প্রেরিত5
1হোনোনিয়া মিং নিওয়া ইচো দিংঙা নিমি। আকো মেকো মিংহা সাফিরা নিমি। আবিহা আপনিবিকো আত্যই মোংটো পিইচায়ে,2আসা আকু পিইচাওয়াসোহা আকো মেকো জাংওয়া সেইরাং অ্যাংসি ন্যাস্যা আবিহা আপনিকোতা এচায়ে, আসা লেরা ন্যাস্যাবিহা জেংওয়া পোইংবিকো নাগাইতা লেংপারেয়ে।3আদো পত্রসহা জাংয়ে, “ও হোনোনিয়া, পবিত্র লাংবেহিংপা অ্যাজাপা য়্যইওয়া আসা মোংটো পিইচাওয়াকো ন্যাস্যাসো আপনিহিংপা এংসি এচাওয়া নুওয়াং শয়তানহা হেপা নাকো তুংসিংতা ওয়্যাপুমগা?4আকু মাপিইচায়াংনুওয়া আকুহা নাকোরাং মাতোমগা? আসা আকু পিইচপুনতেনুকো নোইতারে আকুহা নাকো অধিকারতারাং মাতামগা? এপা কাম জোকো নাকো তুংসিংতাহা হেপা ওয়াংগা? নাতিহা দিংঙাবিহিং মোকো, আদো সেংজাহিংনাং ল্যহপামি নিও।”5ই নুওয়াং হিংমসা হোনোনিয়াহা মোংটোতা ইপুয়ে আসা সিপুয়ে। ই নুওয়াং হিংবিহা তাংসা সিওপারাং চুসুংপুয়ে।6আসা ওয়াংটেংটেংগেংবি লেমসা আকুহিংয়া আংদুংসো মেরোংমসা বাইরেতা চোইপুমসা লিকাপুয়ে।7নাপোতা হাং জিংদিংমে হাইরে সিদা মোচোইপা ৩ ঘন্টাকো নোইতাহা আকো মেরে নাপোতা ওয়াংয়ে।8পত্রসহা আকুহিং উইয়ে, “কাহিং জাং, নাবিহা মোংটোহা এসেপারাং পিচামগা?”
আকুহা জাংয়ে, “ওই, এসেপারাং।”9আদো পত্রসহা আকুহিংয়া জাংয়ে, “নাবিহা প্রভুকো পবিত্র লাংবেহিং পরিকছা জোকোহা হেপা হুইসুংগা? কাং, নাকো ওয়াহিং লিইওয়া দিংঙাবিহা লাপুংতারাং নিও আসা আবিহা নাতিহিংনে এপারাং বাইরেতা লিকারোওয়া।”10আত্রংহা আকুহা তাত্রিংপা পত্রসকো কোকোই কাটুতা ইপুয়ে আসা সিপুয়ে, আসা হাত্রং ওয়াংটেংটেংগেংবি নাপোতা ওয়াং! আত্রংহা সাফিরাহিংনে সিপুনতেওয়া তিংমসা আবিহা বাইরে চোইপুমসা পুরায়ে আসা আকো ওয়াকো আবেইতা লিইপুয়ে।11তাংসা মন্ডলি আসা ই নুওয়াং হিংওয়া তাংসা দিংঙাবিহা সিওপারাং চুসুংপুয়ে।12নেহা জেংওয়া পোইংবিকো খুইসো টেরবো আআংপেপেচপুওয়া কামবি দিংঙাবিকো প্যাকোতা জিংদাংয়ে, আসা আবি তাংসা য়হুদিবিকো দেমসা সোলোমন তাওয়া লাংগাংতা চিত্তা জোংসুচাংমি।13আদো দোসরা দিংঙাবিহা হাংসুরে আবিহিংপা দোসপোংকো ওয়াংকোরাং চুসুংয়ে, আদো দিংঙাবিহা আবিহিংয়া এনতাপা নোয়ে,14প্রভুকোতা দেংওয়া পোজা মেমেবিহা ইচো নিহসো জোমসা উইসে বেইপুয়ে,15জেংওয়া পোইংবিকো আআংপেপেচপুওয়া কামবি তিংমসা দিংঙাবিহা ন্যাতাবিতারে হাইমবিহিং পারায়ে, আসা পত্রস লেনুহা আকো লোদোং মেংচে হাংসু হাংসুকোতা হুইবা তামসা ন্যাগু আসা জিংদু কেংপ্রাবিতা আবিহিংয়া লেপোইতেহে।