২ থেসলোনি1
1সেংজা আপা আসা প্রভু ইশু খ্রীষ্টকোতা দেংওয়া থেসলোনিকিতা নিওয়া মন্ডলিহিং কাবি পাউল, সিলাস আসা তিমোথিহা ই চিঠি লাদাংয়ো।2সেংজা আপা আসা প্রভু ইশু খ্রীষ্টহা নাবিহিংয়া অনুগ্রহ আসা তিমেওয়া পিচাকো।3ও ডুওয়া এবাই আসা হুম্রিবাই, নাবিকো দেংওয়া আসা জেজেংওয়ারে ইচোকো তোইতা ইচো সিও-সিওপা জিংপুমসা হোদিংয়ো। আকো সোতারাং কাবিহা নাবিকো সোতা হাত্রংদো সেংজাকোতা গারানি তাদিংয়ো। এপাহা জোনেকোরাংগা।4এপারাং নাবিকো সতায়চপুওয়া আসা কোইচ্যাওয়া সহায়কো চুওয়া সে আসা দেংওয়াকো বিষয়তা কাবিহা সেংজাকো মন্ডলিবিকো প্যাকোতা গর্ব জোমসা জাংদিংয়ো।5ইসোহা সেংজাহা তাংজিকো ন্যায় জোওয়াগা তাওয়া নুওয়াং তিংপামগা। আকো সোতা নাবিহা কোইচ্যাওয়া সহায়দিংওয়াকো সোতা সেংজাকো রাজ্যকো য়োগ্য়্য জিংমি নিও।6সেংজাহা নাবিহিং কোইচ্যাপাওয়াহিংয়া কোইচ্যাপারোওয়া, হাংপাতানাহা আকুহা আজিপ্পা ন্যায় জোওয়াগা।7কোইচ্যাওয়া সহায়ওয়া নাবি আসা কাবিহিংয়া সেংজাহা ওয়েংপারোওয়া, আকুহা প্রভু ইশু আসা আকো সে নিওয়া পোইংবিহিংপা লোডিংবাসো লেনুওয়া ই তাংসা জোরোওয়া।8আসা সেংজাহিং মানাইওয়াবিহিং আসা য়োংকো প্রভু ইশুকো এনতাওয়া দেরেংহিং মামানেওয়াবিহিংয়া আকুহা মেহকো মিজাইতা লেমসা দন্ড পিচারোওয়া।9আবিহিংয়া প্রভুকো উপস্থিতি আসা আকো সেকো মহিমাসো নোপামসা হাত্রংরে মামাচাওয়া দন্ড পিচারোওয়া।10ই নুওয়াংহা প্রভু ইশু লেনুকো দিনতা জিংরোওয়া। আত্রংকো দিনতাহা প্রভু ইশুহা আপনিকো পবিত্র দিংঙাবিকোসো আসা তাংসা দেংওয়াবিকোসো আদর আসা মহিমা মুংরোওয়া। নাবিরে আবিহিংপারাং নিরোওয়া, হাংপাতানাহা নাবিহা কাবিকো গাওয়াইতা দেংমি নিও।11সেংজাহা হানি সাদিকো সোতা নাবিহিং মোউমিনি, এপারাং আকো নাগাইতা য়োগ্য়্য জিংমসা য়ুংকো, আসা আকো সেসো এনতাপা জোকো আসা দেংওয়াকো কাম তাংসাতা য়ুজ্রুকো, তামসা কাবিহা হাত্রংদো পাচাইদিংয়ো,12এপামি জিংনাহা নাবিকোসো য়োংকো প্রভু ইশুকো মিংকো আদর জিংরোওয়া আসা আকোসো নাবিকোরে আদর জিংরোওয়া, হাংপাতানাহা নাবিহা য়োংকো সেংজা আসা প্রভু ইশু খ্রীষ্টকোসো অনুগ্রহ মুংচামি নিও।
The Seed Company