য়হুন্না4
1য়হুন্নারোমা ইশুহা উইসে য়োংতোংবি বানাইমসা বাপ্তিস্মা পিচাদিংয়ো তাওয়া নুওয়াং ফরিসিবিহা হিংয়ে।2(আজিপ্পা জাংনাহা ইশুহা মোকো, আদো আকো য়োংতোংবি বাপ্তিস্মা পিচাদিংমি।)3ই নুওয়াং সিদা চ্যইনুওয়া ইশুহা য়হুদিয়া জায়গাহিং হুইতেমসা ন্যাসারাং গালীল জায়গাতা লাকাপুয়ে।4আকুহিংয়া সামরিয়া লুংবিকো ন্যাতা জিংমসা হানেচাংমি।5ইশু সামরিয়া লুংবিকো সুকার তাওয়া লোইতা দেয়োংয়ে। আকু লোইকো আবেইতা ইস্রাইলি জ্যাকো ইচো য়াকুবহা আপনিকো চেংওয়া য়োসেফহিং পিচাওয়া মোংটো নিমি।6আউতারাং য়াকুবকো তিকো চুওয়া নিমি। তেইওয়া-তেইওয়াতা য়াপুমসা ইশুহা তিকো চুওয়াকো আবেইতা গায়ে। আত্রংহা জেইসুংকো বারো বোজেদাংমি।7আত্রংরাং ইচো সামরি মেমেহা তি লাংরেকো আউতা দেরেহে। ইশুহা আকুহিং জাংয়ে, “কাহিং তি আংকো পিচা।”8আউতাহা ইশু মেংচে নিমি, য়োংতোংবিহা চাওয়া আংওয়া চোইয়াকো শহরতা হোওয়া নিমি।9আকু সামরি মেমেহা জাংয়ে, “নাতিহা য়হুদি জ্যা জিংমসারে হেপা কা সামরি মেমেকোতা তি আংকো য়ামগা” হাংপাতানাহা য়হুদিবিহা সামরিবিকো সুওয়া হাইরে মাচামি।10ইশুহা জাংয়ে, “সেংজাকো পিচাওয়া দান আসা নেকো তি য়াওয়া দিংঙাহিং নাইনাহা নাতিরাং আকুহিংপা য়াচাকোগা আসা আকুহা নাতিহিংয়া সাদি পিচাওয়া তি পিয়োংকোগা।”11সামরি মেমেহা জাংয়ে, “উটকেওয়া, নাতিহিংপা তি ওয়্যাওয়া য়োটিরে মাতোতো, আসা তিকো চুওয়াহা মিদিকোইপা উইদাং নিও, নাতিহা হানিসো সাদি পিচাওয়া তি লাকোগাসা?12ই তিকো চুওয়াহা কাবিকো আটা য়াকুবকো বানাইতেওয়া চুওয়াগা। আকো চেংওয়া চেমে আসা লুকা এতাবিহা ই চুওয়াকো তিরাং আংচাংমগা। নাতিহা কাবিকো আটা য়াকুবরোমা টেবোগাসা?”13ইশুহা জাংয়ে, “ই তি আংওয়াবিহা তাংসা ন্যাসারাং সেকেংরোওয়া,14আদো কুং পেয়াংদাংওয়া তি আংওয়াবিহা হাত্রংরে মেসকেং, হাংপাতানাহা কুং পিয়াংওয়া তিহা আকো জুপাকো নাপোতা হাত্রংদো নুইওয়া তিকো পাতিং জিংরোওয়া আসা আকুরাং আকুহিংয়া হাত্রংরে মিসিওয়া সাদি পিচারোওয়া।”15সামরি মেমেহা জাংয়ে, “উটকেওয়া, এপা বেনাহা কাহিংয়া আকু তিরাং পেয়াংপি, আসা কারে হাত্রংরে মেসকেংরোওয়া আসা ইতা তিরে লাংরেকো লেমঘ্যইরোওয়া।”16ইশুহা জাংয়ে, “হাতু, আসা নাকো ওয়াহিং মোউমসা ইতা পারা।”17সামরি মেমেহা জাংয়ে, “কুং ওয়াহা মাতানা।”
