য়হুন্না19
1আসা পিলাতোসহা ইশুহিং পুরামসা সোটাসো পোকো তামসা সিপাইবিহিং জাংয়ে।2সোটাসো পোপুনতেনুকো নোইতাহা সিপাইবিহা ইশুহিংয়া সোসাকো ফেটা আকো পোরোতা পাটেংপায়ে আসা বেইগুনি রোংকো জাইপুকো লুংওয়া বেওয়া আংদুং লুপায়ে3আসা আকো আবেইতা লেমসা “য়হুদিবিকো জাইপুহিং টেবো জিংকো!” তামসা য়েংপামসা ত্যাচোংসুয়ে।4পিলাতোসহা ন্যাসারাং ইকোই বাইরে নোমসা দিংঙাবিকো নাগাইতা জাংয়ে, “কাং, কাহা ই দিংঙাকোতা দন্ড পিচানেওয়া দোষহা হাইরে মাদোতো। ই নুওয়াং নাবি গেকো তামসা কাহা আকুহিংয়া নাবিকো নাগাইতা পারাদাংয়ো।”5আকো নোইতাহা ইশুহা সোসাকো ফেটা আসা বেইগুনি রোংকো আংদুং লুপামসারাং বাইরেতা লেয়ে। পিলাতোসহা আবিহিং জাংয়ে, “য়া কাং, ই দিংঙাহিং।”6মাটা পাউবি আসা সিপাইবিহা ইশুহিং তিংতানি ঙাসুমসা জাংয়ে, “ইহিংয়া ক্রুসতা টাপুই, ইহিংয়া ক্রুসতা টাপুই!”
পিলাতোসহা জাংয়ে, “এপা বেনাহা নাবিরাং ইহিংয়া পুরামসা ক্রুসতা টাপুই। কাহা ইকোতাহা দন্ড পিচানেকো বেপাহা হাইরে দোষরাং মাতিংতো।”7য়হুদি ওয়ারাংপাবিহা জাংয়ে, “কাবিকো লিংপাংতাহা ইহা সিনেকোরাংগা, হাংপাতানাহা ইহা আপনিহিংনাং সেংজাকো চেংওয়াগা তামসা জাংমি নিও।”8ই নুওয়াং হিংমসা পিলাতোসহা ন্যাসারাং সিয়োপা চুসুংপুয়ে।9আকুহা ন্যাসারাং সাকো নাপোতা হোয়ে আসা ইশুহিং উইয়ে, “নাতিহা হানিকোগা?” আদো ইশুহা হাইরে মোয়্যইতো।10পিলাতোসহা জাংয়ে, “কাহিংয়া হাংপা মাজাংমগা? নাতিহা মেগেমগা? নাতিহিংয়া ক্রুসতা টাকো আসা ল্যাকো কুং খুইতা অধিকার নিও।”11ইশুহা জাংয়ে, “সেংজামি মিচানাহা নাকোহা হাইরে কুং তোইতা অধিকার মোতোকোগা। আকো সোতা কাহিং নাকোতা স্যইপুওয়া দিংঙাবিহিংয়া ন্যাসারাং টেবো পাপকো দোষি জিংরোওয়া।”12ই হিংমসা পিলাতোসহা ইশুহিং ল্যাপিকো কেংয়ে। আদো য়হুদিবিহা ঙামসা জাংসুয়ে, “নাতিমি আকুহিং ল্যাপুনাহা নাতিহা রোমি মাটা জাইপুকো ব্যারো মোকো। কারাং জাইপু তাওয়া দিংঙাহা রোমি টেবো জাইপুকো তোইতারাং মেংতাপা জোমগা।”13ই নুওয়াং হিংমসা পিলাতোসহা ইশুহিং বাইরে পারায়ে, আসা আকুহা “লুংটুইকো পাটি” তাওয়া লাঙাংতা (হিব্রু ক্যাতাহা আকুহিংয়া “গব্বথা” তামসা জাংমি) ন্যায় জোকো গায়ে।14আত্রংহা নিস্তার মানক্যাকো তৈয়ার জোওয়া দিনকো জেইসুং বারো বোজেমি নিমি। পিলাতোসহা য়হুদিবিহিং জাংয়ে, “কাং, য়হুদিবিকো জাইপু!”15“আকুহিংয়া পুরাতু, আকুহিংয়া ক্রুসতা টানেরোওয়া!” তামসা আবিহা তাংসা ঙাসুয়ে।
পিলাতোসহা আবিহিং উইয়ে, “আজিপ্পারাং কা নাবিকো জাইপুহিংয়া ক্রুসতা টাপুকোগা?”
