য়াকুব4
1নাবিকো প্যাকোতাহা স্যাসুওয়া আসা লুইসুওয়া হানিসো ওয়াংমগা? ই তাংসাহা নাবিকো জুপাকো অঙ্গবিতা লুইসু স্যাসুদিংওয়া অভিলাষাবিসোরাং ওয়াংওয়া মোকোমগাসা?2আপনিকো ইচ্ছা জোওয়া নুওয়াং মামুংচানুরাং লুইসু ছেহসুমগা। আবিহিংয়া হাই নুওয়াং মোতোপারে মাতুমগা আসা আকু মুংচাকো মাছুনুওয়া লুইসু স্যাসুমগা। সেংজাকোতা মায়ামকো সোতা নাবিকোতা মোতো।3য়াদো নাবিহা অভিলাষা জোকো দুষ্ট নোচেংসো য়ামগা, আকো সোতা মামুংগা।4ও নুংনাংসুওয়া দিংঙাবাই! বাসিমতিহিং জেজেংপা জোওয়াহা সেংজাকো দুসমন জিংমগা তাওয়াহা নাবিহা মেগেমগা।5“নাবিহা এপাহা মোনোগে, না পবিত্র তাংজিকো হিগাহা তেংবে এপা জাংমগা, য়াংবিকোতা সেংজাকো এপিওয়া লাংবেহা সিওপারাং ইর্ষা জোমগা।”6আদো আকো জোওয়া অনুগ্রহহা ঝান সাডুংপা নিও। তাংজিকো হিগাতা এপা লামি নিও, “সেংজাহা পুংটাবিহিংয়া বিরোধ জোমগা, আদো নম্রবিকো তোইতাহা অনুগ্রহ জোমগা।”7আকো সোতা সেংজাকো অধীনতা য়ুং। শয়তানহিং বিরোধ জো আসা আকুহা নাবিকোসো ক্যাপুরোওয়া।8নাবিহা সেংজাকো আবেইতা লেই আসা সেংজারে নাবিকো আবেইতা লেরোওয়া। ও পাপিবাই, আপনিকো খুই দুমসা সাফা জো। ও নিহদ্যা তুংসিং নিওয়াবাই, আপনিকো তুংসিংহিং চোসোপা জো।9নাবিহা কাই, চিলিং আসা বিলাপ জো। নাবিকো লেংওয়াহা বিলাপতা, আসা নাবিকো গাগ্রুওয়াহা দুঃখতা পরিবর্তন জিংকো।10প্রভুকো নাগাইতা আপনিহিং নম্র বানাই আসা আকুহা নাবিহিংয়া তোরোইরোওয়া।11ও ডুওয়া এবাই আসা হুম্রিবাই, হাংসুকো বিরোধতারে মেংতাওয়া নুওয়াং মোয়্যই। আপনিকো দেংওয়া ডুওয়া এবিকো তোইতা বিরোধতা মেংতাপা য়্যইওয়া আসা দোষ লাগাইওয়া দিংঙাহা লিংপাংকো বিরোধতা য়্যইমগা আসা ব্যবস্থাহিং দোষ লাগাইমগা। নাতিমি লিংপাংকো দোষ জোনাহা, নাতিহা ইকো পালন জোওয়া মোকো, আদো ন্যায় জোওয়া জিংপুরোওয়া।12সেংজা মেংচে লিংপাং পিচাওয়া আসা ন্যায় জোওয়াগা। বাচাইওয়া আসা দাংপাকো চুওয়াহা আকু মেংচে নিও। নাতিহা আপনিহিং হাং নোমগা আপনিকো সাবেইবিহিং দোষ লাগাইকোহা?13“হিনি মোকোনাহা জুকুং কাবিহা হানি জিংদো শহরবিতা হ্যারোওয়া আসা লো ইনিং ব্যাপার জোসুরোওয়া, আসা পুংজি কামাইসুরোওয়া” তাওয়া নাবিহা কুং নুওয়াং হিং।14হাংপাতানাহা জুকুং হাং জিংকোমে নাবিহা হাইরে মেগেমগা। নাবিকো সাদিহা হাংগা? নাবিহা আম্যইতিংওয়া আসা বিলেচপুমসা য়াংপুওয়া তিকো গুইংতুওয়া বেপারাংগা।15এপা জাংওয়ারোমাহা নাবিহা এপা জাংনেকোগা, “সেংজাকো ইচ্ছা জিংনাহা কাবিহা বাচেমসা ই জোরো মোকোনাহা আকু জোসুরো।”16আদো নাবিহা আপনিহিং টেবো বানাইরো তাওয়া নোমসা পুংটা জোমগা এপা পুংটা জোওয়াহা দুষ্টগা।17আকো সোতা হাংসু এনতাপা জোনেমগা তাওয়া গেমসারে মোজোদানাহা আকুহা পাপ জোমগা।
The Seed Company