এস্টার6
1আকু লিশুংহা জাইপুহিংয়া জিমিরাং ম্যাহাতো। আকুহা অধিকারিবিহিংয়া রাজ্যকো ইতিহাসকো বিবরন আপনিকোতা পামসা পড়াইপায়ে। আসা আকু জাইপুহিং পড়াইমসা হিংপায়ে।2আবিকো পড়াইওয়া বিবরনতাহা জাইপুকো যুংওয়া সিরিহিং কাংওয়া মহলকো নিহসো নোপুংসকবি বিগ্থানা আসা তেরেশহা জাইপুহিং স্যাকো নিয়ুং জোওয়া নুওয়াং মোর্দোকৈহা সিদা চ্যইওয়া নিমগা, আকু নুওয়োংকোরে বয়ান নিমগা।3জাইপুহা উইয়ে, “ই কামকো সোতা মোর্দোকৈহিংয়া য়াংবিহা হাং ইনাম আসা সম্মান পিচামি নিমগাসা?”
জাইপুকো ডেইয়াবিহা জাংয়ে, “মোর্দোকৈকো সোতাহা হাইরে মোজোয়াংনা।”4জাইপুহা উইয়ে, “রাজমোহোলতা ইচো নিহসো অধিকারিবি নিংগা?”
আত্রংহা হামানহা মহলকো লাংঙাংতা মেংচে দেয়োংদাংমি নিমগা। আপনিকো তৈয়ার জোওয়া ফাঁসীতা মোর্দোকৈহিং থ্যইকো আজ্ঞা লাংকো আকুহা জাইপুকোতা ওয়োংকো লাঙাংতা দেয়োংতেওয়া নিমগা।5আকো সোতা ডেইয়াবিহা জাংয়ে, “নাতিহিং দোসপাকো হামানহা ইতা লাঙাংতা ওয়াংওয়া নিনা।” জাইপুহা জাংয়ে, “আকুহিংয়া নাপোতা ওয়োংকো পিচা।”6হামানহা নাপোতা হোয়ে। জাইপুহা আকুহিংয়া জাংয়ে, “ইচো দিংঙা নিও, আকুহিংয়া কাহা টেবো সম্মান জোকো সিওপারাং ইচ্ছা নিও। হেপা কাহা আকুহিংয়া সম্মান জোকোমে?”
হামানহা তুংসিং নাপোতা নোয়ে, “জাইপুহা হাংসুহিং এপাজিংওয়া সম্মান পিচাকো কেংমেসা? কাহিংরাংদোওয়া?”7আকো সোতা আকুহা জাইপুহিং জাংয়ে, “হানি দিংঙাহিং জাইপুহা সম্মন পিচাকো ইচ্ছা জোদিং,8আকো সোতাহা জাইপু আপনিকো লুওয়া আংদুং, আসা জাইপুকো বাইওয়া ও্যইংঙা, হানি ও্যইংঙাকো পোরোতা রাজমহলকো ছাপ লাগাইমি নিমমে।9আকু আংদুং আসা ওইংঙাহা জাইপুকো তাংসারোমা মাননীয় পদাধিকারিবিতাহা ইচোকো খুইতা ত্যইপুই, আসা জাইপুকো সম্মান জোকো কেংওয়া আকু দিংঙাহিংয়া আবি লুউপাপিকো, আসা আকু ওইংঙাতা বাইপামসা শহরকো ন্যাতাবিতা আবি হ্যাদাংনুওয়া এপা জাংমসা ঙাকো, ‘জাইপুকো সম্মান জোকো ইচ্ছা জোওয়া দিংঙাকো সোতাহা হাং জোদাংমমে, আকু কাং’।”10আত্রং জাইপুহা হামানহিং জাংয়ে, “সেন্নেপা জো। ও্যইংঙা আসা আংদুংবি ইতা পা। য়হুদি মোর্দোকৈহিংয়া এপারাং সম্মান জো। নাতিহা নেকো জাংমি ত্যাবাপা তাংসা আকো সোতা জো। নাতি হেপা জাংমমে আকুহা লিয়োপা মোজো। নাতিহা আকুহিংয়া মহলকো লাপুংতা গাদিংওয়া তিংরোওয়া।”11আকো সোতা হামানহা ও্যইংঙা আসা আংদুংবি পামসা মোর্দোকৈহিং লুউপায়ে। মোর্দোকৈহা ও্যইংঙাতা বাইয়ে আসা আকুহিংয়া হামানহা শহরকো ন্যাতাসো পুরায়ে। হামানহা নাগাই নাগাই এপা জাংমসা তেইয়ে, “জাইপুকো সম্মান জোকো কেংওয়া দিংঙাহিংয়া আকুহা হেপা জিংওয়া সম্মান পিচাকোমমে, আকুহা কাং!”12আকো নোইতা মোর্দোকৈহা মহলকো নাপোতা লাকাপুয়ে। হামানহা আপসোস জোমসা খুইসো নামু তুংপুমসা সেন্নে-সেন্নেপা আপনিকো সাতা হোপুয়ে।13নিওয়া সেই তাংসা আকুহা আপনিকো ব্যারোবি আসা মে জেরেশহিং তাংসা নুওয়াং ল্যায়ে। আকো মে জেরেশ আসা আকু জ্ঞানী ব্যারোবিহা আকুহিং জাংয়ে, “মোর্দোকৈকো নাগাইহা নাকো সেহা লিয়োপুদাংতেমি নিও। আকুহা য়হুদিগা আসা আকুহিংয়া নাতিহা জিয়োকো মাছু। আকুহা আজিপ্পারাং নাতিহিংয়া পোঙাপারোওয়া।”14এপা জোমসা হামানহিংপা য়্যইদিংনুরাং হামানহিংয়া এস্তরকো ভোজতা পুরাকো তামসা মহলকো নোপুংসকবিহা হামানহিংয়া সেনে সেন্নেপা পুরায়ে।
জাইপুকো ডেইয়াবিহা জাংয়ে, “মোর্দোকৈকো সোতাহা হাইরে মোজোয়াংনা।”4জাইপুহা উইয়ে, “রাজমোহোলতা ইচো নিহসো অধিকারিবি নিংগা?”
