য়হুন্না18
1ই পাচাইওয়া ত্যইংনতেনুকো নোইতাহা ইশুহা ই নুওয়াং জাংমসা আপনিকো য়োংতোংবিহিংপা কিন্দ্রন তাওয়া হোক্রাকো নুব্যা হ্যায়ে। আউতাহা ইচো দুংরাই নিমি। ইশুহা আকো য়োংতোংবিহিংয়া দুংরাইকো নাপোতা হোরায়ে2আকু জায়গাহা ইশুহিং প্যইপাওয়া য়হুদারে নাইওয়া নিমি, হাংপাতানাহা ইশুসো আকো য়োংতোংবিহা আউতা দোসপাচাংমি।3আত্রংহা ফরিসিবি আসা মাটা পাউবিকো নিংপুওয়া ইচো নিহসো রোমি সিপাইবি আসা য়হুদিবিকো দেমসা খুইওয়া সিপাইবিহিং পারামসা য়হুদাহা আকু দুংরাইবিরিতারাং লেহে। আবিকোতাহা কাসুমাবি, দিব্রি আসা মেচেংবি নিমি।4আপনিকো তোইতা হাং জিংকোমে তাংসা গেমসা ইশুহা নাগাই হোয়ে, আসা আবিহিং জাংয়ে, “নাবিহা হাংসুহিং মোদিংগা?”5আবিহা জাংয়ে, “নাসরাতকো ইশুহিং।”
ইশুহা আবিহিংয়া জাংয়ে, “কা আকুরাং।” ইশুহিং প্যইপাওয়া য়হুদারে আবিহিংপারাং জাদিংমি।6হাত্রং “কা আকুরাং” তামসা জাং, আত্রংহা আবিহা নুনুই ওয়েংমসা আকো সেসো ইপুয়ে।7ইশুহা ন্যাসারাং উইয়ে, “নাবিহা হাংসুহিং মোদিংগা?”
আবিহা ন্যাসারাং জাংয়ে, “নাসরতকো ইশুহিং!”8ইশুহা জাংয়ে, “কারাংগা, তামসা কা নাগাইসোরাং নাবিহিংয়া জাংপুনতেমিয়াসা! আজিপ্পারাং কাহিংনাং মোনাহা ইবিহিংয়া ল্যাপি।”9(এপারাং “ও আপা, নাতিহা কাহিং পিচাওয়াবিহিংয়া কাহা ইচোহিংনে মায়াংপায়াংতো।” তামসা ইশুহা নাগাইসোরাং জাংপুনতেওয়া য়্যইদিহা তাংসা জিংয়ে।)10আত্রংতারাং সিমোন পত্রসহা আপনিকো পাতাং য়োমসা মালকোস মিং নিওয়া টেবো পাউকো ডেইয়াকো দাংক্রেং কাটুকো নানুং থেইপুয়ে।11আদো ইশুহা পত্রসহিংয়া জাংয়ে, “নাকো পাতাংহা সেপাতা ওয়্যা! আপাহা কুং সোতা পিচাওয়া আকু কোইচ্যাওয়াকো সাইতি কা মাআংকোগা?”12আকো নোইতাহা ক্যাপ্টেইন, আকো সিপাইবি আসা য়হুদিবিকো দেমসাহিং কাংওয়া সিপাইবিহা ইশুহিং প্যইমসা সিংদিসো তাইপুয়ে।13আকো নোইতাহা আবিহা ইশুহিংয়া নাগাইহা হোনাসকোতা পুরায়ে। হোনাসহা আত্রংকো সময়তাহা টেবো পাউ কাইয়াফাকো জুউওয়া নিমি।14ই কাইয়াফারাং “তাংসা জ্যা দাংপুমরোমাহা দিংঙাকো সোতাহা ইচো সিওয়ারাং এনতারোওয়া” তামসা য়হুদি মাটাবিহিংপা হুইমি নিমগা।15সিমোন পত্রস আসা দোসরা ইচো য়োংতোংহা ইশুকো নুনুই নুনুই হোয়ে। আকু দোসরা য়োংতোংকোহা টেবো পাউহিংপাহা এনতাপা নাইওয়া নিমি। আকো সোতারাং আকুহা ইশুহিংপা টেবো পাউকো লাঙাং চোইপা হোয়ে।16পত্রসহা লাপুংতারাং বাইরেতা জাদিংমি। আকু টেবো পাউহিং নাইওয়া য়োংতোংহা বাইরে নোমসা কাম জোওয়া মেমেহিং জাংপামসা পত্রসহিং নাপোতা পারায়ে।17পত্রস নাপোতা হোদাংনুওয়া আকু মেমেহা আকুহিংয়া জাংয়ে, “নাতিরে আকু দিংঙাকো য়োংতোংবিতাহা ইচো মোকোমগা?”
