এস্টার7
1আত্রংহা জাইপু আসা হামানহা ন্যাসা জাইমু এস্তরকো পিচাওয়া চাওয়া আংওয়াকো ভোজতা হোয়ে।2হাত্রং ন্যাসারাং আকো সাইয়ুকো নোইতাহা আবি পুটকুই আংসুদিং, আত্রংহা জাইপুহা ন্যাসা জাইমুহিং উইয়ে, “জাইমু এস্তর, নেহা জাং, হাং ঘ্যইকোগা? কাহিং জাং আসা আকুহা নাতিহা মুংচারোওয়া। কুং রাজ্যকো ইওয়্যা ভাগ জিংদো কা নাতিহিংয়া পিচারোওয়া।”3আত্রংহা জাইমু এস্তরহা জবাব পিচায়ে, “জাইপু, কুং নম্র বিনতি জিংমসা জাংচাওয়া, আসা ও জাইপু, নাতিহিংবেমি এনতাপা জিংদানাহা কুং আপনিকো প্রানহিং আসা কুং জ্যাকো দিংঙাবিকো প্রানকো রক্ছা জিংকো।4হাংপাতানাহা কা আসা কুং জ্যাবিহা দাংপুকো সোতা, সিরকো সোতা আসা মিংবিপারাং য়াংপুকো সোতা লোংতেমি নিও। ডেইয়া জিংকো মেংচে লোংনাহা কা চেকেপা য়ুংকোগা আসা নাতিংহিং মোকোইচ্যাপাকোগা। আদো কাবিহা দাংপুদাংতেমি নিও, কাবিকোহা মিংবিপারাং য়াংপুরগুং।”5আত্রংহা অহাসুরস জাইপুহা এস্তর জাইমুহিং উইয়ে, “হাংসু এপাজিংওয়া কাম জোকো আঁট জোংগা? আকু দিংঙাহা হাংতা নিগা?”6এস্তরহা জাংয়ে, “কাবিকো দুসমান, কাবিহিং ঘিইওয়া আগো দিংঙাহা হামানগা।”
হামানহা চুসুংমসা জাইপু আসা জাইমুহিং ন্যইয়ে।7জাইপুহা সেদ্রাংপুমসা চাওয়া আংওয়াকো ভোজসো লোপুমসা সিরিসো নোমসা বাইরে রাজমহলকো দুংরাইতা হোপুয়ে। আকো সোতা জাইপুহা কাহিংয়া দন্ড পিচারোওয়া তামসা হামানহা কোইয়ে আসা জাইমু এস্তরকোসো আপনিকো প্রাণকো ভিখ য়াচাকো তামসা আপনিকো গাওয়াতা গাতেয়ে।8লামতুওয়াকো ভিখ য়াচাকো সোতা আকুহা এস্তরকো সাওয়া সোফাতা আরাম জোকো তামসা নুদাংওয়া মেংচে নিমগা, আত্রংহা জাইপুহা দুংরাইসো লেমসা সিরিকো নাপোতা ওয়াংয়ে। আকু তিমসা জাইপুহা ঙামসা জাংয়ে, “ই দিংঙাহা ইতা কুং নাগাইতা কুং মহলকো নাপোতা জাইমুহিং নুংনাংকো কোশিষ জোমতুং?”
জাইপুকো নামুসো ই নুওয়াং জাংওয়া মেংচে নোওয়া নিমগা, নোপুংসকবিহা হামানহিংয়া প্যইপুয়ে। আসা পোরোহিংয়া তুংপুয়ে।9আকো প্যাকোসো হেবোর্না মিং নিওয়া ইচো দিংঙা নোপুংসকহা জাংয়ে, “হামানহা এসেপাকো জোমি নিও কি জাইপুকো প্রাণ বাচাইওয়া মোর্দোকেইহিং থ্যইকো তামসা আপনিকো সাতা ইচো ফাঁসীকো কাঠ বানাইমি নিও। আকু ফাঁসীহা বাইস মিটার হিংয়োপা নিও।”
জাইপুহা আজ্ঞা জোয়ে, “আউতারাং হামানহিংয়া থ্যইপু!”10এপা জোমসা আপনিরাং মোর্দোকৈকো সোতা বানাইমসা এওয়া ফাঁসীকো কাঠতা হামানহিং থ্যইপুয়ে। আকো নোইতা জাইপুকো সেদ্রাংহা ঙায়ে।
হামানহা চুসুংমসা জাইপু আসা জাইমুহিং ন্যইয়ে।7জাইপুহা সেদ্রাংপুমসা চাওয়া আংওয়াকো ভোজসো লোপুমসা সিরিসো নোমসা বাইরে রাজমহলকো দুংরাইতা হোপুয়ে। আকো সোতা জাইপুহা কাহিংয়া দন্ড পিচারোওয়া তামসা হামানহা কোইয়ে আসা জাইমু এস্তরকোসো আপনিকো প্রাণকো ভিখ য়াচাকো তামসা আপনিকো গাওয়াতা গাতেয়ে।8লামতুওয়াকো ভিখ য়াচাকো সোতা আকুহা এস্তরকো সাওয়া সোফাতা আরাম জোকো তামসা নুদাংওয়া মেংচে নিমগা, আত্রংহা জাইপুহা দুংরাইসো লেমসা সিরিকো নাপোতা ওয়াংয়ে। আকু তিমসা জাইপুহা ঙামসা জাংয়ে, “ই দিংঙাহা ইতা কুং নাগাইতা কুং মহলকো নাপোতা জাইমুহিং নুংনাংকো কোশিষ জোমতুং?”
জাইপুকো নামুসো ই নুওয়াং জাংওয়া মেংচে নোওয়া নিমগা, নোপুংসকবিহা হামানহিংয়া প্যইপুয়ে। আসা পোরোহিংয়া তুংপুয়ে।9আকো প্যাকোসো হেবোর্না মিং নিওয়া ইচো দিংঙা নোপুংসকহা জাংয়ে, “হামানহা এসেপাকো জোমি নিও কি জাইপুকো প্রাণ বাচাইওয়া মোর্দোকেইহিং থ্যইকো তামসা আপনিকো সাতা ইচো ফাঁসীকো কাঠ বানাইমি নিও। আকু ফাঁসীহা বাইস মিটার হিংয়োপা নিও।”
জাইপুহা আজ্ঞা জোয়ে, “আউতারাং হামানহিংয়া থ্যইপু!”10এপা জোমসা আপনিরাং মোর্দোকৈকো সোতা বানাইমসা এওয়া ফাঁসীকো কাঠতা হামানহিং থ্যইপুয়ে। আকো নোইতা জাইপুকো সেদ্রাংহা ঙায়ে।
The Seed Company