Misebezi ya Baapositola5
1Iino kwali umwi mwaalumi walikwiitwa kuteeti Ananiyasi o mwanakazaakwe Safila, bakauzya muunda wabo.2Amwi mali wakaasyaazya omwanakazaakwe kazi okutola amwi kubaapositola.3Mpoonyina Pita wakaambila Ananiyasi kuteeti, “Ino niinzi niwalekela Saatani kukunjila mumoyo kuteegwa weene Muuya Uusalala kwiindila mukusyaazya amwi mali azwa kumuunda nguwauzya?4Niwatalina kuuzya muunda, tiwaliinsi wako na? Ape niwauuzya, mali taliinsi aako na kuteeti inga waablelesya mbuli mboyanda? Ino niinzi niwayeeya kucita cilinamu? Taakwe niweena bantu kono weena Muuya Uusalala.”5Iino Ananiyasi naakamvwa majwaaya wakawidaansi okufwa, ape boonse bakiimvwa nkani eeyi bakayoowa loko.6Kumane, bamwi basyimani bakanyamuka okuvungaila mutunta wakwe mpoonyina bakutolaanze kuyouzika.7Nikwakainda mawoola alikutandila kuli otatwe, mwanakazaakwe wakeza katezi cacitika okunjila.8Mpoonyina Pita wakamubuzya kuteeti, “Ndaambile na ooyu ngomuulo womuunda wenu ngumwakauzya omulumaako?”
Wakazumina kateeti, “Iiyi ngonguwo.”9Kumane Pita wakamubuzya kuteeti, “Ino niinzi nimwamvwana omulumaako kusunka Muuya wo Mwami? Bona bantu bainkide kukuzika mulumaako balaanze, ayebo bazookutola!”10Mpoonya-mpoonya mwanakazi wakawidaansi azituta zya Pita okufwa. Kuzwaawo basyimani nibakanjila okujana kuteeti ulifwide, bakamutolaanze okuyoomuzika ambali omulumaakwe.11Mbungano yoonse aabo boonse bakazimvwa eezi bakayoowa loko.12Iino Leza wakacita zitondezyo zyamaleele ezikomosya zinji kwiindila mumaanza abaapositola. Basyomi boonse balikubunganaanga mukotela lya Solomoni.13Kono taakwe naanga omwi wokunze wakasola kuvwaana aabo, nekuteegwa bantu balikwaamba zibotu aalimbabo.14Nekuba namu, basyomi mu Mwami banji-banji bakayungizizigwa kumbungano , akali mabbunga aaba maalumi abanakazi.15Kaambo kemisebezi yabaapositola, bantu balikweeta baciswa mumigwagwa okubalazika amalo aaminseme kuteegwa naanga feela munzinziimwa wa Pita aalya anoinda wiinde aalimbabo kuteegwa bapone.16Ape edwi lyabantu kuzwa mumataindi aazingulukide Jelusalemu lyakeza kweeta aabo bakacisidwe aabo bakali kupenzegwa emyuuya mibi, mpoonyina boonse bakaponesigwa.17Iino Mupaizi Mupati aabo bolupati-pati mbalaabo, benkamu ya Basaduki kabazwide munyono.18Bakajata baapositola okubabika muntolongo yobuleya boonse.19Kono masiku mungelo wo Mwami wakiijula milyango yentolongo okubagwisizyaanze, amane wakabaambila kuteeti,20“Kamuya mulabba lye Ngʼanda ya Leza mukaambile bantu majwi oonse oobuumi bupya oobu.”21Nibakamvwa namu, kalitanaandula zuba, baapositola bakanjila mulabba lye Ngʼanda ya Leza okutalika kwiisya.