ইশুহা আকুহিংয়া জাংয়ে, “কুং ওয়া মাতানা তামসা নাতিহা আজিপ্পারাং জাংয়ো।18নাকোহা ঙাচো ওয়া জিংপুনতেও, আসা নেহা হাংসুহিংপা নাতি য়ুংদিং, আকুরে নাকো ওয়া মোকো। নাকো জাংওয়া নুওয়াংহা আজিপ্পারাংগা।”19সামরি মেমেহা জাংয়ে, “উটকেওয়া, নাতিহা অগমবক্তা গুং, তামসা কা নাইয়ো।20কাবিকো সামরি আটাবিহা সেংজাহিং ই য়্যাগ্যইতা তাচাচাংমি, আদো নাবিকো য়হুদিবিহা সেংজাহিং তাচাওয়া জায়গাহা য়রুশালেমতারাংগা তামসা জাংমগা।”21ইশুহা আকুহিং জাংয়ে, “কাহিং দেংকো জো, আকু সময় দেপাদাংয়ো, দিংঙাবিহা সেংজা আপাহিং তাচাকোহা না ই য়্যাগ্যইতাগা না য়রুশালেমতা হোকোগা?22নাবি সামরিবিহা হানিহিং তাচাদিংমে, আকুহিংয়া মানাইমগা, আদো কাবিহা হানিহিং তাচাদিংমমে, আকুহা কাবিহা নাইমগা, হাংপাাতানাহা দিংঙাবিকো মুক্তিহা য়হুদিবিকোসোরাং লেরোওয়া।23আদো সময়হা দেপাদাংয়ো আসা নেরাং দেয়োংতেয়ো, আজিপ্পা তাচামবিহা আজিপ্পা আসা লাংবেসো তাচামগা। এপারাং তাচাওয়া দিংঙাবিহিংয়া সেংজা আপাহা মোমগা।24সেংজাহা লাংবেগা আসা আকুহিং তাচামবিহা লাংবে আসা আজিপ্পাসো তাচানেমগা।”25ই হিংমসা সামরি মেমেহা জাংয়ে, “কা গেমি নিও, মুক্তি পিচাওয়া মাসীহ (হাংসুহিং খ্রীষ্ট তামমে) তাওয়া লেরোওয়া, আত্রংহা আকুরাং কাবিহিংয়া তাংসা কোইপাপিরোওয়া।”26ইশুহা জাংয়ে, “নাতিহিংপা য়্যইদিংওয়া কাহা আকু খ্রীষ্টরাংগা।”27আত্রংহা ইশুকো য়োংতোংবিরে দেয়োংয়ে আসা আকুহিং ইচো মেমেহিংপা য়্যইসুদিংওয়া তিংমসা আআংপেপেচপুয়ে, আদো হাংসুরে “নাতিহিংয়া হাং ঘ্যইমগা? আসা নাতিহা আকু মেমেহিংপা হাংপা য়্যইসুদিংগা?” তামসা উইমক্যইতো।28আত্রংহা আকু মেমেহা তিকো গাংরু আউতারাং হুইতেমসা শহরতা হোয়ে আসা দিংঙাবিহিং জাংয়ে,29“লেমসা কাং, ইচো দিংঙাহিং! কুং জোওয়া তাংসা কাম আকুহা জাংপুয়ে। আকুরাং মুক্তি পিচাওয়া খ্রীষ্ট মোকোমগা?”30ই হিংমসা শহরকো দিংঙাবিহা ইশুহিং কাংকো লেয়ে।31আকো প্যাকোতা য়োংতোংবিহা ইশুহিংয়া চাওয়া আংওয়াবি সোইমসা “উটকেওয়া, হাইক্রি চাওয়া আংওয়াবি চা” তামসা জাংয়ে।32আদো ইশুহা জাংয়ে, “কুংতা চাওয়া আংওয়াবি নিও, আকুহা নাবিহা সিদা মোচ্যইয়াংতো।”