Mark11
1စောင့်ယေရှုတောင်း တပဲ့မွန်းစောင့်လေန တောင်းမှိန်းဂျေရုဆလင်တောင်း ကောင့်ဝ်မားကော်ဆီ အောင်းရောင်းရာခန့်နွဲသံလွင် ရာမန့်ဗက်ဖာဂေတောင်း ရာမန့်ဗေသနိ ထီန်ဟင်းကော်ဝိုက်။ မေနယ့်လော့် စောင့်ယေရှုန အောင်းတပဲ့ဆောင်န်ကော့် ဆီမေခနာ့မွန်းစောင့် ပွယ်ကွာထဆီ2“ရာမန့်အောင်းရောင်းခနာ့မဆူ ကွာဟင်း။ ရာခနောဝ်မန့် ဟောင်ပေါခေါင့်ဝ်ကော် ဖောကော့်အောင်းမနယ့်ချီကောင်ဝ်အွန် အောင်းမြည်းအင်တိုးနိမ် အောင်းမောက်ဝိုက် မဆူတနယ့်ဟောန်ဟင်း။ အောင်းမြည်းအင်ဟောန့် ဆိုင်ကျယ်ဆီ ဟောင့်ဟင်းမားရာကော။3ကွန်းကော်နိမ်မကော်နိမ်န အောင်းစမဆူ ‘ဟေဟောင်းဆီ ကျယ်ဆိုင်မြည်းဟင်းန’ ဆီ ဟောင်ပေါထန်မ်မား ‘စောင့်န အောင်းမြည်းအင်ဟိုက် လိုညော့။ ချရှ်ချန်း တမားဆုန်ပေါက်ဟွန်း’ ဆီ ဖြေဟင်းကော်” ဆီ ဆောင်ကော်ဝိုက်။4ကောပ့်နယ့်ညော့ မနော်လေန အောက်ကွာဟင်းကော်ဆီ ရာဟဉ်းမ်တန်း ရာနာ့ဆိုတူး အောင်းမောက်ဝိုက် အောင်းမြည်းအင် ခေါက်ပ်ကော်ညော့ ကျယ်ဆိုင်ဟင်းကော်ဝိုက်။5ရာတီဟောန့် အောင်းရပ်ဆီအူဟင်း ကွန်းကန့်ဖောင်န အောင်းစမနော် “မဆူလေန ဟေဟောင်းဟင်း။ မဆူဟေဟောင်းဆီ နယ့်ကျယ်ဆိုင်မြည်းအင်ဟင်းန” ဆီ ထန်မ်ဟင်းကော်ဝိုက်။6တပဲ့ဆောင်န်ကော့်ကော့် နောင်စောင့်ယေရှုဆောင်မားညော့ ဝါပေါက်ဟင်းကော်လော့် ကွန်းဟောန့်လေန အောင်းမြည်းအင် ဟအောင်းဝ်ကော်ဝိုက်။7တပဲ့ဆောင်န်ကော့်ကော့် အောင်းမြည်းအင် ရာမွန်းစောင့် အောင်းဝ်ဟင်းမားဆီ ခနေမြည်းအင် အောင်းဆေဖမနော်လေ ဆေဟောင့်ဝ်ဟင်းကော်ဝိုက်။ စောင့်ယေရှုကော့် အောင်းမြည်းအင် ချီကော်ဝိုက်။8ကွန်းလေန အောင်းဆေ့ဖမနော် ရာခနေနာ့ခွန်တန်း ဆေဟောင့်ဝ်ဟင်းကော်ဝိုက်။ အောင်းကန့်ဖောင်ပေါဝါလော့် ဆီမေတုန်နားအောင်းအောင်းဝ်မား အောင်းဖေမိုက်ဖေတောက်၊ အောင်းကန့်မိုက်ကန့်တောက်လေ ခနေခွန်တန်း ဆေဟင်းကော်ဝိုက်။9ဆီမေခနာ့မွန်းစောင့်တောင်း ဆီမေခလောင်မွန်းစောင့် ကွန်းစောင့်စောင်းမ်ဟင်းမားလေန “အောင်းစောင့်ဖလား ချီးမွမ်းစောင့်။ တောင်းအခွင့်အာဏာစောင့်ဖလားတောင်း အောင်းကွန်းစောင့်ကြွမားလ စောင့်ဖလားကြိုက်။10မဟူခွေတ် အောင်းတပေါ်မား မှိန်းပူလဉ်ရာလဉ်ဟော အောင်းမှိန်းဒါဝိဒ် စောင့်ဖလားန ကြိုက်။ အောင်းစောင့်ဖလား အောင်းရောင်းရာမှိန်းခမ်းအောင်းချဉ်းဆွန် ချီးမွမ်းစောင့်”
ဆီ စေဟင်းကော်ဝိုက်။11စောင့်ယေရှုန ရာမှိန်းဂျေရုဆလင် ခေါင့်ဝ်ဆီ ရာဗိမာန်တော် ကြွကွာကော်လော့် အောင်းရောင်းတောင်းလုန် တွဲခွန့်တွဲလောင်ကော်ဝိုက်။ နောက်လောင်နော့် အချီန်ဝမ်းစိုင့်ထီန်မားကော်ညော့ သာဝကဆစ်ပ်ဆောင်န်ကော့်တောင်း ရာမန့်ဗေသနိ ကြွကွာကော်ဝိုက်။12နောက်လောင်ဝမ်းနိမ်ကန်းနော်ဝ်လော့် စောင့်ယေရှုတောင်းတပဲ့လေန ဆီမေမန့်ဗေသနိ မေပေါက်မားလော့် မွန်းစောင့်န တောင့်မိုက်ဝိုက်။13မွန်းစောင့်န ဖေမွန်းလေအောင်းအုဝိုက် အောင်းတိန့်ဖနေတိန့်နိမ် ဆီမေအောင်းကိုင်း ဟောန်ကော်လော့် မတ်ဖနေရောင်းမရောင်းဝါလ ဟပေါနယ့်တွဲ ကြွကွာကော်ဝိုက်။ တော်နယ်ကော့် ထီန်ရာတိန်ဖနေကော်လော့် အောင်းဖေမွန်းလေနဲဟော် နယ့်ခေါက်ပ်ဟောဝိုက်။ ဟေဟောင်းဆီပေါဝါလော့် အချီန်မတ်ဖနေမတ်မစော်ညော့ဝိုက်။14ကောပ်နယ့်ညော့ မွန်းစောင့်န အောင်းတိန့်ဖနေ “ဆီမေအစောင်စဆီ အောင်းမတ်မော ဖောကော့် ပီဟနယ့်ကျဉ်းအီ့အွန်” ဆီ ဝါကော်ဝိုက်။ မေနယ့်လော့် အောင်းတိန့်ဖနေ မွန်းစောင့်ဝါနောင်နောင့်လ တပဲ့လေ နယ့်ဟဉ်းဟင်းကော်ဝိုက်။15စောင့်ယေရှုတောင်းတပဲ့လေန ရာမှိန်းဂျေရုဆလင် ထီန်ပေါက်ကော်လော့် ရာဝမ်းဗိမာန်တော် ခေါင့်ဝ်ဆီ အောင်းကွန်းခိုင်ကွန်ရာဝမ်းဗိမာန်တော်လေ ဟော့်အောက်ကော်ဝိုက်။ မွန်းစောင့်န အောင်းစပွဲကွန်းလိုင်ငွန်းလေတောင်း အောင်းခုန်ကွန်းခိုင်နုတ်တူ့လေ ထောခုမ့်ကော်ဝိုက်။16အောင်းဝမ်းဗိမာန်တော် ခမ့်ဆီ အောင်းတော့ကွန်လေကော့် အောင်းဖောကော့် ခွင့်မဟောင့်ဝ်ဝိုက်။17နောက်လောင်နော့် မွန်းစောင့်န