য়হুন্না1
1বাসিমতি দিংনুরোমা নাগাইহা য়্যইদি নিমগা। য়্যইদিহা সেংজাহিংপা নিমগা আসা সেংজারাং আকু য়্যইদি নিমগা।2আকু য়্যইদিহা বাসিমতি দিংনুরোমা নাগাইসোরাং সেংজাহিংপা নিমগা।3য়্যইদিসোরাং সেংজাহা তাংসা দিংয়ে। আসা ই বাসিমতিতা নিওয়া তাংসা সেংজা ল্যামসা হাংসুরে মাদিংতো।4আকোতাহা সাদি নিমগা আসা আকু সাদিরাং দিংঙাবিহিং হাহাইওয়া পিচামগা।5আকু হাহাইওয়াহা নাঘিওয়াতা লারাইমগা। নাঘিওয়াহা হাত্রংরে হাহাইওয়াহিংয়া স্যামক্যইতো।6সেংজাহা য়হুন্না মিং নিওয়া ইচো দিংঙাহিং নিংপুয়ে।7তাংসা দিংঙাবিহা আকু হাহাইওয়াহিং নাইমসা দেংকো ছুকো তামসা আকু হাহাইওয়াকো তোইতা জাংকো তামসা আকুহা লেমি নিমগা।8য়হুন্না আপনিরাং আকু হাহাইওয়া মোকোমগা, আদো আকুহা হাহাইওয়াহিং নাইপাকো লেমি নিমগা।9তাংসা দিংঙাবিহিং হাহাইওয়া পিচাওয়া আকু আজিপ্পাকো হাহাইওয়াহা বাসিমতিতা লেপামি নিমগা।10আকুহা বাসিমতিতা নিমগা। বাসিমতিহিংয়া আকুরাং দিংমগা। আদো বাসিমতিকো দিংঙাবিহা আকুহিংয়া মানাইতো।11আকুহা আপনিকো দিংঙাবিকোতারাং লেহে, আদো আকু দিংঙাবিহা আকুহিংয়া লেই মাতাতো।12আদো হাংসু আকুহিং লেইতামে আসা আকো তোইতা দেংমে, আবিহিংয়া আকুহা সেংজাকো চেংচুং জিংকো অধিকার পিচায়ে।13আবিহা আয়ু আপাসো কেওয়া মোকো আসা দিংঙাবিকো ইচ্ছাসো কেওয়ারে মোকো, আদো সেংজারাং আবিকো আপাগা।14য়্যইদিহা দিংঙা জিংপুয়ে আসা য়োংকো প্যাকোতা য়ুংয়ে। আকুহা অনুগ্রহ আসা আজিপ্পা নুওয়াংবিসো মেইপুওয়া নিমি। আকো নিংপুওয়া মহিমা তিংয়ো। আকু মহিমাহা সেংজাকোসো লেওয়া ইচো চিংওয়া চেংওয়া নিমি।15য়হুন্নাহা আকো তোইতা প্রমান পিচামি নিমগা। আকুহা ঙামসা জাংয়ে, “কুং, নুনুই লেপাওয়াহা কারোমা টেবো নিও, হাংপাতানাহা আকুহা কা কেনুরোমা নাগাই নিমগা। কুং, জাংওয়া নুওয়াংহা আকো তোইতারাংগা।”16আকো অনুগ্রহসোরাং য়াংবি তাংসা সিও-সিওপা আশিষ মুংচাদিংমি নিও।17হাংপাতানাহা মোসাসোহা য়াংবিহা লিংপাং মুংচামি নিমি, আদো ইশু খ্রীষ্টকোসোহা য়াংবিহা অনুগ্রহ আসা আজিপ্পাকো নুওয়াংবি মুংচামি নিও।18সেংজাহিংয়া হাংসুরে হাত্রংরে মাতিংয়াংতো। আদো সেংজাহিংপা আবেইতা নিওয়া ইচো চিংওয়া চেংওয়া মেংচে য়াংবিহিং তিংপামি নিও।19য়রুশালেমকো য়হুদি ওয়ারাংপাবিহা ইচো নিহসো পাউবি আসা দেমসাকো সেওয়াতা গুইজ্রুওয়া লেবিবিহিং “য়হুন্না হাংসুমে?” তামসা উইকো নিংপুয়ে।20য়হুন্নাহা জাংতোংপা জাংপুইয়ে, “কাহা মুক্তি পিচাওয়া জাইপু খ্রীষ্ট মোকোমি।”21আবিহা উইয়ে, “এপা বেনাহা নাতিহা হাংসুগা? নাতিহা এলিয়াগা?”
