২ কোরোন্থি3
1কাবিহা ন্যাসারাং আপনিবিরাং তাচাকো কেংদাংওয়া মোকো। আসা লেরা দোসরা দিংঙাবিহা নাবিকোতা ইকো রদ্দ জোমসা চিঠি পামসা ওয়াংমি ত্যাবাপা কাবিহা নাবিহিং আসা নাবিহা কাবিহিং রদ্দ জোনেকো দরকার মোতো।2তাংসা কোইকো ছুওয়া আসা পড়াইকো ছুওয়া নাবিরাং কাবিকো তুংসিংকো নাপোতা লাওয়া কাবিকো সিপারিস চিঠিবিগা।3আজিপ্পারাং নাবিহা খ্রীষ্টকো লাওয়া চিঠিগা আসা চিঠি সাওয়াহা কাবিরাংগা। লুংটুইকো পাটি আসা মোশিসো লাওয়া চিঠি মোকো, আদো ঙাজ্যইং সেংজাকো লাংবেকো তুংসিংতা লাওয়া চিঠিগা।4য়াংবিকোতা খ্রীষ্টকো কামকো কারণ সেংজাতা এপাজিংওয়া ভরসা নিও।5তাংসা নুওয়াংবিহা কাবিকোসো লেমগা তামসা দাবী জোকো কাবি আপনিবিরাং য়োগ্য়্য মোতো, আদো কাবিকো য়োগ্য়্যহা সেংজাকোসো লেমগা।6আকুহা চুবে করারকো ডেইয়াবি জিংকো কাবিহিং য়োগ্য়্যকো বানাইয়ে, লাওয়া অক্ষরসো মোকো, আদো পবিত্র লাংবেসো, হাংপাতানাহা লাওয়া লিংপাংসোহা স্যাপুমগা, আদো পবিত্র লাংবেসোহা সাদি পিচামগা।7আদো সিদিং পারাওয়া লুংটুইকো পাটিতা লিংপাং খোপেমসা পিচানুকো সময়তা সেংজাকো হাহাইওয়া মহিমা তিংয়ে। আকু মহিমাহা মোসাকো য়ুওয়াইতা তিংমি নিমগা। আকো সোতা ইস্রাইলিবিহা আকু হাহাইওয়া মহিমাহা মুমরেপা জিংমসা হ্যাদিংদো আকুহিংয়া ন্যইকোরে মাছুতো।8পবিত্র লাংবেকো পারাওয়া সেওয়াকো মহিমাহা ঝান হাসেকো জিংকোগা।9দিংঙাহিং দোষি পারাওয়া লিংপাংতামি এসেপাকো মহিমা নিনাহা, ঝান দিংঙাহিংনাং নির্দোষ পারাওয়া লিংপাংকো কামহা হাসেকো জিংকোগা?10ইহা সিওপারাং মহিমা নিমকো সোতা নাগাইকো আকু মহিমাহা এপারাং য়াংপুয়ে।11আম্যইতা য়াংপুওয়াতারে এসেপাকো মহিমা নিনাহা, হাত্রংদো য়ুংওয়াহা হাসেপাকো সিওপা মহিমা নিকোগা?12এপারাং কাবিকোতা ই আশা নিওয়াকো সোতা কাবিহা সিওপারাং সাহস জিংমি নিও।13য়াংবিহা মোসাবেপা মোকো, হাংসু আপনিকো হাহাইওয়া য়ুওয়াইহিং মুমরেপা জিংদিংদো ইস্রাইলিবি মাতিংচাকো তামসা আপনিকো য়ুওয়াইহা ঘুমটোসো তুংমসা এমমে।14আদো আবিকো তুংসিংহা লুংটুই ত্যাবাপা জিংপুমি নিমগা, হাংপাতানাহা জেবে লিংপাং পড়াইনুওয়া আবিকো তুংসিংহা আকু ঘুমটোসো তুংচপুমি ত্যাবাপারাং নেচোইপা আবিকো তুংসিংহা ঘুমটোসো তুংচপুমি নিও। আকু ঘুমটোহা খ্রীষ্টকোসো মেংচে ওয়েচামগা।15আজিপ্পারাং মোসাকো লাওয়া লিংপাং পড়াইনুওয়া নেচোইপা আবিকো তুংসিংহা ঘুমটোসো তুংচপুমি নিও।16আদো হাত্রং দিংঙাহা প্রভুতা লাওয়াং, আত্রংহা আকু ঘুমটোহা ওয়েচপুমগা।17হাংপাতানাহা প্রভুহা লাংবেগা। হাংতা প্রভুকো লাংবেনি আউতাহা ছুটকারা নিও।18য়াংবি তাংসা ঘুমটো ওয়েংপুনতেওয়া য়ুওয়াইতা প্রভুকো মহিমা তিংপারোওয়া, আসা ইচো মহিমাসোহা দোসরা মহিমাতা ত্যাপুমসা আকো রূপতা বেপা বদলি জিংপুমসা হোরোওয়া। ইহা প্রভুকোসো লেমগা, হাংসু লাংবেমমে।
The Seed Company