প্রেরিত19
1অপোলোস কোরোন্থি শহরতা নিনুওয়া পাউলহা এশিয়া জায়গাকো প্যাকোসো জিংপুমসা এপিসিস শহরতা দেয়োংয়ে। আউতা পাউলহা প্রভুকোতা দেংওয়া ইচো নিহসো য়োংতোংবিহিং দোসুয়ে।2আকুহা আবিহিংয়া উইয়ে, “নাবিহা প্রভুতা দেংমসা পবিত্র লাংবে মুংচাংগা?”
আবিহা জাংয়ে, “পবিত্র লাংবে নিনা তামসা কাবিহা হিংকোরে মাহিংয়াংনা।”3ন্যাসারাং পাউলহা উইয়ে, “এপা বেনাহা নাবিহা হেপাজিংওয়া বাপ্তিস্মা লাংগাসা?”
আবিহা জাংয়ে, “য়হুন্নাকো ঝিপাওয়াতা বাপ্তিস্মা লাংনা।”4পাউলহা জাংয়ে, “য়হুন্নাকো পিচাওয়া বাপ্তিস্মাহা পাপকো তুংসিংসো হুরাপামসা ওয়াংকো সোতাগা। আকুহা কুং নোইতা ওয়াংরোওয়া তাওয়াকো তোইতারাং দেংকো জো তামসা দিংঙাবিহিং ঝিপায়ে। য়হুন্নাকো নোইতা লেওয়াহা ইশুরাংগা।”5ই হিংনুকো নোইতা আবিহা প্রভু ইশুকো মিংতা বাপ্তিস্মা লাংয়ে।6আসা পাউলহা আপনিকো খুই আবিকো তোইতা ওইনুহা পবিত্র লাংবেহা আবিকো তোইতা লেহে। আত্রংহা আবিহা দোসরা ক্যাবিসো য়্যইমসা অগমবাণী য়্যইয়ে।7আবিহা বার্চো কাচি নিমি।8পাউলহা য়হুদিবিকো জোংসুওয়া সাতা হোয়ে আসা এপিসিসকো দিংঙাবিহিং তারি সুংরি চোইপা য়ুংমসা মাচ্ছুংপা ঝিপায়ে। আকুহা সেংজাকো রাজ্যকো নুওয়াংবি এনতাপা কোইপায়ে।9আদো লেরাকো তুংসিংহা লুংটুই ত্যাবাপা জোমসা আবিহা প্রভুহিংয়া মাদেংতো। তুইপেং আবিহা প্রভুকো পিচাওয়া আকু মুক্তি মুংচাওয়া ন্যাতাহিংয়া তাংসাকো নাগাইতা মোসোংপা জোয়ে। আকো সোতা পাউলহা আবিকো জোংসুওয়া সাতা হোকোরাং ল্যাপু্ইয়ে, আসা প্রভুকো দেংওয়া য়োংতোংবিহিংয়া আপনিহিংপা পুরায়ে। আকো নোইতা পাউলহা তুরানস তাওয়া দিংঙাকো স্কুলতা দিংঙাবিহিংপা দোসপামসা মুক্তিকো তোইতা য়্যই-জাংসুয়ে।10এপা জোমসারাং লো নিহনিং পেংপুয়ে, আসা এশিয়া লোইবিতা য়ুংওয়া য়হুদিবি আসা দোসরা জ্যাকো দিংঙাবি তাংসা প্রভুকো য়্যইদি হিংয়ে।11সেংজাহা পাউলকো খুইসো টেরবো টেরবো আআংপেপেচপুওয়াকো কামবি জোয়ে।12এপা জিংপুক্যইপা দিংঙাবিহা পাউলকো জুপাতা আংদুংকো তোরা আসা পারিবি সুপামসা হাইমবিকোতা পুচাংমি। এপারাং আকু হাইমবিহা সাংচাপুচাংমি আসা জেসাং দোইংচপুমবিকোসোরে জেসাংবিহা নোপুচাংমি।13জায়গা-জায়গাতা কোইওয়া ঝাংক্রি য়হুদিবিরে প্রভু ইশুকো মিংতা মেংতাওয়া লাংবে নোপাকো কেংয়ে। আবিহা মেংতাওয়া লাংবেহিং জাংয়ে, “পাউলকো হিংপাওয়া ইশুকো মিংতা কা নাতিহিংয়া নোপুমসা হাতু তামসা জাংরোওয়া!” তাহে।