লুক24
1আকো নোইতা আইতাবারে হাপকুং হোহোইনুসো আকু মেমেবিহা আপনিবিকো তৈয়ার জোমসা এওয়া ওহও্যহওয়া মোলোম আসা চুইতি পুমসা ইশুকো তোম্যইতা হোয়ে।2আউতা দেকানুওয়া আবিহা তোম্যইহিং তুংওয়া লুংটুইহা ওয়েংপুনতেওয়া তিংয়ে।3আসা তোম্যইকো নাপোতা হোনুওয়া আবিহা প্রভু ইশুকো সিপুওয়া জুপাহিংয়া মাতিংতো।4আবিহা আঙিং-উঙিংপা জাসুদিংনুওয়া আত্রংহা চাইচাইক্যইওয়া আংদুং লুওয়া নিহসো দিংঙা আবিকো আবেইতা জায়োংয়ে।5আকু মেমেবিহা চুসুংপুমসা নুউসুয়ে, আত্রংহা আকু নিহসো দিংঙাহা জাংয়ে, “নাবিহা ঙারোন তেওয়াহিংয়া সিপুমবিকো তোম্যইতা হাংপা মোমগা?6ইশুহা ইতা মাতানা। আকুহা সিপুওয়াসো ঙারোনতেনা। গালীলতা নিনু আকুহা নাবিহিংয়া হাং জাংমি নিমগা আকু প্যারাপা।7‘দিংঙাকো চেংওয়াহিংয়া পাপিবিকো খুইতা স্যইপুরোওয়া, ক্রুসতা স্যাপুরোওয়া, আসা সাসুংয়ুংতাহা আকুহা ন্যাসারাং সিপুওয়াসো ঙারোরোওয়া’ তামসা জাংওয়া নুওয়াংহা নাবিহা প্যারাপা।”8আত্রংরাং আবিহা ইশুকো জাংওয়া নুওয়াং প্যারা তাংয়ে।9মেমেবিহা তোম্যইসো লায়োংমসা আপনিকো তিংওয়া তাংসা নুওয়াং এগারচো য়োংতোংবিহিং আসা দোসরা দিংঙাবিহিং হিংপায়ে।10আকু মেমেবিহা মরিয়োম মোগদিলিনি, য়োআন্না, আসা য়াকুবকো আয়ু মরিয়োম নিমি, আসা আবিহিংপা নিওয়া লেরা মেমেবিরে ই নুওয়াংহা এগারচো জেংওয়া পোইংবিহিং হিংপায়ে।11আদো আবিকো জাংওয়া নুওয়াংহা আজ্যাপাগে তামসা মাদেংতো।12আদো পত্রসহা তাত্রিংপা লোমসা তোম্যইতা ঠুউইপুমসা হোয়ে। আউতা দেকামসা নাপোতা হোমসা কানুওয়া লোংগু মেংচে তিংয়ে। ই তিংমসা আকুহা আআংপেপেচপা জিংপুমসা সাতা লাকাপে।13আত্রংকো দিনরাং ইশুকো নিহসো য়োংতোংবিহা য়রুশালেমসো এগারো কিলোমিটার তানাং ইমাউস তাওয়া লোইতা হোদাংমি।14আবিহা ইশুকো তোইতা জিংপুওয়া নুওয়াংবি ল্যাসুদিংমি।15এপারাং ল্যাসুমসা হোদিংনুওয়া ইশু লেমসা আবিহিংপারাং তেইয়ে।16আদো আবিহা আকুহিংয়া নাইমক্যইতো।17ইশুহা আবিহিংয়া উইয়ে, “নাবিহা হাং নুওয়াং ল্যাসুমসা তেসোইদিংমগা?”
আবিহা আআংপেপেচপা জিংপুমসা টিক্কিংপা জাসুয়ে। আবিকো য়ুওয়াইহা মাসাংমিরিংপা তিংদিংমি।18ই নিহসোতাহা কলেওপাস তাওয়াহা আকুহিং উইয়ে, “বাইরেসো কোইয়োংকো ওয়াংমবিতাহা নাতি মেংচে ই নুওয়াং মেগেমগুং। হিনি জুকুংকো য়রুশালেমতা জিংওয়া নুওয়াংহা নাতিহা মাহিংয়াংগা?”19ইশুহা উইয়ে, “হেপাজিওয়া নুওয়াংহা?”