য়হুন্না জাংয়ে, “আঁহা, কা মোকোমি।”
আবিহা ন্যাসারাং উইয়ে, “নাতিহা অগমবক্তাগা?”
য়হুন্নাহা জাংয়ে, “মোকোমি।”22আবিহা জাংয়ে, “এপা বেনাহা নাতিহা হাংসুগা, জাংকে! কাবিহিং নিংপুমবিকোতা কাবিহা জাংয়ানেরো। নাতিহা আপনিহিং হাংসু তাকোগা?”23য়হুন্নাহা জাংয়ে, “কাহা এশাইয়া অগমবক্তাকো জাংমি ত্যাবাপা ‘প্রভুকো লেপাওয়া ন্যাতা তৈয়ার জো’ তামসা চিচ্চোওয়া জায়গাতা লামোংওয়া য়্যইদিগা।”24আসা আকু য়হুদিবিকো নিংপুওয়া আকু ফরিসিবিহা25নাতিহা সেংজাকো সেকেংত্যাওয়া খ্রীষ্ট, এলিয়া আসা অগমবক্তারে মোকোনাহা হাংপাসা বাপ্তিস্মা পিচামগা? তামসা উইয়ে।26য়হুন্নাহা আবিহিং জাংয়ে, “কাহা তিসো মেংচে বাপ্তিস্মা পিচাদিংয়ো। আদো নাবিকো প্যাকোতাহা মানাইওয়া ইচো দিংঙা নিও।27কুং নোইতা লেপাদাংওয়াহা আকুরাংগা আসা কাহা আকো জুতাকো সিংদিরে সিকো বেপা মোতো।”28ই তাংসা নুওয়াংহা য়র্দন জোরাকো নুবাই য়হুন্নাকো বাপ্তিস্মা পিচাদিংওয়া জায়গা বেথিনিয়া লোইতা জিংপুমি নিমি।29সাইয়ুকো নোইতাহা য়হুন্নাহা ইশুহিং আপনিকোতা দেপাওয়া তিংমসা জাংয়ে, “কাং, তাংসা বাসিমতিকো দিংঙাবিকো পাপহিং ওয়েংপাওয়া সেংজাকো লুকা!30আকো তোইতারাং কাহা জাংমি নিমগা, ‘কুং, নুনুই ইচো লেপাদাংয়ে, আকুহা কারোমা টেবোগা। হাংপাতানাহা আকুহা কা কেনুরোমা নাগাইসোরাং নিমগা।’31আকুহা হাংসুমে তামসা কা আকুহিংয়া মানাইয়াংমি, আদো আকুহিংয়া ইস্রাইলিবিকো প্যাকোতা নাইপাকোরাং কা বাপ্তিস্মা পিচোইমসা লেমগা।”32য়হুন্নাহা ন্যাসারাং প্রমান পিচামসা জাংয়ে, “কাহা পবিত্র লাংবেহিং লোডিংবাসো কুইজা বেপা উইমসা আকো তোইতা গাওয়া তিংয়ে।33কাহা আকুহিংয়া এনতাপারাং মানাইয়াংমি, আদো তিসো বাপ্তিস্মা পিচাকো তামসা কাহিং নিংপুওয়া সেংজাহা এপা জাংমি নিমগা, ‘হানি দিংঙাকো তোইতা নাতিহা পবিত্র লাংবে লেমসা গাওয়া তিং, আকুরাং পবিত্র লাংবেসো বাপ্তিস্মা পিচারোওয়া।’34ই নুওয়াং ইশুকোতা তাংসা জিংওয়া তিংমসা য়হুন্নাহা প্রমান পিচামসা জাংয়ে, আকুরাং সেংজাকো চেংওয়াগা।”35সাইয়ুকো নোইতা ন্যাসারাং য়হুন্না আকু লোইতারাং আপনিকো নিহসো য়োংতোংবিহিংপা জাদিংওয়া নিমি।36ইশুহিং আবেইসো হাদাংওয়া তিংমসা আকুহা জাংয়ে, “কাং, আকুরাং সেংজাকো লুকাগা।”37ই হিংমসা আকু নিহসো য়োংতোংবিহা ইশুকো নুনুই হুইপুয়ে।38ইশু নুনুই হুরামসা ন্যইনুওয়া আবিহা আপনিহিংপা নুনুই হুইপাওয়া তিংয়ে, আসা আবিহিং উইয়ে, “নাবিহা হাং মোদিংগা?”