পত্রসহা অ্যাজাপা ল্যহপামসা জাংয়ে, “আঁহা, কা মোকোমি!”18চিকিংওয়াকো সোতা ডেইয়াবি আসা দেমসা খুইওয়াবি হুরাপা জামসা মে মেয়াংচাদিংমি। পত্রসরে আউতা হোমসা আবিহিংপারাং মে মেয়াংচায়ে।19সাকো নাপোতা টেবো পাউহা ইশুহিং আকো ঝিপাওয়াতা আসা য়োংতোংবিকো তোইতা উইয়ে।20ইশুহা জাংয়ে, “কাহা তাংসাকো প্যাকোতা তাংসা হিংক্যইপা ঝিপামি নিও। কাহা আপনিকো ঝিপাওয়া তাংসা য়হুদিবিকো জোংসুওয়া সাবিতা আসা দেমসাতা ঝিপামি নিও। কাহা চেকেপা হাংসুহিংনে মাঝিপায়াংতো।21হাংপা নাতিহা কাহিং উইমগা? কুং ঝিপাওয়া হিংবিহিংনাং উইপু্ই। কা হাং জাংমে, হাং ঝিপামে, আবিহা তাংসা গেওয়া নিও।”22ইশু ই নুওয়াং জাংনুওয়া ইচো আবেইতা জাদিংওয়া দেমসাহিং কাংওয়া সিপাইবিতাহা ইচোহা ইশুহিং য়ুওয়াইতা ত্যাচোমসা জাংয়ে, “নাতিহা টেবো পাউকো নাগাইতা এপা য়্যইকোগা?”23ইশুহা জাংয়ে, “কামি হাইক্রি মোতুপা জাংমি নিনাহা কুং মাতুপা য়্যইওয়া তিংপা, আদো কামি আজিপ্পারাং য়্যইদিংনাহা হাংপা কাহিংয়া য়াপামগা?”24আকো নোইতা হোনাসহা ইশুহিং তাইওয়া পার্দি মাসিপারাং টেবো পাউ কাইয়াফাকোতা নিংপুয়ে।25আত্রং চোইপা পত্রসহা বাইরেতা জামসা মে মেয়াংচাদিংওয়া নিমি। দোসরা মে মেয়াংচাদিংওয়াবিহা আকুহিং উইয়ে, “নাতিরে আকু দিংঙাকো য়োংতোং মোকোতা?”
পত্রসহা জাংয়ে, “আঁহা, কা মোকোমি!”26মে মেয়াংচাদিংবিতাহা পত্রসকো নানুং ঠেপুওয়া দিংঙাকো ইচো আপনিকো দিংঙারে আউতা নিমি। আকুরে টেবো পাউকো ডেইয়া নিমি। আকুহা জাংয়ে, “কাহা নাতিহিংয়া ইশুহিংপারাং দুংরাইতা তিংমকোতা?”27পত্রসহা ন্যাসারাং মোকোমি তামসা জাংয়ে। আত্রংতারাং কেকা ওপুয়ে।28আত্রংকো হাপকুংসো আবিহা ইশুহিংয়া কাইয়াফাকো টেবো কাইজি পিলাতোসকো জায়গাতা পুরায়ে। য়হুদি ওয়ারাংপাবিহা সাকো নাপোতাহা মোহোতো, হাংপাতানাহা নিস্তার মানক্যা চাকো সোতা আবিহা আপনিবিহিং চোসোপা একো কেংওয়া নিমি।29আকো সোতা রোমিকো কাইজি পিলাতোসহা আবিহিং দোসপাকো বাইরে নোয়ে। আকুহা আবিহিং উইয়ে, “নাবিহা ই দিংঙাতাহা হাংকো দোষ লাগাইকোগা?”30আবিহা তাংসা জাংসুয়ে, “ই দিংঙাকোতা দোষি মাতাপা নাকোতা হাংপা পারাকোগাসা?”31পিলাতোসহা জাংয়ে, “ই দিংঙাহিংয়া নাবি আপনিবিরাং পুরাচা আসা আপনিকো লিংপাংতা ত্যাবাপা ন্যায় জো।”
