Mark10
1နောက်လောင်နော့် စောင့်ယေရှုန ဆီမေမှိန်းကပေရနောင် အောက်ဆီ ကြွကွာရာမှိန်းယုဒဆီ ခမ့်ကော်တောင်းဖတ်နောင်ဟွေ့လုန်ဂျော်ဒန်ကော်ဝိုက်။ နောက်လောင်ဟာနိမ် ကွန်းဖွန်လေကော့် ရာမွန်းစောင့် ထီန်စူးဟင်းမားဟွန်းကော်ဝိုက်။ မွန်းစောင့်ကော့် နောင်ဟေကောင့်ဝ်ဟေကောင်ဝ်ကျဉ်းနော့် အောင်းစမနော် ဆောန်ဟောင့်ဝ်ကော်ဝိုက်။2မေနယ့်လော့် ဖာရိရှဲမောင်းဖောင်န အောင်းမွန်းစောင့် ခစမ်းဟင်းညော့ ရာမွန်းစောင့် မားဆီ “ကွန်းကော်နိမ်န အောင်းပရမွန်း အောင်းခွါပ်န တောင်းပညတ်တော်တောင်း ညီလေး” ဆီ ထန်မ်ကော်ဝိုက်။3မွန်းစောင့်ကော့် အောင်းစမနော် “မောရှေန အောင်းစမဆူ တောင်းအောင်းခွါပ်တောင်းအောင်းဆိုင် ပညတ်ဝိုက်နောင်နူး” ဆီ ထန်မ်ပေါက်ဟွန်းကော်ဝိုက်။4မနော်လေန “ရာဖွန်လိအောင်းခွါပ် တင့်မ်ဆီ အောင်းပရ ဟပေါနယ့်ခွါပ် မောရှေန ခွင့်ဟောင့်ဝ်ဝိုက်” ဆီ ဖြေပေါက်ကော်ဝိုက်။5စောင့်ယေရှုကော့် အောင်းစမနော် “မဆူလေန အိုက်ဟိုချိုင်ဟင်းညော့ မောရှေန အောင်းပညတ်ကျမ်းဟိုက် နယ့်တင့်မ်မားလဝိုက်။6တော်နယ်ကော့် မေဖန်းစန်းမားကော်စပွန့်နော့် စောင့်ဖလားန အောင်းကော့်စိုင်းတောင်း အောင်းကော့်ယဉ်း ဖန်စန်းမားဝိုက်။7ကောပ့်နယ့်ညော့ ကော့်စိုင်းန အောင်းပေါ်မယ်မွန်း ဝေဆီ တောင်းပရမွန်းတောင်း ပေါင်းကော်ညော့8မနော်ဆောင်န်ကော့်န ဆောင်န်ကော့်စောဝ်နိမ် ပေးဟင်းကော်ဝိုက်။ ကောပ့်နယ့်ညော့ မနော်လေန ကွန်းဆောင်န်ကော့်မစော်ကော့်ဆီ ပေးကော်နိမ်ဟင်းကော်ဝိုက်။9ကောပ့်နယ့်ညော့ အောင်းစောင့်ဖလားဟပေါင်း အောင်းစမနော် ဖောကော့်မခွဲသင့်” ဆီ ဝါကော်ဝိုက်။10နောက်လောင်နော့် စောင့်ယေရှုန တောင်းတပဲ့မွန်းစောင့်လေတောင်း မေအူခနောဝ်ဟုန်းလော့် တပဲ့မွန်းစောင့်လေန အောင်းအကြောင်းဟောန့် အောင်းမွန်းစောင့် နောက်လောင်ထန်မ်ဟင်းဟွန်းကော်ဝိုက်။11မွန်းစောင့်ကော့် အောင်းစမနော် “ကွန်းပေးပူလုန်န အောင်းပရစောင့်ကောင်ဝ် ခွါပ်ဝေဆီ တောင်းကော့်ယဉ်းတန်းတီတောင်း မွန်းန ဟောင်ပေါလတ်ထတ်ကော်လော့် အောင်းပရစောင့်ကောင်ဝ် ပေးကွန်းဖောက်ပြန်ကွန်းဟုန်းဝိုက်။12နောင်နယ့်ကျဉ်းနော့် ပရကော့် အောင်းပူလုန်စောင့်ကောင်ဝ် ခွါပ်ဝေဆီ တောင်းကော့်စိုင်းတန်းတီတောင်း လတ်ထတ်ကော်လ အောင်းပူလုန်မွန်း ပေးကွန်းဖောက်ပြန်ကွန်းဟုန်းဝိုက်” ဆီ ဝါကော်ဝိုက်။13ကွန်းလေန အောင်းစလအောင်လေ တောင်းမေးစောင့်ယေရှုတောင်း ဟပေါနယ့်ထိဟောင့်ဝ်ဆီ ဟပေါနယ့်ဟောင့်ဝ်အောင်းနီး ရာစောင့်ယေရှု ဟောင့်ဟင်းမားကော်ဝိုက်။ တော်နယ်ကော့် တပဲ့လေန အောင်းကွန်းဟောန့်လေ ဆီးဟင်းကော်ဝိုက်။14စောင့်ယေရှုန ဟောန်အောင်းဟောန့်ကော်လော့် အောင်းတပဲ့လေ သောဆားအောက်ဆီ “လအောင်အင်လေ ဟမားရာရာကော။ အောင်းစမနော် ပီဆီးဟင်း။ ဟေဟောင်းဆီပေါဝါလော့် သာသနာတော်စောင့်ဖလားန နောင်လအောင်ဟိုက်လေဆီ တောင်းကွန်းအောင်းယွန်မ်ရောင်းတောင်းနဲဟော် ဆိုင်ညော့ဝိုက်။15အောင်းမဆူ ကောဟောင်တနယ့်ဝါအောင်းစော်ပေါဝါလော့် အောင်းသာသနာတော်စောင့်ဖလား နောင်လအောင်အင်ဆီ ကွန်းလက်မခမ်န ရာသာသနာတော်ဟောန့် မေနော်ကော့် အောင်းတနယ့်ခေါင့်ဝ်မစော်” ဆီ ဝါကော်ဝိုက်။16နောက်လောင်နော့် စောင့်ယေရှုန အောင်းလအောင်အင်လေ အွမ့်ဆီ ခနေဟိုမနော် အောင်းမေးတန်ဆီ ဟောင့်ဝ်အောင်းနီးအောင်းငမ်းကော်ဝိုက်။17စောင့်ယေရှုန စဆီတအောက်ပိုင်းတန်းဆီဟေလော့် ကွန်းကော်နိမ်န ရာမွန်းစောင့် ပိုင်မားကော်ဝိုက်။ မွန်းန ရာခနာ့မွန်းစောင့် တောင့်ခေါင်ဝ်ဆီ အောင်းမွန်းစောင့် “ဆရာအောင်းနီး၊ အောင်းအဆတ်ထာဝရဟပေါနွိုက် ကောတနယ့်ဟေနောင်နူး” ဆီ ထန်မ်ကော်ဝိုက်။18မွန်းစောင့်န အောင်းကွန်းဟောန့် “အောင်းကော ဆရာအောင်းနီးဆီ ဟေဟောင်းဆီ နယ့်ဝါလ။ စောင့်ဖလားပါးနိမ်လလွှဲဆီ ကွန်းအောင်းနီးကော့်နိမ်ကော့်မရောင်း။19‘အောင်းအဆတ်ကွန်း ပီအောင်းဝ်သိုင်း။ အောင်းကွန်းဟုန်း ပီဖောက်ပြန်။ ပီလောက်။ ခွမ်းအောင်းမစော်မစီ မနယ့်တန့်။ ပီပေ့။ အောင်းပေါ်မယ်လေ တနယ့်ရိုသေ’ ဝါလ အောင်းပညတ်တော်လေ မောဟုမစော်လေး” ဆီ ဝါကော်ဝိုက်။20ကွန်းဟောန့်ကော့် “ဆရာ၊ အောင်းပညတ်တော်ဟောန့်လေ မေကောဆေးအင်ပွန့်နော့် ဟေစောင်းမ်မား” ဆီ တန်ပြားပေါက်ကော်ဝိုက်။21စောင့်ယေရှုန အောင်းကွန်းဟောန့် တွဲဆီ ခနေမွန်း မေတ္တာဝိုက်ဆီ “အောင်းမောမနယ့်ဟေအွန် တူးနိမ်ရောင်းအွန်။ ကွာ။ အောင်းပစ္စည်းမောလေ ခိုင်ဆီ အောင်းကွန်းဖန်လေ လှူကော်။ ဟောင်ပေါဟေနောင်နယ့်လော့် မောန ရာမှိန်းခမ်း ဆုလေ တနွိုက်။ ပေါရောင့်ဝ်မှ မားရာကောဆီ စောင်းမ်မားခလောင်ကော” ဆီ ဝါကော်ဝိုက်။22ကွန်းဟောန့်န ပေးကွန်းပစ္စည်းချမ်းသာလေညော့ အောင်းခွမ်းဟောန့် နယ့်ဟဉ်းကော်လော့် နာ့မွန်းမနီးဆီ စောဝ်မနီးဆီ အောက်ကွာကော်ဝိုက်။23စောင့်ယေရှုန တွဲခွန့်တွဲလောင်ဆီ အောင်းတပဲ့မွန်းစောင့်လေ “ကွန်းချမ်းသာလေန ရာသာသနာတော်စောင့်ဖလား ဟပေါနယ့်ခေါင့်ဝ် အိုက်ယပ်” ဆီ ဝါကော်ဝိုက်။24တပဲ့လေကော့် အောင်းခွမ်းစောင့်ယေရှု နယ့်ဟဉ်းကော်လော့် အမ်းဟင်းကော်ဝိုက်။ တော်နယ်ကော့် စောင့်ယေရှုန “လုစိုင်းကောလေ၊ ခနောဝ်သာသနာတော်စောင့်ဖလား ဟပေါနယ့်ခေါင့်ဝ် အိုက်ယပ်။25ကွန်းချမ်းသာလေန ရာသာသနာတော်စောင့်ဖလား ဆာဆီဟပေါနယ့်ခေါင့်ဝ်န ကုလားအုတ်တူးနိမ် ဟပေါနယ့်ခေါင့်ဝ်ခနောဝ်ဟူးချေမ်န ဆာဆီလွယ်” ဆီ နောက်လောင်ဟာနိမ် ဝါဟွန်းကော်ဝိုက်။26တပဲ့လေကော့် ဆာဆီအမ်းဟင်းကော်ဆီ “နောင်နယ့်ပေါဝါလော့် ဖောန အောင်းကယ်တနယ့်ခမ်န” ဆီ အချန်းချန်း ထန်မ်ဟင်းတောင့်ဟင်းကော်ဝိုက်။27မွန်းစောင့်န အောင်းစတပဲ့လေ နီးနီးငမ်းငမ်း တွဲဆီ “အောင်းဟိုက်လေန အောင်းစကွန်းလေ မပေးပဲ့မေကော့် အောင်းစစောင့်ဖလားပေါဝါလော့် ပေးပဲ့။ အောင်းစစောင့်ဖလားပေါဝါလော့် တောင်းလုန် ပေးပဲ့” ဆီ ဝါကော်ဝိုက်။28မေနယ်လော့် ပေတရုန “ဟောလေန အောင်းရောင်းတောင်းလုန် ဝေဆီ စောင်းမ်မားခလောင်မောစောင့်စောင့်” ဆီ တန်ပြားကော်ဝိုက်။29မွန်းစောင့်န အောင်းစမနော် “အောင်းစမဆူ ကောတဝါအောင်းစော်။ ကွန်းကော်နိမ်မကော်နိမ်န အောင်းစကောတောင်းကော့်ခရောင့်ဝ်၊ အောင်းစသတင်းနီးစောင့်ဖလားကော့်ခရောင့်ဝ်၊ အောင်းဟုန်းမနော်၊ အောင်းပီအိုက်နောင့်စိုင်းနောင့်ဆောင်ဝ်မနော်လေ၊ အောင်းပေါ်မယ်မနော်လေ၊ အောင်းလုစိုင်းလုဆောင်ဝ်မနော်လေ၊ အောင်းနားမနော်လေ ဟောင်ပေါဝေလော့်30ကွန်းဟောန့်လေန ရာဘဝအစောင် ကာအောင်းမနော်ဝေမားလေန ဟူဆမွန်းပတ်နိမ်အောင်းရောင်း ဟုန်းလေ၊ ပီအိုက်နောင့်စိုင်းနောင့်ဆောင်ဝ်လေ၊ ပေါ်မယ်လေ၊ လုစိုင်းလုဆောင်ဝ်လေ၊ နားလေ တနွိုက်။ နောင်နယ့်မကားအွန် ကောပ့်ယွန်မ်အောင်းကောညော့ ကွန်းလေန အောင်းစမနော် နိစပ်ဟင်းမေကော့် အချီန်နောက်လောင် နော့် မနော်လေန အောင်းအဆတ်ထာဝရ တနွိုက်ဟင်း။31တော်နယ်ကော့် အစောင် ကွန်းအောင်းချဉ်းမြတ်တ တပေးကွန်းအောင်းချဉ်းနှိမ်ကျဆီ အချီန်အစောင် ကွန်းအောင်းချဉ်းနှိမ်ကျန တပေးကွန်းအောင်းချဉ်းမြတ်” ဆီ ဝါကော်ဝိုက်။32စောင့်ယေရှုတောင်း တပဲ့မွန်းစောင့်လေန တကြားကွာမှိန်းဂျေရုဆလင်ဟင်းန စောင့်ယေရှုန ဆီမေခနာ့တပဲ့လေ ကြွကွာကော်ညော့ တပဲ့လေန အမ်းဟင်းကော်ဝိုက်။ ကွန်းအောင်းစောင်းမ်မားဆီမေခလောင်မွန်းစောင့်လေန နီးကိုးဟင်းကော်ဝိုက်။ နောက်လောင်ဟာနိမ် မွန်းစောင့်န အောင်းသာဝကဆစ်ပ်ဆောင်န်ကော့် ရာခန့်ဟဉ်းမွန်းစောင့် ဟောင့်ကော်ဆီ ရာမွန်း အောင်းတပေးမားလေတောင်းလုန်း လောင်ဝ်ပြားကော်ဝိုက်။33မွန်းစောင့်န “ထောင်မ်ဟင်း။ ဟောလေန ကွာရာမှိန်းဂျေရုဆလင်ဟင်း။ ရာမှိန်းဟောန့် အောင်းလူ့သားတော် ရာခနောဝ်မေးပုရောဟိတ်အောင်းရောင်ဝ်လေတောင်း ရာခနောဝ်မေးဆရာကျမ်းစန်လေ အောင်းအပ်တနယ့်ခမ်။ မနော်လေန အောင်းစမွန်း ဒဏ်အောင်းသိုင်းချားဆီ ရာကွန်းမှိန်းတန်းတီ တအပ်ဟင်း။34မနော်လေကော့် အောင်းလူ့သားတော် အောင်းဝ်မောဝ်ဟင်းဆီ တောင်းနမ့်လိုင်းတောင်း တထွီဟင်း။ ဒဏ်အောင်းတင်တောင်းခေါန့်ဝိုင်ဟောင့်ဝ်ဆီ တင်ဆီ တအောင်းဝ်သိုင်းဟင်း။ တော်နယ်ကော့် ဝမ်းဆမ်ဝမ်းထိန့်လော့် အဆတ်တခွန်းပေါက်” ဆီ ဝါကော်ဝိုက်။35နောက်လောင်နော့် အောင်းပေးလုစိုင်းဇေဗေဒဲ ယာကုပ်တောင်းယောဟန်ဟော်န မားရာခန့်စောင့်ယေရှုဆီ “ဆရာ၊ အောင်းစဟော တူးနိမ်မတူးနိမ် ဟေဟောင့်ဝ်အွန်စောင့်” ဆီ တန်ပြားကော်ဝိုက်။36မွန်းစောင့်န အောင်းစမနော် “အောင်းစမဆူ ခဟဟေဟောင့်ဝ်အဟောင်း” ဆီ ဝါကော်ဝိုက်။37မနော်လေန အောင်းမွန်းစောင့် “တောင်းဘုန်းတော်မောစောင့်တောင်း မေနယ့်အုပ်ချုပ်န အောင်းစဟော တောင်းပါ့ကန့်ခွာမောစောင့်ကော်နိမ်၊ တောင်းပါ့ကန့်ဆိုင့်မောစောင့် ကော်နိမ် ဟနှောင်အီ့” ဆီ တန်ပြားကော်ဝိုက်။38မေနယ့်လော့် မွန်းစောင့်န အောင်းစမနော် “မဆူလေန ရောန်းအောင်းအဟောင်းဟင်းဝါလ မဆူမဟုဟင်း။ အောင်းကောတနယ့်ခမ် ဒုက္ခဆင်းရဲလေ မဆူခမ်ပဲ့လေး။ နောင်ကောသိုင်းဆီ မဆူသိုင်းပဲ့လေး ” ဆီ ထန်မ်ကော်ဝိုက်။39ယောဟန်တောင်းယာကုပ်ဟော်ကော့် အောင်းမွန်းစောင့် “ဟောခမ်ပဲ့” ဆီ ဖြေပေါက်ကော်ဝိုက်။
