য়হুন্না12
1নিস্তার মানক্যারোমা সাতুয়ু নাগাই ইশুহা ন্যাসারাং বেথানিয়া লোইতা ওয়াংয়ে। আকু লোইতা ইশুহা সিওয়াসো ঙারোপাওয়া লাজরস য়ুংমি নিমি।2ইশু ওয়াংয়ে তামসা য়াংতাসুমসা আবিহা জিরুংকো চাওয়া আংওয়াবি তৈয়ার জোয়ে। মার্থাহা চাওয়াবি পিচাদিংমি। লাজরসহা ইশু আসা দোসরা ওয়াংওয়া দিংঙাবিহিংপা টেবিলতা গামসা চাওয়াবি চাপদাংতেমি।3আত্রংহা মরিয়োমহা জটামসী তাওয়া সিংতেংসো নোপাওয়া আদি লিতার সিওপা এনতাক্যইওয়া ওহও্যহপা মেনাংওয়া চুইতি পায়ে আসা আকুহিংয়া ইশুকো কোকোইতা নাইমসা আপনিকো পুরিংসো প্যায়ে। চুইতিকো ওহও্যইপা মেনাংওয়াসো আকু তাংসা সারাং মেইপুয়ে।4প্রভুহিং নোইতা প্যইপাওয়া য়োংতোং য়হুদা ইস্করিয়োতহা জাংয়ে,5“ইচো দিংঙাহিং লো ইনিংকো ন্যাস্যাসো কামাইমসা তেংওয়া ই চুইতি পিইচামসা জোরোংবিহিং ন্যাস্যা চোপিনাহা এনতাকোগা।”6আদো আকুহা জোরোংবিহিং জেজেংপা জোমসা মোকো, আদো মেংদাং জিংওয়াকো সোতা এপা জাংমি নিমগা। ন্যাস্যাকো চিদুং আকুহিংনাং একো পিচামি নিমি, আসা আকুহা আউসো ন্যাস্যা কুচাংমি।7ইশুহা জাংয়ে, “তুয়ে, আকুহিংয়া হাইরে মাজাংগে! ইহা কাহিং লিনুকো দিনকো সোতা ই চুইতি লাগাই পিমগা।8জোরোংবিহা হাত্রংদো নাবিহিংপা নিরোওয়া। আদো কাহা সদাইদিন নাবিহিংপা মাতারোওয়া।”9হাত্রং ইশু বেথানিয়াতা নিনা তামসা সিদা চ্যই, আত্রং উইসে য়হুদি দিংঙাবিহা আউতা ওয়াংয়ে। আবিহা ইশুহিং কাংকো মেংচে মোকো, আদো আকো সিপুওয়াসো ঙারোপাওয়া লাজরসহিংনে কাংকো ওয়াংমি নিমি।10এপা জিংপুনুওয়া মাটা পাউবিহা লাজরসহিংনে স্যাকো কেংসুয়ে,11হাংপাতানাহা লাজরস ঙারোমকো সোতা উইসে য়হুদিবিহা আবিহিং হুইতেমসা ইশুহিং দেংমদাংতেমি নিমি।12আকো জুকুংহা য়হুদিবিহিং ল্যাপিওয়া মানক্যাতা ওয়াংওয়া উইসে দিংঙাবিহা ইশুহিং য়রুশালেমতা ওয়াংপাদাংয়ে তাওয়া হিংয়ে।13আকো সোতা আবিহা খেজুরকো লাপা চুংসুমসা এপা জাংসুমসা আকুহিং দোসপাকো লেহে, “হোসন্না! হোসন্না! প্রভুসেংজাকো মিংতা ওয়াংওয়া ইস্রাইলকো টেবো জাইপুহা আশিষিত নিও।”14ইশুহা ইপু গধা দোমসা আকু গধাতারাং বাইপামসা ওয়াংয়ো। ইকো তোইতা তাংজিকো হিগারে এপা লাওয়া নিও।