুংয়ে।8আত্রংহা কাহা নাবিহিং য়র্দনকো নুব্যা কাটুতা য়ুংওয়া এমোরিবিকো জায়গাতা পারায়ে। আবিহা নাবিহিংপা লুইসুকো লেয়ে; আদো কাহা নাবিহিংয়া আবিকো তোইতা জিয়োপায়ে। নাবিহা আবিকো জায়গাহিং জিয়োয়ে আসা নাবি জিয়োমসা হোনুওয়া কাহা আবিহিংয়া দাংপাপুয়ে।9আকো নোইতাহা মোওয়াবকো জাইপু সিপ্পোরকো চেংওয়া বালাকহা নাবিকো বিরোধতা লুইসুয়ে। আকুহা বোওরকো চেংওয়া বালামহিং দেরেং কাইপুমসা নাবিহিং সরাপ পিচাকো জাংয়ে।10আদো কাহা বালামহিংয়া সরাপেকো মিচাতো আসা আকুহা নাবিহিংয়া আশিষ পিচায়ে। এপা জোমসারাং নাবিহিংয়া কাহা বালাককো খুইসো বাচাইয়ে।11নাবিহা য়র্দন জোরা ত্যামসা য়রিহোতা ওয়াংয়ে। এমোরি, পরিজ্জি, কনানী, হিত্তি, হিব্বি, গির্গাশি আসা য়বুসিবি, য়রিহোকো পোজাবি নাবিকো বিরোধতা লুইসুয়ে। আদো কাহা আবি তাংসাকো তোইতা নাবিহিং জিয়োপায়ে।12নাবি নাগাই গ্যইপুমসা হোনুওয়া কাহা আবিহিংয়া পিপিং-দোদোউপা জোপুয়ে আসা নিহসো এমোরি জাইপুবিহিং ঘিয়ে। আউতাহা নাকো তালওয়ার আসা য়েরা-কেরাবিহা হাইরে কাম জোমগ্যইতো।13নাবিহা আপনিকো খুইসো হাত্রংরে অন্ন তিংমগ্যইওয়া জায়গা আসা মাবানাইওয়া শহরবি কাহা নাবিহিং পিচায়ে। নেহা নাবিহা আউতা য়ুংদিংমি নিও আসা আপনিকো মাতিংওয়া আংঙ্গুরকো সিংতেংসো আংঙ্গুর আসা জৈতুনকো সিংতেংবিসোহা ফল চাদিংমি নিও’”।14“আকো সোতা নেহা,” য়হোশুহা জাংপুমসা হোয়ে, “পরমপ্রভুহিং আদর জো আসা দেংকোছুওয়া আসা ইমানদারিতা আকো সেওয়া জো। নাকো আটাবিহা মেসোপোটামিয়া আসা মিশ্রতা সেওয়া জোওয়া চোইসুংবিহিং ওয়েংপা আসা পরমপ্রভুহিং মেংচে সেওয়া জো।15নাবিমি প্রভুসেংজাকো সেওয়া জোকো ইচ্ছা মাজিংনাহা হাংসুকো সেওয়া জোকোগা হিনিরাং জেংচা, মেসোপোটামিয়াতা নাবিকো আটা-আজাবিকো চোইসুংবিগা কি নাবিকো য়ুংদিংওয়া এমোরি জায়গাকো চোইসুংবিকোগা? কা আসা কুং প্যাপ্যাম্যাম্যাবিহা প্রভুসেংজাকোরাং সেওয়া জোরোওয়া।”16দিংঙাবিহা জাংয়ে, “কাবিহা সেংজাহিং ল্যামসা দোসরা চোইসুংবিহিংয়া হাংসুহিংনে সেওয়া জোমগ্যইকো।