৩ য়হুন্না1
1মন্ডলিকো মাটা ওয়ারাংপাকোসো, কুং জেজেংওয়া ব্যারো গায়সহিং, হাংসুহিং কা আজিপ্পা জেজেংপা জোমি নিমমে।2ও কুং জেজেংওয়া ব্যারো, কা নাকো তাংসা নুওয়াংবিতা এনতাপা জিংকো তামসা পাচাইরোওয়া, নাকো লাংবে ত্যাবাপা নাকো জুপারে স্বাস্থ্য জিংকো।3নাতিহা আজিপ্পাতা তেইমসা হাত্রংদো আজিপ্পাহিং হুইমসা তেইদিংমি নিনত্যাহা তামসা লেরা দেংওয়া এবিহা লেমসা কাহিং হিংপারেয়ে। ই নুওয়াং হিংনুওয়া কাহা সিওপারাং গাগ্রুপুয়ে।4আপনিকো চেংওয়া চেমেবি আজিপ্পাকো নুনুই হুইদিংয়ো তাওয়া নুওয়াং হিংচা মুংওয়ারোমা টেবো য়াংতাওয়াকো নুওয়াংহা কুং সোতাহা হাং জিংকো ছুকোগা?5ও কুং জেজেংওয়া ব্যারো, নাতিহা ইমানদারসো হানি কাম জো, আকুহা নাতিহা তাংসা দেংওয়াবিকো সোতা জোয়ো, আউসেদাং মোকো, দোসরা নাইকোরে মানাইওয়াবিকো সোতারে নাতিহা জোয়ো।6আবিহা মন্ডলিকো নাগাইতা নাকো জেজেংওয়াকো বিষয়তা ল্যামি নিও। নাতিহা সেংজাকো নাগাইতা জেজেংওয়া কিসিমসো আবিকো তেইদিংওয়াতা য়ুজ্রুনাহা এনতাপা জিংরোওয়া।7হাংপাতানাহা আবিহা প্রভুকো মিংকো সোতা কাম জোকো নোমি নিও আসা প্রভুকোতা মাদেংওয়াবিকোসো হাইরে মাপাপা লেমি নিও।8য়াংবি দেংওয়াবিহা এপাজিংওয়া দিংঙাবিহিংয়া য়ুজ্রুনেরোওয়া। এপা য়ুজ্রুমসারাং য়াংবিহা আজিপ্পাকো সোতা চাংসুমসা কাম জোনেরোওয়া।9কাহা মন্ডলিহিংয়া হাইক্রি নুওয়াং লামি নিমগা, আদো আবিকো প্যাকোতা আপনিহিং টেবো নোওয়া ডিয়োত্রিফসহা কুং নুওয়াংতা ধ্যান মোজোতো।10কা আউতা ওয়াংনুওয়া নাবি তাংসাহিং আকুহা কাবিকো বিরোধতা হাং জোমমে, হেপা জিংওয়া মেংতাওয়া নুওয়াং য়্যইমমে, আকুহা কা হিংপারোওয়া। এসে মেংচে মোকো, আকুহা পরদেশী ডুওয়া এবি হুম্রিবিহিংনে বিরোধ জোমগা, আবিহিংয়া ওয়াংকো মিচাচাংমগা, আসা আবিহিং স্বাগত জোকো কেংবিহিংনে মন্ডলিসো নোপাপচাংমগা।11ও কুং জেজেংওয়া ব্যারো, মেংতাওয়া নুওয়াংহা হাংসুকোসোরে মাঝিঘ্যই, আদো এনতাওয়া নুওয়াং মেংচে ঝি, এনতাপা জোওয়াহা সেংজাকো দিংঙাগা, মেংতাপা জোওয়া দিংঙাহা সেংজাহিং নাইওয়া মোতোমগা।12ডেমেত্রিয়সহিংয়া তাংসারাং এনতাপা জাংসুচাংমগা আসা আজিপ্পা আপনিরে ই প্রমাণ জোমগা। কাবিরে ইকো সাক্ছি পিচারোওয়া। নাবিহা গেমিরাং নিও, কাবিকো সাক্ছিহা আজিপ্পা নিও।13কুং জাংকো নুওয়াংহা উইসে নিমগা, আদো সোকু আসা মুসিসোহা লাকো কুং ইচ্ছা মোতো,14হাংপাতানাহা য়াংবিহা সেন্নেপা দোসুরোওয়া আসা তাংসা নুওয়াংবিহা দোংনাংতারাং য়ুংসুমসারাং তাংসা নুওয়াং য়্যইসুকো আশা জোরোওয়া।15নাতিহিংয়া তিমেপা জিংকো।
ইতা নিওয়া তাংসা ব্যারোবিরে নাতিহিংয়া অভিবাদন কাইপুমি নিও। আসা তাংসা ব্যারোবিহিং অভিবাদন নিও তামসা হিংপাপি।
ইতা নিওয়া তাংসা ব্যারোবিরে নাতিহিংয়া অভিবাদন কাইপুমি নিও। আসা তাংসা ব্যারোবিহিং অভিবাদন নিও তামসা হিংপাপি।
The Seed Company