প্রেরিত26
1আকো নোইতা অগ্রিপাসহা পাউলহিং জাংয়ে, “নেহা নাতিহা আপনিকো তোইতা হাই জাংকো নিবা জাংকো চুরোওয়া।”
পাউলহা খুই লামসা আপনিহিং বাচাইকো এপা জাংয়ে,2“ও জাইপু অগ্রিপাস, য়হুদিবিহা কাহিং দোষ তিংপাওয়া নুওয়াংকো তোইতা কা হিনিহা আপনিকো নুওয়াং নাকো নাগাইতা জাংচা মুংওয়াকো সোতা আপনিহিংনাং টেবো নোরোওয়া।3নাতিহিংয়া য়হুদিবিকো লোচ্যইপ্যচ্যই আসা মিচিসুওয়া নুওয়াংকো তোইতা এনতাপা গেওয়াকো সোতা কা আপনিহিংনাং টেবো তামসা নোরোওয়া। এপা জিংপুনুওয়া নেহা কা নাকোতা জাংচারোওয়া, কুং নুওয়াং এনতাপা হিংপি।4“কাহা আপনিকো লোইতা আসা য়রুশালেম শহরতা য়হুদি জ্যাবিকো প্যাকোতারাং ডেয়ে। আকো সোতা কা হেপা নিমমে য়হুদিবিহা কাহিংয়া আপেচুনুসোরাং এনতাপা নাইমগা।5কারে নাগাইহা য়হুদিবিকো প্যাকোকো তাংজিহিং আসা লিংপাংহিং সাডুংপা এওয়া ফরিসি নিমগা। আসা আকু লিংপাংবিহিং এনতাপা মানেচাংমগা। আবিমি জাংকো কেংনাহা ই নুওয়াংহা আবিরে জাংকো চুরোওয়া।6সেংজাহা কাবিকো আটা-আজাহিং জাংতেওয়া নুওয়াং পুরা জিংরো তামসা কাহা ভরসা এওয়াকো সোতা কাহা হিনিহা এপা নাকো নাগাইতা জানেমি নিও।7ও জাইপু অগ্রিপাস, আকু প্রতিজ্ঞা মুংচাওয়া আশাতা কাবিকো বার্চো জিরিবিরে লিসুং জেইসুং ইচো তুংসিংসো সেংজাহিং তাচামসা ই ভক্তি পিচাদিংয়ো। কারে আকু আশা এওয়াকো সোতা য়হুদিবিহা কাহিংয়া দোষ লাগাইমি নিও।8সেংজাহা সিপুনতেমবিহিংয়া ঙারোপামগা তাওয়া নুওয়াংতা নাবিহা হাংপা দেংকো মোচুমগা?9“আদো কারে ছুওয়া সেই নাসরতকো ইশুহিং মেংতাপা জোনেরোওয়া তামসা নোমি নিমগা।10য়রুশালেমতা এপারাং মেংতাপা জোয়ে। কাহা মাটা পাউবিসো অধিকারকো চিঠি মুংচামসা প্রভু ইশুতা দেংওয়াবি উইসে পবিত্র দিংঙাবিহিং জেলতা সুংপায়ে আসা আবিহিং স্যাকোপারাং য়ুজুরুয়ে।11য়হুদিবিকো জোংসুওয়া সাবিতা হোমসা কাহা আবিহিংয়া দন্ড পিচায়ে আসা আবিকো দেংওয়াহিং ল্যাপায়ে। কা আবিহিংপা সিওপা সেদ্রাংপুওয়াকো সোতা মেহ জিংপুমি নিমি। আসা দোসরা লোইকো শহরবিতারে হোমসা আবিহিং হাত্রংদো কোইচ্যাপায়ে।12“এপারাং সাইয়ুহা মাটা পাউবিকো অধিকার আসা জাংওয়া হিংমসা কা দমস্কস শহরতা হোদাংমি।13ও জাইপু, আত্রংকো দিন জেইসুং ন্যাতাসো হাদাংনুওয়া সানিকো হাহাইওয়ারোমা সিওপা চাইচাইপা হাহাইপা কা আসা কুং ব্যারোবিকো তোইতা হুইয়ে।