Mark9
1နောက်လောင်နော့် စောင့်ယေရှုန အောင်းကွန်းဖွန်လေတောင်း အောင်းတပဲ့မွန်းစောင့်လေ “အောင်းမဆူ ကောတဝါအောင်းစော်။ အစောင် ကွန်းရောင်းရာတီဟိုက်လေန သာသနာတော်စောင့်ဖလားန တောင်းအစွမ်းလေတောင်း အောင်းတပေါ်မားန မနယ့်ဟောန်ဆီ တနယ့်သိုင်းမစော်” ဆီ ဝါကော်ဝိုက်။2ဟုတ်ဝမ်းဟူကော်လော့် စောင့်ယေရှုန အောင်းပေတရု၊ အောင်းယာကုပ်၊ အောင်းယောဟန်ဟော် ရာတီမနော်အင်ဟော်ရောင်းဟော ရာနေနွဲဆွန် ဟောင့်ကွာကော်ဝိုက်။ နောက်လောင်နော့် ရာခနာ့မနော် စောင့်ယေရှုန ပွန်စံပြောင်းကော်ဝိုက်။3ဆေလုန်မွန်းစောင့်ကော့် ခေါင်ဝ်မားကော်ဆီ အောင်းရောင်းခနေကမ္ဘာ ဖော်ကော့် နောင်နောင့်ဆီ တော်ပေါခေါင်ဝ် တော်မဆောက်ပဲ့ပွန့် အိုက်ခေါင်ဝ်ဝိုက်။4နောက်လောင်နော့် ပရောဖက်ဧလိယတောင်း မောရှေဟော်န ရာခနာ့မနော် ပေါ်မားဆီ တောင်းစောင့်ယေရှုတောင်း တန့်ခွမ်းဟင်းဝိုက်။5ကောပ့်နယ့်ညော့ ပေတရုန အောင်းစောင့်ယေရှု “ဆရာ ၊ ရာတီဟိုက် ဟောရောင်းန နီး။ ကောပ့်နယ့်ညော့ အောင်းစမောစောင့် ဆူ့မ်ဆူ့မ်နိမ်၊ အောင်းစဧလိယ ဆူ့မ်ဆူ့မ်နိမ်၊ အောင်းစမောရှေ ဆူ့မ်ဆူ့မ်နိမ် ဆူ့မ်ဆမ်ဆူ့မ် ဟောဟနယ့်တောင့်ဟောင့်ဝ်အီ့အွန်” ဆီ တန်ပြားကော်ဝိုက်။6မနော်လေန အိုက်နီးကိုးဟင်းကော်ညော့ ပေတရုကော့် တနယ့်ဝါနောင်နူးဝါလ မဟုညော့ နောင်နယ့်ဆီ နယ့်တန်ပြားကော်လဝိုက်။7နောက်လောင်နော့် ချီဖတူးနိမ်န ပေါ်မားဆီ မနော်လေန ထီန်ကော်ရာခတောင့်ဝ်အရိချီဖကော်ဝိုက်။ ဆီမေချီဖန “ကွန်းဟိုက်န လုစိုင်းအောင်းကောနယ့်ဟောက်။ အောင်းခွမ်းမွန်း ထောင်မ်ဟင်း” ဆီ ဆိန်ဆိန်နိမ် အောက်မားကော်ဝိုက်။8ချရှ်ချန်း မနော်လေန ရာဟဉ်းမ်မနော် တွဲကော်လော့် တောင်းမနော်တောင်း အောင်းရောင်း စောင့်ယေရှုလလွှဲဆီ အောင်းကျန်အောင်းဖောကော့် မနယ့်ခေါက်ပ်ကော့်ဝိုက်။9စောင့်ယေရှုတောင်းတပဲ့ဆမ်ကော့်န ဆီမေနေနွဲ အချီန်လုန်းမားလော့် မွန်းစောင့်န အောင်းတပဲ့မွန်းစောင့်လေ လူ့သားတော်န ဆီမေသိုင်းလ ကာအချီန်အဆတ်ခွန်းပေါက်မထီန်ခွေတ်ပွန့် အောင်းမနော်နယ့်ဟောန်မားလေတောင်းလုန် အောင်းဖောကော့် ဟပေါမလောင်ဝ်ပြားပေါက် ဆောင်ဝိုက်ကော်ဝိုက်။10တပဲ့ဆမ်ကော့်ကော့် အောင်းအကြောင်းဟောန့် အောင်းဖောကော့် မလောင်ဝ်ပြားဆီ “ဆီမေအောင်းသိုင်းန အဆတ်ခွန်းပေါက်ဝါလ” ခဝါအဟောင်းဝါလနဲဟော် အချန်းချန်း တိုင်ပန်ဟင်းကော်ဝိုက်။11နောက်လောင်နော့် မနော်လေန အောင်းမွန်းစောင့် “ဧလိယန ဆာဆီမေရှိယ တနယ့်မားအောင်းတိုင်းဆီ ဟေဟောင်းဆီ ဆရာကျမ်းစန်လေန ဝါဟင်းန” ဆီ ထန်မ်ဟင်းကော်ဝိုက်။12မွန်းစောင့်ကော့် “ဧလိယန အောင်းရောင်းတောင်းလုန် အဆင်သင့်ဟပေါနယ့်မဲ ဆာဆီမေရှိယ တနယ့်မားအောင်းတိုင်းဆီ မနော်ဝါလ စော်။ တော်နယ်ကော့် ရာလိကျမ်း လူ့သားတော်န တောင်းဒုက္ခလေမကျေးမလေတောင်း အောင်းဝေတနယ့်ခမ်ဆီ ဟေဟောင်းဆီ တင့်မ်ဝိုက်လ။13တော်နယ်ကော့် အောင်းမဆူကောတဝါ ဧလိယန ထီန်မားရောင့်ဝ်ကော်။ ကွန်းလေကော့် ရာလိကျမ်း အကြောင်းမွန်း နောင်ပြားဝိုက်ညော့ ခနေမွန်း နောင်ခဟေညော့ ဟေမားရောင့်ဝ်ကော်” ဆီ ဝါကော်ဝိုက်။14စောင့်ယေရှုတောင်းတပဲ့ဆမ်ကော့်န ရာတပဲ့တန်းတီလေရောင်း ထီန်ပေါက်ဟင်းမားကော်လော့် မနော်လေန အောင်းကွန်းဖွန်လေဝိုင်းဟောက်ပ်ဝိုက် အောင်းတပဲ့တန်းတီလေလ နယ့်ခေါက်ပ်ကော်ဝိုက်။ ဆရာကျမ်းစန်လေန တောင်းမနော်တောင်း ထိန်တော်ဟင်းဆီ တန့်ခွမ်းဟင်းဝိုက်။15ကွန်းဖွန်လေန အောင်းစောင့်ယေရှု ဟောန်ကော်နွေ့ဆတ် အမ်းဟင်းကော်ဆီ ရာစောင့်ယေရှု ပိုင်ဆီ နှုတ်ဆက်ဟင်းကော်ဝိုက်။16မွန်းစောင့်န အောင်းတပဲ့လေ “မဆူလေန အောင်းအကြောင်းအဟောင်း တောင်းကွန်းဟောန့်လေတောင်း နယ့်ထိန်တော်ဟင်းန” ဆီ ထန်မ်ကော်ဝိုက်။17မေနယ့်လော့် ဆီမေခနောဝ်ကွန်းဖွန်န ကွန်းကော်နိမ်န “ဆရာ၊ အောင်းလုစိုင်းကော ဟောင့်မားရာမောစောင့်။ မွန်းန အောင်းဖီမနီးပူးနယ့်ခမ်ဆီ အောင်းစမွန်း ခွမ်းတော်ပေါမတန့်ပဲ့ ဟေဝိုက်စောင့်။18ဖီမနီးန အောင်းစမွန်း ဟောင်ပေါပူးတိုင်း ဟလုန့်မ်တိုခနေနောင်နဉ်းစောင့်။ ဆီမေပတ်မွန်းကော့် ပန့်ပိုလေ ဟအောက်ဆီ ဟကိုင့်စောဝ်စောင့်။ တောင်းတိုးတိုးကော့် စန်ချိုင်မားဆီ အောင်းယွန်းယန်ကော့် မရောင်းကော့်။ ကောပ့်နယ့်ညော့ ကောန အောင်းတပဲ့ဆရာလေ အောင်းဖီမနီး ဟပေါဟော့်အောက်အီ့ တောင်းပန်မေကော့် မနော်လေန မဟော့်အောက်ဟင်းပဲ့” ဆီ တန်ပြားကော်ဝိုက်။19မေနယ့်လော့် မွန်းစောင့်န အောင်းစတပဲ့မွန်းစောင့်လေ “မျိုးဆတ်အောင်းမယွန်မ်လေ၊ ကောန တောင်းမဆူတောင်း ခလောဟူဟူတနယ့်အူအွန်။ ကောန အောင်းစမဆူ ခလောဟူဟူတနယ့်တည်းခမ်အွန်။ အောင်းကွန်းဆေးအင် ဟောင့်မားရာကော” ဆီ ဝါကော်ဝိုက်။20ကောပ့်နယ့်ညော့ မနော်လေန