Misebezi ya Baapositola6
1Muciindi eeco, basyomi nibalikuyoobuvula, Majuda baamboola Cigiliki bakatalika kutongooka Majuda baamboola ci Hibbulu kaambo bamukabafu baba Majuda baamboola Cigiliki balikusalululwaanga kuzilyo zibalikuholaanga buzuba obuzuba.2Mpoonyina baapositola balikumi abobile bakakazika basyomi antoomwi okwaamba kuteeti, “Taciinsi kabotu swebo kuleka kukambooka majwaa Leza okutalika kwaabanya zilyo amatafule.3Kaambo keeci nobakwesu, amusale baalumi bali ciloba bakutekwa ape bazwide Muuya Uusalala obusongo kuteegwa tupembabo musebezi ooyu,4kuteegwa swebo tobaapositola tugame feela kukomba okukambooka jwi.”5Boonse bakuubotelwa muzeezo ooyu, mpoonyina bakasala Sitivini mwaalumi wazwide lusyomo o Muuya Uusalala, Filipo, Polokolasi, Nikano, Timoni, Pamenasi o Nikolasi woku Antiyoki wali wa Bamasi kono wakasanduka kuba mu Juda.6Aaba baalumi bakabaimika kunembo lyabaapositola, mpoonyina baapositola bakababika maanza aabo amitwe okubakombela.7Mpoonyina Jwi lya Leza lyakazwidaanembo kumwaigwa. Mweelwe wabasyomi mu Jelusalemu wakavula loko abapaizi banji bakasyoma okucilila bukombi.8Iino Sitivini wali mwaalumi wazwide luzyalo enguzu zya Leza, wakacita zikomosya zipati ezitondezyo zyamaleele akati kabantu.9Kono bumwi buzuba, bamwi baalumi be Cikombelo ciitwa kuteeti Bantu Baangulukide, bakatalika kukazyanya anguwe. Aaba bali Majuda bazwa ku Sailini ku Alekizandiliya, ku Silisiya omucooko ca Eziya.10Kono bakakacilwa kuzunda kwaambola kwa Sitivini kaambo ko Muuya Uusalala o busongo bwali mulinguwe.11Mpoonyina bakoongelezya bamwi baalumi kuteeti beenekezye Sitivini kuteeti, “Twamumvwa kasampoola Mozesi o Leza.”12Muleeyi nzila bakanyemya bantu, bamaalu abamayi Bomulawo cokuteeti bakajata Sitivini okumutola ku Nkuta Mpati ya Majuda.13Kuzwaawo bakeeta bakamboni bobubeji bakaamba kuteeti, “Ooyu mwaalumi taleki kwaamboola zintu zyokusampoola Ngʼanda ya Leza eeyi Iisalala ape o Mulawo wa Mozesi nako yoonse.14Mane Twakamumvwa kaamba kuteeti, ‘Ooyu Jesu woku Nazaleta uzoimwacoola Ngʼanda ya Leza eeyi ape okucinca tunsiya-nsiya twaakatusiila Mozesi.’”15Mpoonyina boonse Benkuta Mpati bakamulangisisya Sitivini okubona kuteeti ciinso cakwe cakalibonyaanga co mungelo.
The Seed Company