17পরমপ্রভু কাবিকো সেংজাহা কাবি আসা কাবিকো আপা আটাবিহিং মিশ্রিবিকো ডেইয়াসো নোপামসা পারায়ে। কাবিহা আকো জোওয়া আআংপেপেচপুওয়া কামবি তিংয়ে। কাবিকো জিয়োওমসা ওয়াংওয়া লারাংসা লারাংসা জ্যাবিকো জায়গাতা হাংতা কাবি হোমমে, আকুহা কাবিহিংয়া এনতাপা এয়ো।18কাবি ই জায়গাকো নাপোতা ওয়াংনুওয়া পরমপ্রভুহা আউতা য়ুংওয়া তাংসা এমোরিবিহিংয়া ঘিপুয়ে। আকো সোতা কাবিরে প্রভুসেংজাকো সেওয়া জোরোওয়া, আকুহা কাবিকো সেংজাগা।”19য়হোশুহা দিংঙাবিহিংয়া জাংয়ে, “নাবিহা প্রভুসেংজাকো সেওয়া জোকো মাছু, হাংপাতানাহা আকুহা পবিত্র সেংজাগা। আকুহা মিইচাওয়া সেংজাগা। আকুহা নাবিকো অপরাধ আসা নাবিকো পাপহা ছমা মোজোরোওয়া।20দোসরাবিকো চোইসুংবিহিং সেওয়া জোকো নাবিহা আকুহিং পেইতেনাহা আকুহা নাবিকো বিরোধতা নিরোওয়া আসা নাবিহিং সজায় পিচারোওয়া। নাগাইহা আকুহা নাবিহিং ভলাই জোদো নাবিহিংয়া দাংপারোওয়া।”21দিংঙাবিহা য়হোশুহিংয়া জাংয়ে, “মোকোমি, কাবিহা প্রভুসেংজাকোরাং সেওয়া জোরো।”22য়হোশুহা আবিহিংয়া জাংয়ে, “নাবিহা প্রভুসেংজাকো সেওয়া জোরোওয়া তাওয়া নুওয়োংকো সাক্ছি নাবি আপনিবিরাং জিংমি নিও।”
আবিহা জাংয়ে, “ওই, কাবি আপনিবিরাং সাক্ছি নিও।”23য়হোশুহা জাংয়ে, “এপা বেনাহা আপনিহিংপা নিওয়া দোসরা চোইসুংবিহিং ওয়েংপা আসা পরমপ্রভু ইস্রাইলকো সেংজাহিং সেওয়া জোরোওয়া তামসা প্রতিজ্ঞা জো।”24আত্রংহা দিংঙাবিহা য়হোশুহিং জাংয়ে, “কাবিহা পরমপ্রভু কাবিকো সেংজাহিং সেওয়া জোরো। কাবিহা আকো আজ্ঞা পালন জোরো।”25আকো সোতা য়হোশুহা দিংঙাবিকো কাটুতা আকু দিনতা ইচো করার জোয়ে আসা আউতা শাকেমতা আবিহিং নিয়ম-কানুনবি মানেকো তামসা পিচায়ে।26য়হোশুহা আকু আজ্ঞাবিহা প্রভুসেংজাকো পবিত্র লিংপাংবিকো হিগাতা লায়ে। আকো নোইতা আকুহা ইরুং টেবো লুংটুই য়োমসা, ফলাটকো সিংতেংকো লিতা প্রভুসেংজাকো পবিত্র জায়গা কাটুতা জাপায়ে।27আকুহা দিংঙাবিহিংয়া জাংয়ে, “ই লুংটুইহা য়োকো সাক্ছি জিংরোওয়া। পরমপ্রভুহা য়াংবিহিং জাংওয়া তাংসা নুওয়াংহা ইরাং হিংমি নিও। আকো সোতা ইহা নাবিকো বিরোধতা সাক্ছি য়ুংরোওয়া। নাবিহিংয়া আপনিকো সেংজাকো বিরোধতা হোকোহা য়োইরোওয়া।”28এপাজোমসারাং য়হোশুহা তাংসা দিংঙাবিহিংয়া নিংপিয়ে আসা তাংসা আপনি আপনিকো কাটুতা মুংচাওয়া জায়গাতা লাকাপুয়ে।