အောင်းကွန်းဖွန် “ရာလိကျမ်း ‘ဟုန်းကောန ရာဟုန်းကွန်းတောင်းလုန်ရောန်းဆု’ ဆီ တင့်မ်ဝိုက်မေကော့် မဆူလေန အောင်းဟုန်းကော ဟပေါပေးရာတီဓားမြလေလောက်တေ ဟေဟင်း” ဆီ ဆုံးမကော်ဝိုက်။18ပုရောဟိတ်အောင်းရောင်ဝ်လေတောင်း ဆရာကျမ်းစန်လေန အောင်းအကြောင်းဟောန့် နယ့်ဟဉ်းဟင်းကော်လော့် အောင်းမွန်းစောင့် တန်းဟပေါနယ့်အောင်းဝ်သိုင်း စဆီခါဟင်းကော်ဝိုက်။ တော်နယ်ကော့် ကွန်းဖွန်လေန အောင်းမွန်းစောင့်ဆောန်လေ အိုက်အမ်းဟင်းဆီ ချီးမွမ်းဟင်းညော့ မနော်လေန အောင်းမွန်းစောင့် နီးကိုးဟင်းဝိုက်။19ဝမ်းစိုင့်မားကော်လော့် စောင့်ယေရှုတောင်းတပဲ့မွန်းလေန ဆီမေမှိန်း အောက်ကွာဟင်းကော်ဝိုက်။20နောက်လောင်ဝမ်းနိမ် ကမ်းနော်ဝ်စောင့်စောင့်လော့် စောင့်ယေရှုတောင်းတပဲ့လေန ပေါက်ကွာရာမှိန်းဂျေရုဆလင်လော့် အောင်းတိန့်ဖနေ ခေါက်ပ်ဟင်းဟွန်းကော်ဝိုက်။ ရာခန့်တိန့်ဖနေ ခမ့်ကွာဟင်းကော်လော့် ဆီမေဟတ်မွန်းစဆီ အောင်းတိန့်ဖနေဟိုင့် ခေါက်ပ်ဟင်းကော်ဝိုက်။21မေနယ့်လော့် ပေတရုန အောင်းတိန့်ဖနေ အောင်းခွမ်းမွန်းစောင့်ဝါမားလေ ဆတိနွိုက်ကော်ဆီ “ဆရာ၊ တွဲနူ။ တိန့်ဖနေအောင်းဆရာဟောင့်ဝ်ဒဏ်မားလ ဟိုင့်ကော်” ဆီ အောင်းမွန်းစောင့် ဝါကော်ဝိုက်။22မေနယ့်လော့် မွန်းစောင့်န အောင်းစမနော် “အောင်းစောင့်ဖလား ယွန်မ်ဟင်း။23အောင်းမဆူ ကောတဝါအောင်းစော်။ ခနောဝ်စောဝ်မဆူ သံသယမရောင်းဆီ ကွန်းစောင့်ယွန်မ်အောင်းစောင့်ဖလားန အောင်းနွဲဟိုက် ‘ဆီမေဟိုက် ခိုင့်ကော်ခနောဝ်ပင်လယ်’ ဆီ ဟောင်ပေါဝါကော် နောင်မွန်းဝါညော့ တနယ့်ပေး။24ကောပ့်နယ့်ညော့ အောင်းမဆူကောခဝါလ မဆူလေန ဟောင်ပေါရောန်းဆုလော့် ကာအောင်းမဆူရောန်းလေ တနွိုက်ဆီ ဟောင်ပေါယွန်မ်လော့် အောင်းမဆူရောန်းလေန တနွိုက်ဟင်း။25မဆူလေန စိန်ဆီ ဟောင်ပေါရောန်းဆုလော့် ခနေပေ အပြစ်စနီးတန်ဟောင်ပေါရောင်းလော့် အောင်းအပြစ်ကွန်းဟောန့်လေ ခွင့်လွှတ်အောင်းတိုင်း။ နောင်နယ့်ဟောင်ဝါမှ စောင့်ဖလားအောင်းရောင်းရာမှိန်းခမ်းန အောင်းအပြစ်မဆူ တခွင့်လွှတ်။26(တော်နယ်ကော့် မဆူဟောင်ပေါမခွင့်လွှတ်လော့် စောင့်ဖလားအောင်းရောင်းရာမှိန်းခမ်းန အောင်းအပြစ်မဆူ တခွင့်လွှတ်မစော်” ဆီ ဝါကော်ဝိုက်) 27စောင့်ယေရှုတောင်းတပဲ့လေန ရာမှိန်းဂျေရုဆလင် နောက်လောင်ဟာနိမ် ထီန်ဟင်းမားဟွန်းကော်ဝိုက်။ မွန်းစောင့်န တကြားပိုင်းတန်းရာခနောဝ်ဝမ်းဗိမာန်တော်န ပုရောဟိတ်အောင်းရောင်ဝ်လေ၊ ဆရာကျမ်းစန်လေ၊ ကွန်းဂျူးအောင်းရောင်ဝ်လေန ရာစောင့်ယေရှု မားဟင်းကော်ဝိုက်။28မနော်လေန အောင်းမွန်းစောင့် “မောန အောင်းဟိုက်လေ တောင်းအခွင့်အာဏာထောတောင်းဟေန။ အောင်းဟိုက်လေ ဟပေါနယ့်ဟေ အခွင့်အာဏာလေ အောင်းမော ဖောဟောင့်ဝ်ဝိုက်” ဆီ ထန်မ်ကော်ဝိုက်။29စောင့်ယေရှုကော့် အောင်းစမနော် “ကောကော့် အောင်းစမဆူ မေးခွန်းတူးနိမ် တထန်မ်။ မဆူဟောင်ပေါဖြေပဲ့ ဖြေမေအောင်းကော။ ကောန တောင်းအခွင့်အာဏာဖောတောင်း ဟေအောင်းဟိုက်လေဝါလ အောင်းမဆူ ကောတလောင်ဝ်ပြား။30ယောဟန်န အောင်းကွန်းလေ ဟောင်ပေါဟောင့်ဝ်ရေနှစ်မင်္ဂလာလော့် အခွင့်အာဏာမွန်းန ဆီမေစောင့်ဖလားအောင်းရောင်းရာမှိန်းခမ်းန မားလေး။ ဆီမေကွန်းမားလေး။ ဖြေဟင်းနူအောင်းကော” ဆီ ဝါကော်ဝိုက်။31မေနယ့်လော့် မနော်လေန “ဟောလေန ‘ဆီမေစောင့်ဖလားအောင်းရောင်းရာမှိန်းခမ်းန မား’ ဆီ ဟောင်ပေါဖြေ မွန်းစောင့်န ‘နောင်နယ့်ပေါဝါလော့် ဟေဟောင်းဆီ အောင်းယောဟန် မယွန်မ်ဟင်းန’ ဆီ တထန်မ်။32တော်နယ်ကော့် ယောဟန်န ပေးပရောဖက်ပါးနိမ်ဆီ ကွန်းလေန ယွန်မ်ဝိုက်ဟင်းညော့ မနော်လေန အောင်းကွန်းလေ နီးကိုးဟင်းဝိုက်။ မနော်လေန နောင်နောင့်ဆီ တွေးဆီ ‘ဆီမေကွန်းလေမား’ ဆီ ဟောင်ပေါဝါလော့် အောင်းစဟော ကွန်းလေန တခထားဟင်း” ဆီ မနော်အချန်းချန်း တိုင်ပန်ဟင်းကော်ဝိုက်။33ကောပ့်နယ့်ညော့ မနော်လေန အောင်းမွန်းစောင့် “ဟောမဟု” ဆီ ဖြေပေါက်ဟင်းကော်ဝိုက်။