য়হুদি ওয়ারাংপাবিহা জাংয়ে, “কাবিহিংয়া হাংসুহিংনে স্যাকো অধিকার মোতো।”32আপনি হেপা সিনেকোমে তামসা ইশু আপনিকো জাংওয়া য়্যইদি তাংসা জিংনেকো সোতা এপা জিংপুয়ো।33পিলাতোসহা নাপোতা হোয়ে আসা ইশুহিং মোউমসা জাংয়ে, “নাতিহা য়হুদিবিকো জাইপুগা?”34ইশুহা জাংয়ে, “ইহা নাতি আপনিরাং উইমগা না দোসরা কুং তোইতা নাতিহিং জাংমগা?”35পিলাতোস জাংয়ে, “নাতিহা কাহিংয়া য়হুদি নোমগা? নাকো আপনিকো জ্যা আসা মাটা পাউবিহা নাতিহিংয়া কুংতা স্যইপুমগা। নাতিহা হাং মোতুপা জোমি নিংগা?”36ইশুহা জাংয়ে, “কুং রাজ্যহা ই বাসিমতিকো রাজ্য ত্যাবাপা মোকো। কুং রাজ্যহা বাসিমতিকো রাজ্য ত্যাবাপা বেনাহা কুং নুনুই হুইমবিহা কাহিং য়হুদিবিকো খুইসো বাচাইকো লুইসুকোগা। আদো কুং রাজ্যহা ই বাসিমতিকো মোকো।”37পিলাতোসহা ইশুহিং উইয়ে, “এপা বেনাহা নাতিহা জাইপুরাংগাসা?”
ইশুহা জাংয়ে, “কা জাইপুরাংগা তামসাহা নাতি আপনিরাং জাংদিংয়ো। কাহা আজিপ্পা তিংপাকো কেমগা আসা ইকো সোতারাং কা ই বাসিমতিতা লেমগা। আজিপ্পাহিং জেজেংওয়াবিহা তাংসা কুং নুওয়াংহিং হিংরোওয়া।”38পিলাতোসহা উইয়ে, “আজিপ্পাহা হাংগা?” ই নুওয়াংবি উইপুনতেনুওয়া পিলাতোসহা বাইরে নোমসা য়হুদি ওয়ারাংপাবিহিং জাংয়ে, “কাহা ই দিংঙাকোতাহা দন্ড পিচাকো বেপাহা হাইরে দোষরাং মাতিংতো।39আদো নাবিকো লিংপাংতা নিওয়া সেই নিস্তার মানক্যাতাহা কা লো ইনিংতাহা ইচো জেলতা সুংওয়াবিহিং ল্যাচাংমগা। আকো সোতা নেহা কা ই লোতাহা আকু য়হুদিবিকো জাইপু তাওয়াহিং ল্যাপিকোগা?”40আবিহা “আকুহিং মোকোমি, আদো বারাব্বাহিং ল্যাপি!” তামসা ঙাসুয়ে। (বারাব্বা তাওয়া দিংঙাহা ইচো মেংদাং নিমি।)
ইশুহা আবিহিংয়া জাংয়ে, “কা আকুরাং।” ইশুহিং প্যইপাওয়া য়হুদারে আবিহিংপারাং জাদিংমি।6হাত্রং “কা আকুরাং” তামসা জাং, আত্রংহা আবিহা নুনুই ওয়েংমসা আকো সেসো ইপুয়ে।7ইশুহা ন্যাসারাং উইয়ে, “নাবিহা হাংসুহিং মোদিংগা?”