14কাবি তাংসা মোংটোতা ত্যাতাইচাপুয়ে। আসা আত্রংরাং হিব্রু ক্যাতা কা এপা জাংওয়া হিংয়ে, ‘ও শাউল, ও শাউল, নাতিহা কাহিংয়া হাংপা কোইচ্যাপামগা? নাতিহা কাহিং কোইচ্যাপাকো কেংনাহা নাতি আপনিরাং ক্যইচ্যানেরোওয়া।’15কাহা উইয়ে, ‘প্রভু, নাতিহা হাংসুগা?’ আসা প্রভুহা ন্যাসারাং জাংয়ে, ‘কাহা ইশু, হাংসুহিং নাতিহা কোইচ্যাপাদিংমে।16নেহা লো, কা নাতিহিংয়া কুং কাম জোওয়া ডেইয়া আসা কুং গাওয়াই পিচাওয়া বানাইরোওয়া। আকো সোতা কা নাকোতা তিংরেমগা। নাতি হিনিকো তিংওয়া নুওয়াং আসা নোইতা ওয়াংপাওয়া সময়তা তিংপাওয়া নুওয়াংবি দোসরা দিংঙাবিহিং নাতিহা হিংপানেরোওয়া।17“কা নাতিহিংয়া য়হুদি আসা দোসরা জ্যাবিকোতা নিংপুরোওয়া, আসা নাতিহিংয়া আবিকোসো য়োইমসা এরোওয়া।18“নাতিহা আবিকো মিচো ওয়েমসা আবিহিং নাগিওয়াসোহা হাহাইওয়াতা আসা শয়তানকো সেসোহা সেংজাকোতা লাপোংনেরোওয়া। এপারাং আবিহা পাপকো ছমা মুংচারোওয়া আসা কুং তোইতা দেংওয়াবিহিংপা পবিত্র জিংওয়া জায়গা আবিরে মুংচারোওয়া।’19“ও জাইপু অগ্রিপাস, লোডিংবাসো তিংওয়া দর্শনহিংয়া কাহা মোজোপা য়ুংকো মাচুতো।20নাগাইহা দমস্কস, য়রুশালেম আসা তাংসা য়হুদিয়া জায়গা আসা দোসরা জ্যাবিকো লোইবিতারে হোমসা কাহা দিংঙাবিহিং আপনি আপনিকো পাপহিং হুইতেমসা সেংজাকোতা লায়োংকো তাওয়া নুওয়াংবি হিংপায়ে। সেংজাকোতা লায়োংমকো গুং তাওয়া প্রমান আপনিকো জোওয়া কামসো তিংপানেরোওয়া তামসা ঝিপায়ে।21এপারাং ই নুওয়াং হিংপাপুওয়াকো সোতা য়হুদিবিহা কাহিংয়া দেমসাতা প্যইমসা স্যাকো কেংয়ে।22আদো হিনিকো দিন চোইপা কাহিংয়া সেংজাহা য়ুজ্রুমি নিও। আকো সোতা কা ইতা নিওয়া ডিয়োমবি চিয়োমবি তাংসাকো নাগাইতা গাওয়াই জাংমসা জাদিংমি নিও। মোসা আসা লেরা অগমবক্তাবিকো নোইতা হাংজিংমে তাওয়া নুওয়াংবি ল্যামসা কাহা দোসরা সিওপা নুওয়াং হাইরে মাজাংয়াংতো।23ই নুওয়াংহা অগমবক্তাবিহা জাংপুনতেমি নিমগা: মুক্তি পিচাওয়া খ্রীষ্টহা কোইচ্যামসা সিনেরোওয়া, আকুহা সিমসা ঙারোমবিতাহা হাংসুরোমা নাগাই জিংরোওয়া আসা আকুহা আপনিকো হাহাইওয়া য়হুদিবিকোতা আসা দোসরা জ্যাবিকোতা দেরেং হিংপানেরোওয়া।”24পাউলকো জাংওয়া ই নুওয়াং হিংমসা পেস্তোসহা সাডিংপা ঙামসা জাংয়ে, “পাউল নাতিহা চোইরুং বুপুনতেয়োং, নাকো দুংজিহা নাতিহিংয়া চোইরুং জোপাপুয়ে।”