য়হুন্না11
1সাইয়ুহা বেথানিয়া লোইতা লাজরস তাওয়া ইচো হাইওয়া দিংঙা নিমি। আকু লোইতারাং আকো আনা মরিয়োম আসা মার্থা য়ুংমি নিমি।2ই মরিয়োমরাং ইকোইহা প্রভু ইশুকো কোকোইতা ও্যহও্যহইপা মেনাংওয়া চুইতি লুমসা আপনিকো পুরিংসো প্যামি নিমি। হাইওয়া লাজরসহা আকো এ নিমি।3মার্থা আসা মরিয়োমহা “প্রভু, হাংসুহিং নাতিহা জেজেংপা জোমে, আকুহা হাইমি নিও” তাওয়া দেরেংহা ইশুকোতা জাংয়াপিকো তামসা দেরেং কাইপুয়ে।4ই দেরেং হিংমসা ইশুহা জাংয়ে, “লাজরসহা হাইমি নিও, আদো আকুহা মিসিরোওয়া। আকো হাইওয়াহা সেংজাকো মহিমাকো সোতাগা আসা ইসোরাং দিংঙাবিহা সেংজাকো চেংওয়াহিংনে মহিমা জোরোওয়া।”5ইশুহা মার্থা, মরিয়োম আসা লাজরসহিং সিওপারাং জেজেংপা জোদো6লাজরসকো হাইওয়া দেরেং হিংনুকো নোইতা আকুহা আপনিকো নিওয়া জায়গাতারাং সানিহয়ু য়ুংয়ে।7আকো নোইতা ইশুহা য়োংতোংবিহিং জাংয়ে, “নেহা য়াংবিহা ন্যাসারাং য়হুদিয়া লোইতা লাকাকো তে।”8আদো য়োংতোংবিহা জাংয়ে, “উটকেওয়া, সাইয়ু নিহয়ুকো নাগাইরাং য়হুদিবিহা নাতিহিংয়া লুংটুই টোমসা স্যাকো কেংদিংমগা। আদো ন্যাসারাং নাতিহা আকু জায়গাতারাং হোকো কেংদিংগা?”9ইশুহা জাংয়ে, “সাইয়ুতাহা বারো ঘন্টা জিংমকোতা? জেইসুং তেইওয়া দিংঙাবিহিংয়া মুকুতিমগা, হাংপাতানাহা আকুহা সিনিকো হাহাইওয়া তিংমি নিমগা।10আদো লিশুং তেইওয়াহিংয়া কুতিপুমগা, হাংপাতানাহা লিশুংহা আকুহিংপাহা হাহাইওয়া মাতামগা।”11আকো নোইতা ইশুহা জাংয়ে, “য়োংকো ব্যারো লাজরসহা জিংদিংমি নিনা। নেহা কা আকুহিংয়া তুকাকো আউতা হোরোওয়া।”12য়োংতোংবিহা জাংয়ে, “প্রভু, আকুহা জিংজুমি নিনাহা সাংরোওয়া!”13ইশুকো জাংদিতাহা লাজরসহা সিপুনতেও তাওয়া নিমগা। আদো য়োংতোংবিহা লাজরসহা আজিপ্পারাং জিংদিংয়ো তাওয়া মেংচে নোদিংমি নিমি।14আকো সোতা ইশুহা মেকেদাইপা জাংয়ে, “লাজরসহা সিপুতেনা।15আদো নাবিকো দেংওয়াবি সিওপা জিংকো তামসারাং আউতা মাতাওয়ারাং কা গাগ্রুপা নিও। নেহা তে, য়াংবিহা আকোতা হোকো।”16ইশুকো য়োংতোংবিতাহা দিদিমোস তাওয়া থোমাহা আপনিকো লেরা য়োংতোং ব্যারোবিহিং জাংয়ে, “উটকেওয়াহিংপারাং হোকো তে, আসা আকুহিংপারাং সিনেদো সিপুরো।”