33ই নুওয়াং হিংমসা য়োংতোংবিহা আবিলারাই উইসুয়ে, “হাংসুমে ইহিংয়া চাওয়া আংওয়াবি পামসা পিচামদোওয়া?”34ইশুহা আবিহিং জাংয়ে, “কুং চাওয়া আংওয়াবিহা কাহিং নিংপুওয়াকো জাংওয়া সেই জোওয়া আসা আকো কামবি তাংসা জোওয়ারাংগা।35নাবিহা জাংমগা ‘মোইপ্যা মিংকোহা ন্যাসারাং তারি দিরি ঘ্যইরোওয়া’ আদো কা জাংরোওয়া, লুংনিংতা মিচো হুরাপামসা কাং, মোইপ্যা মিংতেও আসা চ্যাকো তোংতেয়ো।36মোইপ্যা চ্যামবিহা ন্যাস্যা মুংচারোওয়া আসা আকুহা হাত্রংরে মিসিওয়া সাদিকো সোতা অংসেবি দুংপারোওয়া আসা মিইওয়াসো চ্যাওয়া নিহসোসারাং চিত্তা য়াংতাসুরোওয়া,37হাংপাতানাহা ইচোহা অংটি মিরোওয়া আসা ইচোহা চ্যারোওয়া তাওয়া মিংচিহা আজিপ্পাগা।38কা নাবিহিংয়া নাবিকো কাম মোজোওয়া লুংনিংতা মোইপ্যা য়োওকো নিংপুমি নিও। দোসরাকো জোওয়া কামসোহা নাবিহা অংসে মুংচামি নিও।”39সামরি মেমেহা কুং জোওয়া তাংসা কাম আকুহা জাংপুয়ো তাওয়া প্রমাণ পিচাওয়াকো সোতা আকু শহরকো উইসে সামরিবিহা ইশুকো তোইতা দেংয়ে।40আবিহা হাত্রং ইশুহিং দোসপারেকো লে, আত্রংহা আকুহিং কাবিহিংপা য়ুংপুই তামসা জাংচায়ে আসা ইশুহা আবিহিংপা সানিহয়ু চোইপা য়ুংয়ো।41আসা আকো ঝিপাওয়াকো সোতা ন্যাসারাং উইসে দিংঙাবিহা আকো তোইতা দেংয়ে।42আবিহা আকু মেমেহিংয়া জাংয়ে, “নেহা নাকো নুওয়াং হিংমসা মোকো, আদো কাবি আপনিবিরাং আকো ঝিপাওয়া হিংওয়াকো সোতা কাবি দেংরোওয়া। আকুহা আজিপ্পারাং বাসিমতিকো মুক্তি পিচাওয়া গুং, তাওয়া নুওয়াং কাবি সিদা চ্যইয়ে।”43ইশু আকু জায়গাতা সানিহয়ু চোইপা য়ুংপুনতেনুকো নোইতাহা আকুহা গালীলতা হোয়ে।44(অগমবক্তাবিহিংয়া আপনিকো লোইবিতা আদর মুমুংমগা তাওয়া নুওয়াহা ইশু আপনিরাং জাংমি নিমি।)45হাত্রং ইশু গালীলতা দেয়োং, আকো দিংঙাবিহা আকুহিং লেইতাহে, হাংপাতানাহা য়রুশালেমতা নিস্তার মানক্যাতা হোনুওয়া ইশুকো জোওয়া আআংপেপেচপুওয়া কামবিহা আবিহা তিংমি নিমি।46ইশুহা ন্যাসারাং কানা শহরতা হোয়ে। আকু শহরতারাং আকুহা তিহিংয়া আংগুরকো য়ু বানাইমি নিমি। ইশু আকু শহরতা নিনুওয়া কোর্ফরনহুম শহরতা য়ুংওয়া ইচো সরকারি কাম জোওয়া দিংঙাকো চেংওয়া হাইওয়া নিমি।