မေနယ့်လော့် မွန်းစောင့်ကော့် “ကောကော့် အောင်းဟိုက်လေ တောင်းအခွင့်အာဏာထောတောင်း ဟေဝါလ အောင်းမဆူ ကောတလောင်ဝ်မစော်” ဆီ ဝါကော်ဝိုက်။
ဆီ စေဟင်းကော်ဝိုက်။11စောင့်ယေရှုန ရာမှိန်းဂျေရုဆလင် ခေါင့်ဝ်ဆီ ရာဗိမာန်တော် ကြွကွာကော်လော့် အောင်းရောင်းတောင်းလုန် တွဲခွန့်တွဲလောင်ကော်ဝိုက်။ နောက်လောင်နော့် အချီန်ဝမ်းစိုင့်ထီန်မားကော်ညော့ သာဝကဆစ်ပ်ဆောင်န်ကော့်တောင်း ရာမန့်ဗေသနိ ကြွကွာကော်ဝိုက်။12နောက်လောင်ဝမ်းနိမ်ကန်းနော်ဝ်လော့် စောင့်ယေရှုတောင်းတပဲ့လေန ဆီမေမန့်ဗေသနိ မေပေါက်မားလော့် မွန်းစောင့်န တောင့်မိုက်ဝိုက်။13မွန်းစောင့်န ဖေမွန်းလေအောင်းအုဝိုက် အောင်းတိန့်ဖနေတိန့်နိမ် ဆီမေအောင်းကိုင်း ဟောန်ကော်လော့် မတ်ဖနေရောင်းမရောင်းဝါလ ဟပေါနယ့်တွဲ ကြွကွာကော်ဝိုက်။ တော်နယ်ကော့် ထီန်ရာတိန်ဖနေကော်လော့် အောင်းဖေမွန်းလေနဲဟော် နယ့်ခေါက်ပ်ဟောဝိုက်။ ဟေဟောင်းဆီပေါဝါလော့် အချီန်မတ်ဖနေမတ်မစော်ညော့ဝိုက်။14ကောပ်နယ့်ညော့ မွန်းစောင့်န အောင်းတိန့်ဖနေ “ဆီမေအစောင်စဆီ အောင်းမတ်မော ဖောကော့် ပီဟနယ့်ကျဉ်းအီ့အွန်” ဆီ ဝါကော်ဝိုက်။ မေနယ့်လော့် အောင်းတိန့်ဖနေ မွန်းစောင့်ဝါနောင်နောင့်လ တပဲ့လေ နယ့်ဟဉ်းဟင်းကော်ဝိုက်။15စောင့်ယေရှုတောင်းတပဲ့လေန ရာမှိန်းဂျေရုဆလင် ထီန်ပေါက်ကော်လော့် ရာဝမ်းဗိမာန်တော် ခေါင့်ဝ်ဆီ အောင်းကွန်းခိုင်ကွန်ရာဝမ်းဗိမာန်တော်လေ ဟော့်အောက်ကော်ဝိုက်။ မွန်းစောင့်န အောင်းစပွဲကွန်းလိုင်ငွန်းလေတောင်း အောင်းခုန်ကွန်းခိုင်နုတ်တူ့လေ ထောခုမ့်ကော်ဝိုက်။16အောင်းဝမ်းဗိမာန်တော် ခမ့်ဆီ အောင်းတော့ကွန်လေကော့် အောင်းဖောကော့် ခွင့်မဟောင့်ဝ်ဝိုက်။17နောက်လောင်နော့် မွန်းစောင့်န အောင်းကွန်းဖွန် “ရာလိကျမ်း ‘ဟုန်းကောန ရာဟုန်းကွန်းတောင်းလုန်ရောန်းဆု’ ဆီ တင့်မ်ဝိုက်မေကော့် မဆူလေန အောင်းဟုန်းကော ဟပေါပေးရာတီဓားမြလေလောက်တေ ဟေဟင်း” ဆီ ဆုံးမကော်ဝိုက်။18ပုရောဟိတ်အောင်းရောင်ဝ်လေတောင်း ဆရာကျမ်းစန်လေန အောင်းအကြောင်းဟောန့် နယ့်ဟဉ်းဟင်းကော်လော့် အောင်းမွန်းစောင့် တန်းဟပေါနယ့်အောင်းဝ်သိုင်း စဆီခါဟင်းကော်ဝိုက်။ တော်နယ်ကော့် ကွန်းဖွန်လေန အောင်းမွန်းစောင့်ဆောန်လေ အိုက်အမ်းဟင်းဆီ ချီးမွမ်းဟင်းညော့ မနော်လေန အောင်းမွန်းစောင့် နီးကိုးဟင်းဝိုက်။19ဝမ်းစိုင့်မားကော်လော့် စောင့်ယေရှုတောင်းတပဲ့မွန်းလေန ဆီမေမှိန်း အောက်ကွာဟင်းကော်ဝိုက်။20နောက်လောင်ဝမ်းနိမ် ကမ်းနော်ဝ်စောင့်စောင့်လော့် စောင့်ယေရှုတောင်းတပဲ့လေန ပေါက်ကွာရာမှိန်းဂျေရုဆလင်လော့် အောင်းတိန့်ဖနေ ခေါက်ပ်ဟင်းဟွန်းကော်ဝိုက်။ ရာခန့်တိန့်ဖနေ ခမ့်ကွာဟင်းကော်လော့် ဆီမေဟတ်မွန်းစဆီ အောင်းတိန့်ဖနေဟိုင့် ခေါက်ပ်ဟင်းကော်ဝိုက်။21မေနယ့်လော့် ပေတရုန အောင်းတိန့်ဖနေ အောင်းခွမ်းမွန်းစောင့်ဝါမားလေ ဆတိနွိုက်ကော်ဆီ “ဆရာ၊ တွဲနူ။ တိန့်ဖနေအောင်းဆရာဟောင့်ဝ်ဒဏ်မားလ ဟိုင့်ကော်” ဆီ အောင်းမွန်းစောင့် ဝါကော်ဝိုက်။22မေနယ့်လော့် မွန်းစောင့်န အောင်းစမနော် “အောင်းစောင့်ဖလား ယွန်မ်ဟင်း။23အောင်းမဆူ ကောတဝါအောင်းစော်။ ခနောဝ်စောဝ်မဆူ သံသယမရောင်းဆီ ကွန်းစောင့်ယွန်မ်အောင်းစောင့်ဖလားန အောင်းနွဲဟိုက် ‘ဆီမေဟိုက် ခိုင့်ကော်ခနောဝ်ပင်လယ်’ ဆီ ဟောင်ပေါဝါကော် နောင်မွန်းဝါညော့ တနယ့်ပေး။24ကောပ့်နယ့်ညော့ အောင်းမဆူကောခဝါလ မဆူလေန ဟောင်ပေါရောန်းဆုလော့် ကာအောင်းမဆူရောန်းလေ တနွိုက်ဆီ ဟောင်ပေါယွန်မ်လော့် အောင်းမဆူရောန်းလေန တနွိုက်ဟင်း။25မဆူလေန စိန်ဆီ ဟောင်ပေါရောန်းဆုလော့် ခနေပေ အပြစ်စနီးတန်ဟောင်ပေါရောင်းလော့် အောင်းအပြစ်ကွန်းဟောန့်လေ ခွင့်လွှတ်အောင်းတိုင်း။ နောင်နယ့်ဟောင်ဝါမှ စောင့်ဖလားအောင်းရောင်းရာမှိန်းခမ်းန အောင်းအပြစ်မဆူ တခွင့်လွှတ်။26(တော်နယ်ကော့် မဆူဟောင်ပေါမခွင့်လွှတ်လော့် စောင့်ဖလားအောင်းရောင်းရာမှိန်းခမ်းန