আবিহা জাংয়ে, “নাসরতকো ইশুকো তোইতা জিংপুওয়া নুওয়াং। আকুহা ইচো অগমবক্তা নিমি, আসা আকুহা সেংজা আসা দিংঙাবিকো নাগাইতা কাম জোওয়াতাসো য়্যইদিতাহা সে নিমি।20আদো কাবিকো মাটা পাউবি আসা মাটা দিংঙাবিহা আকুহিংয়া ক্রুসতা স্যাপাপুয়ে।21আকুরাং ইস্রাইলিবিহিংয়া উদ্ধার জোরোওয়া তামসা কাবিহা আশা জোমি নিমগা, আদো আকুহিংয়া ক্রুসতা স্যাপুওয়াহা হিনিহা সাসুংয়ুং জিংপুনতেও।22ই ল্যামসা কাবিকো ইচো নিহসো হুম্রিবি, আনাবিহা কাবিহিং আআংপেপেচপা জোপুয়ে। আবিহা হিনি হাপকুংসো তোম্যইতা হোমকোগুং,23আদো আউতা আবিহা ইশুকো সিপুওয়া জুপা মোদোনুওয়া, আবিহা কাবিকোতা ওয়াংমসা হিংপায়ে, ‘কাবিহা লোডিংবাকো পোইংহিং তিংনা’ আসা আকু পোইংহা ‘ইশু মিসিয়াংনা’ তামসা জাংত্যাহ্যা।24ই হিংমসা লেরা কাবিকো ব্যারোবিহা তোম্যইতা কাকো হোয়ে। আবিরে আকু মেমেবিকো জাংমবেপারাং তিংয়ে, আদো ইশুহিংয়া মিতিংতো।”25ইশুহা আবিহিং জাংয়ে, “ও মোকোইওয়া দিংঙাবাই! অগমবক্তাবিকো জাংওয়া নুওয়াং দেংকোরে নাবিহিংয়া হাসেকো মোচুম্যান্যাপা জিংপুমগা!26আদরসো মহিমা মুংচানুরোমা নাগাই খ্রীষ্টহা মোকোইচ্যাইকোগা?”27ইশুহা মোসাসো আসা তাংসা অগমবক্তাবিকোসো তেংপুমসা তাংজিকো হিগাতা আপনিকো তোইতা লাওয়া নুওয়াংবিহা আবিহিং কোইপাপিয়ে।28ইমাউস লোইকো আবিতা দেয়োংনুওয়া ইশুহা আবিরোমা নাগাই নাগাই হোদাংয়ে।29আদো আকু নিহসো য়োংতোংবিহা এপা জাংচায়ে, “মারি মোপুদাংতেনা হিনিহা নাতিহা কাবিহিংপারাং য়ুংপুই।” আত্রংহা ইশুহা আবিহিংপারাং য়ুংকো তামসা সাতা হোয়ে।30হাত্রং ইশুহা আবিহিংপা চাকো গা, আত্রংহা আকুহা কোব্রেং চুংমসা গারানি তায়ে, আসা কোব্রেং চোচোনোনোপা ছিমসা আবিহিং পিচায়ে।31আত্রংহা আবিকো মিচো ওয়েহে আসা আবিহা ইশুহিং নাইয়ে। আত্রংরাং ইশুহা আউসো য়াংপুয়ে।32আবিহা আউতা তাইবিলারাই এপা জাংমসা উইসুয়ে, “আকু য়াংবিহিংপা ন্যাতাতা তেইনু আসা তাংজিকো হিগাকো নুওয়াং ল্যানুওয়া য়োংকো তুংসিং গাগ্রুপা নিমকোতা?”33আসা আবিহা আত্রংতারাং লোপুমসা য়রুশালেমতা হোপুয়ে। আউতা দেকানুওয়া আবিহা এগারচো জেংওয়া পোইংবিহিংপা চিত্তা নিওয়া দোসরা দিংঙাবিহিংনে এপা জাংমসা ল্যাসুদিংওয়া দোসুয়ে, “আজিপ্পারাং প্রভুহা সিপুওয়াসো ঙারোমি নিও। আকুহা সিমোনহিংপা দোসুমকোরাং গুং!”35আসা আবিহা আকু নিহসো য়োংতোংবি ন্যাতাতা জিংপুওয়া নুওয়াংবি আসা ইশু কোব্রেং ছিমসা পিচানুওয়া হেপা আবিহা ইশুহিং নাইমে, আকু নুওয়াংহা দোসরা য়োংতোংবিহিং হিংপায়ে।