15“ও ইস্রাইলকো দিংঙাবাই, মাচ্ছুংগে! কাং, নাবিকো টেবো জাইপু গধাকো চেংবেতা বাইপামসা ওয়াংপাদাংয়ে!”16নাগাই ই সেংজাকো তুংসিংকো নুওয়াং তাংসা জিংওয়াহা আকো য়োংতোংবিহা মোকোইতো। আদো নোইতা ইশু সিপুওয়াসো ঙারোমসা লোডিংবাতা লাকাপুনতেনু মেংচে আবিহা ই তাংসা নুওয়াংবিহা আকো তোইতা লামকো গুং আসা দিংঙাবিহা ই তাংসা কাম জোমকোগুং তামসা কোইয়ে।17হাত্রং ইশুহা তোম্যইসো মোউমসা সিপুওয়া লাজরসহিং ঙাপাওয়া তিংওয়া দিংঙাবিহা ই জিংপুওয়া নুওয়াং আজিপ্পারাংগা তামসা হিংপোই দিংমি।18আকো সোতা দিংঙাবিহা আকু আআংপেপেচপুওয়া কামকো তোইতা হিংমকো সোতা ইশুহিং দোসপাকো উইসে দিংঙাবিরে লেমি নিমি।19আত্রংহা ফরিসিবিহা তাইবিলারাই জাংসুয়ে, “কাং, য়াংবিহা হাইরে জোমক্যইতো। তিংগা, তাংসা বাসিমতিরাং আকো নুনুই হুইপুনতেও।”20গ্রিক লোইকো ইচো নিহসো দিংঙাবিরে য়হুদিবিহিং ল্যাপিওয়া মানক্যাতা সেংজাহিং তাচাকো য়রুশালেমতা ওয়াংমি নিমি।21আবিহা গালীল লুংবিকো বেথসেদাতা য়ুওয়া ফিলিপকোতা ওয়াংমসা জাংয়ে, “উটকেওয়া, কাবিহা ইশুহিং দোসপাকো কেংমি।”22ফিলিপহা হোমসা আন্দ্রিয়াসহিং জাংয়োংয়ে, আসা আবি নিহসোসা হোমসা ই নুওয়াং ইশুহিং হিংপায়ে।23ইশুহা আবিহিং জাংয়ে, “নেহা দিংঙাকো চেংওয়াকো মহিমা জিংকো সময় দেয়োংতেও।24আদো আজিপ্পারাং কা নাবিহিং জাংরোওয়া, গেহুকো অংটি মোংটোতা হুইমসা ম্যাঅ্যানু চোইপা আকুহা ইচেদাং য়ুংপুমগা। আদো মোংটোতা হুইমসা অ্যাপুনাহা আকুহা উইসে অংসে সেমগা।25এপা জোমসারাং আপনিকো সাদিহিং সিওপা জেজেংপা জোমবিহা সাদি য়াংপারোওয়া। আদো আপনিকো সাদিহিং বাসিমতিতা নিনু মেংতাপা নোমবিহা আপনিকো সাদিহিং হাত্রংরে মিসিওয়া সাদিতা বাচাইমসা এরোওয়া।26হাংসু কুং কাম জোকো কেং, আকুহা কুং নুনুই হুইনেরোওয়া। হাংতা হাংতা কা নি আউতারাং কুং কাম জোওয়াবিরে নিরোওয়া। কুং আপাহা কুং ডেইয়াবিহিংয়া এনতাপা এপিরোওয়া।”27আকো নোইতা ইশুহা জাংয়ে, “নেহা কুং তুংসিং আরাং-পারাংপা জিংপুমি নিও, কাহিংয়া হাং জাংকোমে, হাং য়্যইকোমে ত্যাবাপা জিংদিংয়ো। ও আপা, কাহিং ই দেপাওয়া কোইচ্যাওয়াবিসো বাচাইপি তামসা কা মাজাং, হাংপাতানাহা কাহা কোইচ্যাকোরাং ই বাসিমতিতা লেমগা।28ও আপা, নাকো আপনিকো মিং হিংনাং তোরোইচপুই।” আত্রংহা লোডিংবাসো এপা জাংওয়া আওয়াজ লেয়ো আসা জাংয়ো, “কাহা মহিমা লাংমি নিও আসা ন্যাসারাং লাংরোওয়া।”29আউতা জাদিংওয়া উইসে দিংঙাবিহা ই য়্যইওয়া হিংয়ে আসা লেরাবিহা জাংয়ে, “ডিংবা গারাংগুরুংপা খ্যাদিংয়ো।”