আবিহা জাংয়ে, “রব্বি, (ই জাংওয়াহা উটকেওয়া) নাতিহা হাংতা য়ুংমগা?”39আকুহা জাংয়ে, “লেমসা কাং!” আত্রংহা জিরুংকো চার বজে গাংমি নিমি। আবিহা ইশুহিংপা হোয়ে আসা জিংদু-য়ুংদু কাংয়ে, আত্রংকো লিসুংহা আবিহা ইশুহিংপারাং য়ুংপে।40য়হুন্নাকো নুওয়াং হিংমসা ইশুকো নুনুই হুইওয়া নিহসোতাহা ইচোহা সিমোন পত্রসকো এ আন্দ্রিয়াস নিমি।41আম্যই নোইতাহা আপনিকো ডুওয়া সিমোন পত্রসহিং দোসুমসা আকুহা জাংয়ে, “কাবিহা সেংজাকো সেকেংত্যাওয়া খ্রীষ্টহিং দোসুনা।” (হিব্রু ক্যাতাহা মাসীহ তাওয়াহা মুক্তি পিচাওয়া খ্রীষ্টগা।)42আন্দ্রিয়াসহা সিমোনহিং ইশুকোতা পুরায়ে। ইশুহা সিমোনহিং তিংমসা জাংয়ে, “নাতিহা য়োওয়ানেসকো চেওয়া সিমোনগা। কাং, নাকো মিংহা কেপাস জিংরোওয়া।” (ই জাংওয়াহা পত্রসগা।)43আসা সাইয়ু নোইতাহা গালীল শহরতা হ্যারো তামসা ইশুহা আউসো নোপুমসা হায়ে। আত্রংহা আকুহা ফিলিপহিং দোসুয়ে আসা জাংয়ে, “কুং নুনুই লেই।”44ফিলিপহা পত্রস আসা আন্দ্রিয়াস ত্যাবাপা বেথসেদা শহরকো দিংঙা নিমি।45আকো নোইতা ফিলিপহা নাথানেলহিং দোসুমসা জাংয়ে, “লিংপাংকো হিগাতা মোসা আসা অগমবক্তাবি হাংসুকো তোইতা লাতেমি নিমে, আকুহিংয়া কাবিহা দোসুয়ে। আকুহা নাসরততা য়ুংওয়া য়োসেফকো চেংওয়া ইশু গুং।”46ই হিংমসা নাথানেলহা জাংয়ে, “নাসরতসোরে এনতাওয়া নুওয়াংবি ওয়াংকো চুকোগাসা?”
ফিলিপহা জাংয়ে, “আপনিরাং ওয়ামসা কাং!”47নাথানেলহিং আপনিকোতা ওয়াংপাওয়া তিংমসা ইশুহা জাংয়ে, “কাং, আকুহা আজিপ্পারাং ইস্রাইলি গুং, আকোতাহা হাইরে ল্যহপাওয়া মোতোতুং।”48নাথানেলহা উইয়ে, “নাতিহা কাহিংয়া হেপা নাইংগা?” ইশুহা জাংয়ে, “ফিলিপহা নাতিহিং মোউনুরোমা নাগাই নাতি মুইরাসেকো লিতা নিনুরাং কাহা নাতিহিংয়া তিংতেমি।”49নাথানেলহা জাংয়ে, “উটকেওয়া, নাতিহা সেংজাকো চেংওয়া গুং, নাতিহা ইস্রাইলিবিকো জাইপু গুং।”50ইশুহা জাংয়ে, “কা নাতিহিংয়া মুইরাসেকো লিতা তিংয়ে তামসা জাংমকো সোতা নাতিহা কাহিংয়া দেংমগা? নাতিহা ইরোমা টেরবো টেরবো নুওয়াংবি তিংরোওয়া।”51ইশুহা ন্যাসারাং জাংয়ে, “আজিপ্পারাং কা নাতিহিংয়া জাংরোওয়া, নাবিহা লোডিংবা ওয়েচপুওয়া আসা সেংজাকো লোডিংবাকো পোইংবিহিং দিংঙাকো চেংওয়াকো তোইতা লেপাদাংওয়া আসা হোদাংওয়া তিংরোওয়া।”
য়হুন্না জাংয়ে, “আঁহা, কা মোকোমি।”
আবিহা ন্যাসারাং উইয়ে, “নাতিহা অগমবক্তাগা?”
য়হুন্নাহা জাংয়ে, “মোকোমি।”22আবিহা জাংয়ে, “এপা বেনাহা নাতিহা হাংসুগা, জাংকে! কাবিহিং নিংপুমবিকোতা কাবিহা জাংয়ানেরো। নাতিহা আপনিহিং হাংসু তাকোগা?”23য়হুন্নাহা জাংয়ে, “কাহা এশাইয়া অগমবক্তাকো জাংমি ত্যাবাপা ‘প্রভুকো লেপাওয়া ন্যাতা তৈয়ার জো’ তামসা চিচ্চোওয়া জায়গাতা লামোংওয়া য়্যইদিগা।”24আসা আকু য়হুদিবিকো নিংপুওয়া আকু ফরিসিবিহা25নাতিহা সেংজাকো সেকেংত্যাওয়া খ্রীষ্ট, এলিয়া আসা অগমবক্তারে মোকোনাহা হাংপাসা বাপ্তিস্মা পিচামগা? তামসা উইয়ে।26য়হুন্নাহা আবিহিং জাংয়ে, “কাহা তিসো মেংচে বাপ্তিস্মা পিচাদিংয়ো। আদো নাবিকো প্যাকোতাহা মানাইওয়া ইচো দিংঙা নিও।27কুং নোইতা লেপাদাংওয়াহা আকুরাংগা আসা কাহা আকো জুতাকো সিংদিরে সিকো বেপা মোতো।”28ই তাংসা নুওয়াংহা য়র্দন জোরাকো নুবাই য়হুন্নাকো বাপ্তিস্মা পিচাদিংওয়া জায়গা বেথিনিয়া লোইতা জিংপুমি নিমি।29সাইয়ুকো নোইতাহা য়হুন্নাহা ইশুহিং আপনিকোতা দেপাওয়া তিংমসা জাংয়ে, “কাং, তাংসা বাসিমতিকো দিংঙাবিকো পাপহিং ওয়েংপাওয়া সেংজাকো লুকা!30আকো তোইতারাং কাহা জাংমি নিমগা, ‘কুং, নুনুই ইচো লেপাদাংয়ে, আকুহা কারোমা টেবোগা। হাংপাতানাহা আকুহা কা কেনুরোমা নাগাইসোরাং নিমগা।’31আকুহা হাংসুমে তামসা কা আকুহিংয়া মানাইয়াংমি, আদো আকুহিংয়া ইস্রাইলিবিকো প্যাকোতা নাইপাকোরাং কা বাপ্তিস্মা পিচোইমসা লেমগা।”32য়হুন্নাহা ন্যাসারাং প্রমান পিচামসা জাংয়ে, “কাহা পবিত্র লাংবেহিং লোডিংবাসো কুইজা বেপা উইমসা আকো তোইতা গাওয়া তিংয়ে।33কাহা আকুহিংয়া এনতাপারাং মানাইয়াংমি, আদো তিসো বাপ্তিস্মা পিচাকো তামসা কাহিং নিংপুওয়া সেংজাহা এপা জাংমি নিমগা, ‘হানি দিংঙাকো তোইতা নাতিহা পবিত্র লাংবে লেমসা গাওয়া তিং, আকুরাং পবিত্র লাংবেসো বাপ্তিস্মা পিচারোওয়া।’34ই নুওয়াং ইশুকোতা তাংসা জিংওয়া তিংমসা য়হুন্নাহা প্রমান পিচামসা জাংয়ে, আকুরাং সেংজাকো চেংওয়াগা।”35সাইয়ুকো নোইতা ন্যাসারাং য়হুন্না আকু লোইতারাং আপনিকো নিহসো য়োংতোংবিহিংপা জাদিংওয়া নিমি।36ইশুহিং আবেইসো হাদাংওয়া তিংমসা আকুহা জাংয়ে, “কাং, আকুরাং সেংজাকো লুকাগা।”37ই হিংমসা আকু নিহসো য়োংতোংবিহা ইশুকো নুনুই হুইপুয়ে।38ইশু নুনুই হুরামসা ন্যইনুওয়া আবিহা আপনিহিংপা নুনুই হুইপাওয়া তিংয়ে, আসা আবিহিং উইয়ে, “নাবিহা হাং মোদিংগা?”