29আকো নোইতাহা প্রভুসেংজাকো ডেইয়া নুনকো চেংওয়া য়হোশুহা একশো ত্যানিং লো চাংনুওয়া সিপুয়ে।30গাশ লাগাকো দ্যাম্যাকো এফ্রাইমকো লাগাকো জায়গাতা, তিম্নত-সেহরকো আকো আপনিকো মোংটোতা আবিহা আকো সিপুওয়া জুপাহিংয়া লিইপুয়ে।31য়হোশুকো সাদি ম্যাহ্যানু চোইপা ইস্রাইলকো দিংঙাবিহা প্রভুসেংজাকো সেওয়া জোয়ে আসা আকু সিপুনতেনুকো নোইতাহা প্রভুসেংজাহা ইস্রাইলকো সোতা জোওয়া তাংসা নুওয়াংহা আপনিকো মিচোসো তিংওয়া অগুওয়াবি হাত্রং চোইপা ঙাজ্যইং নিমমে, আত্রং চোইপা আবিহা এপারাং প্রভুসেংজাকো সেওয়া জোয়ে।32মিশ্রসো পাওয়া য়োসেবকো সিপুওয়া জুপাহা ইস্রাইলিবিহা শেকেমতা লিইয়ে। আকু মোংটোহা শেকেমকো আপা হমোরকো চেংওয়াবিকোসো একশোরা জাতাংকো টাংকাসো য়াকুব চোইওয়া নিমগা। আকু মোংটোহা য়োসেবকো সন্তানবি পুংজিকো রুপতা মুংচাওয়া নিমগা।33হারুনকো চেংওয়া এলাজাররে সিপুয়ে আসা গিবাতা লিইপুয়ে। আকু শহরহা এফ্রাইমকো লাগাকো জায়গাতা আকো চেংওয়া পিনহাসহিং পিচাওয়া নিমগা।
“উইসে দিন চোইপা নাবিহা চিচ্চোওয়া জায়গাতা য়ুংয়ে।8আত্রংহা কাহা নাবিহিং য়র্দনকো নুব্যা কাটুতা য়ুংওয়া এমোরিবিকো জায়গাতা পারায়ে। আবিহা নাবিহিংপা লুইসুকো লেয়ে; আদো কাহা নাবিহিংয়া আবিকো তোইতা জিয়োপায়ে। নাবিহা আবিকো জায়গাহিং জিয়োয়ে আসা নাবি জিয়োমসা হোনুওয়া কাহা আবিহিংয়া দাংপাপুয়ে।9আকো নোইতাহা মোওয়াবকো জাইপু সিপ্পোরকো চেংওয়া বালাকহা নাবিকো বিরোধতা লুইসুয়ে। আকুহা বোওরকো চেংওয়া বালামহিং দেরেং কাইপুমসা নাবিহিং সরাপ পিচাকো জাংয়ে।10আদো কাহা বালামহিংয়া সরাপেকো মিচাতো আসা আকুহা নাবিহিংয়া আশিষ পিচায়ে। এপা জোমসারাং নাবিহিংয়া কাহা বালাককো খুইসো বাচাইয়ে।11নাবিহা য়র্দন জোরা ত্যামসা য়রিহোতা ওয়াংয়ে। এমোরি, পরিজ্জি, কনানী, হিত্তি, হিব্বি, গির্গাশি আসা য়বুসিবি, য়রিহোকো পোজাবি নাবিকো বিরোধতা লুইসুয়ে। আদো কাহা আবি তাংসাকো তোইতা নাবিহিং জিয়োপায়ে।12নাবি নাগাই গ্যইপুমসা হোনুওয়া কাহা আবিহিংয়া পিপিং-দোদোউপা জোপুয়ে আসা নিহসো এমোরি জাইপুবিহিং ঘিয়ে। আউতাহা নাকো তালওয়ার আসা য়েরা-কেরাবিহা হাইরে কাম জোমগ্যইতো।