আদো লেরাহা জাংয়ো, “আকুহিংপাহা লোডিংবাকো পোইং য়্যইমগা।”30আদো ইশুহা আবিহিংয়া জাংয়ে, “ই য়্যইওয়াহা কুং সোতা মোকো, আদো নাবিকো সোতারাং য়্যইমগা।31নেহা বাসিমতিহিংয়া মেংতাপা ন্যায় জোওয়া সময় ওয়াংপুনতেও, নেহা ই বাসিমতিকো মাটাহিংয়া নোপাপুরোওয়া।32হাত্রং কা বাসিমতিসো তোরোইচপু, আত্রংহা তাংসা দিংঙাবিহিং কা আপনিকো কাটুতা দেইরোওয়া।”33ই নুওয়াং জাংনুওয়া আপনিহা হেপা সিনেকোমে তামসা ইশুহা ল্যায়ে।34দিংঙাবিহা জাংয়ে, “কাবিহা হিংমি নিও, লিংপাংতাহা ‘সেংজাকো সেকেংত্যাতেওয়া খ্রীষ্টহা হাত্রংদো বাচেনেরোওয়া’ তামসা জাংমগা। আদো দিংঙাকো চেংওয়াহা তোরোইচপুনেরোওয়া তামসা নাতিহা হেপা জাংকো চুকোগা? নাকো জাংওয়া দিংঙাকো চেংওয়াহা হাংসুগা?”35ইশুহা জাংয়ে, “হাহাইওয়াহা ন্যাসারাং আম্যই চোইপা নাবিকো প্যাকোতা নিরোওয়া। হাহাইওয়া নাবিহিংপা নিনু চোইপা আপনিকো ন্যাতাতা তেই, মেনাহা নাগিওয়াহা নাবিহিংয়া তুংপুরোওয়া। নাগিওয়াতা তেইওয়াবিহা আপনি হাংতা হাদাংমে সিদা মোচ্যইরোওয়া।36নাবিহিংপা হাহাইওয়া নিনুরাং আউতা নাবিহা দেংকো জো আসা নাবিহা হাহাইওয়াকো চেং জিংরোওয়া।” এসে জাংপুনতেনুওয়া ইশুহা আউসো হোপুয়ে আসা আবিকো প্যাকোতা গুংমসা য়ুংপুয়ে।37ইশুহা উইসে দিংঙাবিকো নাগাইতা এপাজিংওয়া আআংপেপেচপুওয়া কাম জোদো আবিহা আকুহিংয়া মাদেংতো।38এপারাং এশাইয়া অগমবক্তাকো জাংওয়া ই তাংসা জিংপুয়ে: “ও প্রভু, কাবিকো দেরেং জাংওয়া হাংসু দেংগা? প্রভুকো জোওয়া সে নিক্যইওয়া কামহা হাংসুহিং তিংপাংগা?”39ন্যাসারাং আবিহা দেংমক্যইওয়াকো সোতা এশাইয়াহা এপা জাংমি নিও:40“সেংজাহা নাবিকো মিচোহিংয়া তুংপুমি নিও আসা নাবিকো তুংসিংহা লুংটুই ত্যাবাপা জোপুমি নিও। আকো সোতা আবিহা মিচোসো মাতিংমগা, তুংসিংসো মোকোইমগা আসা কুংতা মালায়োংমগা। মেনাহা কা আবিহিংয়া সাংপাকোগা,” তামসা সেংজাহা জাংমগা।41এশাইয়াহা ইশুকো টেবো মহিমা তিংমসা আকুহা ইশুকো তোইতারাং জাংমি নিমগা।