16য়রুশালেমতা হুরাপা নিওয়া শহরবিসোরে উইসে দিংঙাবিহা হাইমবিহিং আসা সিংঙো দ্যইংচপুমবিহিং পারাচাংমি আসা আবি তাংসা সাংচপুচাংমি।17আকো নোইতা টেবো পাউসো আকো ব্যারোবি সদুকিবিহা জেংওয়া পোইংবিকো তোইতা মিচিপা জোয়ে,18আসা আবিহা জেংওয়া পোইংবিহিংয়া প্যইপুমসা জেলতা সুংওয়াপে।19আদো প্রভুকো ইচো লোডিংবাকো পোইংহা লিসুং জেলকো লাপুংবি ওয়েপিয়ে, আসা আবিহিং বাইরেতা পারামসা জাংয়ে,20“হাতু, আসা দেমসাতা জামসা ই চুবে সাদিকো এনতাওয়া দেরেং হিংপাতু।”21ই হিংনুওয়া আবিহা হাপকুংসো দেমসাকো নাপোতা হোমসা ঝিপাদাংয়ে। আত্রংহা টেবো পাউ আসা আকুহিংপা নিমবিহা, ইস্রাইলকো তাংসা ওয়ারাংপাবিহিং টেবো লাচি জাংকো মোউয়ে, আসা জেংওয়া পোইংবিহিংয়া জেলসো নোপামসা পারাকো তামসা দিংঙাবিহিং লাপাকো নিংপুয়ে।22আদো সিপাইবিহা পোইংবিহিং জেলতা হোমসা মোদোসুনুওয়া আবিহা লারেমসা দেরেং জাংরেহে,23“কাবিহা জেলতা এনতাপা দিমি দাওয়া আসা সিপাইবিরে লাপুংতারাং জাদিংওয়া তিংয়ো, আদো লাপুং ওয়েনুওয়া কাবিহা নাপোতা হাংসুহিংনে মাতিংতো।”24হাত্রং দেমসাকো সিপাইবিকো মাটা আসা মাটা পাউবি ই দেরেং হিং, আত্রংহা আবিহা আআংপেপেপা জিংপুয়ে। আসা আবিহা হাংজিংদিংমে তামসা নোকোরে মোচুতো।25আদো ইচো দিংঙা ওয়াংমসা আবিহিং জাংয়ে, “কাং, নাবি হানি দিংঙাবিহিং জেলতা এমি নিমমে আবিহা দেমসাতা জামসা দিংঙাবিহিং ঝিপাদিংনা।”26হাত্রং ই নুওয়াং হিং, সিপাইবি আসা আবিকো মাটাহা জেংওয়া পোইংবিহিং প্যইকাকো হোয়ে, দিংঙাবি লুংটুই টোমসা স্যাপুকোমে তামসা চুসুংমসা আবিহা আবিহিং হাইরে মাজাংপা চেকেপা প্যইপামসা পারায়ে।27আবিহা জেংওয়া পোইংবিহিং পারায়ে আসা লাচি জাংওয়াকো নাগাইতা জাপায়ে, আসা টেবো পাউহা আবিহিং উইয়ে,28“কাবিহা নাবিহিংয়া ইশুকো মিংতা হাইরে মিঝিপাকো তামসা জাংমি নিমগা, আদো নাবিহা আপনিকো ঝিপাওয়াতা তাংসা য়রুশালেমরাং মেইপাপুনতেও আসা নাবিহা ইশুহিং স্যাপুওয়া দোষরে কাবিকো তোইতা চুউদাংয়ে।”29আদো পত্রসসো দোসরা জেংওয়া পোইংবিহা জাংয়ে, “য়াংবিহা দিংঙাবিকো মোকো, আদো সেংজাকো জাংওয়া নুওয়াং জোনেরোওয়া।30য়োংকো আটা আজাকো সেংজাহা ইশুহিংয়া সিপুওয়াসো ঙারোপামি নিও, হাংসুহিং নাবি ক্রুসতা টামসা স্যামে।31সেংজাহা ইস্রাইলবিহিং পশ্চতাপ আসা পাপ ছমা পিচাকো আকুহিংয়া জাইপু আসা মুক্তিদাতা বানাইমসা আপনিকো দাংক্রেং কাটুতা তোরোইমি নিও।32ই তাংসা নুওয়াংহা কাবি তিংকোরে তিংমি নিও, আসা এপারাং পবিত্র লাংবেরে, হাংসুহিং সেংজাহা আপনিকো জাংওয়া জোমি নি আবিহিং পিচামি নিও।”