36ই নুওয়াং ল্যাসুদিংওয়া কোকোইত্তা ইশুহা তাত্রিংপা আবিকো প্যাকোতা তিংয়ায়ে, আসা জাংয়ে, “নাবিহিং তিমেপা জিংকো।”37জেসাং তিংয়ো তাওয়া নোমসা আবিহা চুসুংপুয়ে।38আদো ইশুহা আবিহিংয়া জাংয়ে, “নাবিহা হাংপাসা এপা চুসুংপুমগা? হাংপা নাবিহা মাদেংমগা? কাহা মিসিয়াংনা!39কুং খুই কোকোইবি সুমসা কাং, কারাংগা, হাংপাতানাহা জেসাংকোহা লুইটোসো বিয়াহা মাতামগা, আদো নাবিহা তিংদিংয়ো, কুংহা নিও।”40এপা জাংমসা আকুহা আবিহিংয়া আপনিকো খুই আসা কোকোই তিংপায়ে।41আদো আবিহা য়াংতাসুমসা আআংপেপেচপা জিংপুমসা দেংকো মোচুপুনুওয়া, ইশুহা আবিহিংয়া জাংয়ে, “নাবিহিংপা হাইক্রি চাওয়া নিংগা?”42আবিহা আকুহিংয়া কিংপুনতেওয়া নায়া পিচায়ে।43আকুহা আকু নায়া য়ুমসা আবিকো নাগাইতারাং চাপুয়ে।44আসা আকুহা আবিহিং জাংয়ে, কা নাবিহিংপা নিনুওয়া জাংতেওয়া নুওয়াংবিহা ইরাংগা। মোসাকো লিংপাং, অগমবক্তাবি আসা লেদিকো হিগাতা লাওয়া নুওয়াংবিহা তাংসা জিংনেরোওয়া।45আকো নোইতা ইশুহা তাংজিকো হিগাতা লাওয়া কোইকো সে পিচায়ে।46আকুহা আবিহিং জাংয়ে, “তাংজিকো হিগাতা এপা লামি নিও, মুক্তি পিচাওয়া খ্রীষ্টহা কোইচ্যানেরোওয়া আসা সাসুংয়ুতা সিমসা ঙারোনেরোওয়া।47খ্রীষ্টকো মিংতা আপনিকো পাপহিং নোমসা পাপ ল্যানাহা পাপকো ছমা মুংচারোওয়া, তামসা তাংসাতা হিংপাপিনেরোওয়া। ই নুওয়াংহা য়রুশালেমসো তেংমসা তাংসা জ্যাকো দিংঙাবিহিং হিংপানেরোওয়া।48ই তাংসা জিংপুওয়া নুওয়াংবিকো গাওয়াইহা নাবিরাংগা।49আদো হিং, কুং আপাকো জাংতেওয়া সেই কা নাবিকোতা হানি সে নিংপুদাং, আকু তোইসো লেওয়া আপাকো সে মামুংচানু চোইপা নাবিহা ই শহরতারাং খুইমসা য়ুং।”50আকো নোইতা ইশুহা য়োংতোংবিহিং শহরসো বেথানিয়া লোইতা পুরায়ে, আসা আউতা দেকামসা আকুহা আপনিকো খুই তোরোইমসা আবিহিং আশিষ পিচায়ে।51আকুহা আশিষ পিচাওয়া কোকোইত্তা আবিকোসো তানাং জিংপুমসা লোডিংবাতা তোরোইচপুয়ে।52আবিহা আকুহিং তাচায়ে, আসা গাগ্রুমসা য়রুশালেমতা লায়োংপে।53আবিহা হাত্রংদো দেমসাতা ওয়াংচাংমি আসা সেংজাহিং তাচাচাংমি।
আবিহা আআংপেপেচপা জিংপুমসা টিক্কিংপা জাসুয়ে। আবিকো য়ুওয়াইহা মাসাংমিরিংপা তিংদিংমি।18ই নিহসোতাহা কলেওপাস তাওয়াহা আকুহিং উইয়ে, “বাইরেসো কোইয়োংকো ওয়াংমবিতাহা নাতি মেংচে ই নুওয়াং মেগেমগুং। হিনি জুকুংকো য়রুশালেমতা জিংওয়া নুওয়াংহা নাতিহা মাহিংয়াংগা?”19ইশুহা উইয়ে, “হেপাজিওয়া নুওয়াংহা?”