မေနယ့်လော့် မွန်းစောင့်န “မဆူလေန နောင်ကောနယ့်ခမ်ဒုက္ခဆင်းရဲလေညော့ တနယ့်ခမ်။ နောင်ကွန်းလေခအောင်းဝ်သိုင်းအောင်းကောညော့ အောင်းစမဆူကော့် တခအောင်းဝ်သိုင်းဟင်း။40တော်နယ်ကော့် တောင်းပါ့ကန့်ခွာကောတောင်း ကန့်ဆိုင့်ကော အခွင့်အောင်းတနယ့်နှောင်န အခွင့်အာဏာအောင်းနယ့်နှောင် ရာကောမရောင်း။ တီဟောန့်လေန စောင့်ဖလားလ အောင်းကွန်းမွန်းစောင့်လိတ်ဝိုက်လေနဲဟော် မဲဟောင့်ဝ်ဝိုက်” ဆီ ဝါကော်ဝိုက်။41အောင်းရောန်းဟောန့်လေ သာဝကအောင်းကျန်ဆစ်ပ်ကော့်န နယ့်ဟဉ်းကော်လော့် အောင်းယာကုပ်တောင်းအောင်းယောဟန် သောဆားအောက်ဟင်းကော်ဝိုက်။42ကောပ့်နယ့်ညော့ စောင့်ယေရှုန အောင်းမနော်တောင်းလုန် ဟောင့်ကော်ဆီ “ကွန်းအုပ်ချုပ်အောင်းကွန်းမှိန်းတန်းတီလေန ခနေကွန်းအောင်းရောင်းခတောင့်ဝ်မေးမွန်းလေ စန်ထီန်းစန်အုပ်ချုပ်ဟင်း။ ကွန်းရောင်ဝ်မနော်လေကော့် ခနေမနော်လေ တောင်းအာဏာတောင်း စန်အုပ်ချုပ်ဟင်း။43တော်နယ်ကော့် မဆူလေပေါဝါလော့် နောင်နောင့်ဆီ ပီဟေဟင်း။ ရာခနောဝ်မဆူ ကွန်းခပေးကွန်းရောင်ဝ်န နောင်ခကွန်းတန်းတီလေဆီ တနယ့်အူ။44ဖောကော့်ခရောင့်ဝ် ကွန်းခပေးကွန်းချဉ်းအရေးပါလ နောင်ခကွန်းတောင်းလုန်ဆီ တနယ့်အူ။45ဟေဟောင်းဆီပေါဝါလော့် လူ့သားတော်ကိုးသကော့် အောင်းကွန်းလေဟေလိမ့် ဟပေါနယ့်ခမ်ဆီ ကြွမားမစော်။ အောင်းကွန်းလေ ဟပေါနယ့်ဟေလိမ့်တောင်း အောင်းကွန်းမကျေးမလေ ဟပေါနယ့်လိတ်နယ့်ကယ်ဆီ အောင်းအဆတ်မွန်းစောင့် ဟပေါနယ့်ဟောင့်ဝ် ကြွမား” ဆီ ဝါကော်ဝိုက်။46နောက်လောင်နော့် စောင့်ယေရှုတောင်းတပဲ့မွန်းစောင့်လေန ရာမှိန်းဂျေရိခေါ ထီန်ဟင်းမားကော်ဝိုက်။ မနော်လေန တောင်းကွန်းဖွန်လေမကျေးမလေတောင်း မေအောက်ဆီမားလော့် လုစိုင်းတိမဲ ဗာတိမဲဆီအောင်းစေ ကွန်းဟွေတားမဟောန် ကွန်းစောင့်ရောန်းကျဉ်းကော်နိမ်န ရာဟဉ်းမ်တန်း နှောင်ဆီအူဝိုက်။47ဗာတိမဲန ကွန်းမှိန်းနာဇရက် အကြောင်းစောင့်ယေရှုထီန်မား နယ့်ဟဉ်းကော်လော့် “လုစိုင်းစောင့်ခွန်ဟော်ခမ်းဒါဝိဒ် စောင့်ယေရှု