১ থেসলোনি1
1কাবি পাউল, সিলাস আসা তিমোথীকোসো সেংজা আপা আসা প্রভু ইশু খ্রীষ্টকোতা নিওয়া থেসলোনিকো মন্ডলিবিহিং ই চিঠি লাদাংয়ে।
নাবিহিংয়া অনুগ্রহ আসা তিমেপা জিংকো।2কাবিকো পাচাইওয়াবিতা নাবি তাংসাহিং হাত্রংদো প্যারাপামসা কাবিহা সেংজাকোতা গারানি তারোওয়া।3কাবিকো সেংজা আপাকো নাগাইতা কাবিহা প্রভু ইশু খ্রীষ্টকো মিংতা নাবিকো দেংওয়াকো কাম, জেজেংওয়াকো কাম আসা ইশু খ্রীষ্টহিং আশা জোমসা য়ুংওয়া কাবিহা প্যারাপাদিংয়ো।4ডুওয়া এবাই আসা হুম্রিবাই, কাবিহা ই নুওয়াং গেমি নিও, সেংজারাং নাবিহিংয়া জেজেংপা জোমসা জেংমগা।5হাংপাতানাহা কাবিকো হিংপাওয়া এনতাওয়া দেরেংহা নাবিকোতাহা য়্যইদি মেংচে য়্যইমসা মেলেতো, আদো সে আসা পবিত্র লাংবেতা য়্যইওয়া নুওয়াংহা আজিপ্পা নিমগা। কাবিহা নাবিহিংপা নিনুওয়া কাবিকো সাদিহা নাবিকো সোতা হেপা নিমমে, আকুহা নাবিরাং গেদিংয়ো।6নাবিহা প্রভু আসা কাবিকো উদারণ জিংমসা তেইয়ো, কোইচ্যা-বিংচ্যাওয়াবি লেদো নাবিহা পবিত্র লাংবেকো পিচাওয়া এনতাওয়া দেরেংহা গাগ্রুমসা হিংয়ো।7আকো সোতা মাকেডোনিয়া আসা আকাইয়াতা নিওয়া সেংজাকোতা দেংওয়াবিকো নাগাইতাহা নাবিকো তেইওয়া য়ুংওয়াবিহা উদারণ জিংমি নিও।8প্রভুকো ঝিপাওয়া নাবিহা মাকেডোনিয়া আসা আকাইয়াতা মেংচে মাহিংপাতো, আদো তাংসা জায়গাতা সেংজাকো তোইতা নাবিকো দেংওয়াহা বেইপুয়ে। ইকো তোইতা কাবিহা আবিহিংয়া হাই নুওয়াংরে জাংমঘ্যইতো।9কাবি নাবিকোতা ওয়াংনুওয়া নাবিহা হেপা কাবিহিং লেইতামে, আসা মুর্তিবিহিং হুইতেমসা আজিপ্পাকো ঙাজ্যইং সেংজাকোতা সেওয়া জোকো ওয়াংমে, ই নুওয়াংহা আকু দিংঙাবিরাং কাবিহিং জাংমি নিও,10আসা আবি জাংনা নাবিহা লোডিংবাসো সেংজাকো চেংওয়া লেরোওয়া তামসা ন্যাতা কাংদিংত্যাহ্যা। আকু ইশুহিংনাং সেংজাহা সিপুওয়াসো ঙাপামগা। সেংজাকোসো দেপাদাংওয়া দন্ডসোরে আকুরাং য়াংবিহিং বাচাইরোওয়া।
নাবিহিংয়া অনুগ্রহ আসা তিমেপা জিংকো।2কাবিকো পাচাইওয়াবিতা নাবি তাংসাহিং হাত্রংদো প্যারাপামসা কাবিহা সেংজাকোতা গারানি তারোওয়া।3কাবিকো সেংজা আপাকো নাগাইতা কাবিহা প্রভু ইশু খ্রীষ্টকো মিংতা নাবিকো দেংওয়াকো কাম, জেজেংওয়াকো কাম আসা ইশু খ্রীষ্টহিং আশা জোমসা য়ুংওয়া কাবিহা প্যারাপাদিংয়ো।4ডুওয়া এবাই আসা হুম্রিবাই, কাবিহা ই নুওয়াং গেমি নিও, সেংজারাং নাবিহিংয়া জেজেংপা জোমসা জেংমগা।5হাংপাতানাহা কাবিকো হিংপাওয়া এনতাওয়া দেরেংহা নাবিকোতাহা য়্যইদি মেংচে য়্যইমসা মেলেতো, আদো সে আসা পবিত্র লাংবেতা য়্যইওয়া নুওয়াংহা আজিপ্পা নিমগা। কাবিহা নাবিহিংপা নিনুওয়া কাবিকো সাদিহা নাবিকো সোতা হেপা নিমমে, আকুহা নাবিরাং গেদিংয়ো।6নাবিহা প্রভু আসা কাবিকো উদারণ জিংমসা তেইয়ো, কোইচ্যা-বিংচ্যাওয়াবি লেদো নাবিহা পবিত্র লাংবেকো পিচাওয়া এনতাওয়া দেরেংহা গাগ্রুমসা হিংয়ো।7আকো সোতা মাকেডোনিয়া আসা আকাইয়াতা নিওয়া সেংজাকোতা দেংওয়াবিকো নাগাইতাহা নাবিকো তেইওয়া য়ুংওয়াবিহা উদারণ জিংমি নিও।8প্রভুকো ঝিপাওয়া নাবিহা মাকেডোনিয়া আসা আকাইয়াতা মেংচে মাহিংপাতো, আদো তাংসা জায়গাতা সেংজাকো তোইতা নাবিকো দেংওয়াহা বেইপুয়ে। ইকো তোইতা কাবিহা আবিহিংয়া হাই নুওয়াংরে জাংমঘ্যইতো।9কাবি নাবিকোতা ওয়াংনুওয়া নাবিহা হেপা কাবিহিং লেইতামে, আসা মুর্তিবিহিং হুইতেমসা আজিপ্পাকো ঙাজ্যইং সেংজাকোতা সেওয়া জোকো ওয়াংমে, ই নুওয়াংহা আকু দিংঙাবিরাং কাবিহিং জাংমি নিও,10আসা আবি জাংনা নাবিহা লোডিংবাসো সেংজাকো চেংওয়া লেরোওয়া তামসা ন্যাতা কাংদিংত্যাহ্যা। আকু ইশুহিংনাং সেংজাহা সিপুওয়াসো ঙাপামগা। সেংজাকোসো দেপাদাংওয়া দন্ডসোরে আকুরাং য়াংবিহিং বাচাইরোওয়া।
The Seed Company