আবিহা ন্যাসারাং জাংয়ে, “নাসরতকো ইশুহিং!”8ইশুহা জাংয়ে, “কারাংগা, তামসা কা নাগাইসোরাং নাবিহিংয়া জাংপুনতেমিয়াসা! আজিপ্পারাং কাহিংনাং মোনাহা ইবিহিংয়া ল্যাপি।”9(এপারাং “ও আপা, নাতিহা কাহিং পিচাওয়াবিহিংয়া কাহা ইচোহিংনে মায়াংপায়াংতো।” তামসা ইশুহা নাগাইসোরাং জাংপুনতেওয়া য়্যইদিহা তাংসা জিংয়ে।)10আত্রংতারাং সিমোন পত্রসহা আপনিকো পাতাং য়োমসা মালকোস মিং নিওয়া টেবো পাউকো ডেইয়াকো দাংক্রেং কাটুকো নানুং থেইপুয়ে।11আদো ইশুহা পত্রসহিংয়া জাংয়ে, “নাকো পাতাংহা সেপাতা ওয়্যা! আপাহা কুং সোতা পিচাওয়া আকু কোইচ্যাওয়াকো সাইতি কা মাআংকোগা?”12আকো নোইতাহা ক্যাপ্টেইন, আকো সিপাইবি আসা য়হুদিবিকো দেমসাহিং কাংওয়া সিপাইবিহা ইশুহিং প্যইমসা সিংদিসো তাইপুয়ে।13আকো নোইতাহা আবিহা ইশুহিংয়া নাগাইহা হোনাসকোতা পুরায়ে। হোনাসহা আত্রংকো সময়তাহা টেবো পাউ কাইয়াফাকো জুউওয়া নিমি।14ই কাইয়াফারাং “তাংসা জ্যা দাংপুমরোমাহা দিংঙাকো সোতাহা ইচো সিওয়ারাং এনতারোওয়া” তামসা য়হুদি মাটাবিহিংপা হুইমি নিমগা।15সিমোন পত্রস আসা দোসরা ইচো য়োংতোংহা ইশুকো নুনুই নুনুই হোয়ে। আকু দোসরা য়োংতোংকোহা টেবো পাউহিংপাহা এনতাপা নাইওয়া নিমি। আকো সোতারাং আকুহা ইশুহিংপা টেবো পাউকো লাঙাং চোইপা হোয়ে।16পত্রসহা লাপুংতারাং বাইরেতা জাদিংমি। আকু টেবো পাউহিং নাইওয়া য়োংতোংহা বাইরে নোমসা কাম জোওয়া মেমেহিং জাংপামসা পত্রসহিং নাপোতা পারায়ে।17পত্রস নাপোতা হোদাংনুওয়া আকু মেমেহা আকুহিংয়া জাংয়ে, “নাতিরে আকু দিংঙাকো য়োংতোংবিতাহা ইচো মোকোমগা?”
পত্রসহা অ্যাজাপা ল্যহপামসা জাংয়ে, “আঁহা, কা মোকোমি!”18চিকিংওয়াকো সোতা ডেইয়াবি আসা দেমসা খুইওয়াবি হুরাপা জামসা মে মেয়াংচাদিংমি। পত্রসরে আউতা হোমসা আবিহিংপারাং মে মেয়াংচায়ে।19সাকো নাপোতা টেবো পাউহা ইশুহিং আকো ঝিপাওয়াতা আসা য়োংতোংবিকো তোইতা উইয়ে।20ইশুহা জাংয়ে, “কাহা তাংসাকো প্যাকোতা তাংসা হিংক্যইপা ঝিপামি নিও। কাহা আপনিকো ঝিপাওয়া তাংসা য়হুদিবিকো জোংসুওয়া সাবিতা আসা দেমসাতা ঝিপামি নিও। কাহা চেকেপা হাংসুহিংনে মাঝিপায়াংতো।21হাংপা নাতিহা কাহিং উইমগা? কুং ঝিপাওয়া হিংবিহিংনাং উইপু্ই। কা হাং জাংমে, হাং ঝিপামে, আবিহা তাংসা গেওয়া নিও।”22ইশু ই নুওয়াং জাংনুওয়া ইচো আবেইতা জাদিংওয়া দেমসাহিং কাংওয়া সিপাইবিতাহা ইচোহা ইশুহিং য়ুওয়াইতা ত্যাচোমসা জাংয়ে, “নাতিহা টেবো পাউকো নাগাইতা এপা য়্যইকোগা?”23ইশুহা জাংয়ে, “কামি হাইক্রি মোতুপা জাংমি নিনাহা কুং মাতুপা য়্যইওয়া তিংপা, আদো কামি আজিপ্পারাং য়্যইদিংনাহা হাংপা কাহিংয়া য়াপামগা?”24আকো নোইতা হোনাসহা ইশুহিং তাইওয়া পার্দি মাসিপারাং টেবো পাউ কাইয়াফাকোতা নিংপুয়ে।25আত্রং চোইপা পত্রসহা বাইরেতা জামসা মে মেয়াংচাদিংওয়া নিমি। দোসরা মে মেয়াংচাদিংওয়াবিহা আকুহিং উইয়ে, “নাতিরে আকু দিংঙাকো য়োংতোং মোকোতা?”