আত্রংহা হামানহা মহলকো লাংঙাংতা মেংচে দেয়োংদাংমি নিমগা। আপনিকো তৈয়ার জোওয়া ফাঁসীতা মোর্দোকৈহিং থ্যইকো আজ্ঞা লাংকো আকুহা জাইপুকোতা ওয়োংকো লাঙাংতা দেয়োংতেওয়া নিমগা।5আকো সোতা ডেইয়াবিহা জাংয়ে, “নাতিহিং দোসপাকো হামানহা ইতা লাঙাংতা ওয়াংওয়া নিনা।” জাইপুহা জাংয়ে, “আকুহিংয়া নাপোতা ওয়োংকো পিচা।”6হামানহা নাপোতা হোয়ে। জাইপুহা আকুহিংয়া জাংয়ে, “ইচো দিংঙা নিও, আকুহিংয়া কাহা টেবো সম্মান জোকো সিওপারাং ইচ্ছা নিও। হেপা কাহা আকুহিংয়া সম্মান জোকোমে?”
হামানহা তুংসিং নাপোতা নোয়ে, “জাইপুহা হাংসুহিং এপাজিংওয়া সম্মান পিচাকো কেংমেসা? কাহিংরাংদোওয়া?”7আকো সোতা আকুহা জাইপুহিং জাংয়ে, “হানি দিংঙাহিং জাইপুহা সম্মন পিচাকো ইচ্ছা জোদিং,8আকো সোতাহা জাইপু আপনিকো লুওয়া আংদুং, আসা জাইপুকো বাইওয়া ও্যইংঙা, হানি ও্যইংঙাকো পোরোতা রাজমহলকো ছাপ লাগাইমি নিমমে।9আকু আংদুং আসা ওইংঙাহা জাইপুকো তাংসারোমা মাননীয় পদাধিকারিবিতাহা ইচোকো খুইতা ত্যইপুই, আসা জাইপুকো সম্মান জোকো কেংওয়া আকু দিংঙাহিংয়া আবি লুউপাপিকো, আসা আকু ওইংঙাতা বাইপামসা শহরকো ন্যাতাবিতা আবি হ্যাদাংনুওয়া এপা জাংমসা ঙাকো, ‘জাইপুকো সম্মান জোকো ইচ্ছা জোওয়া দিংঙাকো সোতাহা হাং জোদাংমমে, আকু কাং’।”10আত্রং জাইপুহা হামানহিং জাংয়ে, “সেন্নেপা জো। ও্যইংঙা আসা আংদুংবি ইতা পা। য়হুদি মোর্দোকৈহিংয়া এপারাং সম্মান জো। নাতিহা নেকো জাংমি ত্যাবাপা তাংসা আকো সোতা জো। নাতি হেপা জাংমমে আকুহা লিয়োপা মোজো। নাতিহা আকুহিংয়া মহলকো লাপুংতা গাদিংওয়া তিংরোওয়া।”11আকো সোতা হামানহা ও্যইংঙা আসা আংদুংবি পামসা মোর্দোকৈহিং লুউপায়ে। মোর্দোকৈহা ও্যইংঙাতা বাইয়ে আসা আকুহিংয়া হামানহা শহরকো ন্যাতাসো পুরায়ে। হামানহা নাগাই নাগাই এপা জাংমসা তেইয়ে, “জাইপুকো সম্মান জোকো কেংওয়া দিংঙাহিংয়া আকুহা হেপা জিংওয়া সম্মান পিচাকোমমে, আকুহা কাং!”12আকো নোইতা মোর্দোকৈহা মহলকো নাপোতা লাকাপুয়ে। হামানহা আপসোস জোমসা খুইসো নামু তুংপুমসা সেন্নে-সেন্নেপা আপনিকো সাতা হোপুয়ে।13নিওয়া সেই তাংসা আকুহা আপনিকো ব্যারোবি আসা মে জেরেশহিং তাংসা নুওয়াং ল্যায়ে। আকো মে জেরেশ আসা আকু জ্ঞানী ব্যারোবিহা আকুহিং জাংয়ে, “মোর্দোকৈকো নাগাইহা নাকো সেহা লিয়োপুদাংতেমি নিও। আকুহা য়হুদিগা আসা আকুহিংয়া নাতিহা জিয়োকো মাছু। আকুহা আজিপ্পারাং নাতিহিংয়া পোঙাপারোওয়া।”14এপা জোমসা হামানহিংপা য়্যইদিংনুরাং হামানহিংয়া এস্তরকো ভোজতা পুরাকো তামসা মহলকো নোপুংসকবিহা হামানহিংয়া সেনে সেন্নেপা পুরায়ে।
The Seed Company