33ই নুওয়াং হিংমসা আবিহা সেদ্রাংপুয়ে, আসা আবিহিং স্যাকো হুইসুয়ে।34আদো লিংপাংকো গোমলিয়ওল মিং নিওয়া ফরিসিহা লাচি জাংওয়াতা তাংসাকো প্যাকোতা তাত্রিংপা লোমসা জায়ে। আকুহা আবি তাংসাকো মানেওয়া ইচো তাংজিকো উটকেওয়া নিমি। আকুহা জেংওয়া পোইংবিহিংয়া আম্যই জোংসুওয়াসো বাইরে হ্যাকো জাংয়ে।35আসা আকুহা জোংসুওয়াতা নিওয়া দিংঙাবিহিং জাংয়ে, “ও ইস্রাইলবাই, ই দিংঙাবিহিংয়া নাবিহা হাং জোদাংমে, আকুহা নোমসা জো।36হাংপাতানাহা হিনিরোমা নাগাইহা তুনাস তাওয়া দিংঙাহা কারাংগা তামসা জামগা। আকুহিংপাহা চারশো জনা গাংদাং মাগাংদাংপা দিংঙাবি নিমগা। আকুহিংয়া স্যাপুয়ে, আসা আকো নুনুই হুইসোইমবিহা ইতা উতা জিংপুয়ে আসা আকো মিংরে য়াংপে।37ই দিংঙাকো নোইতাহা দিংঙা চেংনুকো সময়তা গালীলকো য়হুদা তাওয়া জায়ে। আকো নুনুইরে উইসে দিংঙাবি হুইসোইয়ে, আকুহিংনে স্যাপুয়ে আসা আকো নুনুই হুইমবিরে ইতা উতা জিংপুয়ে।38নেকো ই জিংদাংওয়াতা কা নাবিহিং জাংরোওয়া, ই দিংঙাবিহিংপা বার্গাং য়ুং আসা ইবিহিং ল্যাপি, হাংপাতানাহা ইবিকো নোওয়া আসা কাম জোওয়াবিহা দিংঙাবিকোসো বেনাহা দাংপুরোওয়া।39আদো ই কামহা সেংজাকোসো বেনাহা নাবিহা ইহিংয়া য়োইকো মোচু। মেনাহা নাবিহা সেংজাহিং মোসুংপা জোমবেপা জিংরোওয়া।”40আত্রংহা আবিহা তাংসা আকো জাংওয়া সেইরাং জোয়ে। আসা আবিহা জেংওয়া পোইংবিহিং মোউমসা ডুপাপে। আসা “ইশুকো মিংতা ন্যাসারাং মাহিংপাকো” তামসা আবিহিং নিংপিয়ে।41জেংওয়া পোইংবিহা জোংসুওয়াসো “সেংজাহা য়াংবিহিং ইশুকো মিংতা কোইচ্যাওয়াহিং সহায়কো ছুওয়া সে পিচায়ে” তামসা আউসো গাগ্রুমসা নোপুয়ে।42আসা আবিহা হাত্রং জিংদো দেমসাতা আসা সা-সাতা হোমসা ইশুরাং মুক্তি পিচাওয়া জাইপু খ্রীষ্টগা তামসা ঝিপাকোসো হিংপাকোহা মাল্যাতো।
আকুহা জাংয়ে, “ওই, এসেপারাং।”9আদো পত্রসহা আকুহিংয়া জাংয়ে, “নাবিহা প্রভুকো পবিত্র লাংবেহিং পরিকছা জোকোহা হেপা হুইসুংগা? কাং, নাকো ওয়াহিং লিইওয়া দিংঙাবিহা লাপুংতারাং নিও আসা আবিহা নাতিহিংনে এপারাং বাইরেতা লিকারোওয়া।”10আত্রংহা আকুহা তাত্রিংপা পত্রসকো কোকোই কাটুতা ইপুয়ে আসা সিপুয়ে, আসা হাত্রং ওয়াংটেংটেংগেংবি নাপোতা ওয়াং! আত্রংহা সাফিরাহিংনে সিপুনতেওয়া তিংমসা আবিহা বাইরে চোইপুমসা পুরায়ে আসা আকো ওয়াকো আবেইতা লিইপুয়ে।11তাংসা মন্ডলি আসা ই নুওয়াং হিংওয়া তাংসা দিংঙাবিহা সিওপারাং চুসুংপুয়ে।