13নাবিহা আপনিকো খুইসো হাত্রংরে অন্ন তিংমগ্যইওয়া জায়গা আসা মাবানাইওয়া শহরবি কাহা নাবিহিং পিচায়ে। নেহা নাবিহা আউতা য়ুংদিংমি নিও আসা আপনিকো মাতিংওয়া আংঙ্গুরকো সিংতেংসো আংঙ্গুর আসা জৈতুনকো সিংতেংবিসোহা ফল চাদিংমি নিও’”।14“আকো সোতা নেহা,” য়হোশুহা জাংপুমসা হোয়ে, “পরমপ্রভুহিং আদর জো আসা দেংকোছুওয়া আসা ইমানদারিতা আকো সেওয়া জো। নাকো আটাবিহা মেসোপোটামিয়া আসা মিশ্রতা সেওয়া জোওয়া চোইসুংবিহিং ওয়েংপা আসা পরমপ্রভুহিং মেংচে সেওয়া জো।15নাবিমি প্রভুসেংজাকো সেওয়া জোকো ইচ্ছা মাজিংনাহা হাংসুকো সেওয়া জোকোগা হিনিরাং জেংচা, মেসোপোটামিয়াতা নাবিকো আটা-আজাবিকো চোইসুংবিগা কি নাবিকো য়ুংদিংওয়া এমোরি জায়গাকো চোইসুংবিকোগা? কা আসা কুং প্যাপ্যাম্যাম্যাবিহা প্রভুসেংজাকোরাং সেওয়া জোরোওয়া।”16দিংঙাবিহা জাংয়ে, “কাবিহা সেংজাহিং ল্যামসা দোসরা চোইসুংবিহিংয়া হাংসুহিংনে সেওয়া জোমগ্যইকো।17পরমপ্রভু কাবিকো সেংজাহা কাবি আসা কাবিকো আপা আটাবিহিং মিশ্রিবিকো ডেইয়াসো নোপামসা পারায়ে। কাবিহা আকো জোওয়া আআংপেপেচপুওয়া কামবি তিংয়ে। কাবিকো জিয়োওমসা ওয়াংওয়া লারাংসা লারাংসা জ্যাবিকো জায়গাতা হাংতা কাবি হোমমে, আকুহা কাবিহিংয়া এনতাপা এয়ো।18কাবি ই জায়গাকো নাপোতা ওয়াংনুওয়া পরমপ্রভুহা আউতা য়ুংওয়া তাংসা এমোরিবিহিংয়া ঘিপুয়ে। আকো সোতা কাবিরে প্রভুসেংজাকো সেওয়া জোরোওয়া, আকুহা কাবিকো সেংজাগা।”19য়হোশুহা দিংঙাবিহিংয়া জাংয়ে, “নাবিহা প্রভুসেংজাকো সেওয়া জোকো মাছু, হাংপাতানাহা আকুহা পবিত্র সেংজাগা। আকুহা মিইচাওয়া সেংজাগা। আকুহা নাবিকো অপরাধ আসা নাবিকো পাপহা ছমা মোজোরোওয়া।20দোসরাবিকো চোইসুংবিহিং সেওয়া জোকো নাবিহা আকুহিং পেইতেনাহা আকুহা নাবিকো বিরোধতা নিরোওয়া আসা নাবিহিং সজায় পিচারোওয়া। নাগাইহা আকুহা নাবিহিং ভলাই জোদো নাবিহিংয়া দাংপারোওয়া।”21দিংঙাবিহা য়হোশুহিংয়া জাংয়ে, “মোকোমি, কাবিহা প্রভুসেংজাকোরাং সেওয়া জোরো।”22য়হোশুহা আবিহিংয়া জাংয়ে, “নাবিহা প্রভুসেংজাকো সেওয়া জোরোওয়া তাওয়া নুওয়োংকো সাক্ছি নাবি আপনিবিরাং জিংমি নিও।”