ရာစောင့်ယေရှု အောင်းကွန်းဆေးအင် ဟောင့်ဟင်းမားကော်ဝိုက်။ ဖီမနီးကော့် ဟောန်အောင်းစောင့်ယေရှုကော်နွေ့ဆတ် ချရှ်ချန်း အောင်းတိုးကွန်းဆေးအင်ဟောန့် ကြမ်းကြမ်းဟဆောန်ဟလုန့်မ်တိုဆီ ဆီမေပတ်ကော့် ပန့်ပိုလေ ဟအောက်ဆီ ခနေနောင်နဉ်း ဟကျိဉ့်ကော်ဝိုက်။21မွန်းစောင့်န အောင်းပေါ်ကွန်းဆေးအင် “မွန်းပေးနောင်နယ့်လ ခလောပွန့်ဟူကော့်” ဆီ ထန်မ်ကော်ဝိုက်။
စောင့်ပေးပေါ်ကော့် “မေဆေးအင်ပွန့်နော့်။22ဖီမနီးလ အောင်းစမွန်း ဟပေါသိုင်း ခနောဝ်ဖိုင်း (နယ့်ပေါမစော်) ခနောဝ်နမ့်ပါ အကျင်မ်ကျင်မ် စန်ဟွတ်ခေါင့်ဝ်။ တော်နယ်ကော့် မောစောင့် တူးနိမ်မတူးနိမ် ဟောင်ပေါတတ်နိုင်ပဲ့ အီနူအီ့ဆီ စွယ်ဟောင့်ဝ်အွန်” ဆီ ဝါကော်ဝိုက်။23စောင့်ယေရှုန အောင်းစောင့်ပေးပေါ် “ ‘ကောဟောင်ပေါတတ်နိုင်ပဲ့’ ဆီ ဟေဟောင်းဆီ နယ့်ဝါလ။ အောင်းစကွန်းစောင့်ယွန်မ်အောင်းကောလော့် တောင်းလုန် ပေးပဲ့” ဆီ ဝါကော်ဝိုက်။24ချရှ်ချန်း ပေါ်ကွန်းဆေးအင်ဟောန့်န “ကောယွန်မ်စောင့်။ အောင်းစကော ဆာဆီဟပေါယွန်မ် စွယ်ဟောင့်ဝ်အီ့” ဆီ တောင်းဆိန်ကြမ်းကြမ်း တန်ပြားကော်ဝိုက်။25နောက်လောင် ကွန်းမကျေးမလေန ပိုင်စူးမားရာမနော်ဆီ တောင်းကွန်းဖွန်လေတောင်း အောင်းစူးဆီအူဟင်း ဟောန်ကော်လော့် စောင့်ယေရှုန အောင်းဖီမနီး “အာဆီတော်ပေါဟူနုတ်အောင်းဟေဝိုက် ဖီမနီး၊ ဆီမေကွန်းဆေးအင်ဟိုက် အောက်ကွာကော်။ မေနော်ကော့် ပီမားခေါင့်ဝ်ပေါက် အောင်းမော ကောဟောင့်ဝ်အမိန့်” ဆီ ဆုံးမကော်ဝိုက်။26နောက်လောင်နော့် ဖီမနီးလေကော့် ကြမ်းကြမ်းစေဆီ အောင်းကွန်းဆေးအင် ကြမ်းကြမ်းဟဆောန်ဆီ အောက်ကွာကော်ဝိုက်။ မေနယ့်လော့် ကွန်းဆေးအင်န နောင်ကွန်းသိုင်းညော့ ပေးကော်ဆီ ကွန်းလေမကျေးမလေကော့် “မွန်းသိုင်းကော်” ဆီ ဝါဟင်းကော်ဝိုက်။27တော်နယ်ကော့် မွန်းစောင့်န အောင်းမေးကွန်းဆေးအင် ကမ်းဆီ အွမ့်လုကော်လော့် ကွန်းဆေးအင်န စိန်မားကော်ဝိုက်။28နောက်လောင်နော့် မွန်းစောင့်န ခေါင့်ဝ်ခနောဝ်ဟုန်းကော်လော့် တပဲ့လေန “ဟောလေန ဟေဟောင်းဆီ မဟော့်အောက်ဟင်းပဲ့န” ဆီ ရိန်းစမ့်စမ့်အင် ထန်မ်ဟင်းကော်ဝိုက်။29မွန်းစောင့်န အောင်းစမနော် “အောင်းရောန်းဆုနဲဟော် အောင်းဖီမနီးနောင်နယ့် ဟော့်အောက်ပဲ့ဟော” ဆီ ဝါကော်ဝိုက်။30နောက်လောင်နော့် စောင့်ယေရှုတောင်းတပဲ့မွန်းလေန