47ইশু য়হুদিয়া লুংবিবিসো গালীলতা ওয়াংমি নিও, তাওয়া নুওয়াং হিংমসা আকু দিংঙাহা ইশুকোতা লেহে আসা “ইশুহিং কুং সিপুদাংতেওয়া চেংওয়াহিং লেমসা সাংপাপি” তামসা জাংচায়ে।48ইশুহা আকুহিংয়া জাংয়ে, “টেরবো টেরবো আআংপেপেচপুওয়া কাম মাতিংনু চোইপা নাবিহা হাত্রংরে মাদেংমগা।”49আকু দিংঙাহা জাংয়ে, “উটকেওয়া, লামতুপা জোমসা কুং চেংওয়া সিপুনুরোমা নাগাই ওয়াংপি।”50ইশুহা আকুহিংয়া জাংয়ে, “নাকো চেংওয়া বাচেরোওয়া, হ্যাতু।” আসা আকু সরকারি কাম জোওয়াহা ইশুকো য়্যইদিতা দেংয়ে আসা আউসো লাকাপুয়ে।51আসা ন্যাতাসো হাদিংনুওয়া আকো ডেইয়াহা আকুহিং দোসুমসা জাংয়ে, “নাকো চেংওয়াহা সাংনা।”52আকুহা ডেইয়াহিংয়া “কুং, চেংওয়াহা হাত্রংসো সাংমগা?” তামসা উইয়ে।
আবিহা জাংয়ে, “আংজি জেইসুং এক বাজিসো আকো হাইওয়াহা সাংয়ে।”53আত্রংহা আকু আপাহা ইশু “নাকো চেংওয়া বাচেরোওয়া” তামসা জাংনুসোরাং সাংমকো গুং তাওয়া নুওয়াং সিদা চ্যইয়ে। আকো সোতা আকু আসা আকো প্যাপ্যাম্যাম্যাবিহা ইশুহিং দেংয়ে।54য়হুদিয়াসোহা গালীলতা ওয়াংমসা ইশুকো জোওয়া আআংপেচপুক্যইওয়া কামহা নিইকোই জিংয়ো।
ইশুহা আকুহিংয়া জাংয়ে, “কুং ওয়া মাতানা তামসা নাতিহা আজিপ্পারাং জাংয়ো।18নাকোহা ঙাচো ওয়া জিংপুনতেও, আসা নেহা হাংসুহিংপা নাতি য়ুংদিং, আকুরে নাকো ওয়া মোকো। নাকো জাংওয়া নুওয়াংহা আজিপ্পারাংগা।”19সামরি মেমেহা জাংয়ে, “উটকেওয়া, নাতিহা অগমবক্তা গুং, তামসা কা নাইয়ো।20কাবিকো সামরি আটাবিহা সেংজাহিং ই য়্যাগ্যইতা তাচাচাংমি, আদো নাবিকো য়হুদিবিহা সেংজাহিং তাচাওয়া জায়গাহা য়রুশালেমতারাংগা তামসা জাংমগা।”21ইশুহা আকুহিং জাংয়ে, “কাহিং দেংকো জো, আকু সময় দেপাদাংয়ো, দিংঙাবিহা সেংজা আপাহিং তাচাকোহা না ই য়্যাগ্যইতাগা না য়রুশালেমতা হোকোগা?22নাবি সামরিবিহা হানিহিং তাচাদিংমে, আকুহিংয়া মানাইমগা, আদো কাবিহা হানিহিং তাচাদিংমমে, আকুহা কাবিহা নাইমগা, হাংপাাতানাহা দিংঙাবিকো মুক্তিহা য়হুদিবিকোসোরাং লেরোওয়া।23আদো সময়হা দেপাদাংয়ো আসা নেরাং দেয়োংতেয়ো, আজিপ্পা তাচামবিহা আজিপ্পা আসা লাংবেসো তাচামগা। এপারাং তাচাওয়া দিংঙাবিহিংয়া সেংজা আপাহা মোমগা।