25আদো পাউলহা জাংয়ে, “মাননীয় পেস্তোস, কাহা চোইরুং মোকোমি, কা সোজোইংরাং নিনা আসা কা আজিপ্পা নুওয়াং জাংদিংয়ো।26“জাইপু অগ্রিপাসহা ই তাংসা নুওয়াং গেমি নিমি, আকুহিংয়া কা ই নুওয়াংবিহা মাচ্ছুংপা জাংকো চুরোওয়া। আকুহা আজিপ্পারাং ই নুওয়াংতাহা এনতাপা হিংমি নিও, হাংপাতানাহা ইশুকো তোইতা জিংওয়া নুওয়াংবিহা চেকেপা নাংসো নাংসো জিংওয়া মোকো।27“ও জাইপু অগ্রিপাস, নাতিহা অগমবক্তাকো তোইতা দেংমগা? ইহা নাতিহা দেংয়ো তাওয়া নুওয়াংহা কা গেমি নিও।”28আত্রংতারাং অগ্রিপাসহা পাউলহিং জাংয়ে, “আস্যস্যই নুওয়াংতা নাতিহা কাহিংয়া খ্রীষ্টান বানাইকো কেংমগা?”29পাউলহা জাংয়ে, “আস্যস্যই জিংবা উইসে জিংবা ই কুং খুইতা জিংওয়া সাংগ্লি ল্যামসা নাতি মেংচে মোকো, আদো নাবি তাংসা কা ত্যাবাপা জিংনাহা ক্যাচেংকো। ইরাং কা সেংজাহিংপা পাচাইরোওয়া।”30আত্রংহা জাইপু অগ্রিপাস টেবো কাইজি পেস্তোস বরনিকী আসা আবিহিংপা ওয়াংওয়া তাংসা দিংঙাবি তাত্রিংপা জাসুয়ে31আসা বাইরে নোনুওয়া এপা জাংসুমসা য়্যইসুয়ে, “ই দিংঙাহা জেলতা সুংনেকো আসা সিনেকো বেপাহা হাইরে কাম মোজোয়াংতুং।”32অগ্রিপাসহা পেস্তোসহিং জাংয়ে, “ই দিংঙাহা রোমি টেবো জাইপুকোতা বিনতি মোজোয়াংনাহা ল্যাপপিদোতুকোগা!”
পাউলহা খুই লামসা আপনিহিং বাচাইকো এপা জাংয়ে,2“ও জাইপু অগ্রিপাস, য়হুদিবিহা কাহিং দোষ তিংপাওয়া নুওয়াংকো তোইতা কা হিনিহা আপনিকো নুওয়াং নাকো নাগাইতা জাংচা মুংওয়াকো সোতা আপনিহিংনাং টেবো নোরোওয়া।3নাতিহিংয়া য়হুদিবিকো লোচ্যইপ্যচ্যই আসা মিচিসুওয়া নুওয়াংকো তোইতা এনতাপা গেওয়াকো সোতা কা আপনিহিংনাং টেবো তামসা নোরোওয়া। এপা জিংপুনুওয়া নেহা কা নাকোতা জাংচারোওয়া, কুং নুওয়াং এনতাপা হিংপি।4“কাহা আপনিকো লোইতা আসা য়রুশালেম শহরতা য়হুদি জ্যাবিকো প্যাকোতারাং ডেয়ে। আকো সোতা কা হেপা নিমমে য়হুদিবিহা কাহিংয়া আপেচুনুসোরাং এনতাপা নাইমগা।5কারে নাগাইহা য়হুদিবিকো প্যাকোকো তাংজিহিং আসা লিংপাংহিং সাডুংপা এওয়া ফরিসি নিমগা। আসা আকু লিংপাংবিহিং এনতাপা মানেচাংমগা। আবিমি জাংকো কেংনাহা ই নুওয়াংহা আবিরে জাংকো চুরোওয়া।6সেংজাহা কাবিকো আটা-আজাহিং জাংতেওয়া নুওয়াং পুরা জিংরো তামসা কাহা ভরসা এওয়াকো সোতা কাহা হিনিহা এপা নাকো নাগাইতা জানেমি নিও।