ဆီမေတီဟောန့် အောက်ကွာကော်ဆီ အောင်းမှိန်းဂါလိလဲ ခမ့်ကွာဟင်းကော်ဝိုက်။ တော်နယ်ကော့် စောင့်ယေရှုန မွန်းစောင့်ရောင်းရာထောဝါလ အောင်းဖောကော့် မခဟဟုဝိုက်။31ဟေဟောင်းဆီပေါဝါလော့် မွန်းစောင့်န အောင်းတပဲ့လေ ဆောန်ပြားညော့ဝိုက်။ မွန်းစောင့်န အောင်းတပဲ့လေ “ကော လူ့သားတော်န ခနောဝ်မေးကွန်းလေ အောင်းအပ်တနယ့်ခမ်။ မနော်လေန အောင်းလူ့သားတော် တအောင်းဝ်သိုင်းဟင်း။ တော်နယ်ကော့် ဆမ်ဝမ်းဟောင်ပေါထိန့်လော့် မွန်းန ဆီမေသိုင်းန အဆတ်တခွန်းပေါက်မား” ဆီ ဝါကော်ဝိုက်။32တော်နယ်ကော့် တပဲ့လေန အောင်းခွမ်းမွန်းစောင့်ဝါ မဟုထောင်မ်ဟင်းမေကော့် အောင်းမွန်းစောင့် အောင်းအကြောင်းဟောန့် မထန်မ်ပေးဟင်းဝိုက်။33နောက်လောင်နော့် စောင့်ယေရှုတောင်းတပဲ့မွန်းစောင့်လေန ရာမှိန်းကပေရနောင် ကြွကွာကော်ဝိုက်။ မွန်းစောင့်န မေအူရာခနောဝ်ဟုန်း အောင်းတပဲ့မွန်းလေ “မဆူလေန ရာခွန်တန်း တိုင်ပန်အောင်းအကြောင်းအဟောင်းဟင်း” ဆီ ထန်မ်ကော်ဝိုက်။34တော်နယ်ကော့် တပဲ့လေန အဟောင်းကော့်မတန့်ပေါက်ဆီ အူဟင်းကော်ဝိုက်။ ဟေဟောင်းဆီပေါဝါလော့် မနော်လေန ရာနာ့ခွန်တန်း ရာခနောဝ်မနော် ဖောန ပေးကွန်းချဉ်းအရေးပါဝါလ ထိန်တော်ဟင်းဆီ မားဟင်းညော့ဝိုက်။35ကောပ့်နယ့်ညော့ စောင့်ယေရှုန နှောင်ဆီ အောင်းသာဝကမွန်းစောင့် ဆစ်ပ်ဆောင်န်ကော့် ဟောင့်ဆီ အောင်းစမနော် “ခနောဝ်မဆူ ကွန်းခပေးအောင်းချဉ်းအရေးပါန ပေးနောက်ဆုံးဆီ နောင်ခကွန်းတောင်းလုန်ဆီ တနယ့်အူ” ဆီ ဝါကော်ဝိုက်။36နောက်လောင်နော့် စောင့်ယေရှုန အောင်းလအောင်အင်ကော်နိမ် ဟောင့်ဆီ ရာသိုင်းကန်းမနော် ဟစိန်ကော်ဝိုက်။ အောင်းလအောင်အင်ဟောန့် တောင်းမေးတောင်း အွမ့်ဆီ အောင်းစမနော်37“အောင်းနာမယ်ကော အိဉ်းဆီ အောင်းလအောင်ဟိုက် ကွန်းလက်ခမ်န အောင်းစကော ကွန်းလက်ခမ်ကျဉ်းနော့်။ ကွန်းစောင့်လက်ခမ်အောင်းကောန လက်ခမ်အောင်းကောမစော်ဆီ လက်ခမ်အောင်းစောင့်ပွယ်မားအောင်းကော အောင်းစောင့်ဖလားကျဉ်းနော့်” ဆီ ဝါကော်ဝိုက်။38နောက်လောင်နော့် ယောဟန်န အောင်းစောင့်ယေရှု “ဆရာ၊ ကွန်းကော်နိမ်မကော်နိမ်န အောင်းနာမယ်မောစောင့် အိဉ်းဆီ အောင်းဖီမနီးလေ အောင်းဟော့်အောက်န ဟောခေါက်ပ်မား။ မွန်းန ကွန်းမွတ်ဟောမစော်ညော့ အောင်းစမွန်း ဟောဆီးမားအွန်” ဆီ တန်ပြားကော်ဝိုက်။39တော်နယ်ကော့် စောင့်ယေရှုန “အောင်းစမွန်း ပီဆီးဟင်း။ ဟေဟောင်းဆီပေါဝါလော့် တောင်းနာမယ်ကောတောင်း လောင်အောင်းခနီးအမ်းလေ ဟေရောင့်ဝ်ကော်လော့် အကြောင်းကော ကွန်းဝါအောင်းမနီး ကော့်နိမ်ကော့်မရောင်း။40ကွန်းမဆန့်ကျင်အောင်းဟောန ကွန်းပါ့ဟောကျဉ်းနော့်။41အောင်းမဆူ ကောဟောင်တနယ့်ဝါအောင်းစော်ပေါဝါလော့် မဆူလေန ပေးတပဲ့မေရှိယညော့ အောင်းစမဆူ ကွန်းတူနမ့်န စောင့်ဖလားန အောင်းစမွန်း အောင်းတဲ့တဲ့ကော့် အောင်းနီးလေ တဟောင့်ဝ်ပေါက်ဟွန်းဝိုက်။42ဆီမေခနောဝ်ကွန်းစောင့်ယွန်မ်အောင်းကောလေန အောင်းကော်နိမ်မကော်နိမ် ဟပေါပေးအပြစ် ကွန်းစောင့်ဟေန အောင်းကောင့်ဟဉ်လုန် ရာခေါကောပ့်ဆီ ရာခနောဝ်ပင်လယ် အောင်းဟွတ်ခေါင့်ဝ်နယ့်ခမ်န အောင်းစမွန်း ဆာဆီနီးဝိုက်။43မေးမောန အောင်းစမော ဟောင်ပေါဟဟေအပြစ်လော့် အောင်းမေးဟောန့် တက်ပ်ခတ်ကော်။ မေးဆောင်န်ပါ့ပါဆီ ခနောဝ်ဖိုင်းငလိုင်းအောင်းမေနော်ကော့်မနပ် ဆာဆီအောင်းဟူခေါင့်ဝ်နယ့်ခမ်န မေးပါနိမ်ပါဆီ အောင်းနယ့်ကွာရာမှိန်းခမ်းန အောင်းစမော ဆာဆီနီး။44(ရာငလိုင်း နောန်အောင်းကျဉ်းအောင်းတိုးမဆူလေန မသိုင်း။ ဖိုင်းကော့် မေနော်ကော့် အောင်းတနပ်မစော် )45တဉ်းမောန အောင်းစမော ဟောင်ပေါဟဟေအပြစ်လော့် အောင်းတဉ်းမော တက်ပ်ခတ်ကော်။ တဉ်းဆောင်န်ပါ့ပါဆီ ရာငလိုင်း ဆာဆီအောင်းဟူခေါင့်ဝ်နယ့်ခမ်န တဉ်းပါ့နိမ်တောင်း အောင်းနယ့်ကွာရာမှိန်းခမ်းန အောင်းစမော ဆာဆီနီး။46(ရာငလိုင်း နောန်အောင်းကျဉ်းအောင်းတိုးမဆူလေန မသိုင်း။ ဖိုင်းကော့် မေနော်ကော့် အောင်းတနပ်မစော်) 47ဟွေတားမောလေန အောင်းစမော ဟောင်ပေါဟဟေအပြစ်န အောင်းဟွေတားဟောန့် ဖောက်ဝေကော်။ ဟွေတားဆောင်န်ဟွေပါဆီ ရာငလိုင်း ဆာဆီအောင်းဟူခေါင့်ဝ်နယ့်ခမ်န ဟွေတားဟွေနိမ်တောင်း အောင်းနယ့်ခေါင့်ဝ်ရာမှိန်းခမ်းန ဆာဆီနီး။48ရာငလိုင်း နောန်အောင်းကျဉ်းအောင်းတိုးမဆူလေန မသိုင်း။ ဖိုင်းကော့် မေနော်ကော့် အောင်းတနပ်မစော်။49ကောနယ့်ဝါနောင်နယ့်လ အောင်းတိုးတိရိစ္ဆာန်အောင်းတနယ့်ကပ်လေ တောင်းကေးတောင်း နောင်နယ့်သန့်စင်ညော့ ကွန်းတောင်းလုန်ကော့် တောင်းဖိုင်းတောင်း အောင်းသန့်စင်တနယ့်ခမ်ဝိုက်။ 50ကေးလ နီး။ တော်နယ်ကော့် အောင်းစင်းမ်မွန်း ဟောင်ပေါဟိုင်ကော်လော့် အောင်းစင်းမ်ဟပေါနွိုက်ပေါက်ဟွန်း မောတနယ့်ဟေပေါက်နောင်နူး။ ကေးန ခနေခေါင်ကျဉ်းလေ နီးနီးငမ်းငမ်း နောင်အကျိုးရောင်းညော့ မဆူလေကော့် တော်ပေါပေးတပဲ့နီးလေ ဟေဟင်း။ မဆူလေန အချန်းချန်း နီးနီးငမ်းငမ်း အူဟင်း” ဆီ ဝါကော်ဝိုက်။