24সেংজাহা লাংবেগা আসা আকুহিং তাচামবিহা লাংবে আসা আজিপ্পাসো তাচানেমগা।”25ই হিংমসা সামরি মেমেহা জাংয়ে, “কা গেমি নিও, মুক্তি পিচাওয়া মাসীহ (হাংসুহিং খ্রীষ্ট তামমে) তাওয়া লেরোওয়া, আত্রংহা আকুরাং কাবিহিংয়া তাংসা কোইপাপিরোওয়া।”26ইশুহা জাংয়ে, “নাতিহিংপা য়্যইদিংওয়া কাহা আকু খ্রীষ্টরাংগা।”27আত্রংহা ইশুকো য়োংতোংবিরে দেয়োংয়ে আসা আকুহিং ইচো মেমেহিংপা য়্যইসুদিংওয়া তিংমসা আআংপেপেচপুয়ে, আদো হাংসুরে “নাতিহিংয়া হাং ঘ্যইমগা? আসা নাতিহা আকু মেমেহিংপা হাংপা য়্যইসুদিংগা?” তামসা উইমক্যইতো।28আত্রংহা আকু মেমেহা তিকো গাংরু আউতারাং হুইতেমসা শহরতা হোয়ে আসা দিংঙাবিহিং জাংয়ে,29“লেমসা কাং, ইচো দিংঙাহিং! কুং জোওয়া তাংসা কাম আকুহা জাংপুয়ে। আকুরাং মুক্তি পিচাওয়া খ্রীষ্ট মোকোমগা?”30ই হিংমসা শহরকো দিংঙাবিহা ইশুহিং কাংকো লেয়ে।31আকো প্যাকোতা য়োংতোংবিহা ইশুহিংয়া চাওয়া আংওয়াবি সোইমসা “উটকেওয়া, হাইক্রি চাওয়া আংওয়াবি চা” তামসা জাংয়ে।32আদো ইশুহা জাংয়ে, “কুংতা চাওয়া আংওয়াবি নিও, আকুহা নাবিহা সিদা মোচ্যইয়াংতো।”33ই নুওয়াং হিংমসা য়োংতোংবিহা আবিলারাই উইসুয়ে, “হাংসুমে ইহিংয়া চাওয়া আংওয়াবি পামসা পিচামদোওয়া?”34ইশুহা আবিহিং জাংয়ে, “কুং চাওয়া আংওয়াবিহা কাহিং নিংপুওয়াকো জাংওয়া সেই জোওয়া আসা আকো কামবি তাংসা জোওয়ারাংগা।35নাবিহা জাংমগা ‘মোইপ্যা মিংকোহা ন্যাসারাং তারি দিরি ঘ্যইরোওয়া’ আদো কা জাংরোওয়া, লুংনিংতা মিচো হুরাপামসা কাং, মোইপ্যা মিংতেও আসা চ্যাকো তোংতেয়ো।36মোইপ্যা চ্যামবিহা ন্যাস্যা মুংচারোওয়া আসা আকুহা হাত্রংরে মিসিওয়া সাদিকো সোতা অংসেবি দুংপারোওয়া আসা মিইওয়াসো চ্যাওয়া নিহসোসারাং চিত্তা য়াংতাসুরোওয়া,37হাংপাতানাহা ইচোহা অংটি মিরোওয়া আসা ইচোহা চ্যারোওয়া তাওয়া মিংচিহা আজিপ্পাগা।38কা নাবিহিংয়া নাবিকো কাম মোজোওয়া লুংনিংতা মোইপ্যা য়োওকো নিংপুমি নিও। দোসরাকো জোওয়া কামসোহা নাবিহা অংসে মুংচামি নিও।”39সামরি মেমেহা কুং জোওয়া তাংসা কাম আকুহা জাংপুয়ো তাওয়া প্রমাণ পিচাওয়াকো সোতা আকু শহরকো উইসে সামরিবিহা ইশুকো তোইতা দেংয়ে।40আবিহা হাত্রং ইশুহিং দোসপারেকো লে, আত্রংহা আকুহিং কাবিহিংপা য়ুংপুই তামসা জাংচায়ে আসা ইশুহা আবিহিংপা সানিহয়ু চোইপা য়ুংয়ো।