২ কোরোন্থি6
1কাবিহা সেংজাহিংপারাং কাম জোদিংয়ো, ই কাম জোদিংওয়াকো সোতারাং নাবিহিংয়া জাংচারোওয়া, নাবিহা সেংজাকো অনুগ্রহ মুংমি নিও, নেহা আকুহিংয়া ব্যর্থ জিংকো মিচা।2সেংজাহা জাংমগা, “গ্রহন য়োগ্য়্য সময়তাহা নাকো নুওয়াং হিংমসা বাচাইওয়া দিনতাহা নাবিহিংয়া য়ুজ্রুয়ে।”
কাং! গ্রহন য়োগ্য়্য সময়হা নেরাংগা আসা বাচাইওয়া দিনহা হিনিরাংগা!3কাবিকো জোওয়া কামকো দোষ মাতিংকো তামসা কাবিহা হাংসুহিংনে বাধা জিংওয়া কাম মোজোতো।4আদো কাবিহা আপনিহিং তাংসা নুওয়াংতা সেংজাকো ডেইয়াবিগা তামসা তিংপামগা, এপারাং নিও। কাবিহা তাংসা নুওয়াংতা দুঃখ মুংনু, হোমরাইপা জিংনু, নিরাশ জিংপুনুওয়া সহায়মসা য়ুংয়ে।5কাবিহিংয়া ডুপুয়ে, জেলতারে সুংপুইয়ে, কাবিকো তোইতা উইসে বিরোধ জিংপুয়ে, আসা সিওপারাং কোইচ্যানেপা জিংয়ে, আসা চাকো আসা জিংকোরে মামুংপা জিংপুয়ে।6কাবিহা আপনিকো পবিত্রতাসো, দুংজিসো, সহায়ওয়া সেসো আসা লামতুওয়াসো, পবিত্র লাংবেসো, আজিপ্পা জেজেংওয়াসো,7আজিপ্পা দেরেংসো আসা সেংজাকো সেসোরাং আকো কাম জোওয়ারাংগা তামসা তিংপায়ে। কাবিহা দাংক্রেং আসা কেক্রেং কাটুকো তাংজিকো হাতিয়ারবি ধারণ জোদিংয়ো।8কাবিকোহা ইজ্জতরে জিংপুয়ে, আসা বেইজ্জতরে জিংপুয়ে। বদনামরে জিংপুয়ে, ইজ্জতরে মুংচায়ে। কাবিহা প্যায়োং দিংঙাকোবেপা ব্যবহাররে মুংয়ে, আদো কাবিহা আজিপ্পা য়্যইমগা।9কাবিহা মানাইওয়া বেপা জিংপুদো কাবিহিংয়া তাংসারাং নাইমগা। সিপুমবেপা জিংপুদো বাচেমি নিও, সজায় মুংদিংদো মিসিয়াংতো।10দিকদারি, সেংদুনেওয়াতা নিমি ত্যাবাপা জিংপুদো, হাত্রংদো য়াংতাপা নিও। কাবি জোরোংমি ত্যাবাপা জিংপুদো, উইসেহিংয়া পুপুউ বানাইরোওয়া। হাইরে মোতোওয়া বেপা তিংদো, কাবিহিংপা তাংসা নিও।11ও কোরোন্থিতা নিওয়া ব্যারোবাই, কাবিহা নাবিহিংয়া টেবো নোচেংসো তুংসিং ওয়েমসা তাংসা নুওয়াং জাংমি নিও।12কাবিহা নাবিহিংপাহা আপনিকো তুংসিং ওয়েয়ে, আদো নাবিহা কাবিহিংপাহা আপনিকো তুংসিং মাওয়েতো।13নেহা কা নাবিহিংয়া আপনিকো চেং ত্যাবাপা নোমসা জাংরোওয়া, নাবিহা কাবিবেপা টেবো তুংসিং জিং।14মাদেংবিহিংপা ইচো টোংতা জিংমসা মাতেই, হাংপাতানাহা তাংজি আসা দুষ্টতাহা হেপা চাংসুকো চুকোগা? নাটুংওয়া আসা হাহাইওয়াহা চিত্তা য়ুংকো মোচুরোওয়া।15খ্রীষ্ট আসা শয়তানকো নুওয়াং হেপা মিলেকো চুকোগা? দেংওয়াসো মাদেংওয়াবিকো নুওয়াংরাং মামিলেরোওয়া।16সেংজাকো দেমসাহিংপাহা মু্র্তিকোহা হাং সম্বন্ধ নিংগা? য়াংবিহা ঙাজ্যইং সেংজাকো দেমসাগা। সেংজা আপনিরে জাংমি নিও, “কা আবিকোতা য়ুংরোওয়া, আসা আবিকো প্যাকোতা তেই-য়ুংরোওয়া, আসা কা আবিকো সেংজা জিংরোওয়া, আসা আবিহা কুং প্রজা জিংরোওয়া।”17আকো সোতা আবিকো প্যাকোসো নোপামসা ওয়াং, আসা আবিকোসোহা বার্গাং য়ুং, সেংজাহা জাংমগা, “অশুদ্ধ সোংসাবি মাসুউ, আসা কা নাবিহিংয়া গ্রহন জোরোওয়া।18কা নাবিকো আপা জিংরোওয়া, আসা নাবিহা কুং চেংওয়া চেমেবি জিংরোওয়া। হাংসুরোমা সে নিক্যইওয়া প্রভুসেংজাহা জাংমগা।”