7ও জাইপু অগ্রিপাস, আকু প্রতিজ্ঞা মুংচাওয়া আশাতা কাবিকো বার্চো জিরিবিরে লিসুং জেইসুং ইচো তুংসিংসো সেংজাহিং তাচামসা ই ভক্তি পিচাদিংয়ো। কারে আকু আশা এওয়াকো সোতা য়হুদিবিহা কাহিংয়া দোষ লাগাইমি নিও।8সেংজাহা সিপুনতেমবিহিংয়া ঙারোপামগা তাওয়া নুওয়াংতা নাবিহা হাংপা দেংকো মোচুমগা?9“আদো কারে ছুওয়া সেই নাসরতকো ইশুহিং মেংতাপা জোনেরোওয়া তামসা নোমি নিমগা।10য়রুশালেমতা এপারাং মেংতাপা জোয়ে। কাহা মাটা পাউবিসো অধিকারকো চিঠি মুংচামসা প্রভু ইশুতা দেংওয়াবি উইসে পবিত্র দিংঙাবিহিং জেলতা সুংপায়ে আসা আবিহিং স্যাকোপারাং য়ুজুরুয়ে।11য়হুদিবিকো জোংসুওয়া সাবিতা হোমসা কাহা আবিহিংয়া দন্ড পিচায়ে আসা আবিকো দেংওয়াহিং ল্যাপায়ে। কা আবিহিংপা সিওপা সেদ্রাংপুওয়াকো সোতা মেহ জিংপুমি নিমি। আসা দোসরা লোইকো শহরবিতারে হোমসা আবিহিং হাত্রংদো কোইচ্যাপায়ে।12“এপারাং সাইয়ুহা মাটা পাউবিকো অধিকার আসা জাংওয়া হিংমসা কা দমস্কস শহরতা হোদাংমি।13ও জাইপু, আত্রংকো দিন জেইসুং ন্যাতাসো হাদাংনুওয়া সানিকো হাহাইওয়ারোমা সিওপা চাইচাইপা হাহাইপা কা আসা কুং ব্যারোবিকো তোইতা হুইয়ে।14কাবি তাংসা মোংটোতা ত্যাতাইচাপুয়ে। আসা আত্রংরাং হিব্রু ক্যাতা কা এপা জাংওয়া হিংয়ে, ‘ও শাউল, ও শাউল, নাতিহা কাহিংয়া হাংপা কোইচ্যাপামগা? নাতিহা কাহিং কোইচ্যাপাকো কেংনাহা নাতি আপনিরাং ক্যইচ্যানেরোওয়া।’15কাহা উইয়ে, ‘প্রভু, নাতিহা হাংসুগা?’ আসা প্রভুহা ন্যাসারাং জাংয়ে, ‘কাহা ইশু, হাংসুহিং নাতিহা কোইচ্যাপাদিংমে।16নেহা লো, কা নাতিহিংয়া কুং কাম জোওয়া ডেইয়া আসা কুং গাওয়াই পিচাওয়া বানাইরোওয়া। আকো সোতা কা নাকোতা তিংরেমগা। নাতি হিনিকো তিংওয়া নুওয়াং আসা নোইতা ওয়াংপাওয়া সময়তা তিংপাওয়া নুওয়াংবি দোসরা দিংঙাবিহিং নাতিহা হিংপানেরোওয়া।17“কা নাতিহিংয়া য়হুদি আসা দোসরা জ্যাবিকোতা নিংপুরোওয়া, আসা নাতিহিংয়া আবিকোসো য়োইমসা এরোওয়া।18“নাতিহা আবিকো মিচো ওয়েমসা আবিহিং নাগিওয়াসোহা হাহাইওয়াতা আসা শয়তানকো সেসোহা সেংজাকোতা লাপোংনেরোওয়া। এপারাং আবিহা পাপকো ছমা মুংচারোওয়া আসা কুং তোইতা দেংওয়াবিহিংপা পবিত্র জিংওয়া জায়গা আবিরে মুংচারোওয়া।’19“ও জাইপু অগ্রিপাস, লোডিংবাসো তিংওয়া দর্শনহিংয়া কাহা মোজোপা য়ুংকো মাচুতো।