17হাত্রং আবি বেথানিয়াতা দেয়োং, আত্রংহা লাজরসহিং তোম্যইতা এওয়াহা সাডিয়ু জিংপুনতেও তাওয়া নুওয়াং ইশুহা সিদা চ্যইয়ে।18বেথানিয়াহা য়রুশালেম শহরসোহা তিন কিলোমিটার তানাং নিমি।19য়হুদিয়া লুংবিসোহা উইসে দিংঙাবিহা মার্থা আসা মরিয়োমহিং এ সিপুওয়াকো কোইচ্যাওয়াতা নোইপাকো ওয়াংমি নিমি।20হাত্রং ইশু দেপাদাংয়ে তাওয়া হিং, মার্থাহা আকুহিংয়া ন্যাতাতারাং দোসপাকো হোয়ে। আদো মরিয়োমহা সাতারাং য়ুংতেহে।21ইশুহিং দোসুমসা মার্থাহা জাংয়ে, “প্রভু, নাতিমি ইতা নিনাহা কুং এহা মাসিকোগা।22আদো নেরে কা গেমি নিও, নাতি হাই য়াবা সেংজাহা নাতিহিংয়া পিচারোওয়া।”23ইশুহা মার্থাহিংয়া জাংয়ে, “নাকো এহা ন্যাসারাং ঙারোরোওয়া।”24মার্থাহা জাংয়ে, “আজিপ্পারাংগা প্রভু, নোইস্যাকো দিনবিতাহা সিপুমবি তাংসা ঙারোনুওয়া আকুরে ঙারোরোওয়া তাওয়া নুওয়াং কাহা গেমি নিও।”25ইশুহা জাংয়ে, “সিপুমবিহিং ঙারোপাওয়া আসা সাদি পিচাওয়াহা কারাংগা। হাংসু জিংদো কাহিং দেংওয়াবিহা সিপুদো ঙারোরোওয়া!26আসা কুংতা দেংমসা য়ুংওয়াবিহা ন্যাসারাং হাত্রংরে মিসিরোওয়া। নাতিহা ই নুওয়াং দেংকোগা?”27ন্যাসারাং আকুহা জাংয়ে, “আজিপ্পারাং প্রভু, নাতিহা সেংজাকো সেকেংত্যাওয়া খ্রীষ্ট, বাসিমতিতা লেওয়া সেংজাকো চেংওয়াগা তামসা কা দেংরোওয়া।”28এসে জাংমসা মার্থাহা সাতা হোপুয়ে আসা মরিয়োমহিং চেকেপা মোউমসা জাংয়ে, “উটকেওয়াহা দেয়োংতেনা আসা নাতিহিং মোদিংনা।”29ই নুওয়াং হিংতানি মরিয়োমহা আকুহিং দোসপাকো তাত্রিংপা লোপুমসা হোপুয়ে।30আত্রং চোইপা ইশুহা লোইতা মাদেয়োংয়াংমি। আকুহা মার্থাকো দোসুওয়াতারাং নিমি।31এ সিপুওয়া সাতা নোইপাকো ওয়াংওয়া য়হুদিবিহা মরিয়োমহিং সেন্নেপা লোপুমসা বাইরে হ্যাওয়া তিংয়ে। একো তোম্যইতা কাইয়াকো হোয়ে তাওয়া নোমসা আবিহা আকো নুনুই নুনুই হুইপুয়ে।32ইশু নিওয়া জায়গাতা দেকানুওয়া মরিয়োমহা ইশুকো কোকোইতা চুংমসা জাংয়ে, “প্রভু, নাতিবেমি ইতা নিনাহা কুং এহা মাসিকোগা।”33মরিয়োমহা কাইদিংমি আসা আকুহিংপা নিওয়া দিংঙাবিরে কাইসুদিংমি নিমি। ই তিংমসা ইশুহা তুংসিং নাংসোরাং লামতুপুয়ে,34আসা উইয়ে, “নাবিহা লাজরসহিংয়া হাংতা এংগা?”