কাং! গ্রহন য়োগ্য়্য সময়হা নেরাংগা আসা বাচাইওয়া দিনহা হিনিরাংগা!3কাবিকো জোওয়া কামকো দোষ মাতিংকো তামসা কাবিহা হাংসুহিংনে বাধা জিংওয়া কাম মোজোতো।4আদো কাবিহা আপনিহিং তাংসা নুওয়াংতা সেংজাকো ডেইয়াবিগা তামসা তিংপামগা, এপারাং নিও। কাবিহা তাংসা নুওয়াংতা দুঃখ মুংনু, হোমরাইপা জিংনু, নিরাশ জিংপুনুওয়া সহায়মসা য়ুংয়ে।5কাবিহিংয়া ডুপুয়ে, জেলতারে সুংপুইয়ে, কাবিকো তোইতা উইসে বিরোধ জিংপুয়ে, আসা সিওপারাং কোইচ্যানেপা জিংয়ে, আসা চাকো আসা জিংকোরে মামুংপা জিংপুয়ে।6কাবিহা আপনিকো পবিত্রতাসো, দুংজিসো, সহায়ওয়া সেসো আসা লামতুওয়াসো, পবিত্র লাংবেসো, আজিপ্পা জেজেংওয়াসো,7আজিপ্পা দেরেংসো আসা সেংজাকো সেসোরাং আকো কাম জোওয়ারাংগা তামসা তিংপায়ে। কাবিহা দাংক্রেং আসা কেক্রেং কাটুকো তাংজিকো হাতিয়ারবি ধারণ জোদিংয়ো।8কাবিকোহা ইজ্জতরে জিংপুয়ে, আসা বেইজ্জতরে জিংপুয়ে। বদনামরে জিংপুয়ে, ইজ্জতরে মুংচায়ে। কাবিহা প্যায়োং দিংঙাকোবেপা ব্যবহাররে মুংয়ে, আদো কাবিহা আজিপ্পা য়্যইমগা।9কাবিহা মানাইওয়া বেপা জিংপুদো কাবিহিংয়া তাংসারাং নাইমগা। সিপুমবেপা জিংপুদো বাচেমি নিও, সজায় মুংদিংদো মিসিয়াংতো।10দিকদারি, সেংদুনেওয়াতা নিমি ত্যাবাপা জিংপুদো, হাত্রংদো য়াংতাপা নিও। কাবি জোরোংমি ত্যাবাপা জিংপুদো, উইসেহিংয়া পুপুউ বানাইরোওয়া। হাইরে মোতোওয়া বেপা তিংদো, কাবিহিংপা তাংসা নিও।11ও কোরোন্থিতা নিওয়া ব্যারোবাই, কাবিহা নাবিহিংয়া টেবো নোচেংসো তুংসিং ওয়েমসা তাংসা নুওয়াং জাংমি নিও।12কাবিহা নাবিহিংপাহা আপনিকো তুংসিং ওয়েয়ে, আদো নাবিহা কাবিহিংপাহা আপনিকো তুংসিং মাওয়েতো।13নেহা কা নাবিহিংয়া আপনিকো চেং ত্যাবাপা নোমসা জাংরোওয়া, নাবিহা কাবিবেপা টেবো তুংসিং জিং।14মাদেংবিহিংপা ইচো টোংতা জিংমসা মাতেই, হাংপাতানাহা তাংজি আসা দুষ্টতাহা হেপা চাংসুকো চুকোগা? নাটুংওয়া আসা হাহাইওয়াহা চিত্তা য়ুংকো মোচুরোওয়া।15খ্রীষ্ট আসা শয়তানকো নুওয়াং হেপা মিলেকো চুকোগা? দেংওয়াসো মাদেংওয়াবিকো নুওয়াংরাং মামিলেরোওয়া।16সেংজাকো দেমসাহিংপাহা মু্র্তিকোহা হাং সম্বন্ধ নিংগা? য়াংবিহা ঙাজ্যইং সেংজাকো দেমসাগা। সেংজা আপনিরে জাংমি নিও, “কা আবিকোতা য়ুংরোওয়া, আসা আবিকো প্যাকোতা তেই-য়ুংরোওয়া, আসা কা আবিকো সেংজা জিংরোওয়া, আসা আবিহা কুং প্রজা জিংরোওয়া।”17আকো সোতা আবিকো প্যাকোসো নোপামসা ওয়াং, আসা আবিকোসোহা বার্গাং য়ুং, সেংজাহা জাংমগা, “অশুদ্ধ সোংসাবি মাসুউ, আসা কা নাবিহিংয়া গ্রহন জোরোওয়া।18কা নাবিকো আপা জিংরোওয়া, আসা নাবিহা কুং চেংওয়া চেমেবি জিংরোওয়া। হাংসুরোমা সে নিক্যইওয়া প্রভুসেংজাহা জাংমগা।”
The Seed Company