12নেহা জেংওয়া পোইংবিকো খুইসো টেরবো আআংপেপেচপুওয়া কামবি দিংঙাবিকো প্যাকোতা জিংদাংয়ে, আসা আবি তাংসা য়হুদিবিকো দেমসা সোলোমন তাওয়া লাংগাংতা চিত্তা জোংসুচাংমি।13আদো দোসরা দিংঙাবিহা হাংসুরে আবিহিংপা দোসপোংকো ওয়াংকোরাং চুসুংয়ে, আদো দিংঙাবিহা আবিহিংয়া এনতাপা নোয়ে,14প্রভুকোতা দেংওয়া পোজা মেমেবিহা ইচো নিহসো জোমসা উইসে বেইপুয়ে,15জেংওয়া পোইংবিকো আআংপেপেচপুওয়া কামবি তিংমসা দিংঙাবিহা ন্যাতাবিতারে হাইমবিহিং পারায়ে, আসা পত্রস লেনুহা আকো লোদোং মেংচে হাংসু হাংসুকোতা হুইবা তামসা ন্যাগু আসা জিংদু কেংপ্রাবিতা আবিহিংয়া লেপোইতেহে।16য়রুশালেমতা হুরাপা নিওয়া শহরবিসোরে উইসে দিংঙাবিহা হাইমবিহিং আসা সিংঙো দ্যইংচপুমবিহিং পারাচাংমি আসা আবি তাংসা সাংচপুচাংমি।17আকো নোইতা টেবো পাউসো আকো ব্যারোবি সদুকিবিহা জেংওয়া পোইংবিকো তোইতা মিচিপা জোয়ে,18আসা আবিহা জেংওয়া পোইংবিহিংয়া প্যইপুমসা জেলতা সুংওয়াপে।19আদো প্রভুকো ইচো লোডিংবাকো পোইংহা লিসুং জেলকো লাপুংবি ওয়েপিয়ে, আসা আবিহিং বাইরেতা পারামসা জাংয়ে,20“হাতু, আসা দেমসাতা জামসা ই চুবে সাদিকো এনতাওয়া দেরেং হিংপাতু।”21ই হিংনুওয়া আবিহা হাপকুংসো দেমসাকো নাপোতা হোমসা ঝিপাদাংয়ে। আত্রংহা টেবো পাউ আসা আকুহিংপা নিমবিহা, ইস্রাইলকো তাংসা ওয়ারাংপাবিহিং টেবো লাচি জাংকো মোউয়ে, আসা জেংওয়া পোইংবিহিংয়া জেলসো নোপামসা পারাকো তামসা দিংঙাবিহিং লাপাকো নিংপুয়ে।22আদো সিপাইবিহা পোইংবিহিং জেলতা হোমসা মোদোসুনুওয়া আবিহা লারেমসা দেরেং জাংরেহে,23“কাবিহা জেলতা এনতাপা দিমি দাওয়া আসা সিপাইবিরে লাপুংতারাং জাদিংওয়া তিংয়ো, আদো লাপুং ওয়েনুওয়া কাবিহা নাপোতা হাংসুহিংনে মাতিংতো।”24হাত্রং দেমসাকো সিপাইবিকো মাটা আসা মাটা পাউবি ই দেরেং হিং, আত্রংহা আবিহা আআংপেপেপা জিংপুয়ে। আসা আবিহা হাংজিংদিংমে তামসা নোকোরে মোচুতো।25আদো ইচো দিংঙা ওয়াংমসা আবিহিং জাংয়ে, “কাং, নাবি হানি দিংঙাবিহিং জেলতা এমি নিমমে আবিহা দেমসাতা জামসা দিংঙাবিহিং ঝিপাদিংনা।”26হাত্রং ই নুওয়াং হিং, সিপাইবি আসা আবিকো মাটাহা জেংওয়া পোইংবিহিং প্যইকাকো হোয়ে, দিংঙাবি লুংটুই টোমসা স্যাপুকোমে তামসা চুসুংমসা আবিহা আবিহিং হাইরে মাজাংপা চেকেপা প্যইপামসা পারায়ে।27আবিহা জেংওয়া পোইংবিহিং পারায়ে আসা লাচি জাংওয়াকো নাগাইতা জাপায়ে, আসা টেবো পাউহা আবিহিং উইয়ে,28“কাবিহা নাবিহিংয়া ইশুকো মিংতা হাইরে মিঝিপাকো তামসা জাংমি নিমগা, আদো নাবিহা আপনিকো ঝিপাওয়াতা তাংসা য়রুশালেমরাং মেইপাপুনতেও আসা নাবিহা ইশুহিং স্যাপুওয়া দোষরে কাবিকো তোইতা চুউদাংয়ে।”