মাটা পাউবিহা জাংয়ে, “রোমি টেবো জাইপু ল্যামসা কাবিকোহা দোসরা জাইপু মোতো।”16ই হিংমসা পিলাতোসহা ইশুহিংয়া ক্রুসতা টাকো তামসা আবিকো খুইতা স্যইপুয়ে। ইশু ক্রুসতা (মথি ২৭:৩২-৪৪; মর্কুস ১৫:২১-৩২; লুক ২৩:২৬-৪৩)
সিপাইবিহা ইশুহিং চি লাংয়ে।17আবিহা ইশুহিংয়া ক্রুস পুপামসা খোপ্পরে তাওয়া য়্যাগ্যইতা পুরায়ে। (আকু য়্যাগ্যইহিংয়া হিব্রু ক্যাতাহা গলগাথা তামসা জাংমগা।)18আকু জায়গাতা দেকানুওয়া আবিহা আকুহিংয়া কাটি টামসা ক্রুসতা থ্যইপুয়ে আসা আকো কেংক্রেং দাংক্রেংতা দোসরা নিহসোহিংনে ক্রুসতা টাপুয়ে। ইশুহিংয়া আবিকো প্যাকোতা থ্যইপুমি নিমি।19পিলাতোসহা “নাসরতকো ইশু য়হুদিবিকো জাইপু” তামসা লামসা এওয়া দোষকো হিগাহা ক্রুসকো তোইতা তেপাপুয়ে।20আকু দোষ লাগাইওয়া লাওয়া হিগাহা উইসে দিংঙাবিরে পড়াইয়ে, হাংপাতানাহা আকু জায়গাহা শহরকো আবেইতা নিমি। আসা আকু দোষ লাগাইওয়া হিব্রু, লেটিন আসা গ্রিক ক্যাতা লাওয়া নিমি।21য়হুদিবিকো মাটা পাউবিহা পিলাতোসহিং জাংয়ে, “এপা য়হুদিবিকো জাইপু তামসা মালাগ্যই, আদো ‘আকুহা কা য়হুদিবিকো জাইপু তামসা জাংমি নিমি’ তামসা লাপুই।”22“তুনা, কা হাই লা, লায়ে” তামসা পিলাতোসহা জাংয়ে।23সিপাইবিহা ইশুহিংয়া ক্রুসতা তাপুনতেনুওয়া আকো আংদুং পুমসা দিওয়্যা জোমসা ছিয়ে আসা পোসুয়ে। আকো হিয়োওয়া আংদুংহা তোইসোহা লিতা চোইপা চেংমগ্যইপা ফিমি নিমি।24ই তিংমসা আবিহা আপনি লারাই জাংসুয়ে, “ইহিংয়া য়াংবিহা মাছিরো, আদো ইহা হাংসুকো কাটুতা চুইবা তামসা চিঠা বানাইমসা বাদোইসুরো।” তাংজিকো হিগাতা এপা লাওয়া ই নুওয়াং পুরা জিংকো তামসারাং এপা জিংপুমগা, “আবিহা কুং আংদুংহিংয়া তাইবিলারাই পোসুয়ে, আসা কুং গুইচোইওয়াতাহা চিঠা বাদোইসুয়ে।”
আকো সোতা সিপাইবিহা এপা জোসুমগা।25ইশুকো ক্রুসকো আবেইতা আকো আয়ুহিংপা আয়ুকো য়েমে আসা কোলোপাসকো মে মরিয়োম আসা মরিয়োম মগদিলিনি জাদিংমি।26ইশুহা আপনিকো আয়ু আসা আপনিকো জেজেংওয়া য়োংতোংহিং আবেইতা জাদিংওয়া তিংমসা আপনিকো আয়ুহিং জাংয়ে, “আয়ো কাং, নাকো চেংওয়া।”27আসা ইশুহা আকু য়োংতোংহিং জাংয়ে, “কাং, আকুহা নাকো আয়ু।” আত্রংসো য়ুতাহা আকু য়োংতোংহা আকো আয়ু মরিয়োমহিংয়া আপনিকো সাতা পুরায়ে।