အောင်းအပြစ်မဆူ တခွင့်လွှတ်မစော်” ဆီ ဝါကော်ဝိုက်) 27စောင့်ယေရှုတောင်းတပဲ့လေန ရာမှိန်းဂျေရုဆလင် နောက်လောင်ဟာနိမ် ထီန်ဟင်းမားဟွန်းကော်ဝိုက်။ မွန်းစောင့်န တကြားပိုင်းတန်းရာခနောဝ်ဝမ်းဗိမာန်တော်န ပုရောဟိတ်အောင်းရောင်ဝ်လေ၊ ဆရာကျမ်းစန်လေ၊ ကွန်းဂျူးအောင်းရောင်ဝ်လေန ရာစောင့်ယေရှု မားဟင်းကော်ဝိုက်။28မနော်လေန အောင်းမွန်းစောင့် “မောန အောင်းဟိုက်လေ တောင်းအခွင့်အာဏာထောတောင်းဟေန။ အောင်းဟိုက်လေ ဟပေါနယ့်ဟေ အခွင့်အာဏာလေ အောင်းမော ဖောဟောင့်ဝ်ဝိုက်” ဆီ ထန်မ်ကော်ဝိုက်။29စောင့်ယေရှုကော့် အောင်းစမနော် “ကောကော့် အောင်းစမဆူ မေးခွန်းတူးနိမ် တထန်မ်။ မဆူဟောင်ပေါဖြေပဲ့ ဖြေမေအောင်းကော။ ကောန တောင်းအခွင့်အာဏာဖောတောင်း ဟေအောင်းဟိုက်လေဝါလ အောင်းမဆူ ကောတလောင်ဝ်ပြား။30ယောဟန်န အောင်းကွန်းလေ ဟောင်ပေါဟောင့်ဝ်ရေနှစ်မင်္ဂလာလော့် အခွင့်အာဏာမွန်းန ဆီမေစောင့်ဖလားအောင်းရောင်းရာမှိန်းခမ်းန မားလေး။ ဆီမေကွန်းမားလေး။ ဖြေဟင်းနူအောင်းကော” ဆီ ဝါကော်ဝိုက်။31မေနယ့်လော့် မနော်လေန “ဟောလေန ‘ဆီမေစောင့်ဖလားအောင်းရောင်းရာမှိန်းခမ်းန မား’ ဆီ ဟောင်ပေါဖြေ မွန်းစောင့်န ‘နောင်နယ့်ပေါဝါလော့် ဟေဟောင်းဆီ အောင်းယောဟန် မယွန်မ်ဟင်းန’ ဆီ တထန်မ်။32တော်နယ်ကော့် ယောဟန်န ပေးပရောဖက်ပါးနိမ်ဆီ ကွန်းလေန ယွန်မ်ဝိုက်ဟင်းညော့ မနော်လေန အောင်းကွန်းလေ နီးကိုးဟင်းဝိုက်။ မနော်လေန နောင်နောင့်ဆီ တွေးဆီ ‘ဆီမေကွန်းလေမား’ ဆီ ဟောင်ပေါဝါလော့် အောင်းစဟော ကွန်းလေန တခထားဟင်း” ဆီ မနော်အချန်းချန်း တိုင်ပန်ဟင်းကော်ဝိုက်။33ကောပ့်နယ့်ညော့ မနော်လေန အောင်းမွန်းစောင့် “ဟောမဟု” ဆီ ဖြေပေါက်ဟင်းကော်ဝိုက်။
မေနယ့်လော့် မွန်းစောင့်ကော့် “ကောကော့် အောင်းဟိုက်လေ တောင်းအခွင့်အာဏာထောတောင်း ဟေဝါလ အောင်းမဆူ ကောတလောင်ဝ်မစော်” ဆီ ဝါကော်ဝိုက်။
Empower Asia Bible Translation Movement