আবিহা জাংয়ে, “নাসরতকো ইশুকো তোইতা জিংপুওয়া নুওয়াং। আকুহা ইচো অগমবক্তা নিমি, আসা আকুহা সেংজা আসা দিংঙাবিকো নাগাইতা কাম জোওয়াতাসো য়্যইদিতাহা সে নিমি।20আদো কাবিকো মাটা পাউবি আসা মাটা দিংঙাবিহা আকুহিংয়া ক্রুসতা স্যাপাপুয়ে।21আকুরাং ইস্রাইলিবিহিংয়া উদ্ধার জোরোওয়া তামসা কাবিহা আশা জোমি নিমগা, আদো আকুহিংয়া ক্রুসতা স্যাপুওয়াহা হিনিহা সাসুংয়ুং জিংপুনতেও।22ই ল্যামসা কাবিকো ইচো নিহসো হুম্রিবি, আনাবিহা কাবিহিং আআংপেপেচপা জোপুয়ে। আবিহা হিনি হাপকুংসো তোম্যইতা হোমকোগুং,23আদো আউতা আবিহা ইশুকো সিপুওয়া জুপা মোদোনুওয়া, আবিহা কাবিকোতা ওয়াংমসা হিংপায়ে, ‘কাবিহা লোডিংবাকো পোইংহিং তিংনা’ আসা আকু পোইংহা ‘ইশু মিসিয়াংনা’ তামসা জাংত্যাহ্যা।24ই হিংমসা লেরা কাবিকো ব্যারোবিহা তোম্যইতা কাকো হোয়ে। আবিরে আকু মেমেবিকো জাংমবেপারাং তিংয়ে, আদো ইশুহিংয়া মিতিংতো।”25ইশুহা আবিহিং জাংয়ে, “ও মোকোইওয়া দিংঙাবাই! অগমবক্তাবিকো জাংওয়া নুওয়াং দেংকোরে নাবিহিংয়া হাসেকো মোচুম্যান্যাপা জিংপুমগা!26আদরসো মহিমা মুংচানুরোমা নাগাই খ্রীষ্টহা মোকোইচ্যাইকোগা?”27ইশুহা মোসাসো আসা তাংসা অগমবক্তাবিকোসো তেংপুমসা তাংজিকো হিগাতা আপনিকো তোইতা লাওয়া নুওয়াংবিহা আবিহিং কোইপাপিয়ে।28ইমাউস লোইকো আবিতা দেয়োংনুওয়া ইশুহা আবিরোমা নাগাই নাগাই হোদাংয়ে।29আদো আকু নিহসো য়োংতোংবিহা এপা জাংচায়ে, “মারি মোপুদাংতেনা হিনিহা নাতিহা কাবিহিংপারাং য়ুংপুই।” আত্রংহা ইশুহা আবিহিংপারাং য়ুংকো তামসা সাতা হোয়ে।30হাত্রং ইশুহা আবিহিংপা চাকো গা, আত্রংহা আকুহা কোব্রেং চুংমসা গারানি তায়ে, আসা কোব্রেং চোচোনোনোপা ছিমসা আবিহিং পিচায়ে।31আত্রংহা আবিকো মিচো ওয়েহে আসা আবিহা ইশুহিং নাইয়ে। আত্রংরাং ইশুহা আউসো য়াংপুয়ে।32আবিহা আউতা তাইবিলারাই এপা জাংমসা উইসুয়ে, “আকু য়াংবিহিংপা ন্যাতাতা তেইনু আসা তাংজিকো হিগাকো নুওয়াং ল্যানুওয়া য়োংকো তুংসিং গাগ্রুপা নিমকোতা?”33আসা আবিহা আত্রংতারাং লোপুমসা য়রুশালেমতা হোপুয়ে। আউতা দেকানুওয়া আবিহা এগারচো জেংওয়া পোইংবিহিংপা চিত্তা নিওয়া দোসরা দিংঙাবিহিংনে এপা জাংমসা ল্যাসুদিংওয়া দোসুয়ে, “আজিপ্পারাং প্রভুহা সিপুওয়াসো ঙারোমি নিও। আকুহা সিমোনহিংপা দোসুমকোরাং গুং!”35আসা আবিহা আকু নিহসো য়োংতোংবি ন্যাতাতা জিংপুওয়া নুওয়াংবি আসা ইশু কোব্রেং ছিমসা পিচানুওয়া হেপা আবিহা ইশুহিং নাইমে, আকু নুওয়াংহা দোসরা য়োংতোংবিহিং হিংপায়ে।