28নেহা কুং কামহা তোইনতেয়ুং তাওয়া নুওয়াংহা ইশুহা সিদা চ্যইয়ে আসা তাংজিকো হিগাতা লাওয়া নুওয়াং ইচো ইচো তাংসা জিংকো তামসা আকুহা “কাহিংয়া তি সেকেংপুনা!” তামসা জাংয়ে।29আউতাহা য়্যাক্যইওয়া আংগুরকো স্যাইতিসো মেইওয়া ইচো য়োতি নিমি। সিপাইবিহা ইচো গ্যরোইহা দোরইংতা কেপামসা ইশুকো নামুতা ওয়াকায়ে।30আস্যইস্যই য়্যাক্যইওয়া আংমসা ইশুহা জাংয়ে, “নেহা কুং কামহা ত্যইয়ে!” আকো নোইতা আকুহা পোরো লেতা নুউমসা আপনিকো সাদি ল্যাপুয়ে।31আকু দিনহা তৈয়ারিকো দিন নিমি। অর্থাৎ জুকুংকো দিনহা টেবো সানুকো দিন নিমি। আকো সোতা য়হুদি ওয়ারাংপাবিহা আকু টেবো দিনতাহা সিপুওয়া জুপাহা ক্রুসতা এমতুরো তামসা হুইসুয়ে আসা আবিহা পিলাতোসকোতা হোমসা এপা জাংচায়ে, “সিনেমবিহা সেন্নেপা সিপুকো তামসা আবিকো কোকোই মেমসা ক্রুসসো ধুইনেরোওয়া।”32আকো নোইতা সিপাইবিহা নাগাইহা ইশুহিংপা ক্রুসতা থ্যইমবি নিহসো দিংঙাবিকো কোকোই মেপুয়ে।33আদো ইশুকোরে কোকোই মেদাংনুওয়া আকুহা সিপুনতেমি নিমি। আকো সোতা আবিহা ইশুকো কোকোইহা মেমেতো।34আদো ইচো সিপাইহা আকো ফেমাতা লেংজা বায়ে আসা ফেমাসোহা য়ুতি আসা তি নোয়ে।35(নাবিরে দেংকো জো তামসা আকু ঘটনা জিংপুওয়া তিংওয়া দিংঙাহা ই নুওয়াংবি জাংমগা। আসা আকো জাংওয়া নুওয়াংবিহা আজিপ্পাগা।)36“আকোহা ইচোরে লুইটোবি মেমেরোওয়া” তাওয়া তাংজিকো হিগাতা লাওয়া তাংসা জিংপুকো তামসারাং এপা জিংপুমগা।37ন্যাসারাং দোসরা জায়গাতারে তাংজিকো হিগাহা এপা জাংমি নিও, “আপনিহিং বাওয়াহিংয়া আবিহা ন্যইরোওয়া।”38আরিমাথিয়া শহরসো লেওয়া য়োসেফ মিং নিওয়া ইচো য়োংতোং নিমি। য়হুদি ওয়ারাংপাবিসো চুসুংমসা দোসরা সিদা মোচোইপা ইশুহিং দেংমি নিমি। নেহা আকুহা ইশুকো সিপুওয়া জুপা পুচা মুংকো তামসা পিলাতোসকোতা য়ায়ে। পিলাতোসহা “তুরোওয়া, পুচা” তামসা জাংয়ে। য়োসেফহা হোমসা ইশুকো সিপুওয়া জুপাহিংয়া ক্রুসসো ধুইমসা পুচায়ে।39ইশুহিং লিশুং দোসপাকো হ্যাওয়া নিকোদোমাসরে আকুহিংপা নিমি। আকুহা তেত্রিশ কেজি মুর্র আসা এলওয়া সিংতেংসো নোপাওয়া ওহ-ও্যহওয়া চুইতি পামসা লেহে।