14ইচো স্কেওয়াস মিং নিওয়া য়হুদি মাটা পাউকো নীচো চেংওয়াবিরে এপা জিংওয়া কাম জোচাংমি।15আদো সাইয়ুহা মেংতাওয়া লাংবেহা আবিহিং জাংয়ে, “ইশুহিংয়া কা নাইমগা পাউলহিংনে কা নাইমগা, আদো নাবিহা হাংসুগা?”16এপা জাংমসা মেংতাওয়া লাংবে দোইংচপুওয়া দিংঙাহা আবিকোতা য়েপামসা আবিহিংয়া জিয়োয়ে আসা আবিহা মেককোংতোওয়্যাই জিংপুমসা জুপাতা ন্যাচপুওয়াকো মেংটা পুউমসা আউসো ক্যাপে।17ই নুওয়াং এপিসিসতা নিওয়া য়হুদি আসা দোসরা জ্যাকো দিংঙাবিরে হিংয়ে আসা তাংসা চুসুংপুয়ে। আবিহা প্রভু ইশুকো মিংহা টেবো গুং তামসা তাচায়ে।18উইসে দেংওয়াবি ওয়াংমসা আপনিকো মেংতাওয়া কামবি তাংসাকো প্যাকোতা ল্যাপুরো কা তামসা জাংসুয়ে।19উইসে জাদু তিংপামবি আসা ঝাংক্রিবিকো তোইতা লাওয়া আপনিকো হিগাবি পামসা তাংসাকো নাগাই মেতা চুংপুয়ে। চুংপুনতেওয়া হিগাহা চোইনেনাহা পচাঁশ হাজার জাতাংকো ন্যাস্যা এসেকো নিমি।20এপারাং সেংজাকো য়্যইদিহা সাদিংপা বেইপুমসা হোপুয়ে।21আকো নোইতা পাউলহা মাকেডোনিয়া আসা আকাইয়া জায়গা জিংমসা য়রুশালেম হারো তামসা নোয়ে। আকুহা জাংয়ে, “য়রুশালেম হাপুনতেনুওয়া কাহা রোম শহরতারে হোনেরোওয়া।”22আকো নোইতা আকুহা আপনিকো ব্যারো তিমোথী আসা ইরাস্তসহিং মাকেডোনিয়াতা নিংপুয়ে, আদো আপনিহা সাইয়ু নিহয়ু চোইপা এশিয়া জায়গাতারাং য়ুংতেহে।23আকু সময়তাহা মুক্তিকো ন্যাতাকো তোইতা এপিসিসতা টেবো স্যাসু তোইংসুয়ে।24দেমাত্রিয়োস মিং নিওয়া সুনারহা আরতিমিস চোইসুংকো আত্যইচওয়া জাতাংকো দেমসাবি বানাইয়ে। ই কাম জোমসা আকু আসা আকো এওয়া কাম জোওয়া দিংঙাবিহা উইসে ন্যাস্যা কামাইচাংমি।25নেহা দেমাত্রিয়োসহা আপনিকো কাম জোওয়া দিংঙাবি আসা আবি ত্যাবাপা কাম নিওয়া দিংঙাবি তাংসাহিং মোউমসা জাংয়ে, “এবাই, ই পিইচামসারাং য়াংবিহা ন্যাস্যা কামাইমি নিও, ই নুওয়াং নাবিহা গেদিংমি নিও।26আদো ই পাউলহা হাং জাংদিংমে, নাবি আপনিবিরাং তিংদিংয়ো আসা হিংদিংয়ো। দিংঙাবিকো খুইসো বানাইওয়া চোইসুংবিহা চোইসুংরাং মোকোমি তামসা জাংদিংয়ে! আকুহা ইতা এপিসিস আসা এশিয়াতা য়ুংওয়া উইসে দিংঙাবিহিং দুদুইপাপুনতেয়ো।27এপারাং য়োংকো কামবিকো মেংচে মোকো, আদো টেবো দেমসাকো চোইসুং আরতিমিসহিং হুইওয়ারে য়াংপুরোওয়া।”