Ooku kumwi, Mupaizi Mupati aabo bolupati-pati mbalaabo, bakaita antoomwi nkamu yabamaalu Benkuta Mpati okupa malailile kuteeti baapositola beetwe kunembo lyabo kuzwa muntolongo.22Kono balindizi be Ngʼanda ya Leza nibakainka kuntolongo, taakwe nibakabajana mwateni baapositola, mpoonyina bakapiluka okuyaambila Benkuta Mpati kuteeti,23“Twajana ntolongo ilikiidwe kabotu-kabotu abalindizi bentolongo kabaimvwi amilyango yayo, kono nitwajula, twajana taakwe bantu mwateni”.24Mpoonyina wolupati-pati wabalindizi bomu Ngʼanda ya Leza abapaizi basilutwe nibakamvwa nkani eeyi bakakomokwa okulyangana loko kuteeti na niinzi cacitika kubaapositola.25Mpoonyina umwi wakeza okubaambila kuteeti, “Amubone! Baalumi mbimwabikide muntolongo balimukwiisya bantu mulabba lye Ngʼanda ya Leza!”26Mpoonyina wolupati-pati wabalindizi bomu Ngʼanda ya Leza wakainka abalindilizi bakwe okuyoobeeta baapositola kono kakutakwe kubelesya nguzu kaambo kokuyoowa bantu kuteeti balabapotoola mabwe.27Nibakamana kubeeta, bakabaimika kunembo lye Nkuta Mpati ooko kubakabuzigwa mibuzyo omupaizi mupati yokuteeti,Baapositola kunembo lye Nkuta Mpati ya Majuda28“Twakamwaambila cokusinizya kuteeti muleke kwiisya muzina eeli, kono amulange cimwacita! Mwazuzya Jelusalemu yoonse eziisyo zyenu ape muyanda kubika gazi lyo mwaalumi ooyu amitwe yesu!”29Mpoonyina Pita abaapositola bakataba kuteeti, “Tweelede kucilizya Leza kutainsi bantu”.30Leza wabasikale besu wakabusya Jesu kuzwa kubafu, ngumwakajata okujaya kwiindila mukumukankamina aciingano.31Kono Leza wakamusumpula ejanza lyakwe lyolulyo kuteeti abe Mweendelezi Mupati ape abe Mufutuli. Leza wakacita namu kuteegwa bana Izilaili beempe kuzibi zyabo okujatilwa.32Mane swebo tulibakamboni beezizintu antoomwi o Muuya Uusalala Leza ngwaakapa kulaabo bamucilizya.33Mpoonyina Benkuta Mpati nibakamvwa namu, bakanyema loko okuyanda kujaya baapositola.34Kono umwi Mufalisi walikwiitwa kuteeti Gamaliya wali mwiiyi wo Mulawo walikukutekwa abantu boonse wakanyamuka akati ka Benkuta Mpati okulailila balindizi kuteeti batole baapositola anze aniini.35Mpoonyina wakaambila Benkuta Mpati kuteeti, “Nobana Izilaili, mumamele alizyemwaandoocita kubaalumi aaba!36Imwi nako mumazubaainda, kwaali Tediyasi walikulyaamba kuteeti mupati, ooyo walaabaalumi balikumucilila balikutandila kumyaanda yone. Kono naakajayigwa boonse balikumucilila bakamwaika azyoonse zyakagolela mpoonyinaawo.37Kuzwanguwe muciindi cokubalwa kwabantu mucisi, kwakeza Judasi muna Galileya. Wakabunganya bantu kuteeti bamucilile mukubukila mfulumende. Awe wakajaigwa, mpoonyina boonse balikumucilila bakamwaika.38Mukaambo aaka kalikunembo lyesu sunu, ndimwaambila kuteeti, amubaleke aaba baalumi bainke. Nakuteeti makanze aabo azyebacita zizwa kubantu feela taakwe kozitiinke.39Kono nakuteeti zizwa kuli Leza, tamukokonzya kubalesya mane muyoolijana feela kuteeti mulimukulwana Leza!”
Benkuta Mpati bakacilizya zyaakaamba Gamaliya.40Kuzwaawo bakaita baapositola okubaumya mpoonyina okubalailila kuteeti batakasoli ape kwaamboola muzina lya Jesu. Kumane, bakabalukulula.41Baapositola bakazwa mu Nkuta Mpati kababoteledwe kaambo bakalimvwa kuteeti Leza wakababona kuteeti baleelela kusampoolwa kaambo kezina lya Jesu.42Mpoonyina bakaindilizya kukambooka okwiisya Makani Mabotu okuteeti Jesu ngo Mesiya buzuba obuzuba mulabba lye Ngʼanda ya Leza omumaanda.
Wakazumina kateeti, “Iiyi ngonguwo.”9Kumane Pita wakamubuzya kuteeti, “Ino niinzi nimwamvwana omulumaako kusunka Muuya wo Mwami? Bona bantu bainkide kukuzika mulumaako balaanze, ayebo bazookutola!”10Mpoonya-mpoonya mwanakazi wakawidaansi azituta zya Pita okufwa. Kuzwaawo basyimani nibakanjila okujana kuteeti ulifwide, bakamutolaanze okuyoomuzika ambali omulumaakwe.11Mbungano yoonse aabo boonse bakazimvwa eezi bakayoowa loko.12Iino Leza wakacita zitondezyo zyamaleele ezikomosya zinji kwiindila mumaanza abaapositola. Basyomi boonse balikubunganaanga mukotela lya Solomoni.13Kono taakwe naanga omwi wokunze wakasola kuvwaana aabo, nekuteegwa bantu balikwaamba zibotu aalimbabo.14Nekuba namu, basyomi mu Mwami banji-banji bakayungizizigwa kumbungano , akali mabbunga aaba maalumi abanakazi.15Kaambo kemisebezi yabaapositola, bantu balikweeta baciswa mumigwagwa okubalazika amalo aaminseme kuteegwa naanga feela munzinziimwa wa Pita aalya anoinda wiinde aalimbabo kuteegwa bapone.16Ape edwi lyabantu kuzwa mumataindi aazingulukide Jelusalemu lyakeza kweeta aabo bakacisidwe aabo bakali kupenzegwa emyuuya mibi, mpoonyina boonse bakaponesigwa.17Iino Mupaizi Mupati aabo bolupati-pati mbalaabo, benkamu ya Basaduki kabazwide munyono.18Bakajata baapositola okubabika muntolongo yobuleya boonse.19Kono masiku mungelo wo Mwami wakiijula milyango yentolongo okubagwisizyaanze, amane wakabaambila kuteeti,20“Kamuya mulabba lye Ngʼanda ya Leza mukaambile bantu majwi oonse oobuumi bupya oobu.”21Nibakamvwa namu, kalitanaandula zuba, baapositola bakanjila mulabba lye Ngʼanda ya Leza okutalika kwiisya.