40আকু নিহসো দিংঙাবিহা য়হুদিকো লিংপাং ত্যাবাপা ইশুকো সিপুওয়া জুপাহিংয়া ওহও্যহওয়া মোলোম ন্যাইমসা লোংগুসো মেরোইয়ে আসা তাম্যইতা একো তৈয়ার জোয়ে।41ইশুহিং ক্রুসতা থ্যইপুওয়াকো আবেইতা ইচো দুংরাই নিমি। আকু দুংরাইতা হাত্রংরে হাইরে মেএয়াংওয়া ইচো চুবে তোম্যই নিমি।42য়হুদিবিকো সানুকো দিন দেয়োংনুরোমা নাগাই তৈয়ারিকো দিন নিমকো সোতা আবিহা ইশুকো সিপুওয়া জুপাহিংয়া আকু আবেইকো তোম্যইতা এপুয়ে।
পিলাতোসহা জাংয়ে, “এপা বেনাহা নাবিরাং ইহিংয়া পুরামসা ক্রুসতা টাপুই। কাহা ইকোতাহা দন্ড পিচানেকো বেপাহা হাইরে দোষরাং মাতিংতো।”7য়হুদি ওয়ারাংপাবিহা জাংয়ে, “কাবিকো লিংপাংতাহা ইহা সিনেকোরাংগা, হাংপাতানাহা ইহা আপনিহিংনাং সেংজাকো চেংওয়াগা তামসা জাংমি নিও।”8ই নুওয়াং হিংমসা পিলাতোসহা ন্যাসারাং সিয়োপা চুসুংপুয়ে।9আকুহা ন্যাসারাং সাকো নাপোতা হোয়ে আসা ইশুহিং উইয়ে, “নাতিহা হানিকোগা?” আদো ইশুহা হাইরে মোয়্যইতো।10পিলাতোসহা জাংয়ে, “কাহিংয়া হাংপা মাজাংমগা? নাতিহা মেগেমগা? নাতিহিংয়া ক্রুসতা টাকো আসা ল্যাকো কুং খুইতা অধিকার নিও।”11ইশুহা জাংয়ে, “সেংজামি মিচানাহা নাকোহা হাইরে কুং তোইতা অধিকার মোতোকোগা। আকো সোতা কাহিং নাকোতা স্যইপুওয়া দিংঙাবিহিংয়া ন্যাসারাং টেবো পাপকো দোষি জিংরোওয়া।”12ই হিংমসা পিলাতোসহা ইশুহিং ল্যাপিকো কেংয়ে। আদো য়হুদিবিহা ঙামসা জাংসুয়ে, “নাতিমি আকুহিং ল্যাপুনাহা নাতিহা রোমি মাটা জাইপুকো ব্যারো মোকো। কারাং জাইপু তাওয়া দিংঙাহা রোমি টেবো জাইপুকো তোইতারাং মেংতাপা জোমগা।”13ই নুওয়াং হিংমসা পিলাতোসহা ইশুহিং বাইরে পারায়ে, আসা আকুহা “লুংটুইকো পাটি” তাওয়া লাঙাংতা (হিব্রু ক্যাতাহা আকুহিংয়া “গব্বথা” তামসা জাংমি) ন্যায় জোকো গায়ে।14আত্রংহা নিস্তার মানক্যাকো তৈয়ার জোওয়া দিনকো জেইসুং বারো বোজেমি নিমি। পিলাতোসহা য়হুদিবিহিং জাংয়ে, “কাং, য়হুদিবিকো জাইপু!”15“আকুহিংয়া পুরাতু, আকুহিংয়া ক্রুসতা টানেরোওয়া!” তামসা আবিহা তাংসা ঙাসুয়ে।
পিলাতোসহা আবিহিং উইয়ে, “আজিপ্পারাং কা নাবিকো জাইপুহিংয়া ক্রুসতা টাপুকোগা?”