28ই হিংমসা আউতা নিওয়া দিংঙাবিহা সেদ্রাংসপুয়ে আসা আবিহা ঙাসুমসা জাংসুয়ে, “এপিসিসতা নিওয়া চোইসুং আরতিমিসকো মিং টেবো জিংকো!”29আকু তাংসা শহরবিহা চেচোওয়াইপা জিংপে। দিংঙাবিহা ইচো পারা জিংমসা লেহে আসা মাকেডোনিয়াসো লেওয়া পাউলকো ব্যারো গাইয়োস আসা আরিস্তার্কসহিং প্যইমসা রোংগোসালতা পুরায়ে।30পাউলহা উইসে দিংঙাকো নাগাই হোমসা য়্যইকো কেংয়ে, আদো য়োংতোংবিহা আকুহিংয়া হোকো মিচাতো।31এশিয়া জায়গাকো ইচো নিহসো কাইজিবিহা পাউলকো ব্যারো নিমি। আবিহা পাউলহিংয়া রোংগোসালতা মোহোকো তামসা জাংচায়ে।32দিংঙাবিকো প্যাকোতা টেবো চেচোওয়াইপা জিদিংমি। লেরাহা এপা জাংমসা চেচোওয়াইপা জোচাংমি আসা লেরাবিহা এপা জাংমসা চিলিংসুচাংমি। আদো আবিকো প্যাকোতাহা হাংপা চেচোওয়াইপা জোসুদিংমে, সিওচে দিংঙাবিহা আকুরে মেগেয়াংমি।33আত্রংহা য়হুদিবিহা আলোকজান্ডার তাওয়া দিংঙাহিংয়া হাইক্রি জাংকো সোতা নাগাই জুইসুয়ে। আকুহা খুইকো লাবেসো তাংসাহিং চিচোপা জোপামসা য়হুদিবিহিং বাচাইকো সোতা হাইক্রি য়্যইকো কেংয়ে।34আদো আকুহিংয়া য়হুদি গুং তামসা নাইনুওয়া আকু দিংঙাবিহা দুই ঘন্টা চোইপা “এপিসিসতা নিওয়া চোইসুং আরতিমিসকো মিং টেবো জিংকো! এপিসিতা নিওয়া আরতিমিসকো মিং টেবো জিংকো!” তামসা ঙাসুয়ে।35নোইস্যাতাহা এপিসিসকো মাটাহা দিংঙাবিহিং চিচ্চোপা জোকো ছুয়ে। আকুহা জাংয়ে, “এপিসিসকো আপু এবাই, টেবো চোইসুং আরতিমিসকো দেমসা আসা ডিংবাসো হুইওয়া মুর্তিহিং কাংওয়াহা য়াংবি এপিসিসবিরাংগা তামসা য়াংবি তাংসা গেমি নিও।36এপা জিংপুনুওয়া নাবিহা চেকেপা য়ুং। এপা সেদ্রাংপামসা মোনোপা কাম জোওয়াহা এনতাওয়া মোকো।37নাবিকো প্যইপামসা পারাওয়া দিংঙাবিহা য়োংকো দেমসাহিং কুচাপুমগা না য়োংকো চোইসুংহিংনাং মেংতাপা জোদিংগা।38দেমাত্রিয়োস আসা আকো সুনার ব্যারোবিকোমি দোসরাকো তোইতা মেংতাপা জাংকো হাইক্রি নুওয়াং নিনাহা আবিহা জোংসুওয়াতা পুরামসা জাংয়াকো চুরোওয়া।39ন্যাসারাং নাবিহা আকুরোমা দোসরা নুওয়াং নিনাহা শহরতা জোংসুমসা ন্যায় জোকো চুরোওয়া।40হিনিয়া এপা চেচ্চোওয়াইপা জোসুওয়াকো দোষহা য়োংকোতা ঊইরোওয়া তামসা চুসুংনেপা নিও। দোষবেমি তিংপাপুনাহা হাইরে কারণ মোতোপা লুংটুইবি জোইসুপুওয়কো সোতা য়াংবিহা হাইরে ল্যহইপাকোরে মোচুরোওয়া।”41এসে জাংপুনতেনুকো নোইতা আকুহা আউতা নিওয়া দিংঙাবিহিংয়া নিংপুয়ে।
আবিহা জাংয়ে, “পবিত্র লাংবে নিনা তামসা কাবিহা হিংকোরে মাহিংয়াংনা।”3ন্যাসারাং পাউলহা উইয়ে, “এপা বেনাহা নাবিহা হেপাজিংওয়া বাপ্তিস্মা লাংগাসা?”