အောင်းကော အီနူအွန်” ဆီ စဆီစေကော်ဝိုက်။48ကွန်းလေန အောင်းစမွန်း ရိန်းစမ့်စမ့် ဟပေါနယ့်အူ ထားဆီ ဝါဟင်းမေကော့် မွန်းန “လုစိုင်းစောင့်ခွန်ဟော်ခမ်းဒါဝိဒ် စောင့်ယေရှု အောင်းကော အီနူအွန်” ဆီ ဆာဆီ စေဟွန်းကော်ဝိုက်။49စောင့်ယေရှုန ရပ်ဆီ “အောင်းစမွန်း ဟောင့်ဟင်းမား” ဆီ ဝါကော်ဝိုက်။
ကောပ့်နယ့်ညော့ မနော်လေန အောင်းကွန်းဟွေတားမဟောန်ဟောန့် “ပီအားငယ်။ လု။ မွန်းစောင့်န ဟောင့်အောင်းမော” ဆီ ဝါဟင်းကော်ဝိုက်။50မေနယ်လော့် ကွန်းဟွေတားမဟောန်န အောင်းမွန်းဟုမ်ဝိုက် အောင်းဆေ့လုန် ဝေဝိုက်ဆီ လုကျန်ကျန်ဆီ ကွာရာစောင့်ယေရှုကော်ဝိုက်။51မွန်းစောင့်န အောင်းစကွန်းဟောန့် “အောင်းစမော ခဟဟေနောင်နူး” ဆီ ထန်မ်ကော်လော့်
ကွန်းဟွေတားမဟောန်န “ဆရာ၊ ဟွေတားကောခဟောန်ပေါက်စောင့် ” ဆီ တန်ပြားကော်ဝိုက်။52စောင့်ယေရှုန အောင်းစမွန်း “ကွာ။ မောယွန်မ်အောင်းကောညော့ ဟိုင်ကော်” ဆီ ဝါကော်ဝိုက်။ ချရှ်ချန်း ကွန်းဟောန့်န ဟွေတားဟောန်ပေါက်မားကော်ညော့ ရာစောင့်ယေရှုကြွ ရာခွန်းတန်းတောင်းလျှောက်လျှောက် ဆီမေခလောင် စောင်းမ်မားကော်ဝိုက်။
မေနယ့်လော့် မွန်းစောင့်န “မဆူလေန နောင်ကောနယ့်ခမ်ဒုက္ခဆင်းရဲလေညော့ တနယ့်ခမ်။ နောင်ကွန်းလေခအောင်းဝ်သိုင်းအောင်းကောညော့ အောင်းစမဆူကော့် တခအောင်းဝ်သိုင်းဟင်း။40တော်နယ်ကော့် တောင်းပါ့ကန့်ခွာကောတောင်း ကန့်ဆိုင့်ကော အခွင့်အောင်းတနယ့်နှောင်န အခွင့်အာဏာအောင်းနယ့်နှောင် ရာကောမရောင်း။ တီဟောန့်လေန စောင့်ဖလားလ အောင်းကွန်းမွန်းစောင့်လိတ်ဝိုက်လေနဲဟော် မဲဟောင့်ဝ်ဝိုက်” ဆီ ဝါကော်ဝိုက်။41အောင်းရောန်းဟောန့်လေ သာဝကအောင်းကျန်ဆစ်ပ်ကော့်န နယ့်ဟဉ်းကော်လော့် အောင်းယာကုပ်တောင်းအောင်းယောဟန် သောဆားအောက်ဟင်းကော်ဝိုက်။42ကောပ့်နယ့်ညော့ စောင့်ယေရှုန အောင်းမနော်တောင်းလုန် ဟောင့်ကော်ဆီ “ကွန်းအုပ်ချုပ်အောင်းကွန်းမှိန်းတန်းတီလေန ခနေကွန်းအောင်းရောင်းခတောင့်ဝ်မေးမွန်းလေ စန်ထီန်းစန်အုပ်ချုပ်ဟင်း။ ကွန်းရောင်ဝ်မနော်လေကော့် ခနေမနော်လေ တောင်းအာဏာတောင်း စန်အုပ်ချုပ်ဟင်း။43တော်နယ်ကော့် မဆူလေပေါဝါလော့် နောင်နောင့်ဆီ ပီဟေဟင်း။ ရာခနောဝ်မဆူ ကွန်းခပေးကွန်းရောင်ဝ်န နောင်ခကွန်းတန်းတီလေဆီ တနယ့်အူ။44ဖောကော့်ခရောင့်ဝ် ကွန်းခပေးကွန်းချဉ်းအရေးပါလ နောင်ခကွန်းတောင်းလုန်ဆီ တနယ့်အူ။45ဟေဟောင်းဆီပေါဝါလော့် လူ့သားတော်ကိုးသကော့် အောင်းကွန်းလေဟေလိမ့် ဟပေါနယ့်ခမ်ဆီ ကြွမားမစော်။ အောင်းကွန်းလေ ဟပေါနယ့်ဟေလိမ့်တောင်း အောင်းကွန်းမကျေးမလေ ဟပေါနယ့်လိတ်နယ့်ကယ်ဆီ အောင်းအဆတ်မွန်းစောင့် ဟပေါနယ့်ဟောင့်ဝ် ကြွမား” ဆီ ဝါကော်ဝိုက်။46နောက်လောင်နော့် စောင့်ယေရှုတောင်းတပဲ့မွန်းစောင့်လေန ရာမှိန်းဂျေရိခေါ ထီန်ဟင်းမားကော်ဝိုက်။ မနော်လေန တောင်းကွန်းဖွန်လေမကျေးမလေတောင်း မေအောက်ဆီမားလော့် လုစိုင်းတိမဲ ဗာတိမဲဆီအောင်းစေ ကွန်းဟွေတားမဟောန် ကွန်းစောင့်ရောန်းကျဉ်းကော်နိမ်န ရာဟဉ်းမ်တန်း နှောင်ဆီအူဝိုက်။47ဗာတိမဲန ကွန်းမှိန်းနာဇရက် အကြောင်းစောင့်ယေရှုထီန်မား နယ့်ဟဉ်းကော်လော့် “လုစိုင်းစောင့်ခွန်ဟော်ခမ်းဒါဝိဒ် စောင့်ယေရှု အောင်းကော အီနူအွန်” ဆီ စဆီစေကော်ဝိုက်။48ကွန်းလေန အောင်းစမွန်း ရိန်းစမ့်စမ့် ဟပေါနယ့်အူ ထားဆီ ဝါဟင်းမေကော့် မွန်းန “လုစိုင်းစောင့်ခွန်ဟော်ခမ်းဒါဝိဒ် စောင့်ယေရှု အောင်းကော အီနူအွန်” ဆီ ဆာဆီ စေဟွန်းကော်ဝိုက်။49စောင့်ယေရှုန ရပ်ဆီ “အောင်းစမွန်း ဟောင့်ဟင်းမား” ဆီ ဝါကော်ဝိုက်။
ကောပ့်နယ့်ညော့ မနော်လေန အောင်းကွန်းဟွေတားမဟောန်ဟောန့် “ပီအားငယ်။ လု။ မွန်းစောင့်န ဟောင့်အောင်းမော” ဆီ ဝါဟင်းကော်ဝိုက်။50မေနယ်လော့် ကွန်းဟွေတားမဟောန်န အောင်းမွန်းဟုမ်ဝိုက် အောင်းဆေ့လုန် ဝေဝိုက်ဆီ လုကျန်ကျန်ဆီ ကွာရာစောင့်ယေရှုကော်ဝိုက်။51မွန်းစောင့်န အောင်းစကွန်းဟောန့် “အောင်းစမော ခဟဟေနောင်နူး” ဆီ ထန်မ်ကော်လော့်
ကွန်းဟွေတားမဟောန်န “ဆရာ၊ ဟွေတားကောခဟောန်ပေါက်စောင့် ” ဆီ တန်ပြားကော်ဝိုက်။52စောင့်ယေရှုန အောင်းစမွန်း “ကွာ။ မောယွန်မ်အောင်းကောညော့ ဟိုင်ကော်” ဆီ ဝါကော်ဝိုက်။ ချရှ်ချန်း ကွန်းဟောန့်န ဟွေတားဟောန်ပေါက်မားကော်ညော့ ရာစောင့်ယေရှုကြွ ရာခွန်းတန်းတောင်းလျှောက်လျှောက် ဆီမေခလောင် စောင်းမ်မားကော်ဝိုက်။
Empower Asia Bible Translation Movement