য়াকুব3
1কুং এবাই, নাবিকো প্যাকোতা সিওপা ঝিপাওয়া জিংকো মেকেংগ্যই, হাংপাতানাহা ঝিপাওয়াহিংয়া দোসরাহিংরোমা সিওপা ন্যায় জিংরোওয়া তামসা নাবিহা গেমিরাং নিও।2য়াংবিহা তাংসারাং সিওপারাং ভুল জোমগা, আদো হাংসু দিংঙা আপনিকো য়্যইওয়াহিং অধীনতা একো ছু, আকু দিংঙারাং সিদ্ধ দিংঙাগা, হাংপাতানাহা এপাজিংওয়া দিংঙারাং আপনিকো জুপাহিং য়োইমসা একো ছুমগা।3আপনিকো জাংওয়া মানেকো তামসা ওইংঙাহিংয়া লগাম লাগাইমগা আসা হাংতা ইচ্ছা জিং, আউতারাং য়াংবিহা পুরাকো ছুমগা।4এপা জোমসারাং তিকো টেবো জাহাজরে টেবো বিংঙাসো উদ্যাতা হ্যাদাংমি চুইদো, আকুহিংয়া আপেচাওয়া পতওয়ারসো সেন্নেপা হুরাপাকো ছুমগা। জাহাজ বাংপোইওয়া কেপ্ট্যাইনহা আপনিকো নোওয়া সেই আকুহিংয়া হুরাপাকো ছুমগা।5লেবেরে এপারাংগা। ইহা এসেপাকো আত্যইচিংক্যইদো টেরবো টেরবো নুওয়াংকো পুংটা জোকো ছুমগা।
অ্যাত্যইচিংওয়া মেহকো মিজাইসোরে টেরবো টেররো চুংচাহিংনে ওংপাকো ছুমগা।6লেবেরে ইচো মেহরাংগা। ইহা জুপাকো অঙ্গবিতাহা তাংসারোমা দুষ্টগা। ইহা দিংঙাকো তাংসা জুপাতা অপবিত্র জোপুমগা। ইহা নরককো মেহসো য়োংকো পুরা সাদিহিং ওংপামগা।7দিংঙাহা তাংসা চুংচাকো জিয়া-জিপেইবি আসা য়্যইংওয়া সেংচেংবি আসা ঝাহাদিতা য়ুংওয়া প্রাণীবিহিং অধীনতা একো ছুমগা, একোরে এদিংয়ো।8আদো লেবেহিংয়া হাংসুরে অধীনতা একো মাছুয়াংতো। লেবেহা অধীনতা মায়ুংওয়া দুষ্ট আসা চুসুং-মাইসুংক্যইওয়া লিংসো মেইপুওয়া নিমগা।9ইসোরাং য়াংবিহা য়াংবিকো প্রভু আসা সেংজা আপাহিং ই লেবেসোরাং গারানি তামগা আসা ই লেবেসোরাং ন্যাসারাং সেংজাকো রূপতা সৃষ্টি জোওয়া দিংঙাহিং শ্রাপ পিচামগা।10ই ইচো নামুসোরাং প্রশংসা আসা শ্রাপরে নোমগা। ও কুং ডুওয়া এবাই আসা হুম্রিবাই, এপাহা জিংমতুরোওয়া!11ইচো তি নুইওয়া পাটিংসোহা কাক্যইওয়াসো টাটাওয়া তি নোমগা?12ও কুং ডুওয়া এবাই আসা হুম্রিবাই, মুইরাসেকো সিংতেংসো জাইতুনকো ফল সেকো মাছুমগা আসা আংগুরকো সিংতেংসোহা মুইরাসে সেমক্যইমগা, কাক্যইওয়া তিকো পাটিংসোহা টাটাক্যইওয়া তি নুইকো মাছু।13নাবিকো প্যাকোতাহা দুংজি নিওয়া আসা কোইকো ছুওয়া দিংঙা নিনাহা, আকুহা আপনিকো এনতাওয়া তেইওয়া-য়ুংওয়াসো আসা দুংজি নিওয়া কাম জোমসা তিংপানেরোওয়া।14আদো নাবিকোতামি তুংসিংতা ইচোহা ইচোহিং ন্যইমক্যইমেপা মিছিমেপা জোওয়া আসা স্বার্থ নিনাহা আপনিকো দুংজিতা পুংটা জোমসা আজিপ্পাকো বিরোধতা পাপ মোজো।15এপাজিংওয়া দুংজিহা লোডিংবাসো লেওয়া মোকো, আদো এপা জিংওয়া দুংজিহা লিসো নোওয়া বাসিমতিকোরাং আসা শয়তানকো দুংজিগা।