စောင့်ပေးပေါ်ကော့် “မေဆေးအင်ပွန့်နော့်။22ဖီမနီးလ အောင်းစမွန်း ဟပေါသိုင်း ခနောဝ်ဖိုင်း (နယ့်ပေါမစော်) ခနောဝ်နမ့်ပါ အကျင်မ်ကျင်မ် စန်ဟွတ်ခေါင့်ဝ်။ တော်နယ်ကော့် မောစောင့် တူးနိမ်မတူးနိမ် ဟောင်ပေါတတ်နိုင်ပဲ့ အီနူအီ့ဆီ စွယ်ဟောင့်ဝ်အွန်” ဆီ ဝါကော်ဝိုက်။23စောင့်ယေရှုန အောင်းစောင့်ပေးပေါ် “ ‘ကောဟောင်ပေါတတ်နိုင်ပဲ့’ ဆီ ဟေဟောင်းဆီ နယ့်ဝါလ။ အောင်းစကွန်းစောင့်ယွန်မ်အောင်းကောလော့် တောင်းလုန် ပေးပဲ့” ဆီ ဝါကော်ဝိုက်။24ချရှ်ချန်း ပေါ်ကွန်းဆေးအင်ဟောန့်န “ကောယွန်မ်စောင့်။ အောင်းစကော ဆာဆီဟပေါယွန်မ် စွယ်ဟောင့်ဝ်အီ့” ဆီ တောင်းဆိန်ကြမ်းကြမ်း တန်ပြားကော်ဝိုက်။25နောက်လောင် ကွန်းမကျေးမလေန ပိုင်စူးမားရာမနော်ဆီ တောင်းကွန်းဖွန်လေတောင်း အောင်းစူးဆီအူဟင်း ဟောန်ကော်လော့် စောင့်ယေရှုန အောင်းဖီမနီး “အာဆီတော်ပေါဟူနုတ်အောင်းဟေဝိုက် ဖီမနီး၊ ဆီမေကွန်းဆေးအင်ဟိုက် အောက်ကွာကော်။ မေနော်ကော့် ပီမားခေါင့်ဝ်ပေါက် အောင်းမော ကောဟောင့်ဝ်အမိန့်” ဆီ ဆုံးမကော်ဝိုက်။26နောက်လောင်နော့် ဖီမနီးလေကော့် ကြမ်းကြမ်းစေဆီ အောင်းကွန်းဆေးအင် ကြမ်းကြမ်းဟဆောန်ဆီ အောက်ကွာကော်ဝိုက်။ မေနယ့်လော့် ကွန်းဆေးအင်န နောင်ကွန်းသိုင်းညော့ ပေးကော်ဆီ ကွန်းလေမကျေးမလေကော့် “မွန်းသိုင်းကော်” ဆီ ဝါဟင်းကော်ဝိုက်။27တော်နယ်ကော့် မွန်းစောင့်န အောင်းမေးကွန်းဆေးအင် ကမ်းဆီ အွမ့်လုကော်လော့် ကွန်းဆေးအင်န စိန်မားကော်ဝိုက်။28နောက်လောင်နော့် မွန်းစောင့်န ခေါင့်ဝ်ခနောဝ်ဟုန်းကော်လော့် တပဲ့လေန “ဟောလေန ဟေဟောင်းဆီ မဟော့်အောက်ဟင်းပဲ့န” ဆီ ရိန်းစမ့်စမ့်အင် ထန်မ်ဟင်းကော်ဝိုက်။29မွန်းစောင့်န အောင်းစမနော် “အောင်းရောန်းဆုနဲဟော် အောင်းဖီမနီးနောင်နယ့် ဟော့်အောက်ပဲ့ဟော” ဆီ ဝါကော်ဝိုက်။30နောက်လောင်နော့် စောင့်ယေရှုတောင်းတပဲ့မွန်းလေန ဆီမေတီဟောန့် အောက်ကွာကော်ဆီ အောင်းမှိန်းဂါလိလဲ ခမ့်ကွာဟင်းကော်ဝိုက်။ တော်နယ်ကော့် စောင့်ယေရှုန မွန်းစောင့်ရောင်းရာထောဝါလ အောင်းဖောကော့် မခဟဟုဝိုက်။31ဟေဟောင်းဆီပေါဝါလော့် မွန်းစောင့်န အောင်းတပဲ့လေ ဆောန်ပြားညော့ဝိုက်။ မွန်းစောင့်န အောင်းတပဲ့လေ “ကော လူ့သားတော်န ခနောဝ်မေးကွန်းလေ အောင်းအပ်တနယ့်ခမ်။ မနော်လေန အောင်းလူ့သားတော် တအောင်းဝ်သိုင်းဟင်း။ တော်နယ်ကော့် ဆမ်ဝမ်းဟောင်ပေါထိန့်လော့် မွန်းန ဆီမေသိုင်းန အဆတ်တခွန်းပေါက်မား” ဆီ ဝါကော်ဝိုက်။32တော်နယ်ကော့် တပဲ့လေန အောင်းခွမ်းမွန်းစောင့်ဝါ မဟုထောင်မ်ဟင်းမေကော့် အောင်းမွန်းစောင့် အောင်းအကြောင်းဟောန့် မထန်မ်ပေးဟင်းဝိုက်။33နောက်လောင်နော့် စောင့်ယေရှုတောင်းတပဲ့မွန်းစောင့်လေန ရာမှိန်းကပေရနောင် ကြွကွာကော်ဝိုက်။ မွန်းစောင့်န မေအူရာခနောဝ်ဟုန်း အောင်းတပဲ့မွန်းလေ “မဆူလေန ရာခွန်တန်း တိုင်ပန်အောင်းအကြောင်းအဟောင်းဟင်း” ဆီ ထန်မ်ကော်ဝိုက်။34တော်နယ်ကော့် တပဲ့လေန အဟောင်းကော့်မတန့်ပေါက်ဆီ အူဟင်းကော်ဝိုက်။ ဟေဟောင်းဆီပေါဝါလော့် မနော်လေန ရာနာ့ခွန်တန်း ရာခနောဝ်မနော် ဖောန ပေးကွန်းချဉ်းအရေးပါဝါလ ထိန်တော်ဟင်းဆီ မားဟင်းညော့ဝိုက်။35ကောပ့်နယ့်ညော့ စောင့်ယေရှုန နှောင်ဆီ အောင်းသာဝကမွန်းစောင့် ဆစ်ပ်ဆောင်န်ကော့် ဟောင့်ဆီ အောင်းစမနော် “ခနောဝ်မဆူ ကွန်းခပေးအောင်းချဉ်းအရေးပါန ပေးနောက်ဆုံးဆီ နောင်ခကွန်းတောင်းလုန်ဆီ တနယ့်အူ” ဆီ ဝါကော်ဝိုက်။36နောက်လောင်နော့် စောင့်ယေရှုန အောင်းလအောင်အင်ကော်နိမ် ဟောင့်ဆီ ရာသိုင်းကန်းမနော် ဟစိန်ကော်ဝိုက်။ အောင်းလအောင်အင်ဟောန့် တောင်းမေးတောင်း အွမ့်ဆီ အောင်းစမနော်37“အောင်းနာမယ်ကော အိဉ်းဆီ အောင်းလအောင်ဟိုက် ကွန်းလက်ခမ်န အောင်းစကော ကွန်းလက်ခမ်ကျဉ်းနော့်။ ကွန်းစောင့်လက်ခမ်အောင်းကောန လက်ခမ်အောင်းကောမစော်ဆီ လက်ခမ်အောင်းစောင့်ပွယ်မားအောင်းကော အောင်းစောင့်ဖလားကျဉ်းနော့်” ဆီ ဝါကော်ဝိုက်။38နောက်လောင်နော့် ယောဟန်န အောင်းစောင့်ယေရှု “ဆရာ၊ ကွန်းကော်နိမ်မကော်နိမ်န အောင်းနာမယ်မောစောင့် အိဉ်းဆီ အောင်းဖီမနီးလေ အောင်းဟော့်အောက်န ဟောခေါက်ပ်မား။ မွန်းန ကွန်းမွတ်ဟောမစော်ညော့ အောင်းစမွန်း ဟောဆီးမားအွန်” ဆီ တန်ပြားကော်ဝိုက်။39တော်နယ်ကော့် စောင့်ယေရှုန “အောင်းစမွန်း ပီဆီးဟင်း။ ဟေဟောင်းဆီပေါဝါလော့် တောင်းနာမယ်ကောတောင်း လောင်အောင်းခနီးအမ်းလေ ဟေရောင့်ဝ်ကော်လော့် အကြောင်းကော ကွန်းဝါအောင်းမနီး ကော့်နိမ်ကော့်မရောင်း။40ကွန်းမဆန့်ကျင်အောင်းဟောန