Ooku kumwi, Mupaizi Mupati aabo bolupati-pati mbalaabo, bakaita antoomwi nkamu yabamaalu Benkuta Mpati okupa malailile kuteeti baapositola beetwe kunembo lyabo kuzwa muntolongo.22Kono balindizi be Ngʼanda ya Leza nibakainka kuntolongo, taakwe nibakabajana mwateni baapositola, mpoonyina bakapiluka okuyaambila Benkuta Mpati kuteeti,23“Twajana ntolongo ilikiidwe kabotu-kabotu abalindizi bentolongo kabaimvwi amilyango yayo, kono nitwajula, twajana taakwe bantu mwateni”.24Mpoonyina wolupati-pati wabalindizi bomu Ngʼanda ya Leza abapaizi basilutwe nibakamvwa nkani eeyi bakakomokwa okulyangana loko kuteeti na niinzi cacitika kubaapositola.25Mpoonyina umwi wakeza okubaambila kuteeti, “Amubone! Baalumi mbimwabikide muntolongo balimukwiisya bantu mulabba lye Ngʼanda ya Leza!”26Mpoonyina wolupati-pati wabalindizi bomu Ngʼanda ya Leza wakainka abalindilizi bakwe okuyoobeeta baapositola kono kakutakwe kubelesya nguzu kaambo kokuyoowa bantu kuteeti balabapotoola mabwe.27Nibakamana kubeeta, bakabaimika kunembo lye Nkuta Mpati ooko kubakabuzigwa mibuzyo omupaizi mupati yokuteeti,Baapositola kunembo lye Nkuta Mpati ya Majuda28“Twakamwaambila cokusinizya kuteeti muleke kwiisya muzina eeli, kono amulange cimwacita! Mwazuzya Jelusalemu yoonse eziisyo zyenu ape muyanda kubika gazi lyo mwaalumi ooyu amitwe yesu!”29Mpoonyina Pita abaapositola bakataba kuteeti, “Tweelede kucilizya Leza kutainsi bantu”.30Leza wabasikale besu wakabusya Jesu kuzwa kubafu, ngumwakajata okujaya kwiindila mukumukankamina aciingano.31Kono Leza wakamusumpula ejanza lyakwe lyolulyo kuteeti abe Mweendelezi Mupati ape abe Mufutuli. Leza wakacita namu kuteegwa bana Izilaili beempe kuzibi zyabo okujatilwa.32Mane swebo tulibakamboni beezizintu antoomwi o Muuya Uusalala Leza ngwaakapa kulaabo bamucilizya.33Mpoonyina Benkuta Mpati nibakamvwa namu, bakanyema loko okuyanda kujaya baapositola.34Kono umwi Mufalisi walikwiitwa kuteeti Gamaliya wali mwiiyi wo Mulawo walikukutekwa abantu boonse wakanyamuka akati ka Benkuta Mpati okulailila balindizi kuteeti batole baapositola anze aniini.35Mpoonyina wakaambila Benkuta Mpati kuteeti, “Nobana Izilaili, mumamele alizyemwaandoocita kubaalumi aaba!36Imwi nako mumazubaainda, kwaali Tediyasi walikulyaamba kuteeti mupati, ooyo walaabaalumi balikumucilila balikutandila kumyaanda yone. Kono naakajayigwa boonse balikumucilila bakamwaika azyoonse zyakagolela mpoonyinaawo.37Kuzwanguwe muciindi cokubalwa kwabantu mucisi, kwakeza Judasi muna Galileya. Wakabunganya bantu kuteeti bamucilile mukubukila mfulumende. Awe wakajaigwa, mpoonyina boonse balikumucilila bakamwaika.38Mukaambo aaka kalikunembo lyesu sunu, ndimwaambila kuteeti, amubaleke aaba baalumi bainke. Nakuteeti makanze aabo azyebacita zizwa kubantu feela taakwe kozitiinke.39Kono nakuteeti zizwa kuli Leza, tamukokonzya kubalesya mane muyoolijana feela kuteeti mulimukulwana Leza!”
Benkuta Mpati bakacilizya zyaakaamba Gamaliya.40Kuzwaawo bakaita baapositola okubaumya mpoonyina okubalailila kuteeti batakasoli ape kwaamboola muzina lya Jesu. Kumane, bakabalukulula.41Baapositola bakazwa mu Nkuta Mpati kababoteledwe kaambo bakalimvwa kuteeti Leza wakababona kuteeti baleelela kusampoolwa kaambo kezina lya Jesu.42Mpoonyina bakaindilizya kukambooka okwiisya Makani Mabotu okuteeti Jesu ngo Mesiya buzuba obuzuba mulabba lye Ngʼanda ya Leza omumaanda.
The Seed Company