42উইসে য়হুদি মাটাবিহা ইশুকো তোইতা দেংয়ো। আদো ফরিসিবিকোসো চুসুংমকো সোতা আবিহা ই নুওয়াংহা হাংসুহিংনে মাজাংতো, হাংপাতানাহা ফরিসিবিহা ই নুওয়াং সিদা চ্যইনাহা আবিহিংয়া য়হুদি জোংসুওয়া সাসো নোপাপুকোগা।43হাংপাতানাহা আবিহা সেংজারোমা দিংঙাবিকোসো মুংচাওয়া তাচাওয়াবিতা সিওপা গাগ্রুমি।44ন্যাসারাং তাংসা হিংক্যইপা ইশুহা জাংয়ে, “কুং তোইতা দেংনাহা কুং তোইতা মেংচে মোকো, কাহিং নিংপুওয়াকো তোইতা দেংরোওয়া45আসা কাহিং তিংওয়াবিহা কাহিং নিংপুওয়াহিং তিংরোওয়া।46কুং তোইতা দেংওয়াবিহা হাংসুরে নাঘিইওয়াতা তেইমঘ্যইকো তামসা কা বাসিমতিকো হাহাইওয়া জিংমসা লেমগা।47কুং নুওয়াং হিংমসা মোজোওয়াবিহিংয়া কা ন্যায় মোজো, হাংপাতানাহা কা বাসিমতিহিং ন্যায় জোকো মোকো, আদো বাচাইকো লেমগা।48কাহিং আসা কুং জাংওয়া য়্যইদি হিংমসারে দেংকো মেকেংনাহা ন্যায় জোওয়া ইচো নিও। কুং জাংওয়া য়্যইদিসোরাং আকুহিংয়া আকু নোইস্যাকো দিনতাহা ন্যায় জোরোওয়া।49হাংপাতানাহা ই নুওয়াংহা কা আপনিসোরাং জাংওয়া মোকো, আদো কুং জাংনেকো নুওয়াং আসা য়্যইনেওয়া নুওয়াংহা কাহিং নিংপুওয়া আপারাং কাহিং আজ্ঞা নিও।50কা গেমি নিও, আকো আজ্ঞাহা হাত্রংরে মিসিওয়া সাদি পিচামগা। আকো সোতা কা হাই জাং, আপাকো জাংওয়া নুওয়াংরাং জাংমগা।”
আদো লেরাহা জাংয়ো, “আকুহিংপাহা লোডিংবাকো পোইং য়্যইমগা।”30আদো ইশুহা আবিহিংয়া জাংয়ে, “ই য়্যইওয়াহা কুং সোতা মোকো, আদো নাবিকো সোতারাং য়্যইমগা।31নেহা বাসিমতিহিংয়া মেংতাপা ন্যায় জোওয়া সময় ওয়াংপুনতেও, নেহা ই বাসিমতিকো মাটাহিংয়া নোপাপুরোওয়া।32হাত্রং কা বাসিমতিসো তোরোইচপু, আত্রংহা তাংসা দিংঙাবিহিং কা আপনিকো কাটুতা দেইরোওয়া।”33ই নুওয়াং জাংনুওয়া আপনিহা হেপা সিনেকোমে তামসা ইশুহা ল্যায়ে।34দিংঙাবিহা জাংয়ে, “কাবিহা হিংমি নিও, লিংপাংতাহা ‘সেংজাকো সেকেংত্যাতেওয়া খ্রীষ্টহা হাত্রংদো বাচেনেরোওয়া’ তামসা জাংমগা। আদো দিংঙাকো চেংওয়াহা তোরোইচপুনেরোওয়া তামসা নাতিহা হেপা জাংকো চুকোগা? নাকো জাংওয়া দিংঙাকো চেংওয়াহা হাংসুগা?”35ইশুহা জাংয়ে, “হাহাইওয়াহা ন্যাসারাং আম্যই চোইপা নাবিকো প্যাকোতা নিরোওয়া। হাহাইওয়া নাবিহিংপা নিনু চোইপা আপনিকো ন্যাতাতা তেই, মেনাহা নাগিওয়াহা নাবিহিংয়া তুংপুরোওয়া। নাগিওয়াতা তেইওয়াবিহা আপনি হাংতা হাদাংমে সিদা মোচ্যইরোওয়া।