আবিহা জাংয়ে, “প্রভু, লেমসা কাং।”35আত্রংহা ইশুরে কাইয়ে।36ই তিংমসা আউতা নিওয়া য়হুদিবিহা জাংসুয়ে, “কাং, আকুহা লাজরসহিংয়া হাসেকো জেজেংপা জোমে!”37আদো লেরা-লেরাহা জাংসুয়ে, “মিচো মাতিংওয়াহিং মিচো তিংপাওয়ারাং ই মোকোতা? আকুহা লাজরসহিংয়া সিওয়াসো ঙারোপাকো মাচুকোগাসা?”38ন্যাসারাং ইশুহা তুংসিং নাপোসো লামতুপুয়ে আসা তোম্যইকো হোরোংবাহিংয়া আবেইতা ইরুং টেবো লুংটুইসো মেইপুমি নিমি।39ইশুহা জাংয়ে, “আকু লুংটুইহিং ওয়েংপাপুই।” লাজরসকো আনা মার্থাহা জাংয়ে, “প্রভু, আকুহিং তোম্যইতা এওয়া হিনিহা সাডিয়ু জিংপুনতেনা, নেচোইপা আকুহা মেনাংপুনতেম দোওয়া।”40ইশুহা আকুহিংয়া জাংয়ে, “নাতিমি দেংনাহা সেংজাকো টেবো সে তিংরোওয়া তামসা কা নাতিহিংয়া নাগাইসোরাং জাংমকোতা?”41আবিহা তোম্যইকো হোংবোইসো লুংটুই ওয়েংপায়ে আসা ইশুহা লোডিংবাতা ন্যইমসা জাংয়ে, “ও আপা, কা গারানি তারোওয়া, হাংপাতানাহা নাতিহা কুং নুওয়াং হিংমি নিও।42নাতিহা কুং নুওয়াংহিংয়া হাত্রংদো হিংমগা, আকুহা কা গেমি নিও। নাতিহা কাহিং নিংপুমগা তাওয়া নুওয়াং ইতা নিওয়া দিংঙাবিহা দেংনেরোওয়া তামসা কা নাকোতা পাচাইদিংয়ো।”43এসে জাংপুনতেনুকো নোইতাহা ইশুহা ঙামসা মোউয়ে, “ও লাজরস, বাইরেতা লেই।”44আত্রংহা সিপুনতেওয়া লাজরসহা লোমসা বাইরেতা লেহে। আকো খুইসো কোকোই আসা য়ুওয়াইহা লোংগুসো মেরোংওয়া নিমি। ইশুহা দিংঙাবিহিংয়া জাংয়ে, “লোংগু সিমসা আকুহিং হোকো পিচা।”45ইশুকো জোওয়া এপা জিংওয়া কাম তিংমসা মরিয়োমহিং দোসপাকো ওয়াংওয়া উইসে য়হুদিবিহা আকো তোইতা দেংয়ে।46আদো লেরাহা ফরিসিবিকোতা হোমসা ইশুকো জোওয়া কামবিহা আবিকোতা ল্যাকায়ে।47আত্রংহা মাটা পাউবি আসা ফরিসিবিহা য়হুদি সভা জোকো মোউয়ে আসা হুইসুমসা জাংয়ে, “নেহা য়াংবিহা হাং জোকোগা? আকু দিংঙাহা টেরবো টেরবো আআংপেপেচপুওয়া কামবি জোদিংয়ো।48য়াংবিমি ইহিং এপা জোকোমি পিচাদিংনাহা তাংসা দিংঙাবিহা আকুহিংয়া দেংরোওয়া, আসা রোমি সিপাইবিহা লেমসা য়োংকো দেমসাহিংয়া য়্যাপুরোওয়া আসা য়াংবি য়হুদি জ্যাবিহিংনে দাংপারোওয়া।”49আবিকো প্যাকোতাহা কাইয়াপা মিং নিওয়া ইচো দিংঙা নিমি। আকুরাং আত্রংকো লোকো টেবো পাউ নিমি। আকুহা জাংয়ে, “নাবিহা হাইরে মেগেমগা।50য়োংকো তাংসা জ্যা দাংপুমরোমা দিংঙাবিকো সোতা ইচো মেংচে সিকোরাং তাংসাকো সোতা এনতারোওয়া তাওয়া কোইরোওয়া।”