20নাগাইহা দমস্কস, য়রুশালেম আসা তাংসা য়হুদিয়া জায়গা আসা দোসরা জ্যাবিকো লোইবিতারে হোমসা কাহা দিংঙাবিহিং আপনি আপনিকো পাপহিং হুইতেমসা সেংজাকোতা লায়োংকো তাওয়া নুওয়াংবি হিংপায়ে। সেংজাকোতা লায়োংমকো গুং তাওয়া প্রমান আপনিকো জোওয়া কামসো তিংপানেরোওয়া তামসা ঝিপায়ে।21এপারাং ই নুওয়াং হিংপাপুওয়াকো সোতা য়হুদিবিহা কাহিংয়া দেমসাতা প্যইমসা স্যাকো কেংয়ে।22আদো হিনিকো দিন চোইপা কাহিংয়া সেংজাহা য়ুজ্রুমি নিও। আকো সোতা কা ইতা নিওয়া ডিয়োমবি চিয়োমবি তাংসাকো নাগাইতা গাওয়াই জাংমসা জাদিংমি নিও। মোসা আসা লেরা অগমবক্তাবিকো নোইতা হাংজিংমে তাওয়া নুওয়াংবি ল্যামসা কাহা দোসরা সিওপা নুওয়াং হাইরে মাজাংয়াংতো।23ই নুওয়াংহা অগমবক্তাবিহা জাংপুনতেমি নিমগা: মুক্তি পিচাওয়া খ্রীষ্টহা কোইচ্যামসা সিনেরোওয়া, আকুহা সিমসা ঙারোমবিতাহা হাংসুরোমা নাগাই জিংরোওয়া আসা আকুহা আপনিকো হাহাইওয়া য়হুদিবিকোতা আসা দোসরা জ্যাবিকোতা দেরেং হিংপানেরোওয়া।”24পাউলকো জাংওয়া ই নুওয়াং হিংমসা পেস্তোসহা সাডিংপা ঙামসা জাংয়ে, “পাউল নাতিহা চোইরুং বুপুনতেয়োং, নাকো দুংজিহা নাতিহিংয়া চোইরুং জোপাপুয়ে।”25আদো পাউলহা জাংয়ে, “মাননীয় পেস্তোস, কাহা চোইরুং মোকোমি, কা সোজোইংরাং নিনা আসা কা আজিপ্পা নুওয়াং জাংদিংয়ো।26“জাইপু অগ্রিপাসহা ই তাংসা নুওয়াং গেমি নিমি, আকুহিংয়া কা ই নুওয়াংবিহা মাচ্ছুংপা জাংকো চুরোওয়া। আকুহা আজিপ্পারাং ই নুওয়াংতাহা এনতাপা হিংমি নিও, হাংপাতানাহা ইশুকো তোইতা জিংওয়া নুওয়াংবিহা চেকেপা নাংসো নাংসো জিংওয়া মোকো।27“ও জাইপু অগ্রিপাস, নাতিহা অগমবক্তাকো তোইতা দেংমগা? ইহা নাতিহা দেংয়ো তাওয়া নুওয়াংহা কা গেমি নিও।”28আত্রংতারাং অগ্রিপাসহা পাউলহিং জাংয়ে, “আস্যস্যই নুওয়াংতা নাতিহা কাহিংয়া খ্রীষ্টান বানাইকো কেংমগা?”29পাউলহা জাংয়ে, “আস্যস্যই জিংবা উইসে জিংবা ই কুং খুইতা জিংওয়া সাংগ্লি ল্যামসা নাতি মেংচে মোকো, আদো নাবি তাংসা কা ত্যাবাপা জিংনাহা ক্যাচেংকো। ইরাং কা সেংজাহিংপা পাচাইরোওয়া।”30আত্রংহা জাইপু অগ্রিপাস টেবো কাইজি পেস্তোস বরনিকী আসা আবিহিংপা ওয়াংওয়া তাংসা দিংঙাবি তাত্রিংপা জাসুয়ে31আসা বাইরে নোনুওয়া এপা জাংসুমসা য়্যইসুয়ে, “ই দিংঙাহা জেলতা সুংনেকো আসা সিনেকো বেপাহা হাইরে কাম মোজোয়াংতুং।”32অগ্রিপাসহা পেস্তোসহিং জাংয়ে, “ই দিংঙাহা রোমি টেবো জাইপুকোতা বিনতি মোজোয়াংনাহা ল্যাপপিদোতুকোগা!”
The Seed Company