36নাবিহিংপা হাহাইওয়া নিনুরাং আউতা নাবিহা দেংকো জো আসা নাবিহা হাহাইওয়াকো চেং জিংরোওয়া।” এসে জাংপুনতেনুওয়া ইশুহা আউসো হোপুয়ে আসা আবিকো প্যাকোতা গুংমসা য়ুংপুয়ে।37ইশুহা উইসে দিংঙাবিকো নাগাইতা এপাজিংওয়া আআংপেপেচপুওয়া কাম জোদো আবিহা আকুহিংয়া মাদেংতো।38এপারাং এশাইয়া অগমবক্তাকো জাংওয়া ই তাংসা জিংপুয়ে: “ও প্রভু, কাবিকো দেরেং জাংওয়া হাংসু দেংগা? প্রভুকো জোওয়া সে নিক্যইওয়া কামহা হাংসুহিং তিংপাংগা?”39ন্যাসারাং আবিহা দেংমক্যইওয়াকো সোতা এশাইয়াহা এপা জাংমি নিও:40“সেংজাহা নাবিকো মিচোহিংয়া তুংপুমি নিও আসা নাবিকো তুংসিংহা লুংটুই ত্যাবাপা জোপুমি নিও। আকো সোতা আবিহা মিচোসো মাতিংমগা, তুংসিংসো মোকোইমগা আসা কুংতা মালায়োংমগা। মেনাহা কা আবিহিংয়া সাংপাকোগা,” তামসা সেংজাহা জাংমগা।41এশাইয়াহা ইশুকো টেবো মহিমা তিংমসা আকুহা ইশুকো তোইতারাং জাংমি নিমগা।42উইসে য়হুদি মাটাবিহা ইশুকো তোইতা দেংয়ো। আদো ফরিসিবিকোসো চুসুংমকো সোতা আবিহা ই নুওয়াংহা হাংসুহিংনে মাজাংতো, হাংপাতানাহা ফরিসিবিহা ই নুওয়াং সিদা চ্যইনাহা আবিহিংয়া য়হুদি জোংসুওয়া সাসো নোপাপুকোগা।43হাংপাতানাহা আবিহা সেংজারোমা দিংঙাবিকোসো মুংচাওয়া তাচাওয়াবিতা সিওপা গাগ্রুমি।44ন্যাসারাং তাংসা হিংক্যইপা ইশুহা জাংয়ে, “কুং তোইতা দেংনাহা কুং তোইতা মেংচে মোকো, কাহিং নিংপুওয়াকো তোইতা দেংরোওয়া45আসা কাহিং তিংওয়াবিহা কাহিং নিংপুওয়াহিং তিংরোওয়া।46কুং তোইতা দেংওয়াবিহা হাংসুরে নাঘিইওয়াতা তেইমঘ্যইকো তামসা কা বাসিমতিকো হাহাইওয়া জিংমসা লেমগা।47কুং নুওয়াং হিংমসা মোজোওয়াবিহিংয়া কা ন্যায় মোজো, হাংপাতানাহা কা বাসিমতিহিং ন্যায় জোকো মোকো, আদো বাচাইকো লেমগা।48কাহিং আসা কুং জাংওয়া য়্যইদি হিংমসারে দেংকো মেকেংনাহা ন্যায় জোওয়া ইচো নিও। কুং জাংওয়া য়্যইদিসোরাং আকুহিংয়া আকু নোইস্যাকো দিনতাহা ন্যায় জোরোওয়া।49হাংপাতানাহা ই নুওয়াংহা কা আপনিসোরাং জাংওয়া মোকো, আদো কুং জাংনেকো নুওয়াং আসা য়্যইনেওয়া নুওয়াংহা কাহিং নিংপুওয়া আপারাং কাহিং আজ্ঞা নিও।50কা গেমি নিও, আকো আজ্ঞাহা হাত্রংরে মিসিওয়া সাদি পিচামগা। আকো সোতা কা হাই জাং, আপাকো জাংওয়া নুওয়াংরাং জাংমগা।”
The Seed Company