51ই নুওয়াংহা আকুহা আপনিকো ইচ্ছাসো জাংওয়া মোকো, আদো আকুহা আত্রংকো লোকো টেবো পাউ জিংওয়াকো সোতা ইশুহা য়হুদি জ্যাবিকো সোতা সিনেরোওয়া তামসা অগমবাণী আকুহা জাংপুনতেমি নিমগা।52য়হুদিবিকো সোতা মেংচে মোকো, আদো ইতা উতা জিংপুওয়া সেংজাকো চেংবিহিং পারামসা চিত্তা একো ইশুহা সিনেরোওয়া তামসা জাংমি নিমি।53আকো সোতা আত্রংকো দিনসোহা আবিহা ইশুহিং স্যাকো নোসুয়ে।54এপা জিংপুনুওয়া ইশুহা আত্রংসোহা য়হুদিয়াতা তাংসা দিংঙাবি তিংকোইপা মাতেইতো। আউসোহা আকুহা চিচ্চোওয়া জায়গাকো আবেইতা নিওয়া এপ্রাইম তাওয়া শহরতা হোয়ে আসা আপনিকো য়োংতোংবিহিংপা আউতারাং য়ুংপে।55আত্রংহা য়হুদিবিকো নিস্তার মানক্যা দেপা দাংতেমি নিমি। লোই লোইসো উইসে দিংঙাবিহা আকু মানক্যা দেপানুরোমা নাগাইসোরাং আপনি আপনিহিং সাং তাংকো য়রুশালেমতা ওয়াংয়ে।56আবিহা ইশু ওয়াংকোমে? তামসা ন্যইসুদিংমি। দেমসাতা জাসুদিংনুওয়া আবিহা তাইবিলারাই এপা জাংসুয়ে, “নাবিহা হাং নোমগা? আকুহা মানক্যাতা ওয়াংকোগা?”57মাটা পাউবি আসা ফরিসিবিহা ইশুহিং প্যইকো কেংসুদিংমি। আকো সোতা আবিহা ইশুহা হাংতা নিমে তামসা সিদা চ্যইমবিহিং দেরেং হিংপাপিকো তামসা জাংতেমি নিমি।
আবিহা জাংয়ে, “প্রভু, লেমসা কাং।”35আত্রংহা ইশুরে কাইয়ে।36ই তিংমসা আউতা নিওয়া য়হুদিবিহা জাংসুয়ে, “কাং, আকুহা লাজরসহিংয়া হাসেকো জেজেংপা জোমে!”37আদো লেরা-লেরাহা জাংসুয়ে, “মিচো মাতিংওয়াহিং মিচো তিংপাওয়ারাং ই মোকোতা? আকুহা লাজরসহিংয়া সিওয়াসো ঙারোপাকো মাচুকোগাসা?”38ন্যাসারাং ইশুহা তুংসিং নাপোসো লামতুপুয়ে আসা তোম্যইকো হোরোংবাহিংয়া আবেইতা ইরুং টেবো লুংটুইসো মেইপুমি নিমি।39ইশুহা জাংয়ে, “আকু লুংটুইহিং ওয়েংপাপুই।” লাজরসকো আনা মার্থাহা জাংয়ে, “প্রভু, আকুহিং তোম্যইতা এওয়া হিনিহা সাডিয়ু জিংপুনতেনা, নেচোইপা আকুহা মেনাংপুনতেম দোওয়া।”40ইশুহা আকুহিংয়া জাংয়ে, “নাতিমি দেংনাহা সেংজাকো টেবো সে তিংরোওয়া তামসা কা নাতিহিংয়া নাগাইসোরাং জাংমকোতা?”41আবিহা তোম্যইকো হোংবোইসো লুংটুই ওয়েংপায়ে আসা ইশুহা লোডিংবাতা ন্যইমসা জাংয়ে, “ও আপা, কা গারানি তারোওয়া, হাংপাতানাহা নাতিহা কুং নুওয়াং হিংমি নিও।42নাতিহা কুং নুওয়াংহিংয়া হাত্রংদো হিংমগা, আকুহা কা গেমি নিও। নাতিহা কাহিং নিংপুমগা তাওয়া নুওয়াং ইতা নিওয়া দিংঙাবিহা দেংনেরোওয়া তামসা কা নাকোতা পাচাইদিংয়ো।”