মাটা পাউবিহা জাংয়ে, “রোমি টেবো জাইপু ল্যামসা কাবিকোহা দোসরা জাইপু মোতো।”16ই হিংমসা পিলাতোসহা ইশুহিংয়া ক্রুসতা টাকো তামসা আবিকো খুইতা স্যইপুয়ে। ইশু ক্রুসতা (মথি ২৭:৩২-৪৪; মর্কুস ১৫:২১-৩২; লুক ২৩:২৬-৪৩)
সিপাইবিহা ইশুহিং চি লাংয়ে।17আবিহা ইশুহিংয়া ক্রুস পুপামসা খোপ্পরে তাওয়া য়্যাগ্যইতা পুরায়ে। (আকু য়্যাগ্যইহিংয়া হিব্রু ক্যাতাহা গলগাথা তামসা জাংমগা।)18আকু জায়গাতা দেকানুওয়া আবিহা আকুহিংয়া কাটি টামসা ক্রুসতা থ্যইপুয়ে আসা আকো কেংক্রেং দাংক্রেংতা দোসরা নিহসোহিংনে ক্রুসতা টাপুয়ে। ইশুহিংয়া আবিকো প্যাকোতা থ্যইপুমি নিমি।19পিলাতোসহা “নাসরতকো ইশু য়হুদিবিকো জাইপু” তামসা লামসা এওয়া দোষকো হিগাহা ক্রুসকো তোইতা তেপাপুয়ে।20আকু দোষ লাগাইওয়া লাওয়া হিগাহা উইসে দিংঙাবিরে পড়াইয়ে, হাংপাতানাহা আকু জায়গাহা শহরকো আবেইতা নিমি। আসা আকু দোষ লাগাইওয়া হিব্রু, লেটিন আসা গ্রিক ক্যাতা লাওয়া নিমি।21য়হুদিবিকো মাটা পাউবিহা পিলাতোসহিং জাংয়ে, “এপা য়হুদিবিকো জাইপু তামসা মালাগ্যই, আদো ‘আকুহা কা য়হুদিবিকো জাইপু তামসা জাংমি নিমি’ তামসা লাপুই।”22“তুনা, কা হাই লা, লায়ে” তামসা পিলাতোসহা জাংয়ে।23সিপাইবিহা ইশুহিংয়া ক্রুসতা তাপুনতেনুওয়া আকো আংদুং পুমসা দিওয়্যা জোমসা ছিয়ে আসা পোসুয়ে। আকো হিয়োওয়া আংদুংহা তোইসোহা লিতা চোইপা চেংমগ্যইপা ফিমি নিমি।24ই তিংমসা আবিহা আপনি লারাই জাংসুয়ে, “ইহিংয়া য়াংবিহা মাছিরো, আদো ইহা হাংসুকো কাটুতা চুইবা তামসা চিঠা বানাইমসা বাদোইসুরো।” তাংজিকো হিগাতা এপা লাওয়া ই নুওয়াং পুরা জিংকো তামসারাং এপা জিংপুমগা, “আবিহা কুং আংদুংহিংয়া তাইবিলারাই পোসুয়ে, আসা কুং গুইচোইওয়াতাহা চিঠা বাদোইসুয়ে।”
আকো সোতা সিপাইবিহা এপা জোসুমগা।25ইশুকো ক্রুসকো আবেইতা আকো আয়ুহিংপা আয়ুকো য়েমে আসা কোলোপাসকো মে মরিয়োম আসা মরিয়োম মগদিলিনি জাদিংমি।26ইশুহা আপনিকো আয়ু আসা আপনিকো জেজেংওয়া য়োংতোংহিং আবেইতা জাদিংওয়া তিংমসা আপনিকো আয়ুহিং জাংয়ে, “আয়ো কাং, নাকো চেংওয়া।”27আসা ইশুহা আকু য়োংতোংহিং জাংয়ে, “কাং, আকুহা নাকো আয়ু।” আত্রংসো য়ুতাহা আকু য়োংতোংহা আকো আয়ু মরিয়োমহিংয়া আপনিকো সাতা পুরায়ে।28নেহা কুং কামহা তোইনতেয়ুং তাওয়া নুওয়াংহা ইশুহা সিদা চ্যইয়ে আসা তাংজিকো হিগাতা লাওয়া নুওয়াং ইচো ইচো তাংসা জিংকো তামসা আকুহা “কাহিংয়া তি সেকেংপুনা!” তামসা জাংয়ে।