16হাংতা মিচাওয়া আসা স্বার্থ নি, আউতাহা তাংসা কিসিমকো গলমাল আসা তাংসা কিসিমকো দুষ্ট নুওয়াংবিরে নিমগা।17আদো লোডিংবাসো লেওয়া দুংজিহা হাংসুরোমা নাগাইহা চোসোওয়া, তিমেপা জিংওয়া, সোজো আসা চাংসুমসা য়ুংওয়া জিংমগা। এপাজিংওয়া দুংজিহা লামতু-লামতুওয়াসো মেইপুওয়া নিমগা আসা এনতাওয়া কামকো ফল সেপামগা। ইহা পক্ছপাতি আসা কপটি মাজিংমগা।18তিমেওয়া পারাওয়াবিহা চাংসপাওয়াকো কাম জোমসা তাংজিকো ফল সেপামগা।
অ্যাত্যইচিংওয়া মেহকো মিজাইসোরে টেরবো টেররো চুংচাহিংনে ওংপাকো ছুমগা।6লেবেরে ইচো মেহরাংগা। ইহা জুপাকো অঙ্গবিতাহা তাংসারোমা দুষ্টগা। ইহা দিংঙাকো তাংসা জুপাতা অপবিত্র জোপুমগা। ইহা নরককো মেহসো য়োংকো পুরা সাদিহিং ওংপামগা।7দিংঙাহা তাংসা চুংচাকো জিয়া-জিপেইবি আসা য়্যইংওয়া সেংচেংবি আসা ঝাহাদিতা য়ুংওয়া প্রাণীবিহিং অধীনতা একো ছুমগা, একোরে এদিংয়ো।8আদো লেবেহিংয়া হাংসুরে অধীনতা একো মাছুয়াংতো। লেবেহা অধীনতা মায়ুংওয়া দুষ্ট আসা চুসুং-মাইসুংক্যইওয়া লিংসো মেইপুওয়া নিমগা।9ইসোরাং য়াংবিহা য়াংবিকো প্রভু আসা সেংজা আপাহিং ই লেবেসোরাং গারানি তামগা আসা ই লেবেসোরাং ন্যাসারাং সেংজাকো রূপতা সৃষ্টি জোওয়া দিংঙাহিং শ্রাপ পিচামগা।10ই ইচো নামুসোরাং প্রশংসা আসা শ্রাপরে নোমগা। ও কুং ডুওয়া এবাই আসা হুম্রিবাই, এপাহা জিংমতুরোওয়া!11ইচো তি নুইওয়া পাটিংসোহা কাক্যইওয়াসো টাটাওয়া তি নোমগা?12ও কুং ডুওয়া এবাই আসা হুম্রিবাই, মুইরাসেকো সিংতেংসো জাইতুনকো ফল সেকো মাছুমগা আসা আংগুরকো সিংতেংসোহা মুইরাসে সেমক্যইমগা, কাক্যইওয়া তিকো পাটিংসোহা টাটাক্যইওয়া তি নুইকো মাছু।13নাবিকো প্যাকোতাহা দুংজি নিওয়া আসা কোইকো ছুওয়া দিংঙা নিনাহা, আকুহা আপনিকো এনতাওয়া তেইওয়া-য়ুংওয়াসো আসা দুংজি নিওয়া কাম জোমসা তিংপানেরোওয়া।14আদো নাবিকোতামি তুংসিংতা ইচোহা ইচোহিং ন্যইমক্যইমেপা মিছিমেপা জোওয়া আসা স্বার্থ নিনাহা আপনিকো দুংজিতা পুংটা জোমসা আজিপ্পাকো বিরোধতা পাপ মোজো।15এপাজিংওয়া দুংজিহা লোডিংবাসো লেওয়া মোকো, আদো এপা জিংওয়া দুংজিহা লিসো নোওয়া বাসিমতিকোরাং আসা শয়তানকো দুংজিগা।16হাংতা মিচাওয়া আসা স্বার্থ নি, আউতাহা তাংসা কিসিমকো গলমাল আসা তাংসা কিসিমকো দুষ্ট নুওয়াংবিরে নিমগা।17আদো লোডিংবাসো লেওয়া দুংজিহা হাংসুরোমা নাগাইহা চোসোওয়া, তিমেপা জিংওয়া, সোজো আসা চাংসুমসা য়ুংওয়া জিংমগা। এপাজিংওয়া দুংজিহা লামতু-লামতুওয়াসো মেইপুওয়া নিমগা আসা এনতাওয়া কামকো ফল সেপামগা। ইহা পক্ছপাতি আসা কপটি মাজিংমগা।18তিমেওয়া পারাওয়াবিহা চাংসপাওয়াকো কাম জোমসা তাংজিকো ফল সেপামগা।
The Seed Company