ကွန်းပါ့ဟောကျဉ်းနော့်။41အောင်းမဆူ ကောဟောင်တနယ့်ဝါအောင်းစော်ပေါဝါလော့် မဆူလေန ပေးတပဲ့မေရှိယညော့ အောင်းစမဆူ ကွန်းတူနမ့်န စောင့်ဖလားန အောင်းစမွန်း အောင်းတဲ့တဲ့ကော့် အောင်းနီးလေ တဟောင့်ဝ်ပေါက်ဟွန်းဝိုက်။42ဆီမေခနောဝ်ကွန်းစောင့်ယွန်မ်အောင်းကောလေန အောင်းကော်နိမ်မကော်နိမ် ဟပေါပေးအပြစ် ကွန်းစောင့်ဟေန အောင်းကောင့်ဟဉ်လုန် ရာခေါကောပ့်ဆီ ရာခနောဝ်ပင်လယ် အောင်းဟွတ်ခေါင့်ဝ်နယ့်ခမ်န အောင်းစမွန်း ဆာဆီနီးဝိုက်။43မေးမောန အောင်းစမော ဟောင်ပေါဟဟေအပြစ်လော့် အောင်းမေးဟောန့် တက်ပ်ခတ်ကော်။ မေးဆောင်န်ပါ့ပါဆီ ခနောဝ်ဖိုင်းငလိုင်းအောင်းမေနော်ကော့်မနပ် ဆာဆီအောင်းဟူခေါင့်ဝ်နယ့်ခမ်န မေးပါနိမ်ပါဆီ အောင်းနယ့်ကွာရာမှိန်းခမ်းန အောင်းစမော ဆာဆီနီး။44(ရာငလိုင်း နောန်အောင်းကျဉ်းအောင်းတိုးမဆူလေန မသိုင်း။ ဖိုင်းကော့် မေနော်ကော့် အောင်းတနပ်မစော် )45တဉ်းမောန အောင်းစမော ဟောင်ပေါဟဟေအပြစ်လော့် အောင်းတဉ်းမော တက်ပ်ခတ်ကော်။ တဉ်းဆောင်န်ပါ့ပါဆီ ရာငလိုင်း ဆာဆီအောင်းဟူခေါင့်ဝ်နယ့်ခမ်န တဉ်းပါ့နိမ်တောင်း အောင်းနယ့်ကွာရာမှိန်းခမ်းန အောင်းစမော ဆာဆီနီး။46(ရာငလိုင်း နောန်အောင်းကျဉ်းအောင်းတိုးမဆူလေန မသိုင်း။ ဖိုင်းကော့် မေနော်ကော့် အောင်းတနပ်မစော်) 47ဟွေတားမောလေန အောင်းစမော ဟောင်ပေါဟဟေအပြစ်န အောင်းဟွေတားဟောန့် ဖောက်ဝေကော်။ ဟွေတားဆောင်န်ဟွေပါဆီ ရာငလိုင်း ဆာဆီအောင်းဟူခေါင့်ဝ်နယ့်ခမ်န ဟွေတားဟွေနိမ်တောင်း အောင်းနယ့်ခေါင့်ဝ်ရာမှိန်းခမ်းန ဆာဆီနီး။48ရာငလိုင်း နောန်အောင်းကျဉ်းအောင်းတိုးမဆူလေန မသိုင်း။ ဖိုင်းကော့် မေနော်ကော့် အောင်းတနပ်မစော်။49ကောနယ့်ဝါနောင်နယ့်လ အောင်းတိုးတိရိစ္ဆာန်အောင်းတနယ့်ကပ်လေ တောင်းကေးတောင်း နောင်နယ့်သန့်စင်ညော့ ကွန်းတောင်းလုန်ကော့် တောင်းဖိုင်းတောင်း အောင်းသန့်စင်တနယ့်ခမ်ဝိုက်။ 50ကေးလ နီး။ တော်နယ်ကော့် အောင်းစင်းမ်မွန်း ဟောင်ပေါဟိုင်ကော်လော့် အောင်းစင်းမ်ဟပေါနွိုက်ပေါက်ဟွန်း မောတနယ့်ဟေပေါက်နောင်နူး။ ကေးန ခနေခေါင်ကျဉ်းလေ နီးနီးငမ်းငမ်း နောင်အကျိုးရောင်းညော့ မဆူလေကော့် တော်ပေါပေးတပဲ့နီးလေ ဟေဟင်း။ မဆူလေန အချန်းချန်း နီးနီးငမ်းငမ်း အူဟင်း” ဆီ ဝါကော်ဝိုက်။
Empower Asia Bible Translation Movement