আবিহা জাংয়ে, “য়হুন্নাকো ঝিপাওয়াতা বাপ্তিস্মা লাংনা।”4পাউলহা জাংয়ে, “য়হুন্নাকো পিচাওয়া বাপ্তিস্মাহা পাপকো তুংসিংসো হুরাপামসা ওয়াংকো সোতাগা। আকুহা কুং নোইতা ওয়াংরোওয়া তাওয়াকো তোইতারাং দেংকো জো তামসা দিংঙাবিহিং ঝিপায়ে। য়হুন্নাকো নোইতা লেওয়াহা ইশুরাংগা।”5ই হিংনুকো নোইতা আবিহা প্রভু ইশুকো মিংতা বাপ্তিস্মা লাংয়ে।6আসা পাউলহা আপনিকো খুই আবিকো তোইতা ওইনুহা পবিত্র লাংবেহা আবিকো তোইতা লেহে। আত্রংহা আবিহা দোসরা ক্যাবিসো য়্যইমসা অগমবাণী য়্যইয়ে।7আবিহা বার্চো কাচি নিমি।8পাউলহা য়হুদিবিকো জোংসুওয়া সাতা হোয়ে আসা এপিসিসকো দিংঙাবিহিং তারি সুংরি চোইপা য়ুংমসা মাচ্ছুংপা ঝিপায়ে। আকুহা সেংজাকো রাজ্যকো নুওয়াংবি এনতাপা কোইপায়ে।9আদো লেরাকো তুংসিংহা লুংটুই ত্যাবাপা জোমসা আবিহা প্রভুহিংয়া মাদেংতো। তুইপেং আবিহা প্রভুকো পিচাওয়া আকু মুক্তি মুংচাওয়া ন্যাতাহিংয়া তাংসাকো নাগাইতা মোসোংপা জোয়ে। আকো সোতা পাউলহা আবিকো জোংসুওয়া সাতা হোকোরাং ল্যাপু্ইয়ে, আসা প্রভুকো দেংওয়া য়োংতোংবিহিংয়া আপনিহিংপা পুরায়ে। আকো নোইতা পাউলহা তুরানস তাওয়া দিংঙাকো স্কুলতা দিংঙাবিহিংপা দোসপামসা মুক্তিকো তোইতা য়্যই-জাংসুয়ে।10এপা জোমসারাং লো নিহনিং পেংপুয়ে, আসা এশিয়া লোইবিতা য়ুংওয়া য়হুদিবি আসা দোসরা জ্যাকো দিংঙাবি তাংসা প্রভুকো য়্যইদি হিংয়ে।11সেংজাহা পাউলকো খুইসো টেরবো টেরবো আআংপেপেচপুওয়াকো কামবি জোয়ে।12এপা জিংপুক্যইপা দিংঙাবিহা পাউলকো জুপাতা আংদুংকো তোরা আসা পারিবি সুপামসা হাইমবিকোতা পুচাংমি। এপারাং আকু হাইমবিহা সাংচাপুচাংমি আসা জেসাং দোইংচপুমবিকোসোরে জেসাংবিহা নোপুচাংমি।13জায়গা-জায়গাতা কোইওয়া ঝাংক্রি য়হুদিবিরে প্রভু ইশুকো মিংতা মেংতাওয়া লাংবে নোপাকো কেংয়ে। আবিহা মেংতাওয়া লাংবেহিং জাংয়ে, “পাউলকো হিংপাওয়া ইশুকো মিংতা কা নাতিহিংয়া নোপুমসা হাতু তামসা জাংরোওয়া!” তাহে।14ইচো স্কেওয়াস মিং নিওয়া য়হুদি মাটা পাউকো নীচো চেংওয়াবিরে এপা জিংওয়া কাম জোচাংমি।