36ই নুওয়াং ল্যাসুদিংওয়া কোকোইত্তা ইশুহা তাত্রিংপা আবিকো প্যাকোতা তিংয়ায়ে, আসা জাংয়ে, “নাবিহিং তিমেপা জিংকো।”37জেসাং তিংয়ো তাওয়া নোমসা আবিহা চুসুংপুয়ে।38আদো ইশুহা আবিহিংয়া জাংয়ে, “নাবিহা হাংপাসা এপা চুসুংপুমগা? হাংপা নাবিহা মাদেংমগা? কাহা মিসিয়াংনা!39কুং খুই কোকোইবি সুমসা কাং, কারাংগা, হাংপাতানাহা জেসাংকোহা লুইটোসো বিয়াহা মাতামগা, আদো নাবিহা তিংদিংয়ো, কুংহা নিও।”40এপা জাংমসা আকুহা আবিহিংয়া আপনিকো খুই আসা কোকোই তিংপায়ে।41আদো আবিহা য়াংতাসুমসা আআংপেপেচপা জিংপুমসা দেংকো মোচুপুনুওয়া, ইশুহা আবিহিংয়া জাংয়ে, “নাবিহিংপা হাইক্রি চাওয়া নিংগা?”42আবিহা আকুহিংয়া কিংপুনতেওয়া নায়া পিচায়ে।43আকুহা আকু নায়া য়ুমসা আবিকো নাগাইতারাং চাপুয়ে।44আসা আকুহা আবিহিং জাংয়ে, কা নাবিহিংপা নিনুওয়া জাংতেওয়া নুওয়াংবিহা ইরাংগা। মোসাকো লিংপাং, অগমবক্তাবি আসা লেদিকো হিগাতা লাওয়া নুওয়াংবিহা তাংসা জিংনেরোওয়া।45আকো নোইতা ইশুহা তাংজিকো হিগাতা লাওয়া কোইকো সে পিচায়ে।46আকুহা আবিহিং জাংয়ে, “তাংজিকো হিগাতা এপা লামি নিও, মুক্তি পিচাওয়া খ্রীষ্টহা কোইচ্যানেরোওয়া আসা সাসুংয়ুতা সিমসা ঙারোনেরোওয়া।47খ্রীষ্টকো মিংতা আপনিকো পাপহিং নোমসা পাপ ল্যানাহা পাপকো ছমা মুংচারোওয়া, তামসা তাংসাতা হিংপাপিনেরোওয়া। ই নুওয়াংহা য়রুশালেমসো তেংমসা তাংসা জ্যাকো দিংঙাবিহিং হিংপানেরোওয়া।48ই তাংসা জিংপুওয়া নুওয়াংবিকো গাওয়াইহা নাবিরাংগা।49আদো হিং, কুং আপাকো জাংতেওয়া সেই কা নাবিকোতা হানি সে নিংপুদাং, আকু তোইসো লেওয়া আপাকো সে মামুংচানু চোইপা নাবিহা ই শহরতারাং খুইমসা য়ুং।”50আকো নোইতা ইশুহা য়োংতোংবিহিং শহরসো বেথানিয়া লোইতা পুরায়ে, আসা আউতা দেকামসা আকুহা আপনিকো খুই তোরোইমসা আবিহিং আশিষ পিচায়ে।51আকুহা আশিষ পিচাওয়া কোকোইত্তা আবিকোসো তানাং জিংপুমসা লোডিংবাতা তোরোইচপুয়ে।52আবিহা আকুহিং তাচায়ে, আসা গাগ্রুমসা য়রুশালেমতা লায়োংপে।53আবিহা হাত্রংদো দেমসাতা ওয়াংচাংমি আসা সেংজাহিং তাচাচাংমি।
The Seed Company