আবিহা জাংয়ে, “রব্বি, (ই জাংওয়াহা উটকেওয়া) নাতিহা হাংতা য়ুংমগা?”39আকুহা জাংয়ে, “লেমসা কাং!” আত্রংহা জিরুংকো চার বজে গাংমি নিমি। আবিহা ইশুহিংপা হোয়ে আসা জিংদু-য়ুংদু কাংয়ে, আত্রংকো লিসুংহা আবিহা ইশুহিংপারাং য়ুংপে।40য়হুন্নাকো নুওয়াং হিংমসা ইশুকো নুনুই হুইওয়া নিহসোতাহা ইচোহা সিমোন পত্রসকো এ আন্দ্রিয়াস নিমি।41আম্যই নোইতাহা আপনিকো ডুওয়া সিমোন পত্রসহিং দোসুমসা আকুহা জাংয়ে, “কাবিহা সেংজাকো সেকেংত্যাওয়া খ্রীষ্টহিং দোসুনা।” (হিব্রু ক্যাতাহা মাসীহ তাওয়াহা মুক্তি পিচাওয়া খ্রীষ্টগা।)42আন্দ্রিয়াসহা সিমোনহিং ইশুকোতা পুরায়ে। ইশুহা সিমোনহিং তিংমসা জাংয়ে, “নাতিহা য়োওয়ানেসকো চেওয়া সিমোনগা। কাং, নাকো মিংহা কেপাস জিংরোওয়া।” (ই জাংওয়াহা পত্রসগা।)43আসা সাইয়ু নোইতাহা গালীল শহরতা হ্যারো তামসা ইশুহা আউসো নোপুমসা হায়ে। আত্রংহা আকুহা ফিলিপহিং দোসুয়ে আসা জাংয়ে, “কুং নুনুই লেই।”44ফিলিপহা পত্রস আসা আন্দ্রিয়াস ত্যাবাপা বেথসেদা শহরকো দিংঙা নিমি।45আকো নোইতা ফিলিপহা নাথানেলহিং দোসুমসা জাংয়ে, “লিংপাংকো হিগাতা মোসা আসা অগমবক্তাবি হাংসুকো তোইতা লাতেমি নিমে, আকুহিংয়া কাবিহা দোসুয়ে। আকুহা নাসরততা য়ুংওয়া য়োসেফকো চেংওয়া ইশু গুং।”46ই হিংমসা নাথানেলহা জাংয়ে, “নাসরতসোরে এনতাওয়া নুওয়াংবি ওয়াংকো চুকোগাসা?”
ফিলিপহা জাংয়ে, “আপনিরাং ওয়ামসা কাং!”47নাথানেলহিং আপনিকোতা ওয়াংপাওয়া তিংমসা ইশুহা জাংয়ে, “কাং, আকুহা আজিপ্পারাং ইস্রাইলি গুং, আকোতাহা হাইরে ল্যহপাওয়া মোতোতুং।”48নাথানেলহা উইয়ে, “নাতিহা কাহিংয়া হেপা নাইংগা?” ইশুহা জাংয়ে, “ফিলিপহা নাতিহিং মোউনুরোমা নাগাই নাতি মুইরাসেকো লিতা নিনুরাং কাহা নাতিহিংয়া তিংতেমি।”49নাথানেলহা জাংয়ে, “উটকেওয়া, নাতিহা সেংজাকো চেংওয়া গুং, নাতিহা ইস্রাইলিবিকো জাইপু গুং।”50ইশুহা জাংয়ে, “কা নাতিহিংয়া মুইরাসেকো লিতা তিংয়ে তামসা জাংমকো সোতা নাতিহা কাহিংয়া দেংমগা? নাতিহা ইরোমা টেরবো টেরবো নুওয়াংবি তিংরোওয়া।”51ইশুহা ন্যাসারাং জাংয়ে, “আজিপ্পারাং কা নাতিহিংয়া জাংরোওয়া, নাবিহা লোডিংবা ওয়েচপুওয়া আসা সেংজাকো লোডিংবাকো পোইংবিহিং দিংঙাকো চেংওয়াকো তোইতা লেপাদাংওয়া আসা হোদাংওয়া তিংরোওয়া।”
The Seed Company