41আসা আকো ঝিপাওয়াকো সোতা ন্যাসারাং উইসে দিংঙাবিহা আকো তোইতা দেংয়ে।42আবিহা আকু মেমেহিংয়া জাংয়ে, “নেহা নাকো নুওয়াং হিংমসা মোকো, আদো কাবি আপনিবিরাং আকো ঝিপাওয়া হিংওয়াকো সোতা কাবি দেংরোওয়া। আকুহা আজিপ্পারাং বাসিমতিকো মুক্তি পিচাওয়া গুং, তাওয়া নুওয়াং কাবি সিদা চ্যইয়ে।”43ইশু আকু জায়গাতা সানিহয়ু চোইপা য়ুংপুনতেনুকো নোইতাহা আকুহা গালীলতা হোয়ে।44(অগমবক্তাবিহিংয়া আপনিকো লোইবিতা আদর মুমুংমগা তাওয়া নুওয়াহা ইশু আপনিরাং জাংমি নিমি।)45হাত্রং ইশু গালীলতা দেয়োং, আকো দিংঙাবিহা আকুহিং লেইতাহে, হাংপাতানাহা য়রুশালেমতা নিস্তার মানক্যাতা হোনুওয়া ইশুকো জোওয়া আআংপেপেচপুওয়া কামবিহা আবিহা তিংমি নিমি।46ইশুহা ন্যাসারাং কানা শহরতা হোয়ে। আকু শহরতারাং আকুহা তিহিংয়া আংগুরকো য়ু বানাইমি নিমি। ইশু আকু শহরতা নিনুওয়া কোর্ফরনহুম শহরতা য়ুংওয়া ইচো সরকারি কাম জোওয়া দিংঙাকো চেংওয়া হাইওয়া নিমি।47ইশু য়হুদিয়া লুংবিবিসো গালীলতা ওয়াংমি নিও, তাওয়া নুওয়াং হিংমসা আকু দিংঙাহা ইশুকোতা লেহে আসা “ইশুহিং কুং সিপুদাংতেওয়া চেংওয়াহিং লেমসা সাংপাপি” তামসা জাংচায়ে।48ইশুহা আকুহিংয়া জাংয়ে, “টেরবো টেরবো আআংপেপেচপুওয়া কাম মাতিংনু চোইপা নাবিহা হাত্রংরে মাদেংমগা।”49আকু দিংঙাহা জাংয়ে, “উটকেওয়া, লামতুপা জোমসা কুং চেংওয়া সিপুনুরোমা নাগাই ওয়াংপি।”50ইশুহা আকুহিংয়া জাংয়ে, “নাকো চেংওয়া বাচেরোওয়া, হ্যাতু।” আসা আকু সরকারি কাম জোওয়াহা ইশুকো য়্যইদিতা দেংয়ে আসা আউসো লাকাপুয়ে।51আসা ন্যাতাসো হাদিংনুওয়া আকো ডেইয়াহা আকুহিং দোসুমসা জাংয়ে, “নাকো চেংওয়াহা সাংনা।”52আকুহা ডেইয়াহিংয়া “কুং, চেংওয়াহা হাত্রংসো সাংমগা?” তামসা উইয়ে।
আবিহা জাংয়ে, “আংজি জেইসুং এক বাজিসো আকো হাইওয়াহা সাংয়ে।”53আত্রংহা আকু আপাহা ইশু “নাকো চেংওয়া বাচেরোওয়া” তামসা জাংনুসোরাং সাংমকো গুং তাওয়া নুওয়াং সিদা চ্যইয়ে। আকো সোতা আকু আসা আকো প্যাপ্যাম্যাম্যাবিহা ইশুহিং দেংয়ে।54য়হুদিয়াসোহা গালীলতা ওয়াংমসা ইশুকো জোওয়া আআংপেচপুক্যইওয়া কামহা নিইকোই জিংয়ো।
The Seed Company