Wadaddiit Luúkaam16
1Bulis Darba batsxa wa xare Listara la darasaay la Tiimusaawus litbahal qala diiba. Wa immu Yahudiyat emnayit qalat laakiin abuhu Yunaani qala.2Wa la xaw diib Listara wa Iighuniya ib sin faalu lithaagaw qalaw.3Ka Bulis igil mislu laásaafiru xaza wa akshabayu ibba sababba Yahud la diibba balad lahay saaknaam qalaw jallaab killom abuhu kim Yunaani tu laámro qalaw.4Wa min madiinat asik madiinat insaafro gharaaraatta luúkaam wa sabba gats la diib Orshaliim ballaghaw la shaqab igil lidtyaqa.5Ka la kanaayis diib emaan faddabat wa amqilka qilba wassik qala.6Bulis wa mattaalyatu ighliim Firiijiya wa Ghalaadtya shaagagaw xagho Rox Ghiddus qallamotta zaqat diib mudiriyat Aasiya kaláyom.7Wa xidud Miisiya waan batsxaw, Biisiinya igil litaw jarrabaw minnaata Rox Yasoq iisamxa igilom.8Ka ib Miisiya xalfaw wa asik Taruwaas darraw.9Wa itta laali laha Bulis rúya raá. Diiba inaas min Maghiduniya baadtir wa litrajjayu raá, “Naqa asik Maghiduniya wa sidena,” inlibil.10Xagho Bulis la rúya raá kim Rabbi diib Maghiduniya igil nibashshir tlakenna fahamna, wa ittaana igil giyaas daalena.11Min Taruwaas ibbaana asik Saamsaraaki abxarna wa fajrata safarna asik Niyaabuliis attalalena.12Wa minna asik Fiilibbi la mustaqmarat Romaaniyat wa la madiinat la salfayit diib mandtighat Maghiduniya safarna. Wa diiba qamqelaat kalána.13It sabit minna mangaátta madiinat gats kadan gisna asikka nahar wa ken akaan daqa igil nirkab saéna. Wa tgassena wa la anis la ken jimqaat qalaya igil nithaage astabdena.14Wa minna laáttansiya qalaya issiit Liidya titbahal taajrat dtaagaat arjuwaani min madiinat Siyaasiira wa qabdayit Rabbi qalat. Molaay libba fatxa liíkat Bulis igil tighbal.15Waan hita wa dtewaha taqammadaw asik beta qazmattanna wa belat, “Emnayit ib Molaay min taxasbuni, niqino wa it bechche tkarraw.” Wa atámanattana.16Maddat xatte asikka akaan la itta liddaqaw iningayis amat rox qiraafat la qala ila wa ibbu ib mastaghbal titnabbá qalat tghaabalattanna. Wa igilla manaabiita ib qiraafat girush bizxit taákassib qalat.17Illa hita daribna gabát wa intitdtaarax wa intibil, “Illom sab kedmat Rabbi la Wighghul tom. La gabey la ibba tnagfo laxabbirukum hallaw.”18Illi igil bizox amqilotaat atwaalettu. It dangoba sabab Bulis marra daayagha twallaba wa igilla rox, “Ib simet Yasoq Al Masex igil tifgar minna ammirakka halleko!” belayu. Ka agiidaay la rox xadgaya.19Waan manaabiitta amat qiin kasabom naadtfat raáwa, Bulis wa Siila tsabdtaw wa asikka sug jarrawom igil litxaakamo.20Ghadamma xikkaam amtsáwom wa belaw, “Illi sab Yahud tom wa diibba madiinat ghinuts laághantso hallaw21ib adrasot qaadaat igilna la Rumaaniyiin igil nighballa aw nimaarissa la iilitájjaz.”22Ka la maxaabir tfarrara ittom wa la xikkaam lababbisom atghandtadtaw wa azzaabadtawom.23Xagho sanni atkarbajawom, diib sijin twaggaraw wa la sajjaan igil ib sidud laqighabbom taámmara.24La sajjaan illi amir illi kim tkabbata diibba sijin karis semayom wa it asghaagh taqziib qaghaabom ghaayada.25Taghaarib migib laali, Bulis wa Siila liddaqaw wa ib zikir Rabbi laxamdo qalaw wa la sijunaam laátansiwom qalaw.26Wa ammat alaba zilzaal dighghub talaw wada wa arkaanna sijin hanzaza wa baabaatu ib gidiida agiidaay tkaasatat wa salaasil killom la sijana traahet.27Wa la sajjaan xasosa wa baabaatta sijin kustit dolat raáya sayfu amshasha wa nafsu igil lightal xinkato tarfattu ajil la sijunaam harbaw maslayu.28Laakiin Bulis dtarxa ittu, “Nafiska iitimadrir! Kilna insar hallena,” inlibil.29Xaghohu la sajjaan anwaar dtalba wa asik karis hagta ib fijaq inlaqarqade wa ghadam Bulis wa Siila harbadta.30Wa xare mingof kadan afgarayom wa saálayom, “Manaabiit, mi igil ide biye igil ingaf?”31Ka balsaw ittu, “Ib Molaay Yasoq iman wa inta wa dtewaaka igil tingafo tu.”32Wa xare ib zaqat Molaay tahaagaw igilu wa igil killom dtewaahu.33Wa itta saaqatta laali laha la sajjaan nasáyom wa ajirraxatom xatsba illom. Wa agiidaay hitu wa killu la dtewaahu taqammadaw.34La sajjaan asik betu amtsaáyom wa nabra ghaddama illom. Wa farxat xaadratu qalat jalliib hitu wa killu dtewaahu ib Rabbi amnaw.35Waanna fakaak la xikkaam qaskarom laákaw asikka sajjaan ib amir dtalughom.36Ka la sajjaan Bulis assaála, “La xikkaam ib dtalughkum ammaraw. Ka figaro wa silal salaam kaaydo!”37Minnaata Bulis igilla qaskar belayom, “Ghadam addaam jaldawna imbal maxaakamat mawaadtniin Rumaaniyiin inxina wa diib sijin wagrawna. Wa aze ib situr igil litbarraó min ina laxazzu hallaw. Abajá! Hitom nosom limtsó wa laáfgiruna.”38La qaskar ibbilli la xikkaam ballaghaw wa dolat Bulis wa Siila kim mawaadtniin Rumaaniyiin tom samqaw tahajjamaw.39Ka igil lidakkulom matsáw wa minna sijin afgarawom minna madiinat igil lifgaro inlitrajjawom.40Wa xagho Bulis wa Siila minna sijin fagraw asik bet Liidya gesaw wa diiba la xaw rakbaw wa atxaadtarawom. Wa xare taxayyabaw.
Summer Institute of Linguistics Ethiopia