43এসে জাংপুনতেনুকো নোইতাহা ইশুহা ঙামসা মোউয়ে, “ও লাজরস, বাইরেতা লেই।”44আত্রংহা সিপুনতেওয়া লাজরসহা লোমসা বাইরেতা লেহে। আকো খুইসো কোকোই আসা য়ুওয়াইহা লোংগুসো মেরোংওয়া নিমি। ইশুহা দিংঙাবিহিংয়া জাংয়ে, “লোংগু সিমসা আকুহিং হোকো পিচা।”45ইশুকো জোওয়া এপা জিংওয়া কাম তিংমসা মরিয়োমহিং দোসপাকো ওয়াংওয়া উইসে য়হুদিবিহা আকো তোইতা দেংয়ে।46আদো লেরাহা ফরিসিবিকোতা হোমসা ইশুকো জোওয়া কামবিহা আবিকোতা ল্যাকায়ে।47আত্রংহা মাটা পাউবি আসা ফরিসিবিহা য়হুদি সভা জোকো মোউয়ে আসা হুইসুমসা জাংয়ে, “নেহা য়াংবিহা হাং জোকোগা? আকু দিংঙাহা টেরবো টেরবো আআংপেপেচপুওয়া কামবি জোদিংয়ো।48য়াংবিমি ইহিং এপা জোকোমি পিচাদিংনাহা তাংসা দিংঙাবিহা আকুহিংয়া দেংরোওয়া, আসা রোমি সিপাইবিহা লেমসা য়োংকো দেমসাহিংয়া য়্যাপুরোওয়া আসা য়াংবি য়হুদি জ্যাবিহিংনে দাংপারোওয়া।”49আবিকো প্যাকোতাহা কাইয়াপা মিং নিওয়া ইচো দিংঙা নিমি। আকুরাং আত্রংকো লোকো টেবো পাউ নিমি। আকুহা জাংয়ে, “নাবিহা হাইরে মেগেমগা।50য়োংকো তাংসা জ্যা দাংপুমরোমা দিংঙাবিকো সোতা ইচো মেংচে সিকোরাং তাংসাকো সোতা এনতারোওয়া তাওয়া কোইরোওয়া।”51ই নুওয়াংহা আকুহা আপনিকো ইচ্ছাসো জাংওয়া মোকো, আদো আকুহা আত্রংকো লোকো টেবো পাউ জিংওয়াকো সোতা ইশুহা য়হুদি জ্যাবিকো সোতা সিনেরোওয়া তামসা অগমবাণী আকুহা জাংপুনতেমি নিমগা।52য়হুদিবিকো সোতা মেংচে মোকো, আদো ইতা উতা জিংপুওয়া সেংজাকো চেংবিহিং পারামসা চিত্তা একো ইশুহা সিনেরোওয়া তামসা জাংমি নিমি।53আকো সোতা আত্রংকো দিনসোহা আবিহা ইশুহিং স্যাকো নোসুয়ে।54এপা জিংপুনুওয়া ইশুহা আত্রংসোহা য়হুদিয়াতা তাংসা দিংঙাবি তিংকোইপা মাতেইতো। আউসোহা আকুহা চিচ্চোওয়া জায়গাকো আবেইতা নিওয়া এপ্রাইম তাওয়া শহরতা হোয়ে আসা আপনিকো য়োংতোংবিহিংপা আউতারাং য়ুংপে।55আত্রংহা য়হুদিবিকো নিস্তার মানক্যা দেপা দাংতেমি নিমি। লোই লোইসো উইসে দিংঙাবিহা আকু মানক্যা দেপানুরোমা নাগাইসোরাং আপনি আপনিহিং সাং তাংকো য়রুশালেমতা ওয়াংয়ে।56আবিহা ইশু ওয়াংকোমে? তামসা ন্যইসুদিংমি। দেমসাতা জাসুদিংনুওয়া আবিহা তাইবিলারাই এপা জাংসুয়ে, “নাবিহা হাং নোমগা? আকুহা মানক্যাতা ওয়াংকোগা?”57মাটা পাউবি আসা ফরিসিবিহা ইশুহিং প্যইকো কেংসুদিংমি। আকো সোতা আবিহা ইশুহা হাংতা নিমে তামসা সিদা চ্যইমবিহিং দেরেং হিংপাপিকো তামসা জাংতেমি নিমি।
The Seed Company