15আদো সাইয়ুহা মেংতাওয়া লাংবেহা আবিহিং জাংয়ে, “ইশুহিংয়া কা নাইমগা পাউলহিংনে কা নাইমগা, আদো নাবিহা হাংসুগা?”16এপা জাংমসা মেংতাওয়া লাংবে দোইংচপুওয়া দিংঙাহা আবিকোতা য়েপামসা আবিহিংয়া জিয়োয়ে আসা আবিহা মেককোংতোওয়্যাই জিংপুমসা জুপাতা ন্যাচপুওয়াকো মেংটা পুউমসা আউসো ক্যাপে।17ই নুওয়াং এপিসিসতা নিওয়া য়হুদি আসা দোসরা জ্যাকো দিংঙাবিরে হিংয়ে আসা তাংসা চুসুংপুয়ে। আবিহা প্রভু ইশুকো মিংহা টেবো গুং তামসা তাচায়ে।18উইসে দেংওয়াবি ওয়াংমসা আপনিকো মেংতাওয়া কামবি তাংসাকো প্যাকোতা ল্যাপুরো কা তামসা জাংসুয়ে।19উইসে জাদু তিংপামবি আসা ঝাংক্রিবিকো তোইতা লাওয়া আপনিকো হিগাবি পামসা তাংসাকো নাগাই মেতা চুংপুয়ে। চুংপুনতেওয়া হিগাহা চোইনেনাহা পচাঁশ হাজার জাতাংকো ন্যাস্যা এসেকো নিমি।20এপারাং সেংজাকো য়্যইদিহা সাদিংপা বেইপুমসা হোপুয়ে।21আকো নোইতা পাউলহা মাকেডোনিয়া আসা আকাইয়া জায়গা জিংমসা য়রুশালেম হারো তামসা নোয়ে। আকুহা জাংয়ে, “য়রুশালেম হাপুনতেনুওয়া কাহা রোম শহরতারে হোনেরোওয়া।”22আকো নোইতা আকুহা আপনিকো ব্যারো তিমোথী আসা ইরাস্তসহিং মাকেডোনিয়াতা নিংপুয়ে, আদো আপনিহা সাইয়ু নিহয়ু চোইপা এশিয়া জায়গাতারাং য়ুংতেহে।23আকু সময়তাহা মুক্তিকো ন্যাতাকো তোইতা এপিসিসতা টেবো স্যাসু তোইংসুয়ে।24দেমাত্রিয়োস মিং নিওয়া সুনারহা আরতিমিস চোইসুংকো আত্যইচওয়া জাতাংকো দেমসাবি বানাইয়ে। ই কাম জোমসা আকু আসা আকো এওয়া কাম জোওয়া দিংঙাবিহা উইসে ন্যাস্যা কামাইচাংমি।25নেহা দেমাত্রিয়োসহা আপনিকো কাম জোওয়া দিংঙাবি আসা আবি ত্যাবাপা কাম নিওয়া দিংঙাবি তাংসাহিং মোউমসা জাংয়ে, “এবাই, ই পিইচামসারাং য়াংবিহা ন্যাস্যা কামাইমি নিও, ই নুওয়াং নাবিহা গেদিংমি নিও।26আদো ই পাউলহা হাং জাংদিংমে, নাবি আপনিবিরাং তিংদিংয়ো আসা হিংদিংয়ো। দিংঙাবিকো খুইসো বানাইওয়া চোইসুংবিহা চোইসুংরাং মোকোমি তামসা জাংদিংয়ে! আকুহা ইতা এপিসিস আসা এশিয়াতা য়ুংওয়া উইসে দিংঙাবিহিং দুদুইপাপুনতেয়ো।27এপারাং য়োংকো কামবিকো মেংচে মোকো, আদো টেবো দেমসাকো চোইসুং আরতিমিসহিং হুইওয়ারে য়াংপুরোওয়া।”28ই হিংমসা আউতা নিওয়া দিংঙাবিহা সেদ্রাংসপুয়ে আসা আবিহা ঙাসুমসা জাংসুয়ে, “এপিসিসতা নিওয়া চোইসুং আরতিমিসকো মিং টেবো জিংকো!”29আকু তাংসা শহরবিহা চেচোওয়াইপা জিংপে। দিংঙাবিহা ইচো পারা জিংমসা লেহে আসা মাকেডোনিয়াসো লেওয়া পাউলকো ব্যারো গাইয়োস আসা আরিস্তার্কসহিং প্যইমসা রোংগোসালতা পুরায়ে।