আবিহা জাংয়ে, “ওই, কাবি আপনিবিরাং সাক্ছি নিও।”23য়হোশুহা জাংয়ে, “এপা বেনাহা আপনিহিংপা নিওয়া দোসরা চোইসুংবিহিং ওয়েংপা আসা পরমপ্রভু ইস্রাইলকো সেংজাহিং সেওয়া জোরোওয়া তামসা প্রতিজ্ঞা জো।”24আত্রংহা দিংঙাবিহা য়হোশুহিং জাংয়ে, “কাবিহা পরমপ্রভু কাবিকো সেংজাহিং সেওয়া জোরো। কাবিহা আকো আজ্ঞা পালন জোরো।”25আকো সোতা য়হোশুহা দিংঙাবিকো কাটুতা আকু দিনতা ইচো করার জোয়ে আসা আউতা শাকেমতা আবিহিং নিয়ম-কানুনবি মানেকো তামসা পিচায়ে।26য়হোশুহা আকু আজ্ঞাবিহা প্রভুসেংজাকো পবিত্র লিংপাংবিকো হিগাতা লায়ে। আকো নোইতা আকুহা ইরুং টেবো লুংটুই য়োমসা, ফলাটকো সিংতেংকো লিতা প্রভুসেংজাকো পবিত্র জায়গা কাটুতা জাপায়ে।27আকুহা দিংঙাবিহিংয়া জাংয়ে, “ই লুংটুইহা য়োকো সাক্ছি জিংরোওয়া। পরমপ্রভুহা য়াংবিহিং জাংওয়া তাংসা নুওয়াংহা ইরাং হিংমি নিও। আকো সোতা ইহা নাবিকো বিরোধতা সাক্ছি য়ুংরোওয়া। নাবিহিংয়া আপনিকো সেংজাকো বিরোধতা হোকোহা য়োইরোওয়া।”28এপাজোমসারাং য়হোশুহা তাংসা দিংঙাবিহিংয়া নিংপিয়ে আসা তাংসা আপনি আপনিকো কাটুতা মুংচাওয়া জায়গাতা লাকাপুয়ে।29আকো নোইতাহা প্রভুসেংজাকো ডেইয়া নুনকো চেংওয়া য়হোশুহা একশো ত্যানিং লো চাংনুওয়া সিপুয়ে।30গাশ লাগাকো দ্যাম্যাকো এফ্রাইমকো লাগাকো জায়গাতা, তিম্নত-সেহরকো আকো আপনিকো মোংটোতা আবিহা আকো সিপুওয়া জুপাহিংয়া লিইপুয়ে।31য়হোশুকো সাদি ম্যাহ্যানু চোইপা ইস্রাইলকো দিংঙাবিহা প্রভুসেংজাকো সেওয়া জোয়ে আসা আকু সিপুনতেনুকো নোইতাহা প্রভুসেংজাহা ইস্রাইলকো সোতা জোওয়া তাংসা নুওয়াংহা আপনিকো মিচোসো তিংওয়া অগুওয়াবি হাত্রং চোইপা ঙাজ্যইং নিমমে, আত্রং চোইপা আবিহা এপারাং প্রভুসেংজাকো সেওয়া জোয়ে।32মিশ্রসো পাওয়া য়োসেবকো সিপুওয়া জুপাহা ইস্রাইলিবিহা শেকেমতা লিইয়ে। আকু মোংটোহা শেকেমকো আপা হমোরকো চেংওয়াবিকোসো একশোরা জাতাংকো টাংকাসো য়াকুব চোইওয়া নিমগা। আকু মোংটোহা য়োসেবকো সন্তানবি পুংজিকো রুপতা মুংচাওয়া নিমগা।33হারুনকো চেংওয়া এলাজাররে সিপুয়ে আসা গিবাতা লিইপুয়ে। আকু শহরহা এফ্রাইমকো লাগাকো জায়গাতা আকো চেংওয়া পিনহাসহিং পিচাওয়া নিমগা।
The Seed Company