29আদো পত্রসসো দোসরা জেংওয়া পোইংবিহা জাংয়ে, “য়াংবিহা দিংঙাবিকো মোকো, আদো সেংজাকো জাংওয়া নুওয়াং জোনেরোওয়া।30য়োংকো আটা আজাকো সেংজাহা ইশুহিংয়া সিপুওয়াসো ঙারোপামি নিও, হাংসুহিং নাবি ক্রুসতা টামসা স্যামে।31সেংজাহা ইস্রাইলবিহিং পশ্চতাপ আসা পাপ ছমা পিচাকো আকুহিংয়া জাইপু আসা মুক্তিদাতা বানাইমসা আপনিকো দাংক্রেং কাটুতা তোরোইমি নিও।32ই তাংসা নুওয়াংহা কাবি তিংকোরে তিংমি নিও, আসা এপারাং পবিত্র লাংবেরে, হাংসুহিং সেংজাহা আপনিকো জাংওয়া জোমি নি আবিহিং পিচামি নিও।”33ই নুওয়াং হিংমসা আবিহা সেদ্রাংপুয়ে, আসা আবিহিং স্যাকো হুইসুয়ে।34আদো লিংপাংকো গোমলিয়ওল মিং নিওয়া ফরিসিহা লাচি জাংওয়াতা তাংসাকো প্যাকোতা তাত্রিংপা লোমসা জায়ে। আকুহা আবি তাংসাকো মানেওয়া ইচো তাংজিকো উটকেওয়া নিমি। আকুহা জেংওয়া পোইংবিহিংয়া আম্যই জোংসুওয়াসো বাইরে হ্যাকো জাংয়ে।35আসা আকুহা জোংসুওয়াতা নিওয়া দিংঙাবিহিং জাংয়ে, “ও ইস্রাইলবাই, ই দিংঙাবিহিংয়া নাবিহা হাং জোদাংমে, আকুহা নোমসা জো।36হাংপাতানাহা হিনিরোমা নাগাইহা তুনাস তাওয়া দিংঙাহা কারাংগা তামসা জামগা। আকুহিংপাহা চারশো জনা গাংদাং মাগাংদাংপা দিংঙাবি নিমগা। আকুহিংয়া স্যাপুয়ে, আসা আকো নুনুই হুইসোইমবিহা ইতা উতা জিংপুয়ে আসা আকো মিংরে য়াংপে।37ই দিংঙাকো নোইতাহা দিংঙা চেংনুকো সময়তা গালীলকো য়হুদা তাওয়া জায়ে। আকো নুনুইরে উইসে দিংঙাবি হুইসোইয়ে, আকুহিংনে স্যাপুয়ে আসা আকো নুনুই হুইমবিরে ইতা উতা জিংপুয়ে।38নেকো ই জিংদাংওয়াতা কা নাবিহিং জাংরোওয়া, ই দিংঙাবিহিংপা বার্গাং য়ুং আসা ইবিহিং ল্যাপি, হাংপাতানাহা ইবিকো নোওয়া আসা কাম জোওয়াবিহা দিংঙাবিকোসো বেনাহা দাংপুরোওয়া।39আদো ই কামহা সেংজাকোসো বেনাহা নাবিহা ইহিংয়া য়োইকো মোচু। মেনাহা নাবিহা সেংজাহিং মোসুংপা জোমবেপা জিংরোওয়া।”40আত্রংহা আবিহা তাংসা আকো জাংওয়া সেইরাং জোয়ে। আসা আবিহা জেংওয়া পোইংবিহিং মোউমসা ডুপাপে। আসা “ইশুকো মিংতা ন্যাসারাং মাহিংপাকো” তামসা আবিহিং নিংপিয়ে।41জেংওয়া পোইংবিহা জোংসুওয়াসো “সেংজাহা য়াংবিহিং ইশুকো মিংতা কোইচ্যাওয়াহিং সহায়কো ছুওয়া সে পিচায়ে” তামসা আউসো গাগ্রুমসা নোপুয়ে।42আসা আবিহা হাত্রং জিংদো দেমসাতা আসা সা-সাতা হোমসা ইশুরাং মুক্তি পিচাওয়া জাইপু খ্রীষ্টগা তামসা ঝিপাকোসো হিংপাকোহা মাল্যাতো।
The Seed Company