30পাউলহা উইসে দিংঙাকো নাগাই হোমসা য়্যইকো কেংয়ে, আদো য়োংতোংবিহা আকুহিংয়া হোকো মিচাতো।31এশিয়া জায়গাকো ইচো নিহসো কাইজিবিহা পাউলকো ব্যারো নিমি। আবিহা পাউলহিংয়া রোংগোসালতা মোহোকো তামসা জাংচায়ে।32দিংঙাবিকো প্যাকোতা টেবো চেচোওয়াইপা জিদিংমি। লেরাহা এপা জাংমসা চেচোওয়াইপা জোচাংমি আসা লেরাবিহা এপা জাংমসা চিলিংসুচাংমি। আদো আবিকো প্যাকোতাহা হাংপা চেচোওয়াইপা জোসুদিংমে, সিওচে দিংঙাবিহা আকুরে মেগেয়াংমি।33আত্রংহা য়হুদিবিহা আলোকজান্ডার তাওয়া দিংঙাহিংয়া হাইক্রি জাংকো সোতা নাগাই জুইসুয়ে। আকুহা খুইকো লাবেসো তাংসাহিং চিচোপা জোপামসা য়হুদিবিহিং বাচাইকো সোতা হাইক্রি য়্যইকো কেংয়ে।34আদো আকুহিংয়া য়হুদি গুং তামসা নাইনুওয়া আকু দিংঙাবিহা দুই ঘন্টা চোইপা “এপিসিসতা নিওয়া চোইসুং আরতিমিসকো মিং টেবো জিংকো! এপিসিতা নিওয়া আরতিমিসকো মিং টেবো জিংকো!” তামসা ঙাসুয়ে।35নোইস্যাতাহা এপিসিসকো মাটাহা দিংঙাবিহিং চিচ্চোপা জোকো ছুয়ে। আকুহা জাংয়ে, “এপিসিসকো আপু এবাই, টেবো চোইসুং আরতিমিসকো দেমসা আসা ডিংবাসো হুইওয়া মুর্তিহিং কাংওয়াহা য়াংবি এপিসিসবিরাংগা তামসা য়াংবি তাংসা গেমি নিও।36এপা জিংপুনুওয়া নাবিহা চেকেপা য়ুং। এপা সেদ্রাংপামসা মোনোপা কাম জোওয়াহা এনতাওয়া মোকো।37নাবিকো প্যইপামসা পারাওয়া দিংঙাবিহা য়োংকো দেমসাহিং কুচাপুমগা না য়োংকো চোইসুংহিংনাং মেংতাপা জোদিংগা।38দেমাত্রিয়োস আসা আকো সুনার ব্যারোবিকোমি দোসরাকো তোইতা মেংতাপা জাংকো হাইক্রি নুওয়াং নিনাহা আবিহা জোংসুওয়াতা পুরামসা জাংয়াকো চুরোওয়া।39ন্যাসারাং নাবিহা আকুরোমা দোসরা নুওয়াং নিনাহা শহরতা জোংসুমসা ন্যায় জোকো চুরোওয়া।40হিনিয়া এপা চেচ্চোওয়াইপা জোসুওয়াকো দোষহা য়োংকোতা ঊইরোওয়া তামসা চুসুংনেপা নিও। দোষবেমি তিংপাপুনাহা হাইরে কারণ মোতোপা লুংটুইবি জোইসুপুওয়কো সোতা য়াংবিহা হাইরে ল্যহইপাকোরে মোচুরোওয়া।”41এসে জাংপুনতেনুকো নোইতা আকুহা আউতা নিওয়া দিংঙাবিহিংয়া নিংপুয়ে।
The Seed Company