পত্রসহা জাংয়ে, “আঁহা, কা মোকোমি!”26মে মেয়াংচাদিংবিতাহা পত্রসকো নানুং ঠেপুওয়া দিংঙাকো ইচো আপনিকো দিংঙারে আউতা নিমি। আকুরে টেবো পাউকো ডেইয়া নিমি। আকুহা জাংয়ে, “কাহা নাতিহিংয়া ইশুহিংপারাং দুংরাইতা তিংমকোতা?”27পত্রসহা ন্যাসারাং মোকোমি তামসা জাংয়ে। আত্রংতারাং কেকা ওপুয়ে।28আত্রংকো হাপকুংসো আবিহা ইশুহিংয়া কাইয়াফাকো টেবো কাইজি পিলাতোসকো জায়গাতা পুরায়ে। য়হুদি ওয়ারাংপাবিহা সাকো নাপোতাহা মোহোতো, হাংপাতানাহা নিস্তার মানক্যা চাকো সোতা আবিহা আপনিবিহিং চোসোপা একো কেংওয়া নিমি।29আকো সোতা রোমিকো কাইজি পিলাতোসহা আবিহিং দোসপাকো বাইরে নোয়ে। আকুহা আবিহিং উইয়ে, “নাবিহা ই দিংঙাতাহা হাংকো দোষ লাগাইকোগা?”30আবিহা তাংসা জাংসুয়ে, “ই দিংঙাকোতা দোষি মাতাপা নাকোতা হাংপা পারাকোগাসা?”31পিলাতোসহা জাংয়ে, “ই দিংঙাহিংয়া নাবি আপনিবিরাং পুরাচা আসা আপনিকো লিংপাংতা ত্যাবাপা ন্যায় জো।”
য়হুদি ওয়ারাংপাবিহা জাংয়ে, “কাবিহিংয়া হাংসুহিংনে স্যাকো অধিকার মোতো।”32আপনি হেপা সিনেকোমে তামসা ইশু আপনিকো জাংওয়া য়্যইদি তাংসা জিংনেকো সোতা এপা জিংপুয়ো।33পিলাতোসহা নাপোতা হোয়ে আসা ইশুহিং মোউমসা জাংয়ে, “নাতিহা য়হুদিবিকো জাইপুগা?”34ইশুহা জাংয়ে, “ইহা নাতি আপনিরাং উইমগা না দোসরা কুং তোইতা নাতিহিং জাংমগা?”35পিলাতোস জাংয়ে, “নাতিহা কাহিংয়া য়হুদি নোমগা? নাকো আপনিকো জ্যা আসা মাটা পাউবিহা নাতিহিংয়া কুংতা স্যইপুমগা। নাতিহা হাং মোতুপা জোমি নিংগা?”36ইশুহা জাংয়ে, “কুং রাজ্যহা ই বাসিমতিকো রাজ্য ত্যাবাপা মোকো। কুং রাজ্যহা বাসিমতিকো রাজ্য ত্যাবাপা বেনাহা কুং নুনুই হুইমবিহা কাহিং য়হুদিবিকো খুইসো বাচাইকো লুইসুকোগা। আদো কুং রাজ্যহা ই বাসিমতিকো মোকো।”37পিলাতোসহা ইশুহিং উইয়ে, “এপা বেনাহা নাতিহা জাইপুরাংগাসা?”
ইশুহা জাংয়ে, “কা জাইপুরাংগা তামসাহা নাতি আপনিরাং জাংদিংয়ো। কাহা আজিপ্পা তিংপাকো কেমগা আসা ইকো সোতারাং কা ই বাসিমতিতা লেমগা। আজিপ্পাহিং জেজেংওয়াবিহা তাংসা কুং নুওয়াংহিং হিংরোওয়া।”38পিলাতোসহা উইয়ে, “আজিপ্পাহা হাংগা?” ই নুওয়াংবি উইপুনতেনুওয়া পিলাতোসহা বাইরে নোমসা য়হুদি ওয়ারাংপাবিহিং জাংয়ে, “কাহা ই দিংঙাকোতাহা দন্ড পিচাকো বেপাহা হাইরে দোষরাং মাতিংতো।39আদো নাবিকো লিংপাংতা নিওয়া সেই নিস্তার মানক্যাতাহা কা লো ইনিংতাহা ইচো জেলতা সুংওয়াবিহিং ল্যাচাংমগা। আকো সোতা নেহা কা ই লোতাহা আকু য়হুদিবিকো জাইপু তাওয়াহিং ল্যাপিকোগা?”40আবিহা “আকুহিং মোকোমি, আদো বারাব্বাহিং ল্যাপি!” তামসা ঙাসুয়ে। (বারাব্বা তাওয়া দিংঙাহা ইচো মেংদাং নিমি।)
The Seed Company