29আউতাহা য়্যাক্যইওয়া আংগুরকো স্যাইতিসো মেইওয়া ইচো য়োতি নিমি। সিপাইবিহা ইচো গ্যরোইহা দোরইংতা কেপামসা ইশুকো নামুতা ওয়াকায়ে।30আস্যইস্যই য়্যাক্যইওয়া আংমসা ইশুহা জাংয়ে, “নেহা কুং কামহা ত্যইয়ে!” আকো নোইতা আকুহা পোরো লেতা নুউমসা আপনিকো সাদি ল্যাপুয়ে।31আকু দিনহা তৈয়ারিকো দিন নিমি। অর্থাৎ জুকুংকো দিনহা টেবো সানুকো দিন নিমি। আকো সোতা য়হুদি ওয়ারাংপাবিহা আকু টেবো দিনতাহা সিপুওয়া জুপাহা ক্রুসতা এমতুরো তামসা হুইসুয়ে আসা আবিহা পিলাতোসকোতা হোমসা এপা জাংচায়ে, “সিনেমবিহা সেন্নেপা সিপুকো তামসা আবিকো কোকোই মেমসা ক্রুসসো ধুইনেরোওয়া।”32আকো নোইতা সিপাইবিহা নাগাইহা ইশুহিংপা ক্রুসতা থ্যইমবি নিহসো দিংঙাবিকো কোকোই মেপুয়ে।33আদো ইশুকোরে কোকোই মেদাংনুওয়া আকুহা সিপুনতেমি নিমি। আকো সোতা আবিহা ইশুকো কোকোইহা মেমেতো।34আদো ইচো সিপাইহা আকো ফেমাতা লেংজা বায়ে আসা ফেমাসোহা য়ুতি আসা তি নোয়ে।35(নাবিরে দেংকো জো তামসা আকু ঘটনা জিংপুওয়া তিংওয়া দিংঙাহা ই নুওয়াংবি জাংমগা। আসা আকো জাংওয়া নুওয়াংবিহা আজিপ্পাগা।)36“আকোহা ইচোরে লুইটোবি মেমেরোওয়া” তাওয়া তাংজিকো হিগাতা লাওয়া তাংসা জিংপুকো তামসারাং এপা জিংপুমগা।37ন্যাসারাং দোসরা জায়গাতারে তাংজিকো হিগাহা এপা জাংমি নিও, “আপনিহিং বাওয়াহিংয়া আবিহা ন্যইরোওয়া।”38আরিমাথিয়া শহরসো লেওয়া য়োসেফ মিং নিওয়া ইচো য়োংতোং নিমি। য়হুদি ওয়ারাংপাবিসো চুসুংমসা দোসরা সিদা মোচোইপা ইশুহিং দেংমি নিমি। নেহা আকুহা ইশুকো সিপুওয়া জুপা পুচা মুংকো তামসা পিলাতোসকোতা য়ায়ে। পিলাতোসহা “তুরোওয়া, পুচা” তামসা জাংয়ে। য়োসেফহা হোমসা ইশুকো সিপুওয়া জুপাহিংয়া ক্রুসসো ধুইমসা পুচায়ে।39ইশুহিং লিশুং দোসপাকো হ্যাওয়া নিকোদোমাসরে আকুহিংপা নিমি। আকুহা তেত্রিশ কেজি মুর্র আসা এলওয়া সিংতেংসো নোপাওয়া ওহ-ও্যহওয়া চুইতি পামসা লেহে।40আকু নিহসো দিংঙাবিহা য়হুদিকো লিংপাং ত্যাবাপা ইশুকো সিপুওয়া জুপাহিংয়া ওহও্যহওয়া মোলোম ন্যাইমসা লোংগুসো মেরোইয়ে আসা তাম্যইতা একো তৈয়ার জোয়ে।41ইশুহিং ক্রুসতা থ্যইপুওয়াকো আবেইতা ইচো দুংরাই নিমি। আকু দুংরাইতা হাত্রংরে হাইরে মেএয়াংওয়া ইচো চুবে তোম্যই নিমি।42য়হুদিবিকো সানুকো দিন দেয়োংনুরোমা নাগাই তৈয়ারিকো দিন নিমকো সোতা আবিহা ইশুকো সিপুওয